رواية حظي الفصل العاشر 10 بقلم سلوى اسماعيل
عامر جاء داخل لقاني مبشتنني وقالو الا يغطو لي وجهي وليه عشان اول مره اعمل ميكب ..
دخل وقفل الباب واتكل عليه
عامر : ياسلاااااااام م قادر اصلك تصدقي مبسوط مبسوط لما رجليني م شايلني م اتوقعت اليوم ده اجي
براحه قلت ليه اجيك انا
قال لي يارييييت قمت وصلتو وقلت ليه اتفضل
عامر : سحب التوب من وجهي
لا اله الا الله بسم الله ماشاء الله ياخ مبروووك علي امونتي ..
قلت ليه جود لو سمحت
عامر : جود للناس وامونتي براي
قعد جمبي وبقى يحصن فيني قال لي : تصدقي بعد كده انا ح اخليك تحبيني غصبا عنك وانتي حلالي م اخت قيود ولا زمن ح انتظرك لحدي تحبيني من غير ضغط
قلت ليه شايفاك متأكد ..
قال لي : وم اتأكد ليه ح اثبت ليك عديل
باس يديني الاثنين وقال لي الواحد مايخطفك هسي
قلت ليه سجمي داير تعمل لي سمعه بقى يضحك ويقول لي سمعه مع زوجك ياغبيه ..
انا طول القعده اي غزل منو بحاول اخليه يضحك بس لسببين اولا مادايراه يتعمق في كلامه ده وتاني شي ضحكتو حلوة 😉
قعد معاي زي نص ساعه وطلع
انتهى يوم العقد واخدنا يومين تاني ورجعنا انا ومهاد الداخليه وناس امي رجعو سافرو لانو لين زوجها ح يستقر معاهم في السعوديه كان في تركيا ..
كنا في السنه التالته انا ومهاد في التانيه عندها صحبات كده اصلي م ارتحت ليهم وشكلهم كان خالص م مريح + بيتكلمو عن بنات الدفعه بحقد شديد مثلا فلانه شييييينه وحابه فلان سمح ووسيم ومرطب تقولي تدقيها وتقلعي منها م بعرف شمو العجبو فيها ..
مره برضو قالو البروف بتاعة دفعتم م قاعدين يشوفوها بتقرا الا يكون بتغري الدكاتره ويدوها علامات لانها حلوة وانيقه ..
يعني كلامم كله بالشكل ده ومهاد كانت مركزه مع القرايه شديييد يجو يلقوها مركزه يقوموها قوومي اعملي لينا ميكب قومي صورينا قومي بتاع وكم مره بتكلم معاهم
مره وحده فيهم قالت لي عرفة متين ياختي وانتي م دفعتنا زاتك م من حقك تدخلي ..
قلت ليهم دي اختي وعرفة متين دي تقولوها لنفسكم واتلمو اقرو قرايتكم بدل لافين والنتايج تجو تتبكو ..
بقو بحسهم قاصدين مهاد عديييل انتهى السمستر ومهاد مركزه شديييد وكل مره بتقول لي لااازم اكون بروف الدفعه
انا مجتهده وبقدر اعملا .. طلعت النتايج وفعلا كان معدلا 4 ولو انها مابراها لكن هي فعلا كانت شاااذه
ومن هنا بدت حزازيات البنتين معاها وهي مابتطلع الا معاي
كم مره بحاولو يطلعوها بره الجامعه
وانا وهي كنا بنرفض وصراحه م كنا عارفين نعمل شنو بالضبط نحن عارفين انهم قاصدنها وده لانو التعليقات كانت سخيفه شديد هم نجحو لكن معدلاتم بسيطه شديد
وكل الناس بينادوهم اصحاب مهاد الغناجه مهاد نجحت وخلتكم ..
ولما مضايقتم كترت كلمت مُهيد وعمار من غير مهاد تعرف
وبي دورم كلمو العميد وحزروهم انهم يخلونا في حالنا
بس لا هم مصرين شديد وانا م عندهم لي حاجه بس مركزين مع مهاد ..
اخر م وصلو ليه نقلو لغرفتنا وفي نفس اليوم الهم نقلو فيه
اتصلو لمهاد تلفون وقالو ليها ابوي تعب وكان لازم نمشي انا وهي وعامر قال ح يمشي معانا وابوي في قريتم الهي فيها عماتي هو واختي بنتو الصغيره روان
وطبعا طبعا ح الاقي اهلي اهل امي ..
قلت لمُهيد وعامر اني خايفه يعملو مشكله عامر قال لي م تخافي انا معاك الجن مابيوصلك ..
تاني يوم سافرنا نحن ال4
وصلنا كان المساء لقينا ابوي حالتو صعبه جدا وكاتم اخدنا المستوصف واخد فانتولين ويومين كاملين عايش على الدربات والحقن اليوم التالت فتح وشرب عصير اخدنا معاه اسبوع وهو يعتزر مني وبقول لي اعتزري لي لامك ودعواتا استجابت انا ظلمت امك خليها تعفي لي ..
قلت ليه ح اكلمها
وفعلا كلمتها وهي قالت لي انا الان مافارق معاي لا ابوك ولا مرتو انا متزوجه وباولادي وانتو معاي خلاص قول ليه قالت عافيه ليك واتكلمت مع مهاد كفرت ليها لابوها ومهيد برضو وعماتي وفي الهينه والقاسيه ببكو ..
في الفتره دي طبعا عماتي م بفوتو فرصه يقربوني من عامر شيلي الفطور وامشي وديه لراجلك يابت
شيلي الجبنه اشربيها معاهو وهو ياصلاة النبي مايصدق
اتعودت عليه في الفتره البسيطه دي
قال لي تصدقي احلى حاجه في الجيه دي انو ناس البيت بنادوك امونه وانا عاجبني الاسم شديد ..
قلت ليه بس انا ماعاجبني قال لي خلاص نتفق ح اناديك موني قلت ليه ظابط كده حلو ..
اخدنا اسبوع مع ابوي ورجعنا الداخليه اخدنا يومين رايقين تالت يوم نفس البنات جو غرفتنا وسلمو على مهاد سلام ماااسخ كده وانا ولا سلمو علي م عارفه ليه من شفتهم قلبي اتقبض 💔
هم كانو طبيعيين لكن كانهم متحفظين على حاجه بيتلفتو كده ومنتظرين الغرفه تفضى وله بوزعو في الناس م عارفه
وانا كلمت 2 من البنات م يطلعو وفهموني وم طلعو خالص
والبنات ديل اتضايقو لدرجة وضح عليهم عديل وبقو يتنهرو في البنات وانتي ماقلتو طالعين مالكم قعدتو وماتقومو تفرقو
وحده من البنات قالت ليهم هيييي انتو جايين غرفتنا وتطلبو كمان وتطلعونا بالقوة م طالعين امشو انتو وله بكلم المشرفه ..
هدو شويه لكن برضو انا شاكه فيهم رسلت لعامر انه البنات اليوم بايتين في غرفتنا وم بعرف ليه شايله هم لمهاد طمني انه مستحيل يأذوها بصوره واضحه كده ف انتبه انها ماتجي جمبهم وحزرتها وقلت ليها تعالي اقعدي معاي في سريري بشرح ليك هي فهمتني جات قعدت معاي وهم من بجاحتم اتخيلو انهم نامو في سريرا !!!
لحدي الساعه 9 الامور كانت تمام ومافي شي وهم نامو عديييل م تمثيل انا اتأكده نيمت مهاد معاي وغفيت حبه
لما الساعه بقت 1 😳😳😳😳