رواية بينهما الفصل السادس عشر 16 بقلم ال زهراء
كتبت ليي ما عايزاك يا علي انا ما بحبك وعمري في يوم ما حا احبك شوف ليك واحدة تانية غيري، قعدت في الكرسي جنبها قولت ليها دة ما مبرر لانك تخليني غيرو في حاجة ،كتبت ما تضغط علي ،قولت ليها انا ما عايز اضغط عليك بس والله داير اكون معاك في مرضك، ما عايزاغيب ولا حتى ثانية عشان كدة العقد ضروري ، كتبت لي ما ناقصك حاجة انت عشان تتزوجني انا ،قولت ليها كلامك غلط انا ناقص من غيرك... حا اساعدك وحا ادعمك ولو ختو لي كل الدنيا دي في كفة وانتي في الكفة التانية حا اختارك انتي وليك الخيار، كتبت لي اديني طيب فترة افكر ما عايزة اي استعجال، قولت ليها جداً.
____________________
بلسان نرجس
الفترة الفاتت كانت صعبة على وُد وشوفتها بالحالة دي كانت مزعلاني عديل، قعدت وانا مكتئبة، عاينت لبطني وقولت خلاص حا تظهر لووو وفاق عرفت انو حامل ما حا ترتاح الا تنزل الولد دة ،بقييت ماشة وجاية في الغرفة جاء همام داخل وقال لي مالك شغالة تلفي، قولت ليهو ما مالي حاجة!، جاء وقال لي لا ظاهر من شكلك انو في موضوع مضايقك!! ،قعدت وقولت ليهو اي موضوع العمرة الكل يوم يتأجل دة، شوف بطني برزت ،قال لي ما هو طبيعي، قولت ليهو لو بقيت ما بقدر امشي تسوقني كيف، قال لي بعد الولادة، قولت ليهو لا اسي، قال لي طيب بشوف لي طريقة اجازة، قولت ليهو ايوا دا الكلام العايزة اسمعوا يا همو ،إبتسم وقرب وقال لي اها يومك كيف؟؟!، قولت ليهو مع مادتك الما بتتقري دي ،ضحك وقال لي عايزة مساعدة، قولت ليهو لااا بعد طردتني اليوم داك انا بقيت زعلانة منك، قال لي يا نرجس انا قولت ليك لو كانت أمي كنت طردتها الزمن ياهو الزمن ،حدرت ليهو وقولت ليهو طيب بمشيي ليك كلام الما منطقي دة، ضحك وقال لي حا اقوم لانو ما بقدر على هرموناتك، ضحكت ضحكة عاليه ،قال لي حلاتك وانتي بتضحكي لي كدة، قولت ليهو كنت شينة زمان ولا شنو، قال لي دة بس الوصلتي ليهو ،قولت ليهو اي دة قصدك من الكلام موش، قال لي لا والله بسس انت شكلك عايزة تعملي مشاكل، قولت ليهو قايلني فاضية ولا فاضية؟؟!، ضحك وقال الله يخليك ليك شافعة بس ،فصلت وبقيت اتبسم براي جاء وباسني من خدي ومشى، همام زول كويس بقى اهلي كلهم!! وبالجد كل حياتي متمحورة عليهو لو في يوم انخذلت منو ما اظن تاني حا اثق بزول في الدينا دي، طلعت برة عشان اشم هواء جاتني وفاق عاينت لي كويس وقالت ليي وزنك زاد بقيتي تبلعي حبوب ولا شنو ،قولت ليها اي في حاجة ،قربت وقالت لي انا باكد ليك انو همام لو عملتي ليهو اي حاجة انا الأولى في نظرو، قولت ليها انا مش محترمني زيك ومديني حقوقك زيك ما فرقت معاي في النهاية هو حتى لو بميل ليك ما حصل فرزني منك، المهم في الراجل التساوي وميل القلب دي حاجة ما في يد واي زول قلبو بميل لزول طبييعي وانا ما بزعل،قالت لي بنشوف ما حا تزعلي لمتيين حا اشوفك حا تقدري تعملي شنو لمن تاني اجدد السحر بسحر أقوى والله تحصينك دة شي ما يعملو ليهو، قولت ليهو لا يصيبنا الا ما كتب الله لنا، هو بقى ما زي زمان مداوم على سورة البقرة وبتحصن وحتى بصلي السنن، يبقى هو ما بتجيهو عوجة وربنا حا ينجيهو منك، بس انا مستغربة ليه انتي ممكن تصلي لكل دة، يعني انا شايفة انو حب همام كان كافي بالنسبة ليك ليه عايزاهو يكره اهلو ويكون معاك ،انتي ليه أنانية، مسكت يدي بقوة وقالت لي البت المقطعة بقت تتكلم!! اسمعيني هنا والله انا ساكتة ليك الايام دي بس لو قومت وقسما بالله بكرة تلقي نفسك برة، قولت ليها حا تعملي شنو انا ما خايفة منك، قالت لييي اصبري بسس،بعد مشت كنت مقلقة شديد وقولت حا تعمل شنو يا ربي.
مشيييت الجامعة وحضرت المحاضرة وبعدها قعدت برة!!!، اتصلت بي ميسم وقالت لي امي طالباك مشيت ليها وقعدت قالت لي نرجسسس في زول رسل لميسم رسالة شينة عنك انا ما كنت عايزة اسال الا بعد رسل لي صورة كدة!، الصورة كان فيها آثار الاعتداء والضرب واضحة لمن كنت بقاوم فيهو.
المهم انا قولت ليها وانا برحف كلام صاح انا كذبت عليكم كلكم، انا اسفة، قالت لي دا ود خالك العمل العمله الوسخة دي ،قولت ليها وانا ببكي اي يا خالتو!؟، قالت ليي طيب همام عارف، قولت ليها اي عارف، قالت لي طيب ما تكلمي زول عشان ما تحصل لي سمعة، استغربت شديد من كلام خالتو القاسي، قولت ليها يا خالتو عارفة انو الموضوع ما في يدي، قالت لي عارفة بس برضو دي تكتميها جواك لمن تموتي وقت همام اقتنع بيك ،هنا همام جاء داخل وسلم وقعد شافني مضايقة ضيق شديد ،قال ليي في شنو، امو طوالي قالت ليهو ماف حاجة موضوع وانتهى موش يا نرجس، قولت ليها اي، دخلت جوة وقعدت جاء همام وقال لي شكلك دة نا عاجبني، قولت ليهو الغي القضية ،قال لي لشنو، قولت ليهو بصوت عالي وانا برتعش قولت ليك الغيها بس ،ضماني عليهو بقيييت ابكي قال لي وريني الحاصل ،حلفت ما اوريهو عشان ما اعمل مشاكل في النهاية خالتو دايرة مصلحة ولدها بس ،قال ليي كنتي قاعدة مع امي موش حا اسال امي من الحاصل ،قولت ليهو بزعل لو مشييت بكلمك بس اوعى تمشي تعمل ليك أمور، قال لي ما تخافي وريني مالك، قولت ليهو امك قالت لي اموت بالحاجة دي عشان ما اعمل ليك فضائح، قال لي اخد حقك من الزول المغتضب فضيحة حبابها الفضحية امي خايفة علينا عارف بس برضو ما صاح تقول لي موتي بيها لو ما اتعاقب انتي ما بهدا ليك بال ،انا راجلك وعشت معاك وفاهم الخوف والألم العايشو وشاعر باي حاجة واكيد ما بخلية حر كدة وانتي معاناة، انا وعدك وحا اوفي بوعدي وزي ما قولت ليك زمان انا حا احمييك حتى من نفسي، ولو في زول اتكلم فيك حا اكسر ليهو راسو! وامي ما تخاف علينا لانو ما عندنا شغلة بمجمتع منافق بكيت بكاء بعد كلامو وحسيت بالأمان وحمدت رربنا انو عوضني وجاب لي واحد عايزة يحارب عشان ياخد حقي وما هاميهو حاجة.
قولت ليهو يا حبيبي ما عارفة اعمل شنو عشان اجازيك على وقفتي معاي ،قال لي اكتر من كدة تجازيني كيف!!، انتي سانداني ومهتمة بأمري وامر اهلي وحتى صلحتي علاقتي بيهم ،وحتى حا تخليني ابو عن قريب اكتر من كدة حا تجازيني كيف!!؟، مسح دموعي وباسني في عيوني وقال لي حاولي نومي شوية، قولت ليهو عايزة امشي لوُد، قال لي ارتاحي وامشي، قولت ليهو طيب تمام بس اوعدني انو ما بتسال امك نهاي ،قال لي حا افهمها بالهداوة ،قولت ليهو لااا هي ما قاصدة اي إساءة انا بعرفها هي قلبها ابيض بتكون اسي مضايقة عشان قالت الكلام دي عليك الله ،بقى يعاين لي بحب وقال لي طيبييب يا شافعتي، قولت ليهو تاني خليك معاي بمن انوم بقى جنبي وقال لي بطنك بقت تظهر موش مفروض نكلمهم، قولت ليهو كلو في وقتو حلو ،قال لي نرجس انتي خايفة من حاجة ،عاينت ليهو وسكتا تاني قولت كلو بيد ربنا، قولت ليهو طيب ورح نكلمهم ،قال لي نومي وبعدين حا نكلمهم، قولت ليهو تمام حسيت انو النعاس اتغلب علي وهو كان بمرر في اصابعو في شعري تاني قام مني ،صحيت بعد نص ساعة وحسيت انو مفرفشة طلعت برة لقييتو بتونس مع وفاق هو مقسم بينا الايام بالتساوي، لمن شافني جاني وقال لي تعالي نكلم وفاق اول ،مشينا الاتنين قال ليها يا وفاق انا حا يجيني ولد من نرجس هي حامل، بقت تعاين لي تعاين ليهو وبعدها قالت الف مبروك في النهاية الحاجة الما قدرت اجيبها ليك حا تجيبها ليك نرجس ،يتربى في عزكم إن شاء الله يارب، قال ليها انتي حا تكوني امو التانية وحا تربيهو مع نرجس ،قالت ليهو عارفاك انك زول أصيل وحا تقول كدة انا بحب انك مراعي لمشاعري ،اتبسم ليها وهي اتبسم ليهو وتاني عاينت لي بخبث وانا بالجد هنا خوفت عديل.
في اليوم التاني مشيت لوُد وقعدت جنبها اشتقت لصوتها واشتقت لضحتها وفرفشتها بقيت اتونس معاها وتاني قولت ليها لو جاتني بت حا اسمها عليك، إبتسمت وكتبت لي ليك مني طقم دهب، ضحكت وقولت ليها علي بجيب لي شنو؟؟!، حزنت وقالت لي انا حا اخلي علي ما حا اقدر استمر معاها حا اظلموا، قولت ليها هو حا يتظلم بانك ترفضية زول قاعد معاك قريب شهر واسي عايز يعقد عشان يسافر معاك براحتو وبرابط شرعي فبها هو شاريك وبحبك وبقدرك ،مظفر صفحت وانطوت عارفة ليه يا وُد لانو البتهوني عليه مرة حا تهوني عليه الف مرة وحتى لو ما هونتي عليه ما حا تقدري تنسي ليهو الكلمة القالها ليك وقت قرر يتزوج ،هو كان يخليك ترضي على الاقل قبل ما يخطط يعرس بس هو كان كل همو يرضي شهد ،كتبت انا مستحيل ارجع ليهو انا حاليا لو فكرت في زول حا افكر في علي بس ما عايزة اجرو معاي ما حا اقدر اقدم ليهو اي شي، قولت ليها ما عايز منك الا تكوني جنبو، اقتنعت بجاي وبجاي اتصلت بيهو وقولت ليهو علي لو عايز تعقد على وُد تعال في اي وقت.
طلعت برة لقيت مظفر قاعد قال لي الوضع كيف، قولت ليهو كويس، قال لي ممكن اشوفها، قولت ليهو الأفضل ما تشوفها نهاي وتعتذر اعتذار صادق ما معقول يا مظفر انت بعد عرفت حقيقية مرتك قررت ترجع لوُد انت مفروض تديها فرصة مع علي وتخلي لي مساحة ولو انت شاعر بالذنب تابع الاعتذار لمن هي تسامحك عشان تبري ضميرك ما شرط الاعتذار بالرجوع يا مظفر!!، ما رد وطلع وهو معصب عرفتو حا يكون فهم، اتصل بي همام وقال لي وين انتي، قولت ليهو لسه في المستشفى، قال لي طيب تعالي كفاك الدكتور قال ما تتحركي كتير، قولت ليهو ما تشتغل بيهو ما بتجيني حاجة ،قال لي نرجس والله اجيك ما اخليك. قولت ليهو طيب جاية جاية.
وصلت البيت لقيت مافية زول وتاني فتحت الواتس قال لي حصلت وفاة لزول قريب امي وكلنا مشينا وفاق حا تقعد معاك لمن نجي. قولت ليهو طيب بس انا جواي ما مطمنة نهاي ،وفاق جاتني وقعدت وقالت لي قولتي الد منو عشان امسكو صاح ،ما رديت عليها ومشيت منها، بقيت قاعدة في غرفتي وبراي وحسيييت بوحدة شديدة ،تاني قومتا عشان اتوضي اصلي لقييت معاها اختها ،جيت بعليهن اختها بقت تتلفظ وتقول كلام شين، عاينت ليها معاينة حارة وبقييت ماشة منها ،تاني بعد صليت حسيت باني جيعانة بقيت في المطبخ جات وشالت مني الصحن وقالت لي ماف اي اكل ليك، قولت ليها انتي منو عشان تمنعيني، قالت لي انا هنا ست البيت دة، اختها جات تضحك وتقول يا وفاق خليها اسي يجي همام تشتكي ليهو ،قالت ليها همام ما بصدقها، هو مستحيل يتوقع مني تصرف زي دة هو بصدق فيني صدقة عمياء ،قولت ليها يوم بجي بصدق واسي خليني اكل، قالت لييي ماف ليك حا تعملي شنو؟؟!، حا تتصلي بيهو قولت ليها اي والنشوفك حا تعملي شنو جات وقالت لي ما تقولي متقاوية بالحنين دة حتى إذا جاك منو ولد ما حا يكون عندك مكانة في البيت دة نهاي، ولو شوفتي حاولتي تتفالحي انا بوريك شالت ابريق الموية الحار واختها مسكت يدي وكانت عايزة تكبو فيني بقييت اصرخ وحاولت أبعدهم مني بقت اختها ماسكني وانا بقاوم فيها وهي بقت تضحك وتقول لي لو حرقتني حا تتادبي واقدري افتحي خشمك دة وقولي ديل نحن، بقيت اقاوم وادفر فيهم وهن يضحكن تاني فقدت توازني وووقعت وحسيييت انو ضهري اتقسم النصييييين وهن بقن يضحكن في اللحظة دييي سامعة صوتتت ميسم تصرخ وهمام وراها مما شوفتو بقيييت ابكي وقولت ليهو الحقني حاسة اني حا افقد الولد هو كان مصدوم شديد وما شال عينو من وفاق ،ميسم جات لي وقالت ليهن كنتن قاعدات تعملن ليها في شنو نحن سمعن ضحكاتك بحمد ربي اني نسيت هنا دواء امي!!!، وبحمد ربي انو همام يادوب عرف شرك..............