اتفقوا مع بعض و خلاص المهم مشيوا هما الاتنين و دخلوا القصر و هناك شافوا ..............
أن باب القصر مفتوح و هنا اتكلم حسن و قال
هو مفيش حد هنا ولا ايه
ردت ريتاج و قالت
مش عارفه هما فين
و بدأت ريتاج تنده علي امها و حسن بينده علي نواره
و نعمه سمعتهم و هي كانت بتجهز الشنطه بتاعتها المهم راحت قفلت الشنطه و حطتها تحت السرير و نزلت تحت عندهم و قالت
ايه يا ولاد في ايه مالكوا
اتكلمت ريتاج و قالت
ايه يا ماما انتوا فين
اتكلمت نعمه و قالت
انا في الاوضه بتاعتي مريحه شويه
اتكلم حسن و قال
امال نواره فين
اتكلمت نعمه و قالت
نواره مشيت
اتكلمت ريتاج باستغراب و قالت
مشيت ! مشيت راحت فين
قالت نعمه
ونبي يا بنتي معرفش انا لقتها بتلم هدومها و قالتلي انا همشي من هنا يا خالتي و سابتني و مشيت
اتكلم حسن و قال
انا كنت متاكد انها هتمشي من هنا المهم انا طالع اريح فوق شويه
سابهم حسن و طلع علي فوق و بعدها اتكلمت نعمه و قالت
انا كمان هطلع الاوضه بتاعتي
اتكلمت ريتاج و قالت
لا يا ماما معلش انا عايزه اتكلم معاكي شويه
اتكلمت نعمه و قالت
خير يا بنتي عايزه ايه
اتكلمت ريتاج و قالت
طيب تعالي نقعد و نتكلم مع بعض شويه
اتكلمت نعمه و هي بتقعد و بتقول
خير يا حبيبتي اتكلمي على طول
اتكلمت ريتاج و هي بتقعد جنبها و قالت
عايزه اسألك سؤال
قالت نعمه
اسالي يا بنتي
قالت ريتاج
انتي متعرفيش خالي مات ازاي
اتكلمت نعمه و هي مرتبكه و قالت
خالك انا مالي انا بموت خالك انا معرفش حاجه عن الموضوع ده
اتكلمت ريتاج و قالت
طيب مش عايزه تعرفي حتي اخوكي مات ازاي
اتكلمت نعمه و قالت
لا مش عايزه اعرف اهو مات و معرفتي مات ازاي مش هترجعه تاني يا بنتي
اتكلمت ريتاج و هي بتقرب منها و بتقول
بس انا مش هسكت يا ماما و انا قربت اعرف مين اللي اجر الممرضه عشان تقتل خالي هااا يا ماما
اتكلمت نعمه و قالت
ايه ممرضه
اتكلمت ريتاج و قالت
ايوه الممرضه ايه معقوله مش عرفها يا ماما
اتكلمت نعمه و قالت
لا انا معرفش ممرضين
اتكلمت ريتاج و قالت
غريبه مع انها قالتلي انها تعرفك انتي و خالتي صفيه اووي عز المعرفه
قامت نعمه وقفت و تكلمت و قالت
انا معرفش حد دي خالتك صفيه هي اللي جبتها انا مليش دعوه
قالت ريتاج
اهااا شكلك افتكرتيها اهو يا ماما
قالت نعمه
جر ايه يا بت انتي هتحققي معايا ولا ايه يا مقصفت الرقبه
قالت ريتاج
انا لا طبعاً يا ماما انا بسالك بس و مكنش قصدي حاجه علي العموم خلاص متزعلش يا ستي و مش هفتح الموضوع ده معاكي تاني
اتكلمت نعمه و قالت
يا ريت متفتحيش الموضوع ده تاني
قالت ريتاج
انا مش هفتح الموضوع ده تاني معاكي بس اتمني منك أن لو في حاجه حصلت يا ريت تعرفيني انتي بيها يا ماما ماشي بعد ازنك بقي
سابتها ريتاج و مشيت و فضلت نعمه قاعده مرعوبه من كلام ريتاج و كانت عايزه تطلع تلم هدومها و تهرب زي ما نواره عملت و فعلا جريت علي الاوضه و طلعت الشنطه بتاعتها و لمت هدومها بسرعه و جت عشان تمشي لقت المحامي واقف قدام الباب و بيقول
استاذه نعمه علي فين كده يا هانم
اتكلمت نعمه و قالت
لا مفيش يا خويا انا رايحه مشوار كده و راجعه تاني هو حضرتك جي ليه
اتكلم المحامي و قال
والله الاستاذ حسن كلمني و قالي أن هو عايزني ضروري متعرفيش هو عايزني في ايه
اتكلمت نعمه و قالت
لا والله يا خويا محدش قالي حاجه علي العموم اتفضل ادخل هو جوه وانا شويه و جيه أن شاءالله
اتكلم المحامي و قال
طيب بعد ازنك و اسف لو عطلتك عن مشوارك
اتكلمت نعمه و قالت
لا ولا يهمك يا استاذ أشرف بعد ازنك بقي
خرجت نعمه من القصر و دخل المحامي و بعد ثواني نزل حسن و قعد معاه و قاله
ازيك يا استاذ أشرف عامل ايه
اتكلم اشرف و قال
انا الحمدلله بخير بس خير يا استاذ حسن اي هو الموضوع المهم اللي حضرتك عايزني فيه ده
اتكلم حسن و قال
انا عايز أتنازل عن كل حاجه لريتاج بنت عمتي
استغرب اشرف و قال
نعم
اتكلمت ريتاج من وراه و قالت
زي ما حضرتك سمعت كده هو هيتنازل عن كل حاجه خدها من خالي ليا انا في حاجه يا استاذ أشرف
اتكلم اشرف و قال
لا طبعا مفيش حاجه بس ممكن اعرف السبب ايه
اتكلم حسن و قال
انا هسافر عندي شغل كتير بره ولازم ارجع ضروري و غير كده انا عايز اعمل كده انا حر في املاكي
اتكلم اشرف و قال
حاضر انا تحت امرك يا استاذ حسن هعمل لحضرتك اللي انت عايزه بس معلش ممكن تسبني يومين بس
اتكلمت ريتاج و قالت
يومين ماشي يا استاذ أشرف
اتكلم حسن و قال
لا يومين كتير اووي انا مستعجل يا استاذ أشرف ممكن تخلص الموضوع ده بكره
اتكلم اشرف باستغراب و قال
بكره ! حاضر بكره أن شاءالله
اتكلمت ريتاج و قالت
طيب يا استاذ أشرف اتفضل حضرتك
سابهم اشرف و مشي و بعديها اتكلم حسن و قال
انا كده عملت اللي احنا اتفقنا عليه فاضل انتي
اتكلمت ريتاج و قالت
اول ما اخد التنازل في أيدي كل الأدلة هتبقي في ايدك
اتكلم حسن و قال
انتي ازاي بقيتي كده يا ريتاج
اتكلمت ريتاج و هي بتضحك و قالت
ازاي اللي هو ازاي يعني براحتك لو مش حابب تعمل كده انت حر انما بقي لما تشوف مامتك في السجن و متهمه بتهمه قتل ساعتها بس هتقول يا ريت سمعت كلام ريتاج
اتكلم حسن و قال
ده انتي طلعتي وحشه اوي يا ريتاج
قالت ريتاج و هي بتضحك
و هو مين حلو يا حسن حتي انت و يمكن تكون اوحش مني كمان
اتكلم حسن وقال
انا اوحش منك انتي
قالت ريتاج
بقولك ايه انا اعرف كل حاجه عنك
قال حسن
كل حاجه زي ايه يعني
قالت ريتاج
زي مثلا انك فاشل و مضيع فلوسك و فلوس خالي علي البنات و القمار و الشرب ولا ايه
اتكلم حسن باستغراب و قالت
يااااا ده انتي عارفه كل حاجه اهو
ضحكت ريتاج و قالت
شوفت بقي امال انت فاكر ايه
قال حسن
انا كنت فاكرك اطيب بنت هنا
قالت ريتاج
مفيش حاجه اسمها طيبه يا حسن و لو فعلا فكرت كده تبقي عبيط
قال حسن
انا فعلا عبيط عشان انا مش بس فكرت في انك طيبه لا انا فكرت اني كان ممكن
ضحكت ريتاج و قالت
انك ممكن ايه أن ممكن تحبني مثلا
قال حسن
مثلا
قالت ريتاج
انت فعلا عبيط يا حسن انا كان مستحيل احب واحد زيك سلام يا حسن
سابته ريتاج و طلعت تنام و تاني يوم صحيت علي تلفون من المحامي و قال لها
استاذه ريتاج كل حاجه جاهزه زي ما تطلبتي بالظبط
قالت ريتاج
احلي خبر اسمعه علي الصبح متشكره جدا يا استاذ أشرف و متخافش مش هنسي حلوتك
قال أشرف
انا تحت امرك في اي وقت يا استاذه ريتاج مع السلامه
قالت ريتاج
مع السلامه
قفلت ريتاج مع المكالمه و راحت عند حسن و قال له
صباح الخير يا حسن المحامي جهز كل حاجه يلا اجهز انت كمان وانا هستناك تحت
سابته من غير ما يقول حاجه و فعلا نزلت تستني تحت و لما نزلت لقت نعمه قاعده تحت و اول ما شافتها قالت
صباح الخير يا ماما
قالت نعمه
صباح الفل يا قلب ماما
قالت ريتاج
انا رايحه مشوار مع حسن
قالت نعمه
خير علي فين يا قلب امك
قالت ريتاج
مشوار كده
قالت نعمه
ماشي يا اختي
مشيت ريتاج خطوتين و بعدين وقفت و بصت وراها و قالت
اه يا نعمه نسيت اقولك انتي في حاجات نسيتي تاخديها معاكي
قالت نعمه
اخدها معايا فين
قالت ريتاج
مع هدومك اللي لمتيها امبارح علي العموم مش مشكله بس يارب تلحقي تلمي بقيت الحاجه سلام يا نعمه
و هنا نعمه تأكدت أن ريتاج تعرف كل حاجه و قامت بسرعه بعد ما حسن كمان خرج من القصر مشيت و راحت عند شقتها القديمه عشان تجهز اوراق السفر و تهرب بره البلد بس فجأة لقت حد بيخبط علي باب شقتها و لما قالت مين كانت المفاجأة............
انما بقي حسن و ريتاج راحوا عند المحامي و فعلا حسن أتنازل عن كل حاجه لريتاج و المحامي هو اللي طلع كل الادله اللي تدين امه و دهاله و قاله
كده ما يبقاش فاضل حاجه تانيه تدين الست الوالده يا استاذ حسن
ضحك حسن وقال
ده انتوا عصابه بقي
ضحكت ريتاج و قالت
الاستاذ اشرف .... أشرف واحد ممكن تتعامل معاه
اتكلم اشرف و قال
انا في الخدمه يا هانم
و بعد شويه جه اتصال لريتاج و قامت بسرعه و جريت علي بره و بعدين ...........