رواية سرطان الفصل السابع 7 بقلم محمد منصور
ح(7)
كان قاعد سرطان في الدكان وقت ما دخلت عليه حوريا وشم ريحتها وما بقاش قادر يقاوم جمال ريحتها. فبص ل اعجاب شديد وهي قالت
انت بقي السيد غدير صاحب الدكان
سرطان
انا
حوريا
طيب عايزا اتفرج علي افضل العطور عندك وبلاش تكون عطورك تقليد للاصلي والا والدي يزعل منك
سرطان
انتي بنت مين في المملكة
حوريا
في حد في المملكة ما يعرفنيش انا حوريا بنت الطبيب توماس
دقات قلب سرطان زادت. وكل دقة قلب كانت بصوت الغضب من توماس واللي عملو في. ،،،،،،،
سرطان
اقتباس و تاليف
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
سرطان قرب من حوريا وقال
بنت راجل عظيم وانا ما اقدرش انسي فضله عليه
حوريا
انت تعرف والدي
سرطان
كشف عليه من سنين وكان سبب من اسباب اني اعيش منبوذ
حوريا استغربت اوي وقالت
انت بتقول اية
سرطان قرب اكتر وقال
اللي انتي سمعتي
وبسرعه البرق لف وراء منها وكتم نفسها بأيديه وفضلت تحاول الخلاص منه لكنها ما قدرتش ووقعت علي الارض قاطعه النفس. بص لها وهو بينهج ومش قادر من شدة العصبية اللي كان فيها وراح ناحية باب الدكان وقفل الباب ومسك رجل حوريا اللي كانت فاقدة الوعي وبدا يسحبها من رجليها ناحية الحيطة وداس بايده نقطة محددة في الحيطة. اللي بقيت باب كبير و اتفتحت وظهر وراء منها المعمل اللي في الانبوب الازاز و الاذان الكبير اللي في مية بتغلي ولسة سارة جوة الانبوب وجلدها اتسلخ كله من الحرارة. بص لها سرطان بلامبالاة و قفل باب المعمل وراء منه وفضل يسحب في حوريا من رجليها ناحية الانبوب،،،،،،،
ومع حلول الليل كان الطبيب توماس في بيته رايح جاي
و متوتر جدا و بيقول ل مراته كاترين بعصبية
انا مش عارف ازاي وافقتي انها تخرج ل وحدها
كاترين
بنتنا حوريا ما بقتش طفلة دي عروسة و طلبت انها تخرج تجيب العطور بنفسها وانا لولا ترتيبات الفرح كنت خرجت معاها
توماس بنفس العصبية
يروح الفرح الي الجحيم. كان لازم تخرجي معاها
كاترين
توماس تمالك اعصابك
توماس
قربنا من نص الليل وبنتنا ما رجعتش وتقولي تمالك اعصابك
كاترين
بلغ الملك ألفريد باختفائها
توماس
انا فعلا لازم ابلغو. وهو يطلع حراس يفتشو كل محلات العطور،،،،،،،
بعدها بكام ساعة. كان سرطان نايم علي سريره وقت ما سمع صوت خبط علي باب بيته قام من علي السرير وراح و فتح الباب علشان يشوف قصاد منه لويس قائد الحراس ومع تلت حراس. بص لهم سرطان باستغراب وقال
انت السيد غدير صانع العطور
سرطان
انا
لويس
جت عندك النهاردة فتاة في اوائل العشرينات من عمرها تدعي حوريا
سرطان
انا بيجي لي فتيات كتير ل شراء العطور والطبيعي ان ما اعرفش اسمهم
لويس
الفتاة اللي بنسال عنها بيضاء ونحيفة وشعرها اصفر ناعم وعيونها زرقاء
سرطان عمل نفسه بيفتكر وقال
اة كانت عندي و اختارات بعض العطور ومشيت. لكن حراس زيكم بيسالو عنها لية
لويس
دي ابنه الطبيب توماس طبيب المملكة واختفت في ظروف غامضة
سرطان
خبر اصابني بالحزن
لويس ما اهتمش بالجملة وخد الحراس و مشيو قفل الباب ورجع سريره يكمل نوم،،،،،
لويس كان واقف قصاد الملك ألفريد والقاضي انتوني والطبيب توماس وكان بيقول
ملهاش اي اثر في المملكة
يا مولاي
توماس
يعني اية بنتي الوحيدة اتخطفت
أنتوني
المملكة من سنين ما حصلش فيها اي حاله خطف بعد قضاء الملك ألفريد علي كل المذنبين
ألفريد
واضح ان في حد من المذنبين برة اسوار السجن
أنتوني
تقصد ان في حد قدر يهرب
ألفريد
ما هو دة بقي الطبيعي هروب المساجين من مملكتي. ولا نسيتم هروب سرطان
وبص ل لويس قائد الحراس وقال بحدة
وانا كنت المفروض اني اقطع راسك لانك ما قدرتش ترجع حورس وتعرف مين اللي ساعده في الهروب لكني عفوت عنك بعد تدخل القاضي أنتوني. عمك وصديقي
لويس
مولاي انا و حراس المملكة بنعمل كل اللي نقدر عليه علشان حماية شعب المملكة
ألفريد
مش عايز كلام وخلاص عايز بنت الطبيب توماس في اقرب وقت
هنا واحد من الحراس اللي كانو واقفين طلب الاذن بالكلام فأذن لي الملك وقال
طلبت الاذن للكلام قول اللي عندك
فقال الحارس
ليا صديق وهو حارس علي بوابة قصرك يا مولاي جاله فلاح من يوم فات و طلب انه يقابلك علشان بنته اختفت
اتعدل الملك ألفريد وقال باهتمام شديد
بنته اختفت. وازاي ما أعرفش بحاجة زي دي
الحارس
صديقي افتكر انها هربت مع عشيقة ليها وما حبش يزعجك يا مولاي بامر زي دة
ألفريد بعصبية
واحد من الشعب جاي يستنجد بيا ويطلب مساعدتي في العثور علي بنته و حارس يرده من غير ما اعرف. انا ملك لكل الناس ومن حقهم عليا اخدمهم
و اساعدهم علي قد ما اقدر.
وبص ل قائد الحراس وقال
اعرف لي مين الحارس اللي عمل كدة واعزله من منصبه. وروح بنفسك للفلاح دة واعرف تفاصيل اختفاء بنته ،،،،،،،،
ونروح ل سرطان اللي كان باصص ل حوريا اللي بقيت جوة الانبوب متكممه بوقها وبتحاول الخلاص وهو بيستخلص منها العطر. وبص ل سارة اللي بقيت جثة الحروق في جسمها كله وبدا يفكر ازاي يخلص من سارة وماكنش قدام منه الا البحر لف سارة في ملايا ومع حلول الظلام خرج من بيته وركب حصانه وراح ناحية البحر ووقف فوق كوبري من الخشب و اتاكد ان ما فيش حد شايفو لف جنزير حوالين جسم سارة علشان يتقل جسمها وشالها بصعوبه ورماها في البحر و الجنزير خد جثة سارة ونزل بيها في قاع البحر اتاكد ان كل شئ تمام زي ما هو خطط له ركب حصانه ورجع بيته ،،،،،،،،،،،
ويطلع النهار وتوماس يشم ريحة بنته في البيت اتصدم وراح جري ناحية مصدر الريحة علشان يلاقي سرطان واقف قصاد منه باصص له فقال توماس
انت مين
سرطان
انا غدير صانع العطور
توماس
دخلت ازاي بيتي
سرطان
فتحت لي مراتك كاترين
توماس اللي متاكد انه شامم ريحة بنته. قال
هي الريحة دي انت السبب في
سرطان
دة عطر مخصوص طلبته مني ابنتك حوريا وانا قولت لها هصنعه ليكي واحضره للبيت. اومال هي فين
توماس بصوت حزين
تم اختطافها
سرطان
خبر حزين. لكن مين يجروا انه يخطف بنت الطبيب توماس
توماس
اكيد حد من المذنبين هرب وعلي خراب المملكة ناويين
سرطان
الرب يرعي المملكة واللي فيها. انا راجع دكاني ولو حوريا رجعت عرفها اني صنعت لها العطر بنفسي
وقرب من توماس اوي وقال
ولو انت حابب ريحة بنتك تكون ديما قريبه منك. انا مستعد اخلي روحها بالقرب منك
توماس اتصدم وقال
انت ساحر
سرطان
انا صانع العطور غدير. مسخر الارواح ل زيارة اهاليها. فكر في عرضي ودكاني عند الارض المهجورة.
وسابو سرطان ومشي وتوماس كان باصص عليه وهو بيبعد مش مستوعب ولا فاهم اية اللي بيحصل لكن في حنين شديد ناحية ريحة بنته الموجودة في المكان،،،،
وبعدها بيومين بالظبط كانو الحراس بيجروا توماس علي الارض ناحية مزرعة الخيول والكلاب وقال واحد منهم
من النهاردة لغاية ما يحين الاجل دة سجنك يا منبوذ تاكل من الحيونات وتشرب معاهم مافيش معاملة مع بشر
توماس
انا الطبيب توماس طبيب المملكة ازاي تعملو فيا كدة انا برئ هو سرطان السبب.
الحارس
سرطان يا منبوذ
توماس
سرطان وسطيكم اوعي تصدقو دة شيطان. خلاني صدقته لغاية ما وصل بيا الحال ل هنا
لكن الحراس مشيو وسابو وتوماس فضل يصرخ
و يقول
انا برئ صدقوني بلاش تسيبوني هنا لوحدي
وهنا سمع صوت الكلاب جاية من وراء. وهي بتهوهو بغضب شديد بص لهم وشاف سرطان وراهم فقال له
انت يا ملعون وليك عين توريني وشك بعد اللي عملتو فيا
سرطان
كان نفسي اخليك تعيش ليلة واحدة وسط الحيونات علشان تحس باللي انا حسيته. لما كنت طفل واترميت هنا بسببك
توماس
انا كشفت عليك ودي كانت نتيجة كشفي
سرطان
لسة قادر تكذب. هو انا خفيت بالسحر الاسود ولا بعمليات الطبيب جاك
توماس بص في الارض وهنا سرطان قال
اجابتك وصلت. والموت نهاية تليق باللي زيك
وحط ايدة علي جسم الكلاب وقال بصوت يرعب الميت قبل العايش
هيجان
وهجموا الكلاب كلهم مرة واحدة علي توماس وبداو ينهشو في لحمه بطريقة مخيفة. وتوماس بيطلب الرحمة من سرطان لكن من امتي الرحمة تطلب من اصحاب القلوب الميته، ،،،،،،