رواية سرطان الفصل الثامن 8 بقلم محمد منصور
اية اللي عملو الطبيب توماس علشان يتحكم عليه بانه يبقي منبوذ. ويتسجن في المزرعه مع الخيول والكلاب. تعالو احكي لكم، ،
سرطان
اقتباس و تاليف
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
هنرجع بالاحداث لوراء شوية بعد ما اختفت حوريا بنت توماس حاولو الحراس بكل طاقتهم الوصول للي خطفها لكنهم ما اقدروش ودة كان مقصر جدا علي نفسية توماس اللي بيحب بنته الوحيده حوريا بجنون وافتكر كلام سرطان لي لما قال
ولو انت حابب ريحة بنتك تكون ديما قريبه منك. انا مستعد اخلي روحها بالقرب منك
بدا الكلام يتردد في ودان توماس اكتر من مرة و لقي نفسه من غير اي تفكير بيخرج من بيته وبدا يسال علي دكان غدير صانع العطور ووصل للدكان لقي مقفول. سال وعرف ان سرطان في المزرعه قرر يروح المزرعه،،،،
في الوقت دة وقبل ما توماس يوصل للمزرعه كان سرطان قاعد مع كورلوس والد ساره وكورلوس بيقول
اهتمو اخيرا بالبحث عن بنتي ساره
سرطان
اتمني ان دة يكون حصل قبل فوات الاوان. مع اني متاكد انهم اهتمو بالبحث عن بنتك بسبب اختفاء بنت الطبيب توماس
كورلوس
هي حوريا بنت الطبيب اختفت
سرطان
اختفت. والحراس سالوني عنها
وسكت للحظات وبعدها قال بمنتهي الشر
لما اختفت بنت الطبيب الملك اهتم والحراس اهتمو انما اختفاء بنتك قابلو بالسخرية منك
كورلوس
الملك لما عرف باختفاء بنتي أمر الحراس بالبحث عنها
سرطان
طيب انت يا كورلوس. الغرض من ان الحراس يدورو علي بنتك هي الوصول لمعلومة توصلهم
ل بنت الطبيب توماس انما الوصول ل بنتك مش هو الغرض من السؤال والبحث عنها
كورلوس بدا الغضب يملي قلبه زيه زي باقي الفلاحين اللي كانو موجودين وقال
يعني اهتمام الحراس بالبحث عن بنتي اهتمام كاذب و ملتوي
في الوقت دة يشوف سرطان توماس وهو رايح ناحيته فبص للفلاحين وقال
الطبيب توماس من البلاط الملكي وهو جاي علينا الافضل انه ما يسمعش ولا يعرف احنا بنتكلم في اية
بصو الفلاحين ناحية توماس اللي اقترب منهم وقال سرطان
كل واحد يروح علي شغله وللحديث بقيا
وفعلا الفلاحين مشيوا وتوماس وقف قصاد سرطان وقال سرطان
الطبيب توماس في مزرعتي دة شرف كبير انا اقل منه
توماس
انا جاي لك علشان تحضر لي روح بنتي و تخليني ديما اشم ريحتها
سرطان ابتسم بخبث وقال
بس دة سحر اسود ممنوع استخدامه في المملكة
قال توماس بحدة. و بيبكي
انا في اشد حالات الاشتياق لوجود بنتي جنبي
سرطان
طيب تعالي نتكلم في الدكان علشان ما ينفعش الفلاحين يشوفوك بالحاله دي،،،،،،،
ومن جوة الدكان توماس كان واقف قصاد سرطان و بيقول بحده
عايزني اقتل علشان تحضر روح بنتي
سرطان
انا لاشئ علشان اطلب منك انك تعمل كدة
توماس
مش انت لسة قايل لو عايز روح بنتي تكون ديما بالقرب مني لازم اقتل
سرطان
الكلام سمعتو مني لكن دي طلبات ملوك الجن اللي هيحضرو لك روح بنتك
توماس
ازاي اعمل بس اعمل كدة دة انا طبيب مخلوق علشان اعالج المريض مش اقتل السليم
سرطان
يبقي بلاش تضيع وقتي و ما تطلبش مني اني احضر لك روح بنتك
وراح سرطان ناحية باب الدكان اللي كان مقفول وفتحه وقال
لازم افتح باب الدكان علشان الرزق ما بيجيش ل اصحاب الابواب المقفوله او العقول المقفوله
توماس راح ناحيته بسرعه ومسك ايده وقال
استني يا سيد غدير لسة كلامنا ما خلص
سرطان
هتقدم روح مين قصاد روح بنتك
توماس فكر للحظات و،،،،،،،
يتغير المشهد ونشوف توماس في اوضة نومه وجنب منه مراته كاترين نايمة وكان بيبص لها بحب شديد لكنه قال بنبرة كلها حزن
يعلم الرب انا بحبك قد اية. لكن بحب بنتي حوريا اكتر منك
ومسك المخدة اللي كان نايم عليها وحطها علي وش مراته وبدا يضغط بكل قوته
و صحيت كاترين لما الاكسجين اتمنع من الوصول ل مخها وبدات الخلاص والنجاة بعمرها لكنها ما قدرتش توماس كان اقوي ومسيطر وماتت كاترين ورفع المخدة عن وشها وخدها في حضنه وفضل يبكي ،،،،،،،،
ومع حلول الظلام ومن سط الصحراء كان توماس فوق حصانه وقصاد منه جثة كاترين وكان بيبص حوالين منه مستني وصول سرطان ووصل سرطان بص ل توماس وقال
اتاخرت لية سيد غدير
سرطان
التاخير سبب هتعرفو بعدين
وبص سرطان لجثة كاترين وقال
قتلت من تحب في سبيل احضار روح من تعشق
توماس
الحب درجات. اعلي درجاته العشق. وعشقي كان لحوريا. والافضل اننا ما نضيعش وقت اكتر من كدة
شاور سرطان علي دائرة كبيرة من النار الحمراء وقال
روح لغاية الدائرة دي و اقعد في النص و قصاد منك جثة كاترين ومع دخول الفجر روح بنتك هتكون حواليك وبالقرب منك
توماس
وانت هتكون فين
سرطان
في دكاني بقوم بتعويذة جلب روح. حوريا. بلاش الوقت يضيع منك روح الدايرة
وفعلا توماس سمع كلام سرطان وراح الدايرة وقعد في النص. و مشي سرطان وبعد ساعة بالظبط وصل حراس الملك الفريد ومعاهم الملك الفريد بنفسه بصو
ل توماس اللي كان وسط الدايرة و انصدم توماس وقام وقف بسرعه وقال الفريد
البلاغ طلع صح انت يا توماس بتمارس السحر الاسود
توماس
مش انا يا مولاي دة، ،،،،،،
الفريد قاطعه وقال
لسة هتكذب دة انا شايفك بعيوني قاعد وسط دايرة من النار الحمراء و قصاد منك جثة زوجتك كاترين ولسة بتقول مش انا
وبص للحراس وقال
هاتو يا حراس ويتعامل معاملة المنبوذ. واي حرف يقولو في صيغة الانكار اقطعو لسانه ،،،،،،،
و دة سبب ان توماس بقي منبوذ. وقدر سرطان يوصل ل توماس قبل ما يترحل للمزرعه بدقائق وبص له وقال توماس
سيد غدير انت غدرت بيا
سرطان
دة لو كنت انا غدير
توماس
اومال انت مين
سرطان
من المنبوذ في الماضي بسببك ظلم. الي المنبوذ في الحاضر وبسببي ظلم. غدر
ب غدر والبادي اظلم
توماس لسة ما عرفهوش فقال
انت مين
سرطان بصوت خبيث مجنون
سرطان
وسابو ومشي وتوماس كان هايتجنن وسرطان بيدي ذهب للحراس وبيقول لهم
مهما يقول. دة مجنون اوعو تسمعو لي
الحراس خدو الذهب من سرطان ونفذو المطلوب منهم بالحرف، ،،،،،،،
دة اللي حصل والباقي انتو عرفتو ومات توماس ازاي. ومش هنحكي كتير لكننا بكرة هنحكي اللي هيحصل لما الملك الفريد بعد ما اختفت 5 بنت وما كانش قادر يوصل للي بيعمل كدة. راح سجن المذنبين وخرج كبيرهم اللي في المكر مافيش زيه علشان يعرف مين بيخطف البنات. و كبير المذنبين اسمه