رواية بينهما الفصل الحادي عشر 11 بقلم ال زهراء
ما خلتني أتم كلامي ونفضت يدي بعيد وقامت وبقت تصرخ فيني وقالت لي بغضبب كذاااااب بتكرهو عشان هو منييي فقولت اتخلص منو!!!، قربت منها وقولت ليها الجنين كان حا يعرض حياتك للخطر انتي دكتورة وعارفة وضعك! ،قالت لي مناااافق!! انا بكرهكك حرمتني من ولدي بكرهك!!!، امشي من هنا وما المح وشك تاني!، انا ما موافقة! ما موافقة انزلو!!!!، كيف تعمل حاجة زي دي من دون ما تشاوريني، قولت ليها ما حا اخليك تموتي بالبطي قدامي وانا بعاين ليك ،قالت لي عارف الطفل دا بعني لي قدر شنو؟؟؟ ،قولت ليها يا وُد زي ما بعني ليك بعني لي بس الطفل بتعوض لكن انتييي ما بتتعوضي ،قالت لي شوفت اني ما بتعوض بزواجك فيني !،المهم انا ما حا اسامحك نهاي!!!، من اليوم انا حا اخد قرار لأول مرة في حياتي وهو عدم شوفتك اطلع من هنا ولو سمعت بي مت ما تجي تحضر جنازتي بقت تصرخ جاء داخل الدكتور الاسمو علي وقال لي لوُد خير؟ ؟!، قالت ليهو بحس مبحوح لو سمحت خليهو يمشي من هنا انا ما عايزة اشوفو بكرهو! ،علي قال لي الأفضل تمشي شكلها مرهقة ولو بقت تصرخ كدة حالتها حا تزداد سوءاً ،عاينت ليهو وقولت ليهو طيب.
مشيت برة وبقيت قاعد ومتحكم في اعصابي بالقوة ،انا ما كنت عايز اخسر الجنين بس برضو ما عايز اخسرها هي برضو !،ختيت يدي في راسي! قولت في نفسي حياتي كانت مستقرة معاها بس الإنسان بجحد نعمتو بيدو! اتنهدت! واتصلت بابوها وبعد شوية جاء هو وامها واختها!، لمن جو مرو فيني بدون ما يقولو كلمة، بعد مسافة عمو مبارك جاني وقال لي خلاص البت دي مصرة اصرار عجيب انها تنفصل وقالت ما بتاكل ولا بتشرب!، طلقها يا ولدي احسن ليك وليها، عاينت فيهو وقولت ليهو طيب بس ممكن اشوفها لاخر مرة ،قال لي تمام.
لمن دخلت امها رفضت تخليني اشوفها ،بس انا قولت لو ما شوفتها ما بطلقها!، فرضت تخليني اشوفها!، كانت نايمة المرة دي!، قربت منها ومسكت يدها مسافة طويله لمن صحت عاينت لي بس ما قدرت تعمل اي حاجة شكلها تعبانة!،قومت من الكرسي وبقيت فوق راسها بوست جبهتها وقولت ليها يا وُد والله كل الأفكار الفي راسك عن اني ما عايز الولد غلط!، ليه ما اكون عايز ولد منك؟ وريني؟!!، بس حياتك انتي غاليه والجنين بتعوض! بس لو خسرناك اهلك وانا حا نعمل شنو؟ ؟؟، وريني كيف كنت حا اتابع حياتي وانا كنت عارف لو انك استمريتي في الحمل دة حا تموتي!،ردت وقالت لي ما عايزة اسمع اي كلمة تانية طلقني! بس شوية جو أهلها بابوها وقال لي يا ولدي سرحها بإحسان البت دي قالت لو بتموت ما بترجع ليك!، كلمة طالق ما رضيانة تطلع من لساني!، تاني قولت ما عايز اطلق امها بقت تصرخ، عمي قال ليها يا وليه احسن ليك تسكتي ، تاني قال لي تعال معاي برة دقيقتين اتفاهم معاك طلعنا قال لي وُد بتي مما كانت صغيرة ما اظن اانا قدرت اقدم ليها حاجة غير القروش عشان كدة المرة دي حا اكون ابو ليها يا تطلقها باحسان ولا بينا المحاكم!، قولت ليهو اديني فرصة واحدة ،قال لي فرصة لشنو يا ود الناس طلق البت! واتوكل شوف حياتك، كنت عايز اتكلم بس زي الكان في حاجة رابطاني.
دخلت جوة معاه وطلقتها قدامهم كلهم! طلعت ومشاعري متضاربة وراسي جايط قولت في نفسي يعني خلاص كدة طلقتها! ؟؟؟، وما بقى في بينا اي حاجة!.
ركبت عربيتي ومشيت لأمي كانت قاعدة تسبح جيت وقعدت جنبها قالت لي يا ولدي خير وشك مالو مخطوف؟؟؟، قولت ليها ماف حاجة ما اشتقتي لي، قال لي اشتاق ليك لشنو ؟!!، اشتقت لوُد بس!، قولت ليها احسن تنسي الموضوع لانو خلاص اطلقنا، قالت لي وووبعلي طلقتها باكر تعرس! وانت تقعد تتحسر!، قولت ليها ما احسن تشوف حياتها زي ما انا اتزوجت فيها، قالت لي انا خايفة ليك من الندم بت زي دهب دامس ضيعتها من يدك، قولت ليها انا ما جيت عشان اسمع الكلام دة جيت عشان مشتاق ليك، قالت لي زي الما انا امك وما بعرفك ما رديت وقولت ليها الاكل عندك بشنو ؟! ،قالت لي امشي لمرتك وخليها تعمل ليك اكل!!!، قولت ليها عايز اكل من تحت يديك انت، قالت لي وانا ما بعمل ليك عندك مرة! دايرة ارتاح انا ،قولت ليها يا حاجة ما تلعبي معاي ضاغط، ما ردت، نرجس جات داخلة سلمت ببرود وقعدت ما هي حبيبه قلبها وُد واكيد واقفة معاها.
قولت ليهو نرجس امشي ختي لي ااكل عاينت لي وقالت لي داك المطبخ بتعرفو! ،قولت في نفسي حتى المسكينة دي حرجتني ،بوست امي من جبهتها وقولت ليها ارضي علي ،قالت لي رضيانة عليك دنيا وآخرة بس يا ولدي بحس بيك زي الاتبدلت دة ما انت يا مظفر، قولت ليها مالي؟؟،قالت لي خلاص ماف حاجة.
_____________________
من جهة اخرى
=جدد السحر دة تاني وتالت انا ما عايزة اشوف بتها مبسوطة عايزها تتضوق في بتها الضوقتني ليهو بعد فقدت الجنين خليها تمرض وتموت قدام امها زمان انا خليت مبارك يكرهن بس برضو عايزاها تتألم عشان بقت لي ضرة واكبر المها بكون عن طريق بتها َ
_كتري القروش وبعمل ليك الدايراهو
=طيب
___________________________
بلسان نرجس
لي قريب 5 ايام وانا انتقلت هنا بقيت متلصقة بخالتو وما بزح منها! ،وهمام برضو مما يجي من الشغل بكون معانا! خالتو قالت لي انو هو يادوب رجع لطبعو الزمان .
وانا بفكر كدة جاء وقال لي مصدع عايز قهوة!، قولت ليهو من عيوني دقيقة بس، مشى معاي المطبخ عملتها ليهو، قال لي تسلم يدك!!، إبتسمت وقعدت جنبو ،قال لي امتحانتك اترفع الجدول بتاعها عارفة صاح!!، قولت ليهو شنو؟؟؟! لا ما عارفة!!! اعمل شنو يا همام انا ما حاسة نفسي اني حا اقدر انجز فيها ،مسك يدي وقال لي اثقي بنفسك واكيد حا تنجزي!!، قولت ليهو تمام.
مشى نام وانا بقييت اقرأ بعد شوية سمعت صوت برة!، طلعت عشان اعرف الحاصل!!، لقيت وفاق جات! هي وامها وابوها وشكلو كانو بتناقشو مع خالتو، المهم امها قالت البت حردت ورضت ترجع براها وما دايرة تخرب بيتها عشان كدة جيناكم، خالتو قالت ليها بهدوء حبابكم يا بت امي وفاق ولدي ما قال ليها حاجة وحردت بس عشان جاب مرتو بس لو دايرة ترجع الترجع طوالي ما عندنا مانع.
وفاق طوالي شالت حاجاتها ومشت بهناك بيتها ،انا رجعت وبقيت اقرأ صحى همام قولت ليهو وفاق جات!!!، قال لي جد!!؟، قولت ليهو ايوا، قال لي طيب حا امشي اشوفها، قولت ليهو تمام مر بعلي وباسني من شعري وطلع!!، قولت في نفسي انا مفروض ارضى بالواقع دة في النهاية ما كنت متخيلة انو في هو حا يتقبلني.
_______________________
بلسان همام
كنت حاسس بتانيب الضمير عشان انا ما شلت حق نرجس من وفاق في حين انو انا قولت انو حا اعاقب حتى نفسي لو اذيتها فتحت الباب وقولت ليهو الحمد لله على السلامة ،قالت لي عقلي رجع لراسي جاتني وضمتني وقالت لي مش مشتاق لي زي ما انا مشتاق ليك ما رديت حاولت تقرب مني ،قولت ليها الفترة دي خلينا بعيدين عن بعض احسن، قالت لي مش قولت مسامحني، قولت ليها اي قولت بس ما قولت اني حا اقدر ارجع معاك زي زمان بالسهولة دي ودة حا يكون عقابك!! ،قالت لي حرام علييك والله انا ما بستاهل معاملك دي ،ياخ ناسي كل الحب الكان بينا ،قولت ليها ما ناسيهو بس انتي شكلك الناسية.َ.َ...َيا وفاق انا انصدمت وكل يوم بكتشف حاجة جديدة بتخليني انفر منك عشان كدة الأحسن نبعد وفي الفترة دي راجعي نفسك، قالت لي طيب كانت هادية شديد ومن غير عادتها ما عارفة مالها .
طلعت منها ومشيت لنرجس لقيتها نايمة في السرير غطيتها وقولت بكرة اجيب ليها طاولة ومعاها كرسي كدة للقرايه عشان ما تنعس!!!، رقدت جنبها وقولت في نفسي ما كنت مفكر انو في يوم ممكن اتقبل واحدة غير وفاق.
_____________________________
بلسان نرجس
صحيت نص الليل وبقيت احصن فيهو!! وتاني حصنت نفسي!!!، وبقيت بقرا لمن الصبح اذن صحيتو قام وصلينا سوا قريت لي قران قال لي في زول علمك التلاوة ،قولت ليهو اتعلمت براي!!، قال لي ما شاء الله ،قعدت قعد وحاوطني بيدو وقال لي اها نبدأ بشنو في الأسئلة ؟؟!، قولت ليهو لسه ما مستعدة!!، قال لي كيف والامتحان بعد بكرة،قولت ليهو عديل!! عاينت ليهو وقولت ليهو جايب شنو في الامتحان، ضحك وقال لي حا اوريك يعني ،عايزاني اغششك، قولت ليهو تلميح طيب ،ضحك وقال لي لا اقري واعملي العليك الامتحان البجيبو انا ما بتحل! ،قولت ليهو طيب قوم مني وخليني اقرا انت كدة بتشغل فيني! ،قال لي لا انا مرتاح معاك ما عايزة زول تسندني عليهو تعالي اكون ليك مسندة ضماني عليهو وقال لي اقري قلبي بقى بدق وقولت ليهو قايلني بفهم كدة قوم مني ياخ!!، ضحك وقام! مشى استحم ولبس وطلع للشغل بقيت قاعدة جات وفاق داخلة الغرفة قالت لي اهااا مبسوطة وانتي خطفتي راجلي مني! ؟،ما رديت عليها!، مسكت يدي وقالت لي مالك لسانك اتربط، قولت ليها اقول ليك شنو؟؟؟ هو لو كان مبسوط معاك ما كان جاني. قالت لي بقيتي عندك شخصية وبتعرفي تتكلمي كمان، قولت ليها وفاق بحذرك تمشي من هنا والا، قالت والا شنو مفكرة انو حا اخليك تكوني معاه أسرة وانا اتفرج والله لو شنو داك ما حا اخليك تجيبي منو ولد ، قولت ليها حا تعملي شنو وبعديين انتي متأكدة انك عاقر ولا عملتي حاجة خلتك كدة!!!، ملامح وشها اتبدلت وقالت لي قصدك شنو؟ ؟؟!، قولت ليها انتي وفهمك بعد كدة!، قالت لي اصبري لي بس والله اوريك النجوم بالضهر،قولت ليها العايزة. تعمليه اعمليه انا ما خايفة منك،طلعت وكانت غضبانة!!!، قولت في نفسي الايام الجاية حا تكون صعبة علي بس زي ما قالت وُد لازم اني اكون قوية اتصلت بيها عشان اطمن عليها ردت قولت ليها اها بقيتي كيف؟؟!، قالت لي كويسة الحمد لله!!، قولت ليها طيب انا حا اجييك بعدين، قالت لي لا ما تجي يا نرجس انا عاذراك وبعدييين حا يخرجوني الليله.
بالضهر كدة ميسم قالت لي اطلعي برة في عمال عايزين يجيبو طاولة هنا وكرسي،قولت ليهو لمنو ؟؟!، قالت لي يعني لمنو ما ليك ما شاء الله همام عازيك عزة شديدة!!، قولت ليها ما بصدق والله ما قصر ياخ طلعت وقعدت قولت ليها المدة دي سرحي لي ،قالت لي شعرك طال، قولت ليها موش!! وكمان حا يرجع احسن من الاول، همست لي وقالت لي اخوي بحب الشعر الطويل زمان قبل ما يتزوج فلانة قال الا مرة شعرها طويل بس وقع مع المرة المعصعصة دي ،قولت ليها هس حا تسمعك!!!، قالت لي التسمع ساااي بس والله مرات بشك انو هي عاملة ليهو حاجة واسي رجع، قولت ليها عايزة اقول ليك كلام بس ما تقوليه لزول نهاي، قالت لي قولي قولت ليها انا لاحظت في فترة من الفترات اخوك لمن اقرأ انا سورة البقرة بحس بالضيق وبكون متعسر حتى في الصلاة بس فترة من الفترات بقيت احصنو وارقى ليهو باليل وتاني اتكلمت معاهو في موضوعكم واستجاب بعد فترة لاحظت أنو ما بخلي زول يتكلم عن وفاق بس في فترات بكون حبة راخي والفترات دي انا بحصنو تحصين شديد وفي النهاية زدت التحصين وياهو دا السبب ااخلاهو اسي يعرف حقيقة وفاق شوية شويه.
كلمت خالتو بالحاسة بيهو قالت لي عارفاها عشان كدة ما بتكلم ولا بخلي بناتي يتكلمن وانتي اسي يا ميسم حا تكتمي الموضوع دة لمن اضمن انو همام ممكن يتفاهم معاي في موضوع زي دة، قالت لي حاضر يا نرجس.
بالمساء كدة مما جاء همام نطيت فيهو وقولت ليهو شكراً همو!!، قال لي العفو يا ست البنات، قررت انزل ثبتني وبقى يلف بي وانا اضحك تاني نزلني وقعد وقال لي يومك كيف؟؟!، قولت ليهو كويس انت كيف يومك ،قال لي الحمد لله.
اليوم التاني جاب لي شكلاتة وقال لي بالتوفيق. دخلت اول امتحان وكان المراقب هو كل ما اقلق بعاين ليهو لمن هديييت.
_______________________________
بلسان مظفر
الزول الوكلتو يشتري لينا الأراضي للصيدليات العايزين نعملهن شال القروش وهرب و لانو من طرفي وانا المستلم الموضوع شريكي خت الحق علي!! واسي عايز مني المبلغ وانا عشان بعت العربية ما باقي لي اي حاجة ،مشيييت لشهد وانا مضايق قعدت جنبي وقالت لي خييير يا مظفر ؟؟!، قولت ليها مافي اي خييير الزول سرق القروش كلها وهرب،قال لي معقول انا لو كنت قاعدة ما بخليك تعمل الخطوة الحمقاء دي تبيع الوراك والقدماك عشان في النهاية تخسر اي حاجة في ظرف ثانية اسي نعمل شنو ونرجع للزول من وين ؟؟!، البيت دة بيت إيجار اهلك ما عندهم حاجة؟؟!، نعمل شنو في المصيبة دي!!!، قولت ليها شهد اهدي انا بدبرها قالت لي تدبرها من وين ؟؟!، ياخ انا كلمتك من زمان قبل ما تدخل في حاجة فكر في العواقب!!!، قولت ليها كان كل حاجة...، قاطعني وقالت لي ما تتكلم خلاص وتبرر ماف حل، وااااي يا مظفر نعمل شنو ؟؟!، العربية راحت يا مظفر اي حاجة راحت عشان المشروع وكلو اتبخر!!!، قومت منها لانو ما قادر استحمل اكتر!!، قالت لي ماش وين؟؟!، ما رديت وبقييت متحرك كنت زهجان شديد وما لاقي اي زول اشكي ليهو الا هي فقمت اتصلت بيها.............