رواية بينهما الفصل الخامس عشر 15 بقلم ال زهراء
انت طلعت من نفسي، واوريك شي تاني انا اتخطبت لدكتور علي وعرسي قريب عشان كدة ما تعمل لي مشاكل لو سمحت، قولت ليها عاقبيني باي حاجة يا وُد بس ما تقولي لي انك بقيتي لغيري، قالت لي بغضب ما تصغيرني يا مظفر بعد خلاص عرفت حقيقة مرتك جايني انا ،مش زمان قولت انو انت ما بتحبي، طيب اسي جايني لشنو انا ما احتياطي عندك وقت ما تكون عايز بتلقاهو انت براك اخترت شهد وعاملتني باحقر معاملة ،علي جاء في اللحظات دي وقال ليها يا وُد انا من قبيل بفتش ليك مشيتي وين؟؟؟، لمن شافني قال لي مظفر انت هنا، سلمت عليهو شوفتو لابس الدبلة قولت الكلام دا صاح معناتو، علي قال لوُد انا حا اخليكم براكم. قالت ليهو علي انا ما عندي معاهو كلام خاص انت عايز شنو، قال ليها والله شفتك ماف قولت مشيتي وين، عاينت ليهو وقالت ليهو انت في حاجة شغاله بالك وريني ليها، قال ليها مش قولتي مصدعة قالت ليهو ايوااا عشان كدة خيتيت مية موضوع في بالك المهم انا كويسة ،قال ليها طيب انا ماش، مشى قولت ليها لااا انتي وهو مقربين لاي درجة.... حبيتو بعض؟؟ ،عاينت لي وقالت لي لااا ما حبيتو لسه بس هو شاريني واحسن منك،قولت ليها حتى لو احسن مني يا وُد زول ما بتحبيه ما بمشي معاك لقدام قالت لي الحب ما ضروري يا مظفر هو راجل بحترمني وبقدرني وأهم شي مستحيل يكسرني، وما بعاين لمرة غيري ،قولت ليها واثقة منو للدرجة دي، قالت لي اي واثقة، المهم لو سمحت ارجع وتاني ما تجيني هنا انا ما برضى اكون اسبير، قولت ليها انا غلطت واسي بعترف بغلطي الحياة الكانت معاك احسن ميه من حياتي مع بت ***،قالت لي ما تتلفظ واحترم نفسك انت موش اتزوجتها بس عشان بتحبها يبقى تتحمل عاقبة أفعالك ،عاين لي وقال لي افهميني اانا بقيت ضايع بسببك عايز أصلح غلطتي ،قالت لي غلطتك دي ما بتتصلح في حاجات لو اتكسرت ما بترجع انت كسرتني وبعتني بمجرد ما رجع ليك حبك الأول لو بس اخترتني لو بس قدرتني وقولت ليها مرتي دي ما بقدر اتزوج فيها بس انت ما اخترتني واتزوجت طوالي يا مظفر وكمان قولت لي كلام بمنتهى البرود عشان كدة ما تتوقع ارجع ليك أبداً.
مشت كنت عايز اوقفها بس قررت اعرف اول اذا خطوبتها صاح ولا غلط قعدت وانا زهجان اتصلت بنرجس قولت ليها وُد مخطوبة وانتي دسيتي علي ،قالت لي خوفت عليك تنصدم،قولت ليها يعني ما كذبة، قالت لي هو كان منتظرها تتم العدة وطوالي خطبها من أهلها، قولت ليهو ليه وُد بالأخص، قالت يمكن عشان ما بتتعوض، قفلت الخط في وشها وجدعت التلفون في الأرض من الغضب، يعني خلاص خسرتها، راسي بقى تقيييل وجسمي ما كان شايلني من الصدمة، كرهت نفسي وكرهت اللحظة القولت ليها داير اتزوج فيها،قولت في نفسي بعد خطبها خلاص ما بحق لي اضغط عليها بس حا ابقى ندمان طول عمري اني خسرتها.
____________________________
بلسان علي
وُد جات وقالت لي عايز اتكلم معاك، خوفت شديد وقولت هل حا تخليني في نص الطريق، قالت لي انا عايزة اوريك الكنا قاعدين نتكلم عنو انا ومظفر، قولت ليها ما ضروري يا وُد، عاينت لي وقالت لي لا انت عندك تساؤلات كتيرة ولازم أوضح ليك ،ضحكت وقولت ليها للدرجة دي انا شفاف، قالت لي اي والله، قولت ليها شكلو حا اتعب بعدين لمن ادس عليك حاجة ،قالت لي اكيييد المهم هو جاء للرجوع وانا جوابي كان لااا،اتنفسدت الصعداء وقولت ليها انا كنت متسرع في خطبتك بسسس والله يا وُد انا لا من الليله ولا امس دايراك عشان كدة ما بخلي زول ياخدك مني تاني ،عاينت لي وقالت لي انا وافقت جكارة بمظفر وعشان اوريه انو انا بقدر استمر من غيرو بسس والله ما عندي ثقة بالرجال، قولت ليها انا برجع ليك الثقة دي بوعدك ،قالت لي ما اظن المهم خلي عرسنا لبعد سنة احتمال تغيير راييك ،قولت ليها لو انتي ما غيرتي راييك انا مستحيل اغيير رايي قولي بس انتي ما مستعدة اسي تتقبليني كزوج ،عاينت لي وقالت لي انت شكلك قاري أفكاري، ضحكت وقولت ليها مستعد انتظرك طول عمري!!!، عاينت لي وقالت ليي بنشوف،اتنهدت وقولت في نفسي اكيد حا يجي يوم وحا تعرف هي بتعني لي شنو وقدر شنو انا بحبها وبحترمها.
بالمساء كدة لقيت مظفر قاعد برة وكان مضايق ،قال لي علي تعال عايز اتكلم معاك، قعدت ،قال لي انت جاد بخطبتك من وُد ولا عاملنو انتقام مني ،قولت ليهو نحن هنا عيال عشان نعمل تصرفات طفوليه ، وُد بحبها وراغبها لنفسي وما بخليها ليكك تاني لانك اذيتها، قال لييي وُِد ما بتحبك بتحبني ، قولت ليهو انا ما عايز حب وُد ،الحب عندي ما ضروري كفايه وجودها جنبي انت بس بعد مننا، قال ليي حا تندم، قولت ليهو ماف حاجة بندم عليها عارف انو هيييي مستحيييل تغدر بيي المهم تاني ما القاك مقرب عليها قرييب هي حا تكون مرتيي، قام ومسك ياقة قميصي وتاني زح يدو!!!، بان عليهو الغضب والندم في نفس اللحظة وانا متأكد انو نفسو يقتلني.
في اليوم التانيي سافر وانا مشييت اشوف وُد لقيتها راقدة عيانة ،قولت ليها مالك؟؟!، قالت ليي ماف حاجة شوية تعب، قولت ليها حا نرجع الخرطوم ، قالت لي وين ما بتستاهل القصة ،قولت ليها لا لازم نرجع خلاص، قالت لي انت ما تعمل من الحبة قبة شوية تعب ،قولت ليها انتي دكتورة واكيد بتعرفي الزول لو راكم المرض حا بنتكس احسن نرجع ،قالت لي هنا ماف علاج ولا شنو؟؟!، ضحكت وقولت ليها لازم تعبك دة مزمن ولازم فحوصات دقيقة ،قالت لي لا ما بحتاج.
بالمساء كدة بقت تصرخ وقالت لي يا علي رجولي ما حاسة بيهن ؟؟،قولت ليها اهدي ماف حاجة ما تخافي لازم نرجع ونشوف الحاصل ،بقت تبكي قولت ليها وُد ما تتجرسي واهدي كلو بتحل بعد نعرف التشخيص والتشخيص داير فحوصات.
وصلنا الخرطوم بعد 3 ايام عديل وتاني عملتا ليها كل الفحوصات وكل الفحوصات طلعت نضيفة!!! كنت عايز اجن وهي بتبكي بالطريقة الهستيرية دي!!!، وانا كان لازم أقوى 💔، قولت ليها وُد ما تخافي والله انا لو سافرتك كل العالم الااا اعلاجك ما تبكي لانو انا بضعف!!!، عاينت لي وقالت لي ماف اي حاجة عملت لي المرض دة يا علي الحل شنو، قولت ليها نعيد الفحوصات وتاني نعمل أشعة مقطعية ،قالت لي لو طلع عندي حاجة خطيرة قولت ليها ما تخافي ما حا يطلع عندك حاجة انا متأكد!!!، كنت بطمن فيها بسس انا جواي ما مطمن الفصحوصات النضيفة لزول عيان حاجة مقلقة.
المهم طوالي اتصلت عشان احجز، نرجس صاحبتها جات ومعاها راجل وعرفت انو بكون اخو مظفر، امها كانت قاعدة وبتبكي وبتقول لي هل بتي تاني حا تمشي، قولت ليها إن شاء الله حا تمشي وحا تبقى كويسة.
بالليل كدة جاء مظفر وهايج وقال لي لازم اشوف وُد، قولت ليهو تعبانة، تاني امها جات طالعة ليهو وقال ليهو انت بتعمل شنو هنا اتخارج اي شي بسببك، ما عايزين نشوف وشك تاني بعد عن وُد وُد بقت مخطوبة لواحد تاني ما تعمل ليها مشاكل ،قال ليها ما بمش الا اشوفها ،قالت ليهو قولت كدة صاح اصبر لي مشت جابت رجال الأمن وقالت ليهو الزول دة بزعج في المرضى وعايز يعمل مشاكل في المستشفى بتي ما دايرة تشوفو ، قال ليهو بتاع الأمن يا زول اتوكل احسن ليك، مظفر ما اشتغل بيهو وحاول انو يمشي ،تاني هم منعوهو لمن منعوهو طوالي حاول يتهجم عليهم انا طوالي وقفت في نصهم في النهاية اناا ما عايز وُد تتوتر بمشاكلو ،طوالي انا سحبتو وقولت ليهو انت عايز تصل لشنو ؟؟؟،عارف انو وُد الفترة دي ما ناقصها اي مشاكل فكون واعي شوية عايز تشوفها صاح بخليك تشوفها بسسس خليني اتكلم مع خالتو اول، قال لي يا علييي انا ما داير اي واسطة عشان اشوف بيها وُد والله لو شنو داك امشي ليها، قولت ليهو طيب بسس من غير مشاكل.
دخلت جوة معاهو وقولت لي خالتو خليهو يشوفها ،قالت لي يا علي كيف لكن اخليهو بعد كل العملو ليها ،قولت ليها لو سمعت وُد حا تقلق ومصلحة وُد حالياً فوق اي حاجة ،قالت لي لكن هي حا تتضايق، قولت ليها لا هي ما بتتضايق بس اذا سمعت المشكلة دي حا تتضايق انا متأكد انو وُد بقت قادرة تواجه مظفر .
خلتو يدخل وبعد شوية طلع قال نايمة بسس لمن تصحي لازم اشوفها، بعد مدة جاء همام وساقو معاهو ،انا ما كان عاجبني الوضع بس كان مفروض زول يحكم عقلو عشان الفترة دي صعبة عليها.
في اليوم التاني مشينا كلنا بي نرجس وهمام ومظفر للأشعة المقطعية وبرضو ماف اي حاجة غلط عقلي شطب ختيت كل الفحوصات قدامي ووقولت احتمال القى حاجة وبرضو ما لقيت قعدت وحسيت انو الصداع عايز يشق راسي من كترة التفكير، ماف اي علامة لوجود مرض!!.
بعد شهر من الكلام دة فقدت النطق وبقت ما قادرة تتكلم انا خلاص هنا حسيت انو حا افقد عقلي كل قرايتي ضاعت هباء منثورا لانو ما لاقي تشخيص مناسب ،صاح انا سيرجون بسسس مفروض اعرف اذا كان في علامة مرض، استعنت بكل زملائي وفي النهاية قالو ممكن يكون مرض مناعي نعمل فحوصات ،طوالي انا عملتها طلعت نضيفة انا هنا طوالي زهجت وجدعت الورقة وما قدرت اتحكم في نفسي وطوالي دخلت وقررت اعييد فحصها بنفسي ،كان بتبكي بس وبتعاين بعيونها قربت وبقييت اكشف ليها ما خليييت سيستم من السيستمات الا وفصحتو في النهاية ما لقيت أي حاجة ،قعدت جنبها وقولت لأمها نطلعها من المستشفى واتزوجها عشان انا قررت اوديها الهند، قالت لي ما نتسرع يا علي ،قولت ليها لاااا لازم نتسرع،طلعت برة لقييت مظفر قاعد هو طول الشهر الفات حابساها واخد اجازة عديييل بس انا ما كنت فاضي انو اقول ليهو باي حق قاعد وكل همي كان شفاء وُد.
لمن رجعت البيت كلمت امي قالت ليي ما بخليك تتزوج لو ما بقت كويسة البحصل ليك شنو ؟؟!، قولت ليها يا هي ولا ما عايز اعرس وليك الخيار، عاينت لي وقالت لي تقعد تحبسها كدة، قولت ليها لو مية سنة بحبسها المهم انتي موافقة ولا لا، عاينت لي وقالت لي اوعدني انك تعرس طيب لو ما بقت كويسة ،قولت ليها الا دا بسس ماف واحدة غيرها حا تخش حياتي عشان اكون واضح من أسي وبعدين ما تقولي ولدي غشاني، قالت لي متأكد، قربت وبوستها من جبينها وقولت ليها تمام التاكيييد ما داير زول غيرها ولو خسرتها ما عارف حا اعمل شنو، قالت لي طيب، قولت ليها بس اذا اتزوجها ما عايز تسمع اي كلمة جارحة منك ولا من اخواتي يا أمي هي كفاها مرضها علييك الله ،قالت لي بريي والله ما اسمعها بس انا خايفة عليك بس وقت دايراها انت حر في البتعمل فيهو، اتنهدت ومشييت لابوها قولت ليهو الليله بالليل بسس العقد ما عايز اي تاخييير.
لمن رجعت المستشفى مظفر جاء بعلي وقال لي سمعت عايز تتزوج وُد ،قولت ليهو اي الليله العقد، قال لييي ما اظن تقدر تتعامل معاها ومتاكد انك ما حا تتحمل، انت عامل نفسسك بتحبها بس لمن تقع المسؤولية عليك وتكتر ما بتقدر عليها ،خلي لي وُد انا عشت معاها وبعرف اتعامل معاها كيف،انا عارف نفسي برتكب ذنب بسس والله ماف.....، قاطعتو ببنية وقولت ليهو انا صبرت ليك شهر عديل وقولت عشانها بس كمان بقيت تجيب خارجيات وُد خطيبتي ما بخليها لاي زول الا هي تقول، ولو بسس فكرت تاني تقرب منها بعد أعقد عليها والله اقتلك، قال لي تقتل منو يا زول وجاء يتهجم علي ،انااا ما كنت داير اي آثار دم فمسكت يدو وقولت ليهو اسمع هنااا انااا ماسك نفسي عشانها بسسس والله لو ما هي بتلاحظ كنت شوهت ليك وشك دة ،انت لو عاجباك مرتك متزوج فيها لشنو ؟؟!، انا ما حا استلم ليك ما بخليها ليك وحا أعقد عليها وانت العايز تعملو اعملو.
دخلت جوة ليها كلمتها بالعقد هزت راسها بالرفض وانا هنا ما عرفت اعمل شنو، قولت ليها وريني اسبابك حتى لو كتابه!!!، كتبت ليي ما عايزاك يا علي انا ما بحبك وعمري في يوم ما حا احبك شوف لي واحدة تانية غيري ......................
اللهم صل وسلم على نبينا محمد وعلى آله وصحبه أجمعين 🩷
_______________________
*"خايف اكون بعافر علي الفاضي.. و خايف ابطل اعافر ويبقي أنا الي اخترت اخسر.."*