رواية سرطان الفصل التاسع 9 بقلم محمد منصور
ساطول المذنب كان واقف قصاد الملك ألفريد متسلسل بص الفريد للحراس وقال
فكو السلاسل
ساطول
مش خايف لما تفك السلاسل بتاعتي اهرب منك
الفريد
هتهرب تروح فين وانت محتاجني زي ما انا محتاجك
وفكو الحراس سلاسل ساطول اللي كانت نظرات عيونه ترعب وابتسامته تدل علي مجنون عبقري واثق من نفسه وبص ساطول للقاضي انتوني وقال
لسة عجوز زي ما انت يا أنتوني مع اني توقعت موتك وانا في السجن
أنتوني
وانت لسة لسانك طويل مع اني توقعت انه يتم قطعو في السجن
ساطول
ومين يقدر يقطع لسان ساطول. ملك المذنبين
انتوني
المملكة دي ملهاش الا ملك واحد وهو الملك الفريد
ضحك ساطول باعلي صوته وقال
هو دة اللي مخليك لغاية دلوقتي قاضي المملكة مع اني علي يقين بانك مصاب بالزهايمر
انتوني ابتسم بمنتهي الثبات الانفعالي وقال
انت يا ساطول اللي بتتمني انك تتصاب بالزهايمر علشان تنسي ازاي انا قدرت اقبض عليك
ساطول
خيانه خسيس ليا هو سبب وقوعي في ايدك. وقبضك عليه بعد 15 سنه من الاجرام في مملكة انت كنت وزيرها مش انجاز. يحسب ليك دة وصمة عار خليتك من وزير للمملكة ل مجرد قاضي ودة مش تكريم دة اعتراف من الملك الفريد بفشلك
الفريد
كفاية كلام في الماضي وخلينا في الحاضر
ساطول بص للملك وقال
اية يا مولاي بدور علي وزير يمسك المملكة
الفريد
لا. بندور علي سفاح خطف خمس بنات عذراء
ساطول باستهزاء
اووووو. ودة يبقي مين اللي سجله الاجرامي قرب من سجلي
الفريد
لو كنا نعرفو ما كنتش انت قدامي دلوقتي
ساطول
ومستني مني اساعدك دة انا هساعده هو في اكمال سلسلة الجرائم بتاعته. رجعني للسجن
الفريد
حتي لو عرفت ان بنتك صوفيا الضحية الخامسة
برق ساطول من هول الصدمة، ،،،،،،،،
سرطان
اقتباس و تاليف
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
هنرجع بالاحداث لكام يوم وراء وقت ما الفريد كان بيقول ل انتوني
الحراس والقائد وانت كلكم فشلتو تعرفو مين اللي بيخطف البنات العذراء. ووصلنا للضحية الخامسة وبتقولي ان خروج ساطول اكبر غلط انا ممكن ارتكبه
انتوني
يا مولاي. ساطول دة اكبر المذنبين والشر بيجري في دمه تفتكر مذنب زيه هيهمه امر الشعب بتاعك دة مش بعيد يخرج ويساعد السفاح في جرائمة
الفريد
تفتكر انه هيساعد السفاح اللي خطف بنته
انتوني استغرب وقال
تقصد اية يا مولاي
الفريد
ساطول عنده بنت اسمها صوفيا في سن ال 15. ولسة عذراء. الحراس بتوعنا هيخطفوها ويخرج ساطول ونقول له ان السفاح هو اللي خطفها ودة هيخلي يوصل للسفاح بمنتهي السرعه وعمره ما يتعاون مع ضدنا
انتوني
فكرة عبقريه يا مولاي
الفريد
ما انا مش غبي يا انتوني علشان اخرج اسد من القفص الا وانا كاسر له انيابه اللي هيقطع بيها لحمي،،،،،،،،
و نرجع للقصر و ساطول كان غضبان جدا وبيقول بمنتهي العصبية
مين يتجرا وانا من اهل الدنيا انه يخطف بنتي
الفريد
السفاح اتجراء و هيبتك وهيبة المملكة بقيت في مهب الريح ودلوقتي مستني اعرف كلمتك الاخيرة معانا ولا أمر الحراس برجعوك السجن وبنتك حراسي هيدورو عليها
ساطول بعيون مليانه غضب
ما حدش هيرجع بنتي غيري.
الفريد بص ل انتوني بمكر ورجع بص ل ساطول وقال
والحراس والسلاح كلهم تحت امرك.
ساطول
يعني من النهاردة اعتبر نفسي قائد الحراس
الفريد
بالظبط.
ساطول
طيب انا محتاج اقعد مع القائد الاساسي اللي كان مكلف بالبحث عن السفاح،،،
وبعدها بشوية كان ساطول قاعد مع قائد الحراس لويس وبيقوله
عارف انك مش حابب ان مذنب زيي يكون القائد بتاعك بس لازم تعرف اني هنا علشان ارجع بنتي وانجح في اللي انتم فشلتو في
لويس
احنا ما فشلناش. لكن السفاح ما بيسبش وراء اي اثر
ساطول
نفس اللي انا كنت بعملو وانا معجب بي ولو ما كانش خطف بنتي انا كنت ساعده في الخلاص من كل سكان المملكة. واولهم اهالي الحراس
غضب لويس لكنه تمالك اعصابه وقال بهدوء
مولاي الملك أمر باننا نكون ليك خدام طاعين. ورفض ان اي حد مننا يرد علي تجاوزاتك في حق اي حد مننا
ساطول
عظيم بداية تقول اني كسبت عبيد مخلصين. ودلوقتي عايز اعرف اسامي الضحايا الاربعه وهل ليهم علاقة ببعض
لويس
تقصد الضحايا الخمسة
ساطول
الضحية الخمسة دي بنتي وانا عارفها كويس عايز الاربعه التانين
لويس كان ناسي كلام الملك الفريد لي. بانهم خمس ضحايا الاخيرة بنت ساطول فلحق نفسه وقال
بالترتيب. سارة بنت فلاح اسمه كورلوس. و حوريا بنت القاضي توماس. و جوليا بنت الحارس ديفيد. و بيلا بنت الخياط اسطفانوس. ومافيش بين الاربع ضحايا اي ترابط او علاقة عائلية
ساطول
يعني بنات تم اختيارهم بطريقة عشوائية والغرض من خطفهم مجهول. طيب اخر مرة اتشافو فيهم كانو فين
لويس
بالقرب من الطريق المهجور
ساطول
الطريق المهجور.،،،،،،،،
ونروح ل سرطان اللي كان جوة دكان العطور وقت ما دخل عليه ساطول ومع تلت حراس بص له سرطان باستغراب وقال
انت مين
ساطول
السؤال دة المفروض انا اللي اساله ليك لاني اعرف كل سكان المملكة وانت غريب
سرطان
انا غدير صانع العطور
ساطول وهو بيبص لكل ركن في الدكان قال
دكانك بيدل علي انك صانع عطور مميز.
ومد ساطول ايدة ل سرطان وقال
انا ساطول قائد الحراس الجديد
سلم سرطان عليه وهنا ساطول سحب ايدة من ايد سرطان بسرعه وبص علي الارض ومد ايده ناحية،،،،،،،