بسم الله ولا حول ولا قوه إلا بالله العلي العظيم
فتحي .. منورين الدنيا يا عمده فرج
فرج .. ده نورك يا عمده ايه اخبارك يا عتريس
عتريس.. الحمد الله بخير يا عمده
فرج .. احنا مش هنطول وهندخل في الموضوع علي طول
فتحي .. طب نتعشاء الاول
فرج .. لا خير البر عاجله انا جاي انا وابن اخويا عشان نطلب ايد بنتك اسماء لي عادل ابن اخويا
فتحي .. البنت بنتك يا عمده واحنا طول عمرنا اهل بس استاذنك ناخد راي اسماء
فرج .. اكيد طبعآ
فتحي .. بينده علي اسماء
اسماء .. بتدخل نعم يا بابا
فتحي .. عادل جاي يطلب ايدك ايه رايك
اسماء .. وشها احمر وبصت في الارض اللي تشوفه يا بابا
فتحي .. لا يا بنتي دي ما فيهاش اللي اشوفه وانا عودتك علي الحريه في القرارات اللي تخص حياتك
اسماء .. وانا موافقه يا بابا
فتحي .. الف مبروك يا ولاد واحنا كلنا اهل يا عمده فرج وربنا يتمم لهم بخير
فرج .. ربنا يديم المحبه يلا نقرأه الفاتحه ..وبعد قراية الفاتحه ..
فتحي .. وقف الف مبروك يا عادل يا ابني
عادل .. الله يبارك فيك يا عمي وربنا يقدرني واقدر اسعدها
فتحي .. انا متاكد من كده انت راجل وابن اصول وربنا يكتب لكم السعاده
عادل .. اللهم امين يارب العالمين
اسماء .. بعد اذنكم هروح اكمل الاكل
فتحي .. اتفضلي يا بنتي
عادل .. فيه اي حاجه حصلت من الزناتيه
فتحي .. بالعكس مفيش منهم حس ولا خبر الضربه كانت جامده عليهم
فرج .. بس مش هيفضلوا كده كتير اكيد هيعملوا حاجه وعشان كده انا شايف اننا نجوز الولاد بسرعه ايه رايك
فتحي .. انا بنسبالي مفيش مشكله وجهازها جاهز من مجميعه
فرج .. تمام ايه رايك يا عادل
عادل .. زي ما تحبه انا نفسي النهارده قبل بكره وابتسم
فتحي .. يبقا يا عادل اتفق انت واسماء علي معاد الفرح وانا موافق
فرج .. تمام ولا كلام بعد كلامك
اسماء .. بتدخل الاكل جاهز اتفضلوا
الكل قامو وقعده ياكله واسماء وعادل بيتبادله النظرات من تحت لتحت وعنيهم كلها فرحه وسعاده وبعد الاكل جابت اسماء الشاي وقدمته ليهم والعمده فرج وفتحي قعده بره وسابه اسماء وعادل سوا
عادل .. انا اسعد انسان في الدنيا
اسماء .. وانا كمان مش مصدقه ان خلاص بقينا مخطوبين
عادل .. مش بس كده احنا هنحدد ميعاد الفرح انا وانتي دلوقت
اسماء .. وليه الاستعجال
عادل .. كده كده انا كل حاجه جاهزه وانتي كمان ليه التاخير ايه رايك الخميس الجاي يبقا قدامك اسبوع
اسماء .. لا انا لسا فيه حاجات عايزه اجيبها
عادل .. انا هجيب لك كل اللي انتي عايزاه
اسماء .. معلش خليه الخميس اللي بعده كده اسبوعين كويسن
عادل .. زي ما تحبي انا موافق شوفي محتاجه ايه ومن بكره ننزل نجيب كل اللي عايزاه سوا وكمان اخدك بكره تشوفي القصر والجناح اللي هنعيش فيه
اسماء .. ابتسمت خلاص اتفقنا
عادل .. هتوحشيني من دلوقت لبكره
اسماء .. وانت كمان يا حبيبي
عادل .. يا بوي ده انتي طلعتي رومانسيه اهو
اسماء .. لما يكون اللي قدامي هو الشخص الوحيد اللي قدر يفتح قلبي لازم اكون رومانسيه
عادل .. امال كان فين الكلام ده
اسماء .. كل حاجه في وقتها حلوه صح ولا لا
عادل .. ده صح وصح يا ست البنات يا ملكة قلبي وحياتي
اسماء .. وانت كمان بتعرف تقول اهو
عادل .. جمالك ينطق الحجر يا اسماء يا احلا وارق اسماء في الدنيا
اسماء .. تسلملي يارب وربنا ما يحرمني منك ابدآ
عادل .. ولا منك يا حبيبتي
شريف .. عادل جه وزمانه قرب يمشي وانتي مقعداني جنبك مش هتقوليلي هنعمل ايه
شيرين .. ومين قال ان اللي هنعمله هنعمله النهارده
شريف .. امال امتي بعد ما يتجوزها وياخدها مني
شيرين .. بالظبط كده يا شريف وقت ما يكونوا كلهم مطمنين هنضرب ضربتنا والحد ده ما يحصل هتنزل مصر تجيب مرات المرحوم اخوك وابنها عشان يعيشه معانا مش هنسيب ابن اخوك يتربه بعيد عن عز ابوه الله يرحمه
شريف .. غريبه انتي الي طردتيها ايه اللي غير رايك
شيرين .. عشان ابن ابني ما يترباش بعيد واكيد الفتره الي خدتها عند اهلها عرفتها انها كانت في نعمه
شريف .. مش فاهمك يا امه انتي عايزه ايه بالظبط
شيرين .. عايزه نجمع قوتنا ونضرب ضربتنا عشان نخلص من الكل في ضربه وحده بس لازم يحسو اننا خلاص استسلمنا فاهم ولا لا
شريف .. طب واسماء
شيرين .. اسماء كده كده مش بطيقك ولا عمرها هتوافق تتجوزك بس لو سمعت كلامي هتتجوزها
شريف .. انا مش فاهمك ازاي هتتجوز عادل وزاي بتقولي اني هتجوزها
شيرين .. انا عمري قولتلك حاجه وما عملتهاش
شريف .. لا كل حاجه بتقوليها بتعمليها
شيرين .. يبقا خليك واثق فيا وسيب كل حاجه عليا
شريف .. حاضر انتي قولي وان هنفذ
شيرين .. عايزك تجيب نسرين وفارس ابنها
شريف .. حاضر الصبح هروح القاهره اجيبهم واجي
شيرين .. مش هتتعرض للعمده ولا لبنته ولا لي عادل مفهوم
شريف .. مفهوم لما اشوف اخرتها
شيرين .. وزود الرجاله بس مش عايزه العمده يحس بحاجه فاهم
شريف .. حاضر
شيرين .. يلا قوم وسيبني لوحدي
شريف .. تصبحي علي خير هروح اشوف حماده واطمن عليه
شيرين .. وانت من اهله
شريف .. رح يطمن علي حماده الي كان ساكن مع الرجاله في بدرون القصر عندهم
حماده .. بيتعدل
شريف .. خليك مرتاح يا حماده عامل ايه دلوقت
حماده .. بخير وقريب هحط الرصاصه في قلب العمده
شريف .. ما تقلقش كل حاجه في وقتها حلوه
حماده .. يعني ايه مش فاهم
شريف .. يعني الكبيره هي الي هتخطط واحنا ننفذ مع اني هتجنن وقتلهم مش قادر اصبر بس امي محكمه رايها
حماده .. الكبيره عقلها كبير وطول ما قالت هتعمل يبقا هتعمل
شريف .. امتي انا مش قادر استنا عايز اخد الرجاله وروح اولع في الغرب وفي دوار العمده واخد اسماء واجي
حماده .. اهدا وسيب الكبيره تتصرف
شريف .. اديني مستني ما قدميش غير كده المهم كلم حبايبك عايز رجاله قلبها ميت فاهم
حماده .. سهله دي عندي من عنيه عايز كام راجل
شريف .. عايز ٥٠ راجل
حماده .. مش كتير اووي ٥٠ علي الرجاله اللي عندنا
شريف .. لازم نعمل حساب كل حاجه عشان ما يتكرارش اللي حصل فاهم
حماده .. من عنيه اعتبره حصل
شريف .. اسيبك عشان نازل القاهره الصبح بدري
حماده .. ليه فيه حاجه
شريف .. الكبيره عايزه نسرين وابنها فارس
حماده .. غريبه دي اول ما مات المرحوم اخوك كان فارس لسا مولود والكبيره طردتهم الحكايه دي من اربع سنين
شريف .. انا مش بستغرب اي حاجه بتحصل من امي يلا تصبح علي خير
حماده .. وانت من اهله
الشمس طلعت وعادل ركب عربيته عشان يروح ياخد اسماء عشان تشوف جناحها في القصر وتختار الالوان المناسبه وعادل داخل الشرق كان شريف طالع منه عشان يروح القاهره وشريف ما حولش حتي يبص علي عادل وده الي خلى عادل يستغرب ويحس ان في حاجه غلط بتحصل بس ما كانش عارف ايه هي وبتمر الساعات وبيوصل شريف لشقة نسرين شقه في منطقه وحشه وحالة الشقه زفت بيخبط علي الباب
نسرين .. بتفتح الباب مين شريف
شريف .. ايوه شريف يا مرات اخويا ايه مفيش اتفضل
نسرين .. الشقه مش مقامك يا شريف بيه
شريف .. نسرين انتي عارف اني طول عمري بعتبرك زي اختي وانك غاليه عندي بس مفيش حد يقدر يكسر كلام الكبيره ومن اربع سنين لحد دلوقت وانا ببعتلك فلوس من غير ما امي تعرف عشان غلاوتك عندي
نسرين .. عارفه بس كنت مستنيا انك توقف جنبي ومتخليش امك تطلعني من القصر
شريف .. انسي اللي فات وخلينا في اللي جاي انا جاي اخدك انتي وابنك هو فين
نسرين .. نايم جوه
شريف .. خلاص صحيه ولبسي وانا هستناكي في العربيه
نسرين .. وشيرين هانم مش هتعترض
شريف .. لا هي الي بعتني بس اياكي تفكري تتحديها تاني
نسرين .. حاضر نص ساعه وكون عندك
شريف .. ماشي مستنيكي تحت
بينزل يستنها ومفيش دقائق وبتنزل هي وفارس ابنها الي عنده اربع سنين وبياخدها وبيطلع علي البلد علي طول ونسرين فرحانه انها اخيرآ هترجع للعز الي اتحرمت منه اربع سنين وبتدخل القصر وبتبوس ايد شيرين وبتبدا تدخل معاهم في كل حاجه ويخططو سوا وبتمر الايام وعادل واسماء في قمة سعادتهم وبيجهزه كل حاجه سوا لحد ما بيجي يوم الفرح وبعد كتب الكتاب عادل بياخد مراته في زفه كبيره وضرب نار كتير اعلان عن فرحتهم وبيوصلوا القصر وبيشيلها وبيدخلوا الجناح بتاعهم