رواية كاس المر الفصل الثامن 8 بقلم محمد منصور
وبص جرجس للحرس وقال
هاتوه
راح بسرعه دياب ناحية زينه وحط المطواة في ظهرها وقال
اللي هيقرب مني هقتلها
لكن زينه جت تزق ايدة بعيد عنها دخلت المطواة في جنبها اتوجعت ودياب بيبص لها اوي ودمها بدأ يجري زي الشلال علي الارض لكن دياب ما رحمش زينه وحط المطواة علي رقبتها وقال
وربي وما اعبد اجيب رقبتها قدام منكم.
وقال ل جرجس
خلي رجالتك يغورو من وشي
جرجس بطيبة قلب
ارحم البنت والدم اللي نازل منها. سايبها اوديها لاي دكتور وانا هسيبك تخرج من هنا
دياب
انت فاكرني حمار اسيبها لك علشان رجالتك تعمل عليه حفلة. لو فعلا خايف عليها اديني مفتاح عربيتك وخليني امشي من هنا
جرجس
و سمر هتعمل فيها اية
دياب
هرميها قدام اي مستشفي وابقي اتصل بيك اعرفك انا رميتها فين. وبطل رغي وخليني اخرج من هنا
جرجس
طيب طيب
وبص للحرس بتوعه وقال
خلو يخرج وادي له العربية بتاعتي
وفعلا عملو اللي هو عايزه وخرج دياب وزينه قدام منه والمطواة علي رقبتها وركب العربية واتحرك بيها بمننهي السرعه بعد ما حط زينه في الكنبة اللي وراء وساق وهو متوتر ومرعوب وعمال يبص علي زينه اللي قاطعه النفس وكان بيقول لنفسه
لية اتحركتي انا كنت بهوشك بس. الله يخرب بيت اللي حدفك في سكتي ويخرب بيت الماظك يا جرجس الكلب كان مالي انا ومال الشبكة الزفت دي زمان جرجس بلغ الحكومة
ورجع بص ل زينه والدم اللي بينزل منها وقال
وبعدين اعمل اية.
وفجاة يلاقي كمين شرطة قدام منه داس فرامل وبسرعه البرق لف العربية وجري بالعربية في الناحية التانية بعيد عن الكمين وفضل يبص في المرايا الموجودة جوة العربية ولقي ما فيش حد من الكمين شافو خد نفسه واتنهد وقال
ماحدش شافني. كويس
وفضل يفكر يروح فين ب زينه لقي نفسه في الترب عند صدام وقف قدام اوضة صدام وفضل يضرب كلكس فتح صدام الاوضة وبص للعربية اللي قدام باب الاوضة بالظبط ونور العربية ضارب في عيونه وقال
هي جت علي المتر دة. دوس بنزين وخش اركن جنب السرير جوة
خرج دياب راسة من شباك العربية وقال
عايزك
صدام اللي شاف دياب بصعوبه
هو انت،،،،،،،،،،
ومن جوة الترب يفتح دياب باب العربية ويخرج زينه ويرميها قدام صدام ويقول
خلصني من المصيبة دي
اتصدم صدام وقال
الله يخرب بيتك عملت فيها لية كدة
دياب
غلطة
صدام
دي كانت بت طيبة.
دياب
مش وقته يا صدام. خلصني منها وانا هبيع العربية دي مبلوله وهرجع لك اديك حقك
صدام
ما تيجي نشوف فيها النفس ولا لا.
دياب
ولو فيها النفس هتروح بيها للدكتور
سكت صدام فقال دياب
افتح اي تربه وشوف شغلك بقي
وركب دياب العربيه وقال
هرجع لك تاني.
واتحرك بالعربية وساب صدام قدام زينه اللي بص لها وقال
حرام والله اللي حصل فيكي. كنتي فين والمر دة فين وقعتي بين اتنين اوسخ من بعض الله يرحمك بقي
وهنا يسمع صرخة جاية من وراء ظهرة فاتسرع وبص وراء منه لقي نحمده فقال لها
بتصرخي لية يا بقرة حمزة
نحمده وهي بتبص ل زينه
مش حرام اللي حصل في البت دة. دي غلبانه.
صدام وهو ببفتح لها عين في جبانه
ملناش دعوي احنا
نحمده وهي بتحط ودانها عند مناخير زينه قالت
دي لسة بتتنفس تعالي نوديها مستشفي
صدام وهو بيشيل زينه
هنلبسها احنا
نحمده وهي بتقف قدام صدام
انا هوديها بس حرام ندفنها بالحية
صدام
هتموت دلوقتي دي باين عليها نزفت كتير
وبدأ صدام يدخلها الترب ونحمده بتقول
يا صدام هتشيل ذنبها طول عمرك
يخرج صدام من التربه ويقفل باب العين الموجودة في الجبانه وهو بيقول بعصبية
انا مش ناقص حوارت المباحث والحكومة انا مسجل والخربوش عندي بجرح
ومشي وساب نحمده واقفة تبص للجبانه اللي فيها زينه فقال لها
هتمشي ولا اخلي عفاريت الترب تطلع تلبسك
ومشيت نحمده وعيونها علي الجبانه، ،،،،،،،،،،،،
ومن علي قهوة من القهواي يقعد دياب مع حرامي عربيات اسمه جريشة سرفيس. وكان دياب بيقول وهو بيبص لعربية جرجس
هما 100 الف. دي مرسيدس موديل السنه
جريشة
موديل السنه اة. بس مسروقة والكنبة اللي وراء غرقانه دم يعني معمول بيها مصيبة
دياب
جريشة. هتخلص ولا اشوف غيرك يخلص
جريشة
هخلص ياعم وبراحة علينا، ،،،،،،،،
ومن علي الطريق الصحراوي تمشي عربية مصفحة مخصصة لنقل الفلوس عليها حراسة اربع عربيات لونهم اسود وتوصل العربية لقصر في اسكندرية وتقف قدام باب القصر وينزل احدي سائقي عربيات الحراسة ويبص للبوابة ويخرج الموبيل بتاعه ويتصل ب جرجس ويقول له
وصلنا للقصر يا جرجس بية
صوت جرجس
تمام هفتحة ليكم حالا
واتفتح باب القصر وبص هذا السائق للعربية المصفحة وقال
اتحرك
لكن سائق العربية المصفحة ينزل وهو مقنع ويقول
لغاية هنا وحلو اوي
وطلع سلاح رشاش الالي كاتم للصوت من هدومة وبدأ يضرب النار علي الاربع عربيات دمر عجل العربيات تماما والحراس اللي كانو في العربيات مسلحين وضربوا عليه نار لكن كل طلاقتهم كانت فشنك وقف قدام منهم المقنع وقال
كل طلاقت السلاح اللي معاكم فشنك. يعني اونطة. وانا هاديكم فرصة وهعد من واحد ل عشرة اللي هلاقي قدام مني هعمل جسمة مصفي مكرونة.
وبدأ المقنع يعد لكن الحراس هربوا بمنتهي السرعه يا روح ما بعدك روح. وفضي المكان وقلع القناع وهنا يظهر صلاح الشرقاوي وهو بيضحك وبيقول لنفسه
انا بابا المجال يا شوية عيال
وركب العربية المصفحة تاني واتحرك بالعربية والالماظ فيها وشغل اغنية شعبية علي موبيلة وهي اغنية سلامتها ام حسن.
وبدأ يفتكر اللي كان. ،،،،،،،،،،،،
ونرجع بالاحداث لكام يوم كدة. وصلاح قاعد مع فرد الامن اللي اسمه هجرس. وهو اللي نقل اخبار جرجس كلها ل صلاح وقبل منه دياب وكان صلاح بيقول
عرفت بقي دياب كان ناوي علي اية
هجرس
ابن الكلب. انا مستحيل اكون السبب في سرقة الماظ جرجس دة انا لحم اكتافي من خيرة
صلاح
ولحم فخادك من خير واحد تاني
هجرس
لحم جسمي كله من خيرة
صلاح
طيب انا بقي جاي اشتري
هجرس باستغراب
تشتري اية
صلاح
لحمة
وطلع صلاح شيك وكتب في 2مليون ج. وحط الشيك في ايد هجرس وقال
افتكر الرقم دة يستاهل تبيع
بص هجرس للشيك وخده وحطة في جيبة وقال
انت عايز اية بالظبط
ابتسم صلاح وقال
هنضحك علي دياب ونقول ان الالماظ جوة حيطة
هجرس
بس الالماظ في خزنة البدروم
صلاح
يا سيدي عارف. احنا هنقول كدة وكدة. وانت تخلي واحدة معرفة من عندك تتصل علي جرجس في الوقت اللي احدده انا وتقوله دياب عايز يسرقك. ساعتها جرجس هيعمل اية
هجرس
هيخاف علي الالماظ
صلاح
ولما بيخاف
هجرس
بينقله من القصر دة ل قصر اسكندرية في عربية مصفحة
صلاح
الله اكبر عليك. ومين اللي بيتصل بالعربية دي
هجرس بضحكة هبلة
انا. ما انا مشرف حراس القصر واقدم واحد مع جرجس بية
صلاح
وهو عرف يختار. بصراحة
هجرس
انت عايز تقول اية.
صلاح
عايزك تتصل بيا وانا هجيب لك عربية مصفحة محترمة. وطبعا هيطلع من الالماظ من هنا طقم حراسة
هجرس
اكيد
صلاح خرج من جيبة طلقات فشنك وقال
عايزك بقي وقتها تحشي الاسلحة بتاعتهم بالطلق دة. وتخلي الحرس يقبضوا علي دياب ويسلموا للحكومة
هجرس
بس كدة انا هتعب واحتمال من المجهود الزيادة اعرق
ابتسم صلاح وطلع شيك تاني وكتب في 5 مليون وقال
خد هات مناديل.
طمع هجرس اكتر واكتر وحط الشيك التاني في جيبة، ،،،،
وبعدها بيوم يروح دياب ل صدام وهو متنكر في شكل رجل عجوز ومش قادر يمشي وعمال يكح وقف قدام صدام اللي كان بيشيش بص له صدام وقال
ومستعجل لية يا حج ماكلها كام ساعه وكنت هاجي اخدك وادفنك دفنه ملوكي.
دياب
انا دياب يا صدام
صدام من المفاجاة اتصدم والدخان وقف في زورة وفضل يكح وقال
يخرب بيتك وعامل في نفسك لية كدة
دياب
الماظ جرجس اتسرق والحكومة قالبة الدنيا عليه. وكمان جرجس اتهمني بقتل زينه
صدام
اتسرق ازاي
دياب
ما عرفش. بس كل اللي اعرفه ان صلاح الشرقاوي عرف يلعب بيا
ضحك صدام وقال
قولت لك دة تعبان
دياب
بس لو اعرف هو قدر يوصل للالماظ ازاي
صدام وهو بيشد نفس من الشيشة
صلاح ما يتقلوش ازاي دة الشيطان بذات نفسه كان بياخد عنده درس خصوصي.
دياب
وانا اللي كنت فاكر نفسي اخبث بني ادم عايش علي الارض طلع عايش اللي اخبث مني
صدام
وانت بقي هتفضل عايش في دور خالتي المعدده دي وتسيب صلاح صوابعه معلمه علي قفاك
دياب
عايزني اعمل اية بس
صدام بص له وضحك وهو بيقول
عايزك تجيب ال 50 الف اللي عليك
دياب
بتوع اية دول
صدام
خطف زينه من المستشفي ب 30. ودفنها امباراح ودة
ب 20
دياب
يا بجاحتك يا اخي. هو انا بقي حيلتي حاجة ما خلاص بقيت علي الحديدة
صدام وهو بيرمي الشيشة.
لا. لا. انت كدة بقي وحش وعيب لما تبقي راجل كبير وكذاب دة انت لسة بايع عربية جرجس ب 100 الف بلبل
دياب
جريشة الكلب قال لك
صدام
ابن اصل وبتطمر في اللقمه مش كلب جبان جشع زيك. ورب الكعبة انا لا بحبك ولا طايقك بس المصلحة بتحكم. ولو ما جبتش اي نفحة هطلع لك جثة زينه واحطها علي فرشتك وابلغ عنك
دياب
خلاص اية البلاعه اللي فتحت في وشي دي
صدام
ما انت ما تعملش عليه ايور وفي غيري ركبك زي الحمار
دياب
داهية في لسان اهلك. هاجي لك بالليل ومعايا 20
صدام
30.
دياب
خلاص 30. ولا تزعل نفسك يا صاحبي. بس عايز منك طلب
صدام وهو بيحط الشيشية تاني في بوقه
ارغي
دياب
حبايبك بتوع الشمال لو شموا ريحة الماظ جرجس بيتباع هنا وهنا تعرفني
صدام
بحساب جديد دة
دياب
قلبي معاك
صدام
خده وانت ماشي. قال يعني سايب حاجة عدله اوي ،،،،،،،،،،
وبعدها بعشرة ايام يقعد صدام قدام دياب في الترب وكان بيقول
صلاح ظهر في ارض المعلم صاغ.
دياب
ومين المعلم صاغ دة
صدام
دة كبير تجار الالماظ والذهب في بلدك ومافيش حتة بتخش او بتخرج الا باذنه
دياب
ودة نوصل له ازاي
صدام
كلمت ذراعه اليمين شوكت وظبط لينا معه ميعاد وهيبعت لنا عربية ملاكي تودينا لغاية عنده وقبل صلاح
دياب
هو دة يسلم بوقك، ،،،،،،،،،
وجت العربية ونقلت صدام ودياب ودخلو في ارض وسط الصحراء في وسط الارض دي خيمة كبيرة وقفت العربية قدام منها بص لهم السواق وقال
لغاية هنا ومشواركم خلص. انزلو
دياب
اومال فين المعلم صاغ
السواق
مستنيكم جوة الخيمة
نزل دياب وصدام من العربية ولقو العربية بتمشي وتسيبهم استغربوا الاثنين وقال صدام
اية الدنيا
دياب
هنخش ونشوف المعلم صاغ دة
راحوا الاثنين ناحية الخيمة وفتحوا الباب بتاعها ودخلو علشان يلاقو صلاح الشرقاوي وجنب منه زينه. تقريبا صلاح ودياب اتشلو من صعوبة المفاجاة، ،،،،،،،،،،،،،،،،