رواية كاس المر الفصل التاسع 9بقلم محمد منصور
بسم الله توكلت علي الله. وهو رب العرش العظيم
راحوا الاثنين ناحية الخيمة وفتحوا الباب بتاعها ودخلو علشان يلاقو صلاح الشرقاوي وجنب منه زينه. تقريبا صدام ودياب اتشلو من صعوبة المفاجاة واكيد حالكم انتو كمان ما يختلفش عن الاثنين بس استنوا افهمكم. ما انا اصلا جاي احكي لكم، ،،،،،،،
هنرجع بالاحداث ل 12 يوم فاتو وبالتحديد بعد ما صدام دفن زينه واحنا دلوقتي جوة اوضة صدام وصدام نايم بيشخر ونحمده عماله تبص له وتقول لنفسها
حرام عليك اللي عملته في البت الغلبانه دي. يوصل بيك الجبروت تدفنها وهي لسة فيها الروح. لا انا مش هسكت دة حتة يبقي ظلم وافتراء
وقامت من جنب صدام واتسحبت وراحت ناحية العباية بتاعته وطلعت المفاتيح بتاعت الاقفال الموجودة علي عيون اي جبانه ولبست العباية بتاعتها وخرجت من الاوضة بشويش وراحت ناحية العين المدفونه فيها زينه لقت وشها اصفر حطت ودانها عند قلبها سمعت نبض قلبها ضعيف جدا سحبتها بسرعه واتصلت بابن خالتها اللي سكان جنب منها. حمادة سواق التوك توك وقالت له
اغمض وافتح الاقيك قدام مني،،،،،،،،
وبالظبط في خلال دقائق جة حمادة بالتوك توك وبص لزينه ورجع بص ل نحمده وقال
قتلتيها لية
نحمده
مش عايزا غباء. انزل من التوك توك وشيلها حطها جوة منه وتروح بيها لاي دكتور شمام من معارفك. يخيط الجرح ويوقف النزيف
حمادة
ولو اتمسكت يا ختي
طلعت من جيب عبايتها ورقة ب 200 ج. وحطتها في ايد حمادة وقالت
دي هتخليك تعرف تعمل اية
حمادة
طيب ما تيجي معايا
نحمده
لازم ارجع انام جنب صدام علشان لو صحي ومالقنيش هيبقي فيها حوار كبير
وزعقت وقالت
انزل من اللي يولع دة حط البت في التوك توك. جتك الهم مقرف زي خالتي
نزل حمادة وشال زينه وحطها جوة التوك توك واتحرك بالتوك توك وبمنتهي السرعه. ونحمده بصت علي التوك توك وقالت
جيب العواقب سليمة يارب ،،،،،،،،،
ومن جوة عيادة شمال من العيادات المخصصة لبيع المخدر واجهاض البنات يقف حمادة وهو شايل زينه علي ذراعه وبيقول للتمرجي اللي قاعد. بياخد فلوس الكشف ويدعي حمص
خشي يا حمص قول ل فخري حمادة برة
حمص
بقول لك عنده زبونه وبعدين فين اللي عليك يا حمادة
حمادة
مش وقته يا حمص و افهمني البت دي دمها بيتصفي وكل دقيقة ليها ثمنها
حمص
يعني اية علشان بتموت نبوظ النظام. انت فاكر نفسك فين هي طابونه حمزة
بص له حمادة وما ردش عليه وسابه ودخل جري لاوضة الكشف لقي الدكتور فخري في حضن بت اول ماشافو فخري زق البت بعيد عنه. فقال حمادة
اية يا فخري اللي بتعمله دة. وكدة في العيادة الشمال
فخري بص له بقرف وقال
انت عايز اية مني يا زفت
حمادة وهو بيبص ل زينه
البت دي عايزين نلحقها
قام فخري من علي مكتبة وقال ل حمادة
حطها علي سرير الكشف.
وفعلا حط حمادة زينه علي سرير الكشف وكشف فخري الجزء المصاب من جسم زينه وقال
دي مضروبة بالمطواة.
وبص ل حمادة وقال
انت اللي عملت فيها كدة
حمادة
وربنا لا.
فخري
باين عليها نزفت كتير. بس كويس ان الجرح سطحي مش غميق والا كان زمانها ماتت.
حمادة
يعني هتعيش
فخري
انا هوقف لها النزيف حالا. وبعدها هنحتاج لها نقل دم حالا
حمادة
خد مني انا فصيلة دمي تنفع لاي حد
فخري وهو بيلبس الجوانتي
بس الحوار دة هيكلفك الف ج
حمادة طلع ال 200 وقال
خد دول دلوقتي والباقي هتصرف لك في
خد فخري الفلوس وحطها في جيبة وبدأ في اسعاف زينه، ،،،،،،،،
وبعدها بيوم ومن جوة شقة اوضة وصاله تنام زينه علي السرير وكان باين عليها التعب الشديد وتفتح عيونها شوية ب شوية علشان تلاقي قدام منها نحمده ومعها حمادة فتبص لهم وتقول بصعوبه
هو اية اللي حصل وانا فين
زغرطت نحمده وقالت
الف حمدا لله علي سلامتك. انتي في بيت اختي سريا
يا زينه
زينه وهي بتفتح وتقفل في عيونها من التعب
زينه مين. انا مش اسمي سمر. وانتي نحمده مرات عم صدام
وبصت ل حمادة وسكتت. فقال حمادة
انا حمادة ابن خاله نحمده واللي نقلت لك 2 لتر دم. علشان تعيشي وانتي عارفة بقي يا ابلة لتر الدم بكام دلوقتي دة انا مر،،،،،،،،،،،
ضربته نحمده في معدته وقالت
انت جاي تشحت حق جدعتنك مع الغلبانه. و انكتم بقي زينه لسة تعبانه.
زينه
تاني هتقولي زينه
نحمده
علشان دة اسمك الحقيقي اللي انا عرفته
بدات زينه تنتبه للكلام وتقول
اومال اية سمر دة
نحمده
دة اللي يتخفي اسمه دياب هو اللي سماكي الاسم دة
وبمجرد ما قالت نحمده اسم دياب افتكرت زينه اللي حصل ليلة ما ضربها دياب بالمطواة. فقالت بغل شديد
دياب اللي كان عايز يقتلني. وسابني في بيت راجل غريب علشان بس يسرقه وما فرقش معه الراجل دة هيعمل فيا اية
نحمده
طول عمره خسيس وندل من ساعه ما شوفته مع صدام وكنت ديما بدعي من ربنا ان صدام يبعد عنه. لكن اهو اختفي من بعد ما سرق. الماظ جرجس الجواهرجي
زينه انصدمت وانفعلت ودة سبب لها وجع شديد وقالت
هو برضو عملها وسرق الماظ الراجل الطيب دة
نحمده
دة اللي سمعتوا بوداني وهو بيتكلم مع صدام وحتي كمان وقتها ذكر اسم واحد اسمه صلاح الشرقاوي
زينه
صلاح الشرقاوي
وبدأ الاسم يتردد في ودانها ويتردد ولحظت نحمده سكوت زينه فقالت
زينه مالك
بصه لها زينه وقالت
مافيش انا كويسة
نحمده
يارب ديما
زينه
بس عايزاكي تحكي لي كل حاجة بالتفصيل
نحمده
هحكي لك بس وانتي بتاكلي
وبصت نحمده ل حمادة وقالت
خش هات طبق الشوربة اللي في الفرخة البلدي
حمادة
حاضر،،،،،،،،،،
وبعدها بيومين كانت نحمده قاعدة في الاوضة مع صدام وصدام بيقول لها
مالك يا صايعة بقالك كام يوم كدة بقيتي تخرجي كتير
نحمده
بروح اغير جو عند اختي سريا
صدام
ودة من امتي يا صايعة
نحمده
صلة الرحم فيها ثواب كبير
صدام
ما تعملي كولدير يا صايعة قدام الاوضة وبرضو هيدخل لك ثواب. وبلاش المشورة رايحة جاية كدة كل يوم والتاني. دي اول زيارة ليها بس واخدة مني الف ج.
نحمده
بلاش انقطها علشان فرح بنتها
صدام
فرح بنتها كان من سنة ونقطنا مرة هي شغلانه نقط
نحمده
لازم بعد سنة ننقط تاني
صدام
دة في شرع مين دة انقط عروسة مرتين. انتي واختك عاملين عيد ميلاد النقطة. اسمعي يا صايعة لو عرفت انك عايزا تنقطي تاني هركب لك جلدة.
وقام ووقف عند باب الاوضة وقال
قال تنقط كل سنة. تكنش بنت اختك سنو وايت. وانا ماعرفش، ،،،،،،،،،،،
وبعدها باربع ايام ومن جوة نفس الشقة كانت زينه بتلبس هدومها ونحمده واقفة قدام منها وبتقول لها
انا عايزا اعرف مرواحك عند جرجس دة اية لزمتة وانتي لسة تعبانه كدة
زينه وهي بتلبس جذمتها
الراجل دة طيب جدا لية بس يحصل في كدة
نحمده
ابن الحرام اللي زي دياب ما يفرقش معه سرقة ابن حلال او ابن حرام.
زينه
انا بقي مش هخلي اللي خد الالماظ دة يتهني بي
نحمده
هتعملي اية بس
زينه
هروح واشوف اقدر اعمل اية، ،،،،،،،،،،
ومن جوة القصر تقعد زينه مع جرجس اللي كان حالته تصعب علي الكافر وهي بتقول له
والبوليس ل غاية دلوقتي ما عرفش مكان الكلب اللي اسمه دياب
جرجس
ما حدش عرف يوصل له اتبخر.
زينه
انا بقي باذن الله هوصل له
وهنا تقع عيون زينه علي لوحة شبة اللوحة اللي كانت في الفيلا عندها بدات دماغها تصدع وتصدع، ،،،،،،،،،،
وبعدها بيوم بالظبط كانت زينه جوة دوار صلاح بتبص في كل ركن من اركان الدوار. وبتنادي علي صلاح لكن ما حدش كان موجود طلعت فوق وفتحت اوضة اوضة وهي بتقول
بابا انت فين. انا زينه بنتك رجعت لك.
وفضلت تدور في الدوار. علي صلاح وهنا يدخل عليها راجل ضخم ماسك سلاح حطوا في وشها وبيقول
اكتمي وقدامي
بصت له زينه واترعبت ومشيت قدام منه لغاية ما وصلو عند بيت صغير محدوف في اخر البلد فتح الراجل باب البيت وزينه بصت له وقالت
انت مين ولية بتعمل كدة
لكن الراجل ما ردتش وقال
ادخلي وانتي ساكتة
ودخلت زينه للبيت وفضلت تبص حوالين منها لغاية ما شافت، ،،،،،،،،