بسم الله ولا إله إلا الله وحده لا شريك له له الملك وله الحمد يحيي ويميت وهو علي كل شئ قدير
وعد .. بتفتح الظرف وبتبداء تقرا
....يابنت روحي وحبيبتي يعلم الله اني حبيتك اكتر من نفسي انتي حته مني انتي كنتي الفرحه الوحيده اللي في حياتي معنا انك بتقري الورقه دي دلوقت اني موت وكل اللي بتمناه انك تعيشي حياه سعيده وتسامحيني انا غلطة في حقك غلطه كبيره اووي ومش عارفه ربنا هيسامحني ولا لا يا وعد انا مش امك انا اخدتك من واحد في مستشفي في القاهره ودفعتله ١٠٠ الف جنيه واحتمال كبير امك الحقيقيه لسا عايشه انا بعد ما اخدنك منهم بعت واحد يمشي وراهم وعرفة انهم من الصعيد قرية السلام شرق ده كل اللي قدرة اعرفه وقتها انا اسفه يا بنتي علي الوجع اللي انا كنت سبب فيه لي امك بس لو انا ما اخدتكيش كانوا هيقتلوكي انا سمعتهم بوداني بيتفقوا كان راجل وست وكانوا داخلين المستشفي باسماء مستعاره عشان كده ما عرفتش اوصل لي اكتر من اللي انا قولتهولك سامحيني يا بنتي بترجاكي تسامحيني ..
وعد .. وشها اتغير ايه ده معقول انتي تعملي فيا كده وتحرميني من امي الحقيقيه ومين دول وليه عايزين يقتلوني اه يارب صبرني انا هتجنن مش عارفه اعمل ايه اروح ادور علي امي ولا اكمل حياتي هنا اكيد اللي حاولوا يقتلوني وانا صغيره مش هيسبوني دلوقت وكمان دول صعايده وانا لوحدي يارب نور طريقي وعرفني اعمل ايه وقامت اتوضت وصلي ركعتين استخاره ومن التعب نامت علي طول
عادل .. دوسي علي الزناد وريحيني يا اسماء انا عندي اموت علي ايدك ولا اشوف نظرت الشك في عنيكي
اسماء .. بتحاول تضغط علي الزناد بس مش قادره
عادل .. خدي طارك مني اقتليني انا اصلآ ميت من يوم ما سبتيني وتجوزتي الكلب شريف قتلتيني وخلتيني ميت علي قيد الحياه الموت اهون عليا من بعدك يلا وبيمسك المسدس وبيحطه علي قلبه يلا اضربي رصاصتك في قلبي اللي حبك وغرزتي خنجر الشك فيه
اسماء .. دموعها بتنزل وسابت المسدس ووقع علي الارض
عادل .. لا مش عايز اشوف دموعك خلاص يا اسماء انا همشي
اسماء .. امشي يا عادل مش عايزه اشوفك كل ما بشوفك بفتكر دم ابويا الي علي ايديك
عادل .. بيرجع وهو بيبص عليها والدموع بتنزل من عينيه هو كمان وبيركب العربيه وبيرجع بظهره عشان هي تعدي
اسماء .. بتاخد المسدس من الارض وبتركب العربيه وبتتحرك لحد ما بتوصل قصاده بتوقف وبتبصله بس مش نظرة انتقام لا نظرة حب واشتياق مغطي بدموع والالم وبتتحرك
عادل .. صبرني يارب وبيتحرك ناحيت القصر وبعد مسافه بيلاقي محمود والرجاله جايين بالعربيات والسلاح
محمود .. بينزل جري ناحيت عربية عادل انت بخير
عادل .. ايوه ليه خير حصل حاجه
محمود .. شريف ورجالته اتحركه لما عرفه انك مع اسماء علي الطريق
عادل .. وهما ازاي عرفوا ما كانش فيه حد رايح ولا جاي
محمود .. ما عرفش بس الراجل بتاعنا هنا بلاغني وانا اتحركت علي طول
عادل .. كده في حلقه مفقوده يا محمود ولازم تعرف هو عرف ازاي
محمود .. وهنعرف ازاي
عادل .. يلا بينا علي القصر دلةقت والعبد في التفكير والرب في التدبير
محمود .. ونعم بالله
شريف .. شاف عربية اسماء جايه ناحيتهم وقف العربيه ونزل وراح ناحيت عربية اسماء
اسماء .. نزلت من العربيه فيه ايه يا شريف ورايح فين برجاله دي كلها
شريف .. الواطي عادل كان عايز منك ايه
اسماء .. قربت منه وانت عرفت من فين انتي بتراقبني
شريف .. لا طبعآ واحد بالصدفه شافه وهو بيوقفك بعربيته وقالي وانا لازم اعلمه الادب
اسماء .. شريف ما تنساش انك جوزي علي الورق وتجوزتك عشان بنتي الي ما لحقتش اشبع من حضنها فاهم ولا لا
شريف .. يعني الاول قتل ابوكي وعمك ودلوقت اتعرضلك وهنسيبه لسا
اسماء .. انا مش هسيب دم ابويا وعمي علي الارض و مفيش حد غيرى هياخد طارهم فاهم ولا اقول كمان وانا مش عايزه مشاكل في البلد ارجع انت والرجاله
شريف .. حاضر يا جناب العمده المهم هترجعي امتي القصر امي بتسال عليكي والمفروض قدامها اننا متجوزين
اسماء .. عندي شغل كتير في الدوار اليومين دول اخلص وهرجع
شريف .. ماشي وبيرجع علي عربيته وبصوت عالي يلا يارجاله هنرجع
اسماء .. واقفه مكانها لحد ما لفه ورجعو وركبت عربيتها وتحركة علي الدوار اول ما وصلت وهي لسا بره الدوار ما دخلتش بصوت عالي عم شمندي
شمندي .. ايه يا جناب العمده
اسماء .. تعالى عايزاك وتمشت ناحيت الزراعه بعيد عن الدوار عايزك تشوف حد من الشرق تكون بتثق فيه يراقب شريف ما يغيبش عن عينيه ومش عايزه حد يعرف حاجه فاهم
شمندي .. فاهم يا عمده ودبت النمله هتوصلك
اسماء .. يلا اتوكل علي الله
شمندي .. حاضر جنابك
اسماء .. بتدخل الدوار لما اشوفك ناوي علي ايه يا شريف
سعديه .. انتي بتكلمي نفسك يا جناب العمده
اسماء .. اه والله يا سعديه شكلي هتجنن
سعديه .. ما انتي شايله حمل مفيش راجل يقدر يشيله
اسماء .. الحمد لله علي كل شئ المهم صلي علي النبي
سعديه .. عليه افضل الصلاه والسلام
اسماء .. عايزاكي تزودي وجبات الاطعام مش عايزه حد في البلد ينام جعان فاهمه
سعديه .. الغفر بيلفه الشرق كلها واي حد محتاج حاجه بيوفرها له
اسماء .. تمام ولو فيه اي مشكله قبلتك بلغيني
سعديه .. ان شاء الله مفيش مشاكل بس انا عندي سؤال من سنين متحاش في زوري
اسماء .. لو حاجه ما تخصكيش يبقا ما تساليش
سعديه .. لا ماهو انا لازم اسال انتي في مقام بنتي
اسماء .. من غير مقدمات يا سعديه فيه ايه
سعديه .. حضرتك متزوجه شريف بيه ليه مش تسبيله كل حاجه وترتاحي
اسماء .. العمديه دي مراث ابويا ليا ومش هتطلع من بيت العمده وبلاش تدخلي نفسك في الي مالكيش فيه فاهم
سعديه .. حاضر يا عمده هجهز الاكل
اسماء .. لا ماليش نفس لو اجوع هقولك
سعديه .. خلاص هدخل اكمل الوجبات
اسماء .. ماشي
عادل .. بيدخل القصر وبيقعد مع محمود وعمه في الجنينه
فرج .. الكلب ده بيتماده واحنا من يوم قتل العمده وساكتين
عادل .. معاك حق يا عمي من يوم قتل العمده وجه الوقت عشان نعرف مين اللي قتله
محمود .. هنعرف ازاي
عادل .. الشاهد الوحيد هي سعديه لازم نجيبها هنا
العمده .. تصدق صح ازاي عدت علينا الحكايه دي
عادل .. هي فعلآ عدت علينا كل السنين دي بس لازم دلوقت كل واحد ياخد جزاءه
فرج .. بس البت سعديه مش بتطلع من الدوار
محمود .. لا بتطلع تجيب خضار من الارض الي وره الدوار
عادل .. تمام خلي رجالتنا يحطو عينهم علي الدوار من غير ما يلفته النظر يا محمود واول ما تطلع يبلغوني وانا اللي هجيبها
محمود .. حاضر يا عادل
بيعدي كام يوم وبتكون وعد فكره وقررت انها هتنزل قرية السلام وتفتح عياده فيها عشان توصل لي امها وبتلم هدومها وبتركب عربيتها وبتتحرك ناحيت الصعيد وخلاص كلها ساعه وتوصل
محمود .. بيرن علي عادل
عادل .. السلام عليكم
محمود .. وعليكم السلام ورحمه الله وبركاته
عادل .. فيه جديد
محمود .. ايوه سعديه طلعت دلوقت من الدوار وفي الارض
عادل .. خلاص انا هجيبها
محمود .. لا انا هروح معاك استناني
عادل .. مفيش وقت ما تقلقش سلام
محمود .. سلام
حماده .. بيدخل علي شريف يا شريف بيه عادل قريب من الشرق ولوحده
شريف .. يلا هروح انا وانت بس ومش عايزين حد يشوفنا
حماده .. يلا يا كبير
عادل .. بيدخل الشرق من الزراعه
الراجل الي مراقبه رن علي حماده وبلغه
حماده .. يا كبير عادل دخل الشرق من الزراعه شكله ناوي علي حاجه
شريف .. مش هيلحق احنا هنستناه عند الخص اللي في ارض العمده ونضربه بالنار ونهرب من غير ما حد يشوفنا خلي رجالتك اللي بيرقبه يرجع علي القصر مش عايز حد يشوفنا
حماده .. حاضر وبيكلم الرجل اللي مراقب عادل يلا ارجع علي القصر بسرعه
شريف .. كده مفيش حد خالص
حماده .. تمام ادينا وصلنا الخص
شريف .. اهدإ بقا لحد ما يجي
حماده .. اهو جاي من بعيد
شريف .. مسك البندقيه وبينشن عليه ويضربه بطلقتين
عادل .. وقع علي الارض وفقد الوعي
شريف .. غور في داهيه
حماده .. هنعمل ايه دلوقت
شريف .. هنرجع القصر ونحتفل بس مش عايز مخلوق يعرف حاجه
حماده .. ما تقلقش اخيرآ خلصنا من عادل عقبال باقي الهلاليه
شريف .. الهلاليه من غير عادل ضعاف واحنا اللي هننهيهم بس نهداء شويه الايام دي
حماده .. حاضر يا كبير يا ابو مخ الماظ
اسماء .. سمعت صوت الرصاص وبتطلع بره الدوار يا شمندي ضرب النار ده فين
شمندي .. مش عارفين يا عمده هبعت واحد من الغفر يشوف وابلغك
اسماء .. بسرعه
شمندي .. حاضر يا عمده
تليفون شمندي بيرن