رواية ضماد جرح الفصل السادس عشر 16 بقلم نوسه حمد
رجعنا البيت متاخرين لقيت ميار في البيت منتظراني وظاهر عليها التوتر في وشها سلمت عليها قلت ليها بقيتي كيف قالت لي انا م كويسه ي نوسه قلت ليها طيب ي ميار ارح اوديك لي اخصائي م ترقدي ساي قالت لي نوسه الموضوع اكبر قلت ليها اكبر كيف قالت لي نوسه انا حامل انا انخلعت وبقيت م قادره استوعب نهاي كلامها رده فعلي كانت عباره عن دهشه قلت ليها ي بت م تهظري حمل شنو ي ميار قالت لي نوسه دا كلام م بهظرو فيهو بجد انا حامل فجاه اتزكرت ابوي وانها قالت ح تخلي يتزوجها قلت ليها ميار م تقولي لي غلطتي مع صاحب الشركه بقت تبكي وتقول لي نوسه غشاني قلت ليها غشاك كيف ميار انتي غبيه مشيتي لي وين قابلتي وين في الشركه ولا وين قالت لي لا ي نوسه هو قال لي قابليني بره الشركه رايك شنو نشرب حاجه مع بعض وانا م صدقتا ي نوسه عشان انا في بالي انو اخلي يحبني ويتزوجني انا بقيت م قادره اصدق واتندمت ندامه دمرت البت وياريتني م جبتا سيرتو بس هي الطمعت وهي الصممت انها تتكلم معاهو وانا حزرتها الف مره قالت لي نوسه ساعديني خليني اتخلص من الجنين قلت ليها انتي جنيتي تتخلصي شنو وهو متين الحمل ظهر ليك بالسرعه دي قالت لي انا زاتي مخلوعه بس حسيت اني غريبه ويومين م جاتني حللت ولقيتو حمل واهلي لو عرفو بكتلوني نوسه عليك الله ساعديني انا من يوم مرضتا امس منعتني الطلعه بقيت م بطلع وهسي جيتك زايغه ماتخزليني ممكن تساعديني قلت ليها انا بساعدك في اي شي الا الحاجه دي انا مستحيل امشي معاك مكان وانتي عارفه حرام انك تنزلي الفي بطنك قالت لي احسن انزل ولا يعيش ولد حرام والناس تعايرو في الدخله والطلعه نوسه انا مستحيل اخلي الفي بطني دا واهلي لو شافو بطني ظهرت ح يقتلوني وابوي م بتفاهم عشان كده ماف حل غير الاجهاض قلت ليها الاجهاض انا م معاك فيهو ي ميار بس انا بمشي لي صاحب الشركه اخلي يتزوجك رايك شنو قالت لي لو بتزوجني موافقه قلت ليها طيب ارح معاي انا م بعرفني واحتمال اتهمني اقول عاوزه اشوه سمعتو قالت لي خلاص بكره الصباح بدري نمش ولا ندخل الشركه نقيف ليهو بره قلت ليها تمام وفاتت منظرها وهي متوتره عمري م انساهو وكرهت الراجل الاسمو ياسر دا موت وبطني طمت منو وكلام ابوي ليهو حق احسن م اعرفو واعيش حياتي حنست النوم تحانيس م نومت الا زي ساعه الصبح اذن مشيت صليت ولبست وميار دقت لينا الباب فتحتو ليها وطلعنا وصلنا الشركه وبقينا واقفين بره لمن روحنا طلعت حتي الراجل دا جا وطوالي هي جرت ليهو وهو كانو اول مره اشوفها قال لينا عاوزين شنو قلت ليهو عاوزنك في كلمتين ممكن الاولاد المعاك ديل يزحو مننا كلام خاص لازم انت تسمعو قال لينا كلام شنو الخاص انتو بتعرفوني من وين طوالي ميار قالت ليهو عايز تستهبل كيف بنعرفك من وين طوالي اشر لي الاولاد وفاتو ميار قالت ليهو ياسر انا حامل وما عارفه اعمل شنو قال لينا حمل شنو وانتي قاصده شنو قلت ليهو كيف قاصده شنو انت هسي م بتخجل راجل كبير في سنك دا تغش علي واحده قدر بناتك ياخ خاف الله وزي ما غلطت معاها ربنا بنتقم منك وحقها بخلص في بناتك قال لي انتي مجنونه بتتكلمي معاي كده ليه قلت ليهو سفير ولا وزير م يغروك الواقفين جنبك ديل قال لي انتو قليلات ادب جايين كمان تلفقوني حمل قلت ليهو نلفقك كيف انت م تستهبل وطالما غلطتا ابقا قدر غلطك وقدر م اتكلمنا معاهو كانو م سامعنا قلت ليهو ح تتزوجها عشان تسترها قال لي استر شنو انتي مجنونه يلا بره وقال للحرص طلعوهم قلت ليهو انا لو طلعت من هنا ح تدفع التمن وح اندمك قال لي بتهدديني كويس والله ولو محتاجين قروش انا ممكن اديكم بس م تشحدو بي طريقه زي دي وفات خلانا ميار بقت تبكي قالت لي نوسه هو واحده غلط معاها كيف يتزوجا وبعدين الفي بطني دا م عندو مستقبل نوسه خليني اطلعو ارح معاي نسال الدايه بتاعت الحله قلت ليها ميار طريق زي دا انا م بمشيهو معاك نهاي لو عايزاني اساعدك نفضح الراجل دا ونضغطو لغايه م يعرسك م عندي مشكله قالت لي نوسه انا لو عرسني ولا م عرسني م فارق معاي لانو خلاص الفي بطني دا ابن زنا وانا والله قنعت من اي شي قلت ليها م تقنعي انتي غلطتي استغفري وتوبي وارجعي لي ربك م والفي بطنك دا م تطلعي م تقعي في غلطتين قالت لي مستحيل ي نوسه بدل ابوي يقتلني ويدخل بي النار احسن اتخلص منو وان شاءالله اموت ي نوسه قلت ليها بعد الشر عليك ي ميار في ناس محتاجين ليك وعلي فكره يا ميار انتي اتسرعتي شديد انتي م عارفه انا عملت شنو عشان ابعدك من طريق الراجل دا انا مشيت لي عباده واتكفلت بي عرسو واي شي بخصكم وجا اتقدم ليك ميار قالت لي عباده نوسه انا كنت طماعه وانانيه م عاينت للحب عاينت للقروش وما قايله القروش بتوديني في مكان تاني نوسه انا ندمانه اني خسرت عباده وعباده م يستاهل مني كده انا حظرتو ومشيت للغلط بي يدي قلت ليها ميار رايك شنو ترجعي ليهو قالت لي نوسه انتي غبيه انا نهاي م بتمني ارجع ليهو ومستحيل اظلمو نوسه انا واحده غلطتا وغلط كبير معقوله امشي اغشو بجد انا حبيتو واتمنيتو زي م قلت ليك بس الفقر خلاني امشي في طريق م ليهو اول ولا اخر نوسه الحمد لله علي كل حال وعشان ما ادخلك في حته ضيقه نوسه انا ح امشي براي انزل الجنين دا بس محتاجه لقروش قلت ليها ميار لا م تغلطي غلطتين اتصرفي بس م تمشي تجهضي قالت لي ماف حلل وحسبي الله ونعم الوكيل في ياسر ربنا انتقم منو وزي م دمرني يدمر هو وبناتو وكانت بتدعي عليهو من جوه قلبها وفاتت مني وانا قلبيي انقطع عليها م تستاهل البت صغيره م وعت للكانت فيهو الا لمن وقعت في مصيبه وانا حزرتها منو بس للاسف م سمعت كلامي نهاااي اديتا قروش وقالت لي نوسه حتي لو جاتني حاجه عليك الله استريني اهلي م يستاهلو ينزل راسهم ربوني بالحلال قلت ليها معقوله ي ميار لا والله ما عارفه قلبي وجعني وحسيت بتأنيب ضمير م عادي لو م انا م كانت عرفت ياسر بس هي الاصرت وجرت وراهو وكنت غضبانه منو وكرهتو عديل لو جنبي اطعنو بي سكين وياعالم اكون والد كم حدي الان بالحرام انا واحده من ضحياهو دخلت جوه وكنت كئيبه شديد والدنيا مسخانه لي م رضيانه للحاصل لي ميار وما بي يدي شي مرات اقول احسن تجهض ومرات اقول تشيل ذنب الفي بطنها احسن تلدو احتمال يطلع صالح بس م معروف الظروف احتمال يطلع كعب ويضر المجتمع وراسي يودي ويجيب وبقيت محتاره في الراجل الاسمو ياسر دا بي ياتو حق يشيل حاجه م حقتو وبدل المره يغلط الف ويا عالم غيري انا في عندو كم طفل ميار رغم انها غلطانه بس مسكينه الله اكون في عونها يا ريتا حافظت علي حبها لي عباده واتزوجتو وعاشت مستوره بدل الفيهو هي هسي دا دخلت الواتساب عشان اشوفها لقيت رسايل من عباده رديت عليهو رجع لي اتصال م قدرت ارد قال لي نوسه ردي عاوزك انا قلبي بقا ادق قلت الا عرف الحاصل علي ميار رديت عليهو وصوتي كان مبحوح قال لي نوسه كيفك وكيف ميار قلت ليهو تمام انا وميار كويسه قال لي لا ميار م كويسه ي نوسه قلت ليهو مالا يا عباده كويسه ميار دخلت عليك ولا شنو قال لي لا بس انا م قاعد احب ازعجك ولا عاوز ميار تعرف انها كسرتني واني للان م قادر انساها وبسال منها وانتي صاحبتها لو سالتك كل مره ح تمشي تكلميها بقيت اسال اصحابي من اخبارها ومن والزول الفضلتو علي جاها قلت ليهو عباده ميار م فضلت عليك واحد قال لي لا فضلت وانا اخر لي كلام معاها اتناقشت معاها انو تلفونها علي طول مشغول قالت انو في واحد غنيان عاوزها هي شكلها م بتحكي ليك بي اي شي ميار كسرتني من غير م تعمل حساب لي اي شي ولا راعت للحب البينا وانا بسال منها اصحابي قالو انها مختفيه وما بتمشي المدرسه معقوله ي نوسه تكون كويسه عليك الله احكي لي قلت ليهو عباده انا م عارفه حاجه عشان احكيها بقا يحلف فيني وبكا لي عديل شكلو بحبها شديد قال لي نوسه انا م قادر انساها قلت ليهو عباده ممكن اسالك وترد بي صراحه قال لي قولي ي نوسه قلت ليهو فلنفترض انو ميار دي غلطت مع غيرك ح تتزوجها قال لي نوسه دا سؤال صعب اكيد ماف ولد بتمني الحاجه دي بس ليه قلتي كده ميار الولد الغنيان غشا عليها صاح وياريتني م قلت ليهو بقا يكورك ويجوظ ويسب للولد وهو م عارفو راجل كبير قال لي نوسه انا راجع السودان وح اتزوجها ي نوسه بس علي بالقسم ما اخليهو قلت ليهو عباده كدي افهمني اول انت م فاهم شي النحكي ليك قفل الخط وبقيت ارسل وماف رد خلاص انا بوظت الدنيا وجريت ناس ميار عشان اقول ليها عباده مستعد اتزوجك وهسي كان اتكلم معاي لقيتا ماف امها قالت لي م معاك قلت ليها لا والله اخر مره شفتها الصباح قالت لي هي من الصباح م جات راجعه وما صدقت طلعت ليك قلت تفرق علي نفسها شويه من القفله الهي فيها وانا بقيت مخلوعه ياربي ميار وين بقيت اتصل علي عباده ورسلت ليهو تسجيلات م فتحهم ولي بليل امها جاتني قالت لي ميار م جات ي ربي تكون فاتت وين احتمال تكون وقعت في الشارع لانها م بتاكل وطلعت معاها نفتشها ونهاي م لقيناها انا خلاص عرفت انو ميار م كويسه وحصل عليها مصيبه ياربي فاتت وين وبقينا نفتش لي بليل لمن رجعنا لقينا ابوي واقف مخلوع ومنطط عيونو قلنا ليهو ابوي مالك قال لينا ميار ابوها لقاها واقع في الحوش الورا البيت والناس كلها اتلمت فيهم وما عارفهم فاتو وين ……..والله يستر يتبع