شاء القدر 🥰
ابطال قصتنا
************
*يارا امجد الجزار: ٢٢سنه طالبه جامعيه بنوته روشة ودلوعه من عائلة كبيرة ومن اسرة محترمة .
*احمد جمال : ٢٦ سنه نائب مدير إدارة شركة امجد الجزار (وصديق حسام منذ الطفولة ).
*حسام امجد الجزار: خريج كليه التجارة ٢٦ سنه مدير إدارة اعمال شركة امجد الجزار. ( والده).
أمجد الجزار: رجل اعمال كبير و معروف .
*سلوي: ميكاب ارتس والدة يارا وحسام .
*خالد: صديق جامعي ل يارا طالب.
1 و2 ة3
شاء القدر
الحلقه الأولي
-------------
مع صباح يوم جديد ومع بدايه شروق شمس صباح هذا اليوم في فيلا امجد الجزار
أستيقظت عائله امجد كالمعتاد كل صباح يجتمعون لتناول وجبة الإفطار سويا
أمجد: صباح الخير
سلوي وحسام: صباح النور
امجد : اومال فين يارا
سلوي يمكن تكون لسه نايمة .. فتحييييه .. فتحيه
فتحيه : ايوه ياست هنام
سلوي : اطلعي خبطي علي يارا وصحيها انا مش عارفه اتأخرت ليه في النوم
فتحيه : حاضر ياست هانم
امجد : تلاقيها فضلت سهرانه طول الليل كالعاده
في غرفه يارا
فتحيه : ست يارا ..ست يارا اصحي ست سلوي هانم وامجد باشا واستاذ حسام مستنيينك علي الفطار
يارا : روحي انتي يافتحيه وانا هاجي وراكي
قامت يارا من الفراش بتكاسل لتغتسل وترتدي ملابسها
( بنطال جينز اسود وبلوزه باللون الوردي بدون اكمام وحذاء عالي باللون الاسود ثم وضعت القليل من الزينه على وجهها..
توجهت يارا من الغرفه ..
يارا وهي تقبل جبين والدها : صباح الخير يا احلي امجد في الدنيا
ثم توجهت نحو والدتها : صباح النور يا احلي مامي .. صباح الخير يا حسام ياحبيبي
أمجد : اتأخرتي في النوم النهارده شكلك مش وراكي حاجه مهمة النهارده ولاايه
يارا : لأعادي يا بابا راحت عليا نومة بس
حسام : انا هسبق حضرتك علي الشركة يا بابا علشان عندي شغل كتيير لازم يخلص بدري
امجد : اوك يا حسام ربنا معاك
سلوي : ربنا يحميك يا حبيبي
أمجد : والله يا سلوي من غير حسام مكنتش عارف أعمل حاجة ربنا يحميهولنا .. ومش ناقصني حاجه غير اني اطمن عليكي انتى كمان يا يارا بقي
يارا : مانت عارف يا بابي مليش أنا في الجو بتاعكو ده مواعيد والتزامات واجتماعات
سلوي : جو ايه يابنتي نفسي تخلصي جامعتك الي مش عارفه تخلصيها دي وتشتغلي واشوفك ليكي مستقبل زي اخوكي كده
يارا : يااااماااامي مش هنخلص من محاضره كل يوم دي بقي عن ازنكو متاخره عالكليه بااي
أمجد : انا مش عارف البنت دي طالعه لمين ياسلوي
سلوي : انا قلقانه عليها اوي يا امجد البنت مدلعه زياده عن اللزوم ودماغها مش في الدراسه خالص ولا حتي عاوزه تستقر
أمجد : ربنا يستر الظاهر انها فعلا ادلعت زياده عن اللزوم انا هقوم اروح الشركة
سلوي : طيب وصلني في طريقك لأن عربيتي في التوكيل
في شركة امجد الجزار
حسام : صباح الخير يا أحمد
أحمد : صباح النور ياحسام ايه الاخبار
حسام : أهو ياسيدي زي مانت شايف مافيش جديد كله شغل
أحمد : أدهم الهواري مدير شركة المقاولات اتصل من شويه وسأل عليك
حسام : مقالش عاوزني ليه
أحمد : أكيد عاوز ينزل سعر الصفقه ولاحاجه مانت عارفه بيموت علي القرش
حسام : ده بيستعبط بقي عموما لو كلمك حولهولي وانا هتصرف معاه
أحمد : اوك
وصلت يارا وصفت سيارتها ال ( B.M.W) وسط انظار جميع من فى الكليه ثم توجهت نحو ما يسموهم بالشله.......
الحلقه الثانيه
-------------------
يارا : صباح الخير
الكل : صباح النور
خالد : أهلا بالبرنسيس بتاعت الجامعه
يارا بضحكه : ازيك يا خالد
خالد : تمام انما ايه العربيات الجامدة دي
يارا : عجبتك .. دي زوق أمجد
خالد : مين أمجد !!
يارا : في حد ميعرفش أمجد الجزار My DaD
خالد : هو امجد الجزار فعلا يبقي والدك
يارا : Yes
خالد : ده أشهر من نار علي علم ده عنده مجموعه شركات وعربيات وفلووس يوووووه
يارا : طبعا يابني هههههههه
ابتسم خالد محدثا نفسه ( أيه ياخالد أنت وقعت ولا الهوي رماك ) لكن يقطعة صوت يارا
يارا : خاااالد مالك يابني انت سرحان ف ايه
خالد : ها .. لا ولاحاجه
يارا : بصو بقي ياجماعه انا ماليش مزاج احضر محاضرات النهارده
نهي من ضمن الشله ،: ازاي الدكتور هيقول حاجات مهمة النهارده ولازم نحضر كفايه استهتار
نرمين من ضمن الشله : انا شخصيا هدخل المحاضره احنا عاوزين نعدي السنه دي علي خير بقي
خالد ل يارا : انا بقي معاك ياجميل فالى انت عاوزه
يارا بأبتسامة : أوك يبقي نخرج نروح مكان هادي وناكل حاجه
خالد : معنديش مانع يلا بينا يا كبير
يارا وخالد في عربيه يارا
خالد : يارا
يارا : نعم
خالد : لالامافيش حاجه خلاص
يارا: متأكد انك مش عاوز تقول حاجه
خالد : بصراحة عاوز اقولك اني .....
يارا: ايييييييه كمل !!!!!
خالد : اني معجب بيكي
يارا ضغطت علي الفرامل مسرعه ف اوقفت السياره : بتقول ايه ؟؟
خالد : انتي ادايقتي من كلامي
يارا : لالا انا بس اتفاجئت بكلامك ده
خالد : انا معجب بيكي من فتره بس مكنتش عارف اصارحك ومجتش فرصه اننا نكون لواحدينا
يارا : عارف انا كمان معجبه جدا بشخصيتك حاسه اننا شبه بعض وتقريبا بنحب كل حاجه زي بعض
خالد بفرحة : بجد ؟
يارا: وايه المشكله يعني في كده
خالد : كنت متأكد انك معجبه بيا يابنتي هو انا اي حد ولا ايه
يارا بضحكه : تقصد انا الي مش زي اي حد
خالد : لاطبعا انتي بنوته مال وجمال وشياكة وحاجه كده اي شاب يتمناها بس طبعا علشان انا حظي حلو هتكوني ليا انا وبس ولا ايه
ضحكوا سويا ثم انطلقت بالسياره......
في شركة امجد الجزار
يتصل حسام ب احمد و ..
حسام : احمد تعالي عندي دقيقه واحده
احمد : حاضر جايلك حالا
وبعد ثواني دخل احمد مكتب حسام و
احمد : خير ياحسام في ايه
حسام : ادهم الهواري اتفق علي كام في الصفقه دي ؟
احمد : اخر اجتماع اتفقنا علي ٥ مليون وكان شايف ان المبلغ كبير وقال انه هيفكر
حسام : كنت بفكر ارفع المبلغ ل ٧ مليون لان اي حد في السوق عارف ان شركتنا رقم واحد
احمد : لاياحسام حلو اوي كده عليه وبعدين انت عارف ان لينا منافسين و ادهم زبون تقيل اى حد يتمناه
حسام : عمتا بلغه بمعاد الاجتماع زي النهارده
احمد : تمام اعتبره حصل
حسام : بقولك ايه يامعلم بعيدا عن الشغل بكره اجازه تيجي نسهر بكره
احمد : وهوكذلك اصلا الواحد مفروم طول الاسبوع شغل..
يقطع كلامهم داليا سكرتيره مكتب امجد الجزار و
داليا : اسفه مستر حسام ..مستر امجد وصل وعاوز حضرتك انت واستاذ احمد
حسام : طيب روحي انتي ياداليا واحنا جايين ....
الحلقة الثالثة👏
-------------
احمد: خير !!
حسام: تعال نروح ونشوف
بعد دقيقه طرق حسام باب مكتب امجد
امجد: ادخل ياحسام
حسام : امجد باشا .. بعتلي انا واحمد خير
امجد : اقعدو ياولاد
احمد : تحت امرك يا امجد باشا
امجد : احمد يا أبني انا مبسوط منك جدا انت كل يوم بتثبت كفائتك عن الي قبله ..فعلا يا حسام مغلطتش لما رشحت احمد للشركة
حسام : احمد طول عمره ناجح في دراسته وبيحب شغله
احمد: الحمدلله كله بفضل ربنا وبتوجيه حضرتك ليا يا امجد باشا
امجد : عرفت يا حسام احمد هيدخل ربح كام لشركتنا من ورا صفقة ادهم الهواري
حسام : لسه كنا بنتكلم حالا وحددنا معاه معاد الميتنج الي جاي
امجد: ياحسام انت واحمد هنا في الشركة مكاني انا بقيت مجرد صوره ودي حاجه مطمناني ربنا رزقني بولدين يكملو مكاني من بعدي
احمد: لالا ياامجد باشا انا وحسام ماشيين بتوجيهات معاليك وملناش بركة غيرك والشركة قايمه علي سمعة سيادتك في السوق
امجد: عمتا يا احمد ياابني انت خلاص بقيت زي حسام ابني واعمل حسابك انك هاتيجي تتغدى معانا النهارده ومافيش اعذار مفهوم
احمد: حاضر ربنا يخليك يا امجد باشا
حسام : ابسط ياعم احمد يابخت من رضي عنه امجد باشا ههههه
احمد: ربنا يباركلنا فيه ياحسام
حسام : طيب يا امجد باشا هنسيبك احنا ونشوف ورانا ايه ولا عجبتك القعده يا استاذ احمد
احمد وامجد : ههههههههه
امجد : اتفضلو ياولاد ربنا معاكم
خرج احمد وحسام من مكتب امجد و....
حسام : انا هروح لاني حاسس اني تعبان وهستناك زي مااتفقنا ها متتأخرش
احمد: تمام هخلص شويه شغل كده وهعدي عليك
يارا وخالد في كافيه علي النيل ..رررن هاتف يارا
يارا : ثواني ياخالد معلش
الووو حسام ازيك حبيبى
حسام : الحمدلله ياحبيبتي انتي فين يا يويو لسه في الجامعه
يارا : لاياحسام انا مع واحد زميلي في كافيه وهروح علي طول علي البيت
حسام بنرفزه: نعم ياهاانم افهم من كده انك ماروحتيش الجامعه يايارا
يارا : حسام لما نروح نبقي نتكلم في الموضوع ده
حسام : انتي فين انا هعدي عليكي اخدك ياهانم
يلرا : لاياحسام انا معايا عربيتي وخلاص هروح دلوقتي
حسام : يارا انا مستنيكي في البيت نص ساعه مش اكتر والاقيكي قدامي اوك ثم اغلق الهاتف دون ان ينتظر منها رد....
اووف علي دي تحكمات
خالد : مين حسام ده !!
يارا : ده حسام اخويا ياسيدي
خالد : شكله صعب اووي
يارا : كل حاجه عنده تحكمات و اوردر محسسني اني مراته الله يكون في عون الي هيتجوزها بجد
خالد : طيب كنت حابب نقعد مع بعض اكتر من كده بس مش مشكله تتعوض تانى
يارا :sure
خالد : ياله بينا هتوصليني للجامعه فى طريقك وتروحي علي طول ....
وصلوا يارا وخالد للجامعه
خالد : ابقي طمنيني عليكي سلام
انطلقت يارا بسيارتها وبعد ربع ساعه وصلت للفيلا وصفت سيارتها .....
يارا : هاي حسام
حسام : اهلا اهلا بالهانم
يارا : اممممممم شكلك كده مخنوق وهتطلعه عليا انا
حسام : يارا اتعدلي في كلامك وبكل هدوء قوليلي ليه ماروحتيش جامعتك ؟
يارا بتردد : ماهو ماهو مكنش في حاجات مهمه النهارده ياحسام وبعدين متقفليش علي الوحده كده انا طالعه اوضتي
حسام : يارا استني ..صدقيني يايارا السنه دي لو منجحتيش مش هيحصل كويس دى تانى سنه اعاده عاوزه ايه تانى
سلوي : ايه في ايه ياولاد صوتكو عالي ليه كده
يارا : شوفي ابنك يا مامي عمال يزعقلي ازاي من ساعة مادخلت
سلوي : ليه ياحسام اختك عملت ايه ؟!
حسام : ماتقولي بزعق ليه ولاتحبي اقول انا ..
يارا : فيها حاجه يامامي لما اخرج مع واحد زميلي في مكان عام
حسام : ومتحضرش ولامحاضره النهارده خالص
سلوي : تاني يايارا مش هنخلص بقي من الموال ده يابنتي كده كتير وانتي مابقتيش صغيره
حسام : حتي انتي كمان يا مامي دي بقت حاجه تخنق بجد
سلوي : اخرسي يابنت واتكلمى عدل
يارا : انا طالعه اوضتي عن اذنكم
حسام : اعملي حسابك انك هتتغدي معانا احمد جاي النهارده يتغدي معانا
يارا : وانا مالي هو صاحبي ولا صاحبك
سلوي : يارا !! مالك يابنت بقيتي تتكلمي كده ليه فيكي ايه واحد بباكى عازمه عندنا النهارده من الزوق نكون كلنا موجودين من امتى نسيتى الزوق كده ..
تركت يارا سلوي وحسام وذهبت لغرفتها ..
حسام : البنت دي مش طبيعيه انا قلقان عليها اووي
سلوي : فعلا مش عجباني ياحسام مش عارفه فيها ايه ربنا يستر عليها....
وصل امجد ليسمع نقاشهم المندفع : خير بتتكلمو علي مين ومالكو متعصبين كده ليه ؟
حسام : لاابدا يا بابا مافيش حمدلله علي سلامتك
امجد: يارا رجعت ولا لسه ؟
سلوي : اه يا حبيبي رجعت من شوي وفي اوضتها
امجد : طيب انا داخل اخد حمام واغير هدومي يكون احمد جه والغدا جهز ......