4
وصل احمد فيلا امجد الجزار ثم صف سيارته مترجلا نحو الفيلا واخذ معه الحاسوب الشخصي وتوجه نحو باب الفيلا ...
الخاده سناء: ايوه حاضر جايه
احمد: أمجد باشا وحسام موجودين
سناء:ايوه اتفضل حسام بيه في انتظارك ..اتفضل في الصالون هديله خبر حالا انك وصلت
أحمد: شكرا
وبعد دقيقة ..
حسام : أهلا يا احمد
أحمد: ازيك يا حسام يا أخي الي يشوفك بعيد عن الشغل يقول هادي كده وابن ناس
حسام : هههههههه يابني لازم تعرف ان كل مكان وليه وضعه برضه وزي برضه ماكل شخص وليه احترامه ولا ايه
أحمد : هههههه قولتلي ان....
يقطع كلامهم صوت سلوي
سلوي : السلام عليكم ازيك يااحمد ياحبيبي
أحمد: السلام عليكم الحمدلله اخبار حضرتك ايه يافندم
سلوي: الحمدلله يا حبيبي بس بلاش حضرتك دي ده انت زي حسام ابني احنا اول مره هنعرفك ولاايه
أحمد: ده شرف ليا طبعا
حسام: يعني امجد باشا وسلوي هانم كمان لالا كده بقيت واصل اووي
سلوي: ههههههه فعلا يا أحمد يابني امجد بيشكر فيك جدا ويعلم ربنا بيحبك زى حسام
أحمد:الحمدلله بفضل ربنا كله
سلوي: عن ازنكم هدي خبر لأمجد
أحمد:اتفضلي
حسام بداء يتكلم مع احمد في الصفقة الجديده لشركة ادهم الهواري لكن تدخل عليهم يارا
يارا: السلام عليكم
أحمد: عليكم السلام ازيك يا انسه يارا
يارا: الحمدلله تمام أزيك انت
أحمد: الحمدلله بخير واخبار دراستك ايه
يارا: كويسه
حسام وهو ينظر ل يارا: نفسنا نخلص والله من الدراسه يا ابو حميد
يارا: أيه ياحسام هنتكلم في الموضوع ده تاني كل شويه ولا ايه وقدام الناس
أحمد: اعتقد انك اداب انجلش
يارا: ااه وعرفت ازاي
أحمد:شكلك ناسيه اني اعرفكم من زمان واني كنت في الجامعه مع حسام واحنا الى قدمنا ورقك للكليه
يارا : مممم مأخدتش بالي ....يقطع حديثهم أمجد
أمجد: أهلا أهلا يا أحمد
أحمد: أهلا بحضرتك يا امجد باشا
أمجد : امجد باشا دي هناك لما نكون في الشركه انما هنا تقولي يا عمي زي زمان ولا نسيت
أحمد:هههههههه حاضر يا أمجد باشا
امجد: برضه هههههههه
أحمد: حاضر ياعمي
الكل :ههههههههه
سلوي: اتفضلوا الغدا جاهز
توجهوا جميعهم الي الطاوله لتناول الغداء ..وبعد انتهائهم توجهوا لحديقه المنزل حيث الهواء الطلق ويتناولوا الشاي بعد فتره من الهزار والمرح وكأنهم عائله واحده
حسام : كنا لسه انا واحمد من شوي بنتكلم عن صفقه ادهم
احمد: الصفقه دي لو تمت يا امجد باشا ان شاءالله هيعم خير كبير علي الشركه من وراها وخاصه ان شركه ادهم مش قليله في السوق
أمجد: ان شاء الله يا ابني نمضي العقد الميتنج الجاي
حسام: بإذن الله هتتم وانا واثق ان أحمد مش هيسيب ادهم الا لما يمضي العقد
احمد: تعليماتك حسام باشا برضه
أمجد : والله ياولاد لولاكم مكنتش عرفت اوقف الشركه دي علي رجليها كده
حسام: ياولدي الفضل كله ليك بعد ربنا
احمد: اكيد طبعا احنا ماشيين بتعليماتك وتوجيهاتك امجد باشا وبعدين كان زماني انا وحسام قاعدين في الشارع ولا عالقهوه زي كتير غيرنا بعد الدراسه وينظر لحسام ولا ايه
ضحك حسام واحمد من جملته لتنطلق يارا قائله..
يارا: انا مش فاهمه بصراحه ايه حبكم في الحسابات والاوراق والصفقات والحاجات دي ايه الروتين الممل ده
أمجد : الحاجات الي مش عجباكي دي معتمده علي الدماغ والنجاح يابنتي وهى الى بتعمل مستقبل وشخص ناجح
أحمد: الي بيحب حاجه بيركز ازاي ينجح فيها (حب ماتعمل ولا ايه انتى كمان بكره تحبي حاجه وتشوفى نفسك فيها وتبدأى تسعى عليها علشان تكبريها
حسام: متوجعش دماغك معاها يا أحمد يارا اختي وانا عارفها بتحب الحاجه السهله مش محتاجه تعب
يارا: شايف يا بابي حسام وكلامه
أمجد: اخوكي مغلطش يا يارا كل واحد علي حسب ما اتعود يابنتي وكل واحد ودماغه
احمد: طيب عن ازنكو بقي ياجماعه انا لازم امشي دلوقتي علشان متأخرش اكتر من كده وعلشان الشغل بكره
أمجد: ماشي يا أحمد يابني وخلي بالك من طريقك ازنك معاك ...
تفاعل بقي علشان متأخرش اني انزلها كومنت ولايك وقولولي رأيكو علشان نكمل 👏🏻
الحلقة الخامسة
*************
تشرق شمس صباح يوم جديد علي ابطالنا لينطلق كل منهم الي عمله
استيقظت يارا كي تغتسل وتبدل ملابسها كي تذهب لجامعتها استقلت يارا سيارتها وتوجهت الي حيث الجامعه فوجدت خالد بإنتظارها....
خالد: صباح الفل علي عيونك
يارا ويبدو علي ملامحها الإنزعاج : صباح النور يا خالد
خالد: شكلك كده مش في المود مالك
يارا: عادي مافيش
خالد: الجميل ماله بس مين الي زعله
يارا: خالد تعالي نروح الكافتيريا ونتكلم شويه
خالد: ده الموضوع كبيراوي بقي تعالي .. ها احكيلي بقي ايه الي مدايقك اوي كده
يارا: حسام يا خالد مش عارفه ماله الفتره دي ضاغك هليا اوى فى كل كلامه وكمان بابا وماما موافقينه في كل كلامه وشايفين انه صح
خالد: ليه احكيلي ايه الي حصل
يارا: حسام بقي بيديني اوردرات ياخالد وكلامه علي هوا بابا وماما
خالد: متدايقيش نفسك كده تلاقيه بس مدايق من حاجه
يارا: وانا مالي انا اتخنقت..المهم سيبك من كل ده انت عامل ايه
شرد خالد ثم حدث نفسه ( دنا وقعت وقعه يسلام لو تكوني من نصيبي هيتفتحلي طاقه القدر الى بجد ) لكنه ينتبه لصوت يارا
خالد انت مش معايا خالص سرحت في ايه يابنى
خالد: لالا ابدا ولاحاجه
يارا: طيب ياله بينا ندخل المخاضره
خالد: يلا بينا
في شركة امجد الجزار
****** يضغط حسام علي زر الهاتف المكتبي
داليا تعالي عاوزك
داليا: تحت امرك يا استاذ حسام
وبعد ثواني حسام: عاوز ورق صفقه ادهم الهواري
داليا: الورق عند استاذ احمد طلبه امبارح وقال انه هياخده يراجعه
حسام: طيب روحي ياداليا وحوليلي استاذ احمد علي التليفون
داليا : حاضر مستر حسام
وبعد عده دقائق
حسام: أحمد عاوزك توصل للسجل التجاري برضه نتاكد من شركه ادهم
أحمد: وده الي عملته الصبح واتأكدت متقلقش ومافضلش غير اننا نوقع الاوراق ونتمم الصفقه ومبروك علينا وعليه وبعدين ادهم معروف فى السوق انت بس مقلق منه لان اول مره نتعامل معاهم وبصراحه معاك حق لان كل صفقه يدخلها بيحاول يموت فى فلوسها بس متقلقش انا بعرف اتعامل معاه بدماغه
حسام: انا متاكده من ده علي خيره الله
احمد: حسام عاوزك في موضوع خاص كده ممكن النهارده بعد الشغل نتغدي بره لو معندكش حاجه
حسام: اوك مافيش مشكله نتغدي عندنا في البيت
احمد: لالا ياعم بقولك بره وحاجه بيني وبينك
حسام: هو الموضوع كبير ولا ايه
احمد : متستعجلش هتعرف
حسام: خلاص مافيش مشكله يلا روح كمل شغلك سلام
في الجامعه وبعد انتهاء المحاضره
خالد: يارا
يارا بإهتمام: نعم
خالد: تتجوزيني يا يارا
يارا متفاجأه : بتقول ايه
خالد: الي سمعتيه تتجوزيني انتى عارفه انى بحبك وكنت معجب بيكى
يارا بفرحه :اكيد طبعا موافقه
خالد: خلاص هكلم اهلي وانتي تكلمي اهلك على الاقل نرتبط بشكل رسمى واول مانخلص الكليه نتجوز فورا
يارا: طبعا هيوافقوا مدام انا الى عاوزه
خالد: ومالك متاكده اوي كده ده حتي ممكن يقولو اني لسه طالب ومعنديش شغل واني من اسره متوسطه وانتو ماشاءالله يعني
يارا: خالد سيبك من كل الكلام ده انا بحبك وعوزاك وانت كمان بتحبني وعاوزنى يبقي فين المشكله بقي
خالد: تمام ده موضوعك مع اهلك بقي هعتمد على الله وعليكى
يارا: خلاص يبقي سيبلى انا الموضوع ده وهكلم ماما وهخليها تكلم حسام وبابا هى وانا همهدلك كل حاجه
خالد: طيب يا حبيبتي وانا هكلم امي النهارده ان شاءلله
يارا: يلا بقي اسيبك دلوقتي عشان أعدي علي مامي اتكلم معاها قبل ماترجع البيت.....
😍يلا لايك وكومنت وعرفوني رأيكو
الحلقة السادسة
*************
وصلت يارا البيوتي سنتر ثم صفت سيارتها وترجلت منها متوجهه نحو مكتب والدتها و....
يارا: صباح الخير يالولو وحشتيني
سلوى بإندهاش: صباح الخير يا حبيبتي تعالي خير حصل حاجه
يارا: هو انا لازم علشان اجيلك يكون في حاجه يا ماما
سلوي: لاياحبيبتي اصلك مبتعمليهاش كتير يعني
يارا: وحشتيني يالولو ياقمر انتي
سلوي: لالا كده اكدتيلي ان في حاجه وحاجه كبيره كمان متستناش لما نكون في البيت
يارا: بصراحه اه عاوزه اتكلم معاكي في حاجه
سلوي: ايوه كده قوليلي بقي عاوزه ايه ياروحي
يارا: بصراحه في واحد بحبه وبيحبني وعوزاه يقابل بابا وحضرتك
سلوي: مممم وتخبي علي ماما كل ده
يارا: منا قولتلك أهو يا لولو بقي
سلوى: طيب عرفتيه ازاي وبيشتغل ايه احكيلي
يارا: ده زميلي في الجامعه يا ماما
تغير وجه سلوي: يعني طالب يا يارا !!
يارا: ايوه يا مامي وفيها ايه طالب يعني
سلوي: يابنتي انتي اتجننتي هنقول لبباكي ايه بنتك جيبالك طالب وعاوزه تتجوزه وانت تصرف عليهم هما الاتنين طبعا بقي
يارا: يا مامي يا حبيبتي هنعمل فتره خطوبه لحد لما نخلص وبابي يشغله معاه في الشركه عادي يعني
سلوى: لالا انتي خلاص اتجننتي رسمي اقولك انتي حره مع ابوكي واخوكي بقي
يارا: أفهم من كده انك مش هتقفي جمبي يا مامي
سلوى: كان نفسي لكن مش في الغلط ولعب العيال ده
يارا: هو الغلط اني احب واحد واجي أصارحك ولاكان لازم اخبي عليكم يعني
سلوي: يابنتي ده طالب يعني لسه مشواره طوويل وكمان معندهوش مستقبل بصي يا حبيبتي هنشوف رأي بابا وحسام وسيبيها علي ربنا بقي
يارا: ايوه كده يا مامي ياقمر انتي هسيبك بقي دلوقتي وهروح ارتاح شويه لحد ماتيجو علي الغدا سلام ياقمر
وقبل ان تنصرف طبعت قبله على جبين والدتها....
سلوي: سلام يا حبيبتي ..وبصوت غير مسموع "ربنا يهديكي يابنتي" انا خلاص مبقتش فاهمه دماغك
في شركة امجد الجزار**
حسام:أحمد خلصت ولالسه
أحمد:عشر دقايق واكون عندك
حسام: طيب مستنيك في المكتب
وبعد اانتهاء مده العشر دقايق توجه احمد نجو مكتب حسام وأستأذن بالدخول
حسام: ادخل يابني تعال
أحمد: يلابينا ولاغيرت رأيك
حسام: انت الي عازمني ودي فرصه ذهبيه هغير رأي ليه
أحمد: ههههههه طول عمرك أستغلالي يا بروو يلا بينا
استقل كل منهم سيارته إلي حيث المكان المتفق عليه وهو مطعم مخصص للأسماك الطازجه صف كل منهم سيارته وترجلوا منها سويا الى الداخل و..
حسام: تحب نحكي الأول ولانطلب الغدا الأول
أحمد: ياعم متقلقش الأكل مش هيطير يعني ومش هرجع فى العزومه
ضحك حسام وهو يقول: هو الموضوع كبير ولا ايه يستاهل يعني
أحمد: دلوقتي تعرف بس الأول عاوز أعرف رأيك فيا وبصراحه في كل حاجه بما اننا صحاب من زمان واكتر من اخوات كمان
حسام: هو انت جاي تخطبني ولاحاجه هههههههههه
أحمد: ياعم حسام انا بتكلم جد بقي
حسام: أحمد انت عارف كويس رأي فيك انت انسان ناجح وبتحب شغلك وأخلاقيا كويس جدا بس ليه كل ده عاوز افهم ؟
أحمد: بصراحة ياحسام ومن غير زعل أنا كنت عاوز أقولك علي حاجه بس لو الحاجه دي هتخسرنا بعض أعتبر انك مسمعتهاش منى اصلا
حسام: ماتتكلم يابني في أيه قلقتني .........