بسم الله توكلت علي الله. وهو رب العرش العظيم
★وراحت زينه ناحية دياب اللي كان بيقول بارتباك
ايوة صح. سمر مراتي حبيبتي
نحمده ل صدام
هي زينه ولا سمر
صدام
اسكتي انتي دلوقتي
ووقفت زينه قدام دياب وصرخت وقالت
انت. ايوة انت.
وقربت منه اكتر وهنا تمسك زينه دماغها لانها حست بصداع شديد ووقعت علي الارض مغمي عليها. بص دياب ل صدام وهما مصدومين من اللي حصل وراحت نحمده جري ناحية زينه وحاولت تفوقها وهي بتقول
سمر. سمر.
لكن زينه كانت زي الجثة قاطعه النفس بصت نحمده لي صدام ودياب وقالت
هتفضلو واقفين مبلمين كدة. ساعدوني احطها علي السرير
راح دياب ناحية زينه وشالها وحطها علي السرير وانفاسه حضنت انفاسها وبص لها بصه غريبه هو نفسه مش فهمها فلاحظ صدام اللي حصل فقال ل دياب وهو بيعبده عن زينه
هو دة وقت تتنح في
وخرج صدام من جيب العباية بتاعته ازازة برفان وبدأ يبخ علي ايدة ويمشي ايدة علي وش زينه يمكن تفوق. اكتر من مرة علي كدة لغاية ما بدات زينه تفتح عيونها واحدة واحدة وقالت بصعوبه
انا فين
صدام
انتي وسط اهلك وناسك. يا سمر
زينه
سمر. انا سمر صح
صدام
صح هنسيبك ترتاحي ونخرج نقعد شوية برة
وبص صدام ل نحمده
اسلقي لها فرخة وهات لها طبق شوربة وجوة منه الرقبة والجناحات والرجول
نحمده
وباقي الفرخة
صدام
ودة سؤال برضو هاتهيا ليا.
وسابها صدام وخرج هو ودياب من الاوضة اللي كان عمال يبص علي زينه ومتنح ف صدام يقول له
يلا يا حبيبي مش حلو دة. انت في اوضة محترمة.
وخرجوا الاثنين من الاوضة. ونحمده بصت ل زينه اللي صعبانه عليها وقالت في سرها
باين كدة حكايتك حكاية يا بت انتي ،،،،،،،،،،
ومن قدام اوضة صدام يقعد صدام مع دياب وكان صدام بيقول
مش عارف لية حاسس ان البت افتكرتك
دياب
انا كمان حسيت بكدة. لكنها لما فاقت قولت لها سمر ما قالتش حاجة.
صدام
وبعدين احنا كدة بنلعب بالنار.
دياب
هي المشكلة بدات اول ما سمعتني بقول زينه
صدام
غشيم والكلام بيقع من بوقك
دياب
ما الغلطة عندك كنت فطمتني ان زينه مع نحمده في الاوضة
صدام
حبيت اعملها لك مفاجاة
دياب
فالح اوي. كان عيد ميلادي هو. وجايب لي تورته. انما انت طلعت تجري من اوضتي. ازاي رجعت هنا ب زينه
صدام
انا خرجت جري علي اوضة زينه وكان اي حد يقابلني من الحكومة اغفله. لغاية ما خد زينه من اوضتها وجيت بيها علي هنا
دياب
اسكت مش انا اتفرجت علي الفيلم دة.
صدام
طيب بتاع مين
دياب
بتاع ابولمعه والخواجة بيجو. بس يا صدام يا حرامي لانت ابو لمعه ولا انا الخواجة بيجو
صدام
هو انا مش مقنع ولا اية
دياب
خالص. انجز وصلت لها ازاي والفلوس اللي اتفقنا عليها برضو هتكون ليك
صدام
لقيتها في الشارع
دياب
لا. ارجع هجص عليه تاني احسن من اللي انت بتقولو دة
صدام
والله دة اللي حصل.
ضحك دياب وقال
ازاي بقي
وحكي له صدام ازاي لقي زينه فضحك دياب اوي وقال
اومال لية بقي كنت بتعرضها عليا من شوية واية غفلت الحكومة وانت لما بتشوف عسكري الشطرنج بتطلع تجري
صدام وهو بيبص حوالين منه. بيقول
ربنا يجعل كلامنا خفيف عليهم. سيرتهم بتجيب لي الجرب وتخليني اهرش في جسمي كله. سيبنا بقي من سيرتهم وخلينا في سيرة زينه ناوي علي اية
دياب
طالما بعد ما مشيت من المستشفي ووقعت تاني في سكتنا يبقي مكتوب لينا الماظ العم جرجس
صدام
ازاي بس والبت دي شكلها هتعرف هي مين
دياب
دة لو في وعيها.
صدام
تقصد اية
دياب
نديها اللي يخلي مخها يتلحس نديها اللي يخليها تنسي هي مين حتي لو رجعت لها الذاكرة
صدام
تقصد تذكرة الهيروين
دياب
هو الابيض وهو في غيرة يفرحني
صدام
لا. كدة حرام يا دياب دي بنت ناس
دياب
اومال يعني افضل تحت رحمتها واستني لغاية ما تفتكرني وتبلغ عني
صدام
انا هخلص لك الحوار دة. بطريقة تانية
دياب
هتعمل اية
صدام
هوديها لدكتور معرفة بيجي ياخد من عندي جثث هو يقول لنا نعمل اية بالظبط. وممكن تفتكرك ولا صعب الحوار دة.
دياب
خلصانه اعتمد، ،،،،،،،،،،
ومن جوة دوار العمدة صلاح الشرقاوي يقعد صلاح وحاله ما يسرش وعمال يفكر في زينه واللي حصل لها ويرن موبيلة فيرد بسرعه.
اية يا جناب المأمور لقيتوها
المامور
لا. يا حج صلاح
صلاح
يعني اية. الدخلية بكل الظباط والعساكر اللي تحت ايدها مش قادرين يلاقوا بنتي. دة حرام ورب الكعبة حرام دة انا بموت بالبطئ من الحزن عليها
المامور
احنا بنعمل كل اللي نقدر عليه لكن احساسي بيقول انها اتخطفت
صلاح بخضة
اتخطفت لية بتقول كدة
المامور
لما ارتب كل اللي حصل وراء بعضة مع موت محمود جوز بنتك بالطريقة دي. يبقي الحكاية كلها كانت مدبرة لان الشركة السعودية اكدت لنا انها ما بعتتش سواق بعربية الليلة اياها. وبكدة اللي خطف بنتك هو سواق عربية الزفة اللي واضح انه قتل محمود اللي كان بيدافع عن بنتك ورمي برة العربية وداس عليه. لكنه عمل حادثة وراح المستشفي هو وبنتك وقدر يهرب بعد ما جت له مساعدة في خطف بنتك من قلب المستشفي
صلاح
يا. للدرجة دي كانت مترتبه
المامور
هو السؤال اللي يحير دلوقتي لية اللي خاطفين بنتك ما تصلوش بيك علشان يطلبوا فلوس او يعرفوك هما لية عملو كدة في بنتك
صلاح
ياخدوا كل اللي حيلتي بس يرجعوا لي زينه
المامور
حاول تساعدنا يا حج صلاح وافتكر مين بيكرهك لدرجة انه يفكر يحرمك من بنتك
صلاح
ما فيش حد يعملها الا شربيني صاحبي اللي شهدت ضده في قضية البوسطي
المامور وهو بيتذكر الاسم
شربيني عزام.
صلاح
هو يا جناب المامور
المامور
بس شربيني مات والحوار اتقفل من سنين ازاي يعني يبقي وراء اللي حصل لبنتك
صلاح
دة الوحيد اللي كان بيكرهني علشان كنت السبب في دخوله السجن.
االمامور
يا حج صلاح خرج شربيني من حساباتك لان ما فيش ميت بيرجع وينتقم
صلاح بعصبية
اومال هيكون مين بس. دة انا عمري ما كنت وحش مع حد يبقي لي المصيبة تيجي في بنتي
المامور
قضاء ربنا ما فيهوش لية واشمعني. احتسب وقول الحمد لله وربنا قادر يرجعهالك سليمة
صلاح
مش عارف لية قلبي بيقولي ان مش هشوف بنتي تاني بس لا. انا مش هقعد واحط ايدي علي خدي واستني الدخلية هي اللي تلاقيها انا هلاقي بنتي بطريقتي.
وخلصت المكالمة وقام صلاح وخرج من الدوار بتاعه وركب عربيته وهنا شافته غزل فقالت له
رايح فين ياعم صلاح
بص لها صلاح وقال
نازل القاهرة ادور علي بنتي بنفسي. وباذن الله مش هرجع الا بيها،،،
ومن جوة الاوضة بتاعت صدام يقف عيسوي وهو شاب رفيع جدا لابس بلطوا ابيض وحاطت سماعه الكشف في ودانه وواقف قدام صدام بالظبط وكان بيقول
وانت عيان باية يا عم صدام
صدام بعصبية
علية الطلاق ما انا اللي عيان. جاي بيك من الجيزة لغاية هنا وسالتني السؤال دة عشرين مرة واقول لك مش انا.
عيسوي
يا عم صدام انا اعرفك من خمس سنين عمري ما شوفتك بتكح حتي. نفسي اعمل معاك واجب. انت ازاي كدة الصحة كافرة.
صدام
يخرب بيتك انت مركز معايا لية يا زفت . كنت باكل اكلك ولا واخد مكانك في الدنيا. اسمع انت تقضي المصلحة اللي جايبك فيها وتغور تمشي من هنا. واياك اشوف وشك تاني والا ورب الكعبة ادفنك ببلاش
عيسوي
طيب مش هتقولي عيان باية. ولا اقول لك انت باين عليك عيان بالصحة
صدام. وهو بيصرخ
مش انا.
عيسوي
اومال مين بس
يمسك صدام راس عيسوي ويوجها ناحية زينه ويقول
دي
بص عيسوي ل زينه وقال
دي عيانه. طيب ازاي. دي عيانه
ويبص ل نحمده ويقول
ودي سليمة. صحيح العفشة ليها البلد باللي فيها والحلوة
وبص ل زينه وقال
تيجي تقعد ما تلاقيش مكان ليها
نحمده
نعم يا روح خالتك.
وضربته بايديها الاثنين في ظهرة وقع علي وشة وقالت
ودين النبي لولا انت ضيف عندي لكنت عملتك فطيرة بالعجوة. ورمتها لكلاب الترب ياكلوها
صدام بص ل نحمده
مين ابن متخلفة قال لك ان الكلاب بتاكل فطير يالعجوة
عيسوي وهو علي الارض قال
هو دة بس اللي زعلك وكوني اني بقيت حافظة محطوطة فوق السجادة عندك دة عادي
راح صدام ناحية عيسوي وقومه من علي الارض وقال
حقك عليه يا دكتور عيسوي.
نحمده
دكتور اية دة. دة وانت داخل بي افتكرتك جايب لينا لبوس السخنية. قال علي راي المثل. لابس النظارة والبلطو وافتكر نفسه شخصية وهو يدوبك حقنة شرجية
صدام
مين ابن جذمة قال المثل دة
نحمده
ماما.
صدام
يخي امك. واللي جابوها ولية صرف صحي
وضرب صدام عيسوي علي دماغه من وراء وقال
يخي روح منك لله
عيسوي وهو بيهرش في دماغه. قال
طيب انا مالي
صدام
ما انت السبب فتحت البلاعه. قال حقنة شرجية قال. اكشف وخلصنا،،،،،،،،،،
وبعدها بشوية يقعد عيسوي قدام دياب وصدام وكان بيشرب كوبية شاي وهو بيقول
انا زعلان منك يا عم صدام
صدام
لية بس
عيسوي
معروف ان الشاي بينزل بعد الغداء مش قبلة
دياب ل صدام
دة دكتور ولا صنايعي
عيسوي
صنايعي انا الدكتور عيسوي عيسوي عيسوي
دياب
من جمدان الاسم اوي العيلة بتاكد عليه
صدام
يولع الاسم وصاحبة
وبص صدام ل عيسوي
ولا. انا مبطل مخدرات من امباراح بالليل ودماغي ابتدت تهب. قول لما كشفت علي البت اللي جوة دي عرفت اية
عيسوي وهو بيقرب منهم
تعالو
قرب منه دياب وصدام فقال عيسوي بصوت واطي
البت دي عندها فقدان في الذاكرة. واسمها سمر. وجوزها اسمه دياب
ضربه صدام بالقلم وقال
احنا جايبين دجال. ما احنا عارفين دة. وانا اللي حاكي لك الحكاية.
عيسوي وهو بيهرش في خدة
اومال انت عايز اية.
دياب
دة عبيط يا صدام
صدام
والله معاك حق انا غلطان اني جيبته
عيسوي
ما تقولي بس عايز اية وانا احكي لك
صدام
عايز اعرف لما كشفت عليها تقدر تقولي بنسبة كام الذاكرة ممكن ترجع لها
عيسوي
بصراحة الخبطة جاية في منطقة حساسة. في نص مركز الذاكرة بالظبط ودي خبطة مش سهلة. بس برضو ممكن المريض يتعافي من اعراض فقدان الذاكرة لو سمع او شاف اي شئ من ذكرياته. زي مثلا سمع اسمه شاف المكان اللي كبر واتربي في مع استمراره في انه ياخد علاج تنشيط الذاكرة
صدام
لو احنا بقي مش عايزين الذاكرة ترجع نعمل اية
عيسوي
انتو مش عايزنها تخف
دياب
اة.
عيسوي
ولية بس دي عسوله حتي
دياب
انت جاي تقراء فاتحة. وعلي فكرة بقي العسولة دي مراتي
عيسوي
دي تقرف الكلب انا كنت بهزر
دياب
هو انت لما تشتم مراتي المفروض افرح يعني
عيسوي
طيب اقول اية
صدام وهو بيضرب ايدة علي التربيزة اللي بينه وبين عيسوي خلي الشاي وقع
قول نخليها ديما ناسية ازاي
عيسوي وهو بيبص علي كوبية الشاي وبيعيط.
كان لسة فيها بوق
دياب
انت اهبل ياة. دة انت وصلت للتفل بتاع الشاي. وفي منه شوية علي بوقك
عيسوي وهو بيضرب بوقه بايدة. وكان حاجة ماشية عليه قال صدام
هو قمل ما تسيبك من التخلف دة وقول نعمل اية علشان نخلي حالتها في النازل
عيسوي
اقول وتعملي كوبية شاي غير اللي ادلقت
صدام وهو بيدوس علي سنانه
هعمل لك
عيسوي
بدل ما تاخد برشام ينشط الذاكرة تاخد برشام يسبب الزهايمر. يعني يعمل عجز في مركز الذاكرة عندها
بص صدام ل دياب والفرحة كانت هتنط من عيونهم ومسك دياب راس عيسوي وباسها وهو بيقول
ينصر دينك
صدام
بوسته لية بس
دياب
وما بسوهوش ازاي بعد ما قال الفكرة الجاحدة دي
صدام
اصل دة مش بني ادم
دياب بص باستغراب ل صدام فقال صدام
حقنة شرجية. علي حسب ما صدر من العلامه نحمده فؤاد نجم
تف دياب وقال
الله يقرفك.
ضحك صدام وطلع 200 ج. من جيبة واداهم ل عيسوي وقال
مش خسارة فيك.
خد عيسوي ال 200 ج. وحطهم في جيب البلطو فقال صدام
تعالي معايا بقي الصيدلية نجيب برشام الزهايمر
عيسوي
بس انا ما عرفش اسمه
اتعصب صدام ومسك عيسوي من لايقة البلطو فقال عيسوي وهو خايف
الحصة اللي الدكتور قال فيها اسم البرشام دة. انا كنت في دريم بارك بلعب الدودة
صدام
بس اقفل بوقك. وطلع ال 1000 ج. اللي لسة واخدهم مني
عيسوي
دول هما 200 بس.
صدام
ما ببقيت ال 1000 هجيب علاج الشلل اللي جالي من وراء قعدتك معايا 10 دقايق، ،،،،،،،،،،،،،،
وبالليل ومن جوة الاوضة يقعد صدام مع دياب وقدام منهم زينه اللي خدت اول برشامة من برشام الزهايمر فبص وراح دياب ناحيتها وقال
مش يلا بينا نروح بيتنا
زينه
بيتنا. احنا عندنا بيت
دياب
احلي بيت لاحلي عروسة
بص صدام ل دياب وميل عليه وقال
ولا. انت ناوي علي اية
دياب
وانت مال اهلك ما تخليك في نحمده
صدام
بس دي بنت يا دياب حرام عليك
دياب
ما تعملش واعظ. وخليك في حالك.
وقامت سمر ومشيت مع دياب وصدام بيبص عليها صعبان عليه البت لكن برضو هو بيخاف من دياب وفي عز ما هو باصص علي الباب. لقي نحمده بتنط فوق رجله اتوجع وقال
الله يخرب بيتك. الله يخرب بيتك
نحمده
مالك يا صدام
صدام
يا ولية في حد ينط علي رجل حد كدة افرضي اتكسرت
نحمده
واية يعني الجبس تحت الحوض عندي اهو.
صدام
ولية طيب تخليني اعيش متجبس
نحمده
دة انت بتبقي سو فيري هاف لف وانت في الجبس
صدام باستغراب
اية يا صايعة الفيري هاف. دة.
نحمده
بقول لك اية. نسيب بقي اللي ورانا واقعد اترجم لك انجليزي. اية بقي مش هتفتكرني
صدام
طيب قومي ارقصي يمكن افتكرك
نحمده
بس كدة عيني
وشغلت المزيكا وبدات ترقص واول ما قام صدام وقرب منها خبط الباب فقالت نحمده
سيبك منه
بص صدام للباب وقال
يا صايعة الباب بيخبط
نحمده
شيل الفيشة وهو يسكت
صدام
هو التيلفون بيرن. اوعي رقبتي خليني اشوف مين
وزقها بعيد عنه وراح فتح الباب. علشان يشوف اخر واحد كان ممكن يشوفو. شاف صلاح الشرقاوي، ،،،،،،،،،،