رواية دموع الورد الفصل الرابع عشر 14 بقلم جمال المصري
بسم الله ولا إله إلا الله وحده لا شريك له له الملك وله الحمد يحيي ويميت وهي علي كل شئ قدير
شريف .. اخيرآ خلصنا منه يلا بينا قبل ما حد يشوفنا
حماده .. مش نشوفه مات ولا لا
شريف .. حتي لو لسا عايش هيفضل ينزف لحد ما يموت
حماده .. معاك حق يلا بينا
شريف .. بيتحرك وبيبص لحماده انا مش عايز حد يعرف حاجه حتي امي فاهم
حماده .. هو في حاجه حصلت اصلا عشان نقولها ولو الهلاليه عرفت مش هيخلو حد في سلالتي عايش
شريف .. تمام يا حماده
شمندي .. يا عمده
سعديه .. كلمي يا ست اسماء شمندي بينده عليكي
اسماء .. ماشي انا جايه اهو اعمليلي كباية شاي
سعديه .. من عينيه يا ستي
اسماء .. بتطلع بره خير يا شمندي
شمندي .. مش خير يا عمده الراجل اللي مراقب شريف شافه هو وحماده عند الخص اللي في ارضك وضربه واحد بنار و بلغني
اسماء .. حاسة بنغزه في قلبها مين اللي ضربه
شمندي .. ما نعرفش المسافه بعيده والرجل ما شافهوش
اسماء .. بتجري علي عربيتها وهي حاسه بوجع في قلبها وفي نفسها بتقول ياريت ما يطلع عادل
شمندي .. هاجي معاكي
اسماء .. لا ومش عايزه حد يعرف اللي حصل
شمندي .. حاضر يا جناب العمده
اسماء .. اتحركت بالعربيه بسرعه جنونيه
سعديه .. طلعت من البيت هي الست هانم راحت فين يا شمندي
شمندي .. الله واعلم
سعديه .. انت لا حد يعرف ياخد منك حق ولا باطل وبتدخل تاني
عادل .. يفوق والالم جامد عليه يحاول يصرخ بس مش قادر ويحاول يطلع التليفون بس من الواقعه التليفون اتكسر وعادل مش شايف فيه اي حاجه ويحاول يزحف عشان يطلع من الزراعه علي الطريق يمكن يلاقي حد يساعده وفعلآ بعد تعب كبير وصل الطريق
وعد .. اخيرآ قربت اوصل وهي ماشيه هاديه ومره وحده لمحت عادل مرمي علي الارض قدامها وفرملت بسرعه وفضلت في العربيه شويه وهي خايفه ومش عارفه تعمل ايه وبعد وقت مش طويل قرارات تنزل وفتحت باب العربيه ونزلت وقرابت بالراحه لقيت عادل نايم علي ظهره وغرقان دم اول مره تتحط في موقف كده وقربت منه ولقيت النبض شغال وبتقول لنفسها بصوت عالي اهدي يا وعد الراجل لسا عايش ولازم تعملي اللي تقدري عليه عشان تنقذي حياته وبتجري علي العربيه وبطلع الشنطه بتاعتها وبترجع جنب عادل وبتفتح الشنطه وبتحاول توقف النزيف
وهي قالت لنفسها لا ده مش هينفع الدنيا ضلمه هنا وبتحاول تشيله عشان تحطه في العربيه بس مش قادره ومره وحده لمحت عربيه جايه سريعه جدآ في وشها وقفت وهي بتشاورلها
اسماء .. شافتها وفرملت وشافت عادل مرمي علي الارض نزلت من العربيه بسرعه وجريت عليه
وعد .. ممكن تساعديني ننقله من هنا عشان لو فضل كده دمه هيتصفا
اسماء .. مش سامعه حاج بتقرب من عادل وبتحضنه عادل متسبنيش يا عادل انا مش هقدر اعيش من غيرك ابوس ايدك فتح عينيك عادل رد عليا
وعد .. عرفت ان اسماء مصدومه ومسكتها وهزتها جامد فوقي يا ست انتي
اسماء .. بصتلها انتي مين
وعد .. مش مهم انا مين المهم اني دكتوره ولازم ننقله من هنا كده هيموت
اسماء .. لا ان شاء الله مش هيموت وقامت ومسكته هي ووعد وحطوه في عربيه وعد واسماء ركبت جنبه
محمود .. لقي عادل اتاخر ومش بيرد علي التليفون اخد الرجاله ودخل الشرق و شاف اسماء وهي بتحط عادل في العربيه وبسرعه دخل قدامهم قبل ما يتحركوا ونزل بص اتاكد انه عادل عملتيها يا اسماء وانا هموتك زي ما موتيه
وعد .. مش هي اللي عملت كده ولو فضلنا اكتر من كده هنا هيموت
محمود .. هو عايش
وعد .. ايوه
محمود .. يلا يا رجاله خدوه هنطلع بيه علي المستشفي
اسماء .. علي ما يوصل المستشفي هيكون مات الي قدامك دكتوره وهنروح المستوصف قريب
محمود .. مستحيل امن علي عادل في الشرق
اسماء .. اركبي يا دكتوره وابعد من قدامنا يا محمود وإلا لو حصل لعادل حاجه اقسم بالله احرق الشرق والغرب سوا
محمود .. شاف في عيون اسماء خوفها علي عادل ماشي يا اسماء بس هنيجي معاكم
وعد .. اتحركت هو ايه الي بيحصل ده
اسماء .. ده العذاب الي اتكتب علينا نعيشه من سنين
وعد .. مفهمتش حاجه وسكتت
اسماء .. ادخلي الدخله اللي جايه
وعد .. حاضر
اسماء .. المبني اللي منور ده هو المستوصف اوقفي عنده
وعد .. وقفت
محمود .. وقف وجري هو و رجالته ونزل جري عشان يشيل عادل يدخله المستوصف وكله بيجري لجوه لحد ما حطوا عادل علي السرير
وعد .. انا عايزه حد يساعدني
اسماء ..الدكتوره والممرضات مشيو و مفيش وقت عشان نجيبهم انا عندي فكره وهساعدك
وعد .. تمام الكل بره
محمود .. انا هفضل معاكم يا رجاله طوقه المستوصف والي يقرب اقتله
اسماء .. لحد عادل ما يقوم بالسلامه مش عايزه مشاكل وطلعت التليفون ورنت علي شمندي
شمندي .. ايوه يا جناب العمده
اسماء .. هات الغفر ورجالتنا بالسلاح وتعالى في المستوصف
شمندي .. حاضر وجمع الرجاله وتحرك علي المستوصف
وعد .. عايزه اغسل ايدي
اسماء .. اتفضلي من هنا وبعد ما غسلوا ايديهم وعقموها وقبل ما يدخله الاوضه الي فيها عادل
شمندي .. بيدخل شمندي وبيسحب السلاح علي رجالة محمود ورجالة محمود بيسحبه السلاح عليه
اسماء .. بتسمع صوت شد الاجزاء بتطلع هي ومحمود جري الكل ينزل سلاحه انته مش سامعين نزله سلاحكم
شمندي .. نزل سلاحه هو ورجالته وكمان رجالة محمود
اسماء .. يا رجاله النهارده مفيش دم ولا حد هيموت رجالة عادل هيقعده في المستوصف وانت يا شمندي طوق المستوصف مش عايزه عصفوره تعدي فاهم وخصوصآ من الزناتيه مفهوم
شمندي .. مفهوم يا عمده
محمود .. ادخله يا رجاله
اسماء .. دخلت الاوضه هي ووعد
وعد .. بطهر مكان الجرح وهي بتقول ايه كمية السلاح دي كلها ده لو حرب مش كده انا اول مره اشوف الحاجات دي
اسماء .. وهي بتساعدها انتي من فين يا بنتي
وعد .. من الاسكندريه
اسماء ..وايه الي جابك هنا
وعد .. كانت هتقولها وترددت وقالت ماما ماتت وانا حبيت اجي الصعيد وعيش هنا
اسماء .. يبقا لازم تتعودي علي السلاح والمشاكل
وعد .. ودي تبقا عيشه
اسماء .. العيشه دي ولدنا وكبرنا فيها يا دكتور وربنا يهدي النفوس
وعد .. اللهم امين يارب العالمين وبطلع اول رصاصه كده فاضل رصاصه
اسماء .. بسم الله ما شاء الله عليكي انتي شاطره اوي
وعد.. انا الاولي علي دفعتي
اسماء .. بتبصلها وجوها احساس غريب ناحينها
وعد .. بس كده الحمد لله هنخيط الجرح
اسماء ..ماشي اتفضلي الابره والخيط
وعد .. بعد ما بتخلص احنا محتاجين دم عشان هو نزف دم كتير
محمود .. كلنا جاهزين
وعد .. حد يعرف فصيلة دمه
اسماء .. A سالب
وعد .. عايزين نفس الفصيله
اسماء .. انا نفس الفصيله
وعد .. تمام مفيش وقت نعمل تحاليل متاكده
اسماء .. ايوه
وعد .. وصلت كل حاجه وبقيت بتدي عادل الدم مباشر من اسماء وهي نايمه علي السرير اللي جنبه
محمود .. طلع بره
وعد .. هو يقرب لك ايه
اسماء .. سكتت شويه ولا حاجه
وعد .. ازاي ولا حاجه وانتي كنتي هتتجنني عليه
اسماء .. في حاجات كتيره في حياتي مالهاش تفسير
وعد .. انا من اول ما دخلت بلدكم وانا مش فاهمه حاجه بس مش مشكله
اسماء .. بتحط ايدها علي خد وعد انتي جيتي زي الملايكه وانقذتي البلد كلها من كارثه
وعد .. مش فاهمه
اسماء .. عادل ده لو حصل له حاجه كنا كلنا هنغرق في الدم ربنا يحميكي يا بنتي
وعد .. ومن غير ما تحس بتحط ايدها علي ايد اسماء وبتمسكها وبتبوسها
اسماء .. وهي نايمه علي السرير بتحضنها
وعد .. بتحس بدفاء وحنان في حضن اسماء
اسماء .. من النهارده انتي هتعيشي معايا يا بنتي وكل اللي تحتاجيه هيكون تحت امرك
وعد .. لا شكرآ انا عايزه انزل في فندق لحد ما رتب حالي وبتبص علي عادل كده تمام بتفصل كل حاجه
اسماء .. بتحاول تقوم
وعد .. لا خليكي شويه مرتاحه
الشمندي .. بيدخل يا جناب العمده
اسماء .. ايوه انا جايه
وعد .. معقول انتي العمده
اسماء .. ابتسمت ايه ما نفعش
وعد .. مش قصدي
اسماء .. بتطلع خير
شمندي .. شريف بره هو و رجالته وعايز يدخل
محمود .. يبقا جه لي قضاه ويتحرك ناحيت الباب
اسماء .. محمود عشان خاطري اهدا لحد دلوقت حياة عادل في خطر سيبني انا اتصرف
محمود .. حاضر يا مرات اخويا اسف قصدي يا عمده
اسماء .. بتطلع فيه ايه يا شريف
شريف .. انتي اتجننتي ازاي تعالجي اللي قتل ابوكي وعمك سبيهم ياخدوه وهو يعالجه في المستشفي
اسماء .. بتقرب منه