الحلقه العاشره
____________
حسام: والله يابني انا من ساعه ماطلبت مني الطلب ده وانا في سؤال محيرني اوي
أحمد باستغراب: خير سؤال ايه ده؟!
حسام: ايه الي عاجبك في يارا اختي
أحمد: الله يخربيتك خضتني
ضحك حسام وهو يقول: لا والله انا بتكلم جد
أحمد: والله انا نفسي مش عارف بس يمكن شخصيتها شوي بعيدا عن استهتارها واستفزازها وتكبرها شويتين وطريقتها في الكلام ها
حسام: قصدك شوياات كتير
احمد: علي فكره بقي هي طلعالك واخده منك بعض الحاجات هي يعني هتجيبه من بره
حسام: انا عمرى ماكنت مستهتر زيها كده يمكن بس واخده شخصيتي القويه
أحمد: ومابتحبش حد يعدل عليها وانت فيك الطبع ده اووي
حسام: بس فعلا حاسس انها لو ليكو نصيب مع بعض هتتعدل علي ايدك شويه بتمني يعني ولا ربنا يستر وميبقاش العكس هههههههههه
احمد: لالا انت عارفني محبش العوجان و....
تقطع كلامهم السكرتيره داليا
داليا: مستر حسام .. مستر ادهم وصل ومعاه أمجد باشا ومنتظر حضرتك انت واستاذ احمد في المكتب
حسام: طيب روحي انتي يا داليا ...أحمد الصفقه دي أخرها النهارده ان شاءالله
احمد: متقلقش يلا علشان منتاخرش عليهم
دخل أحمد وحسام المكتب
حسام: السلام عليكم
أدهم : مستر حسام اخبارك
حسام:تمام الحمدلله بخير
أحمد: ندخل في المهم يا مستر أدهم
أدهم : ياريت .. ها قولي بقي هنتمم الصفقه علي كام ومن الأخر
أحمد: يااستاذ ادهم الموضوع منتهي حضرتك هتوافق هنمضي الأوراق ونقول مبروك مش موافق بقي دي حاجه ترجعلك
حسام: واظن حضرتك عارف كويس سمعه شركتنا والف مين يتمني يعمل الصفقه دي معانا
أدهم ينظرلأمجد: والله يا أمجد باشا انت محظوظ انك عندك اتنين زي دول فعلا حسام ابنك وأحمد حقيقي يابخت شركتك بيهم
أمجد: احمد ابني التاني برضه والفضل يرجع لربنا ثم هما
أحمد: قولت ايه يامستر ادهم
أدهم : للاسف معنديش خيار تاني نمضي العقود ونتمم الصفقه علي بركه الله
أحمد: يبقي مبروك علينا كلنا
أدهم : مبروك يا أمجد باشا
انتهي المؤتمر وانتهي يوم العمل كله بتعبه
أحمد: انا همشي هلكان وهروح ارتاح
حسام: ومين سمعك الواحد عاوز اسبوع استجمام كده والله
أحمد: ياريت بس انت شايف الحال
حسام: طيب روح ارتاح كده ونتقابل بكره ان شاءالله
أحمد: سلام يابطل واظن كده الي عاوزينه حصل و..
حسام: عارفك زنان بس متقلقش فاكر مش ناسي وانطلق كل منهم واستقل سيارته وبعد نصف ساعه وصل حسام البيت و..
حسام: سناء ياسناء
سناء : نعم يا حسام بيه
حسام: أمجد باشا وسلوي هانم وصلوا ولا لسه
سناء : امجد باشا لسه واصل من شويه والست الكبيره لسه ماجتش والهانم الصغيره طول اليوم في اوضتها منزلتش منها
حسام: يعني يارا مانزلتش جامعتها
سناء: لا وطول النهار تزعق وتتخانق معانا بصراحه مش عارفه مالها
حسام: طيب روحي انتي ياسناء ولما سلوي هانم توصل اديني خبر
صعد حسام سلم الفيلا ثم دخل غرفته ووضع ملابسه علي الاريكه المجاوره للسرير واخرج ملابسه من الخزانه كى يغتسل الي ان جائت سلوي
سناء: اهلا ياست هانم حمدالله على سلامتك
سلوى: ازيك ياسناء قوليلي في حد في البيت
سناء: ايوه امجد باشا في مكتبه وسي حسام لسه واصل وقالي اول ماتوصلي ابلغه
سلوى: ولسه يارا ماجتش
سناء: ماخرجتش طول النهار ياهانم
سلوي: انتي متأكده ياسناء ..ربنا يستر
الحلقه الحادية عشر
________________
سلوي: انتي متأكده ياسناء انها مانزلتش النهارده خالص
سناء: ايوه ياهانم والله
سلوي: روحي روحي انتي ياسناء وانا هطلع أشوف حسام
انصرفت سناء ثم صعدت سلوي لغرفه حسام لكنها لم تجده فسمعت صوت المياه في الحمام فأدركت انه يغتسل فجلست تنتظره حتي انتهي
حسام: ماما جيتي امتي
سلوي: لسه حالا وسناء قالتلي انك عاوزني خير يا حبيبي
حسام: يارا مالها يا ماما ؟!
سلوي: هيكون مالها يعني ياحسام مانزلتش علشان تلاقيها تعبانه شويه ولا حاجه النهارده
حسام: مش مرتاح حاسس ان في حاجه هي مخبياها
سلوي: بصراحه هي كلمتني في موضوع كده ومتعلقه بيه بس موضوع تافهه وانت عارف أختك
حسام: خير موضوع ايه يا ماما
سلوى: زميلها في الجامعه ياسيدي بتقول بيحبها وعاوز يتقدملها
حسام : الله الله طالب عيل يعني وبياخد مصروفه من أبوه بنتك خلاص اتجننت رسمي ولغت تفكيرها
سلوى: ده الكلام الي قولتهولها والله ياحسام بس انت عارف يارا أختك
حيام: وهي معتقده أن بابا هيوافق بحاجه زي دي
سلوى: هي بتقول فتره خطوبه لحد مايتخرجوا وعاوزه تكلم بابا علشان يشتغل معاكو في الشركة اول مايخلص دراسته
حسام: بنتك اتجننت خلااص ماما احمد طالب ايديها من بابا والمفروض ان بابا هيرد عليه كمان كام يوم
سلوي بفرح: أحمد بجد!!
حسام: ايوه بس ده خساره فيها وفي تفكيرها الزباله ده
سلوي: أحمد شاب ميتعوضش فعلا وهو ده اكتر حد مناسب وعارفنا وعارفينه وعارفين اصله وفصله لان واضح اوى ان الى هى جيباه ده مخطك كويس اوى هو عاوز ايه
حسام: انا هروح اتكلم معاها
سلوي: حسام حبيبي اتكلم معاها بهدوء والنبي انا عرفاك ممكن تتعصب عليها
حسام: متقلقيش هكلمها بالعقل
سلوي: بس نتغدي الاول علشان بابا ميحسش بحاجه
حسام بضيق: طيب ماشي وياريت تخليها هي كمان تنزل تتغدي
سلوي: حاضر ياحبيبي البس ياله وحصلني
خرجت سلوي متوجهه لغرفه يارا ثم طرقت الباب
يارا: قولت مش عاوزه حد يخبط عليا ياسناااء
سلوي: انا ماما يا يارا
يارا: أدخلي يا ماما
دخلت سلوي وجلست بجوار يارا: حبيبه ماما مالها
يارا: مافيش يا ماما عاوزه افضل لوحدي شويه بعد اذنك
سلوي: طيب خلاص ماتزعليش انا كلمت حسام في موضوعك
يارا بفرحه : بجد يا ماما وقالك ايه
سلوي: ااه يا حبيبتي وقالي انه عاوز يتكلم معاكي الاول بعد الغداء وقبل ماتكلمي بابا
يارا: يبقي هيفضل يزعق ويعمل فيها راجل البيت والف مينفعش ومليون مايصحش
سلوي بعصبيه: عيييب كده يابنت ده أخوكي الكبير بتتكلمي كده ليه وايه النمرده الي بقيتي فيها دي جرالك ايه يا يارا
يارا: يا ماما ماقصدش بس انتي عارفه حسام
سلوي: ياله انزلي نتغدي وبعدين الي فيه الخير يقدمه ربنا
يارا: حاضر هحصلك .. ماما انتي وعدتيني هتساعديني
سلوي: إن شاء الله .. متتأخريش
تركتها سلوي وهي تردد ربنا يستر ...
سلوي: سناء سناء
سناء: نعم نعم ياهانم
سلوي: حضرى الغدا حالا علي ما أغير هدومي
سناء: حاضر حالا
دخلت مكتب أمجد فوجدته جالس علي كرسي مكتبه : ايه يا أمجد مابتزهقش من الشغل
امجد: تعالي ياسلوي ادخلي كان في بس شويه اوراق محتاجه تتمضي وخلصتها الحمدلله
سلوى: طيب سناء حضرت الغدا هغير هدومي ونتغدي علي طول يا حبيبي
أمجد: ماشي يا حبيبتي الولاد وصلوا
سلوي: ااه يا حبيبي متتأخرش
وبعد عده دقائق التفوا حول طاوله الطعام المملؤه بأشهي الاكلات و..
أمجد: ايه رأيك ياسلوي في أحمد
سلوي: ولد ممتاز ومايتخيرش عن حسام ابني
امجد: انا شخصيا بحبه ولد مجتهد وليه مستقبل هايل وده رأي انا وحسام كمان تصدقوا انه عاوز يتجوز بس لسه ماعرفناش رأي العروسه الي هو اختارها أيه فيه .. مالك يا يارا ساكته ليه يا حبيبتي
يارا: ملاحظه انكو بتتكلمو طول الوقت عن أحمد هقول ايه انا
سلوي: صحيح يا أمجد ماقولتلناش مين العروسه وسعيده الحظ الي اختارها أحمد
أمجد بفرحه وهو ينظر الى يارا ويقول : يارا....
الحلقة الثانيه عشر
_______________
سلوي : ماقولتلناش يا أمجد صحيح مين العروسه الي أحمد اختارها
أمجد: يارا
يارا بإستغراب : نعم !!
حسام: أيه مالك اتفاجئتي كده ليه
امجد: أيه يابنتي مش موافقه ولا ايه
يارا: اه طبعا يا بابا مش موافقه انا مبحبش احمد ده ولا اعرفه ولاعاوزه اصلا وبعدين مش يمكن يكون طمعان فيينا
حسام: صح انتي صح يمكن هو طمعان فينا طيب وبالنسبه للعيل الي انتي جيباه ده عرفتيه وحبتيه واتأكدتي انه مش طمعان فينا زي احمد
امجد متقاجئ : مين ده وايه الموضوع الظاهر اني اخر من يعلم ولا ايه
حسام: انا لسه عارف الموضوع النهارده يا بابا
سلوي: يارا قالتلي وانا كنت هقولكم بس كنت مستنيه تخلصوا الصفقه بتاعتكو
يارا: بابا انا عاوزه افهم حضرتك
يارا: أتكلمي يا يارا قبل ما افقد اعصابي منكو
يارا: ده زميلي في الجامعه يا بابا وهو بيحبني وعاوز يقابل حضرتك ويطلبني وانا عرفت مامى عشان تكلم حضرتك
امجد: يعني بتجيبيلي عيل بياخد مصروفه من ابوه الظاهر انك اتدلعتي بزياده وانا غلط انى اديتك حريتك
يارا: ماهو بعد ازنك طبعا لو وافقت بعد مايخلص كليه يشتغل مع حضرتك في الشركه
امجد: الله الله انتي تفكيرك بقي منحط كده ليه ثم ان ده تفكيره هو ولاايه
يارا: حضرتك يا بابا مربينا علي ان الحب اهم حاجه في الدنيا وهو بيحبني واكيد لما تقابله هيعرف ده
حسام: الحب حاجه وحب المصلحه حاجه تانيه خاالص
يارا: هو انتم خلاص حكمتوا عليه انه عاوزني مصلحه والاستاذ احمد بقي هو الي تماام وملهوش مصلحه في انه يترقي او انه يكون صاحب مكان مش مجرد موظف بس
امجد: أحمد ده لو طلب يكون مكاني انا هوافق عارفه ليه لانه انسان محترم ومتربي ومش طماع مش بتاع مناصب وفوق كل ده راجل وبيحب شغله وانا لو عندي شك واحد ف الميه بس انه طلبك طمع انا كنت عرفت شغلي معاه ياهانم
سلوي: أهدي بس يا امجد متتعصبش اكتر من كده واعتبري موضوع الولد ده منتهي
يارا: اوك واعتبروا موضوع احمد كمان منتهي
حسام: يعني ايه بتعندي وبتمسكينا من ايدينا الي بتوجعنا
يارا: انا مش هتجوز انسان مش بحبه ومعرفهوش اصلا يا بابا انا كل الي طلباه منكو انكو تقعدوا معاه وتقابلوه وتكلموه مش يمكن تكونو ظالمينه
حسام: يعني انتي شايفه كده ثم نظر لوالده واردف قائلا
طيب بعد ازن حضرتك يا بابا انا هقابله واتكلم معاه
امجد بضيق: بصي بقي يا يارا الي عوزاه هنعمله بس لو طلع مش كويس هتنسيه وهتتجوزي احمد وان شالله يكون غصب عنك مفهوم
يارا: هو في جواز بالعافيه يا بابا ولا ايه ومن امتى كنت حضرتك كده
امجد انا قولت الي عندي وانتي سمعتيه وانت يا حسام هاته وقابله واتكلم معاه
يارا: حسام وحيات بابا عندك تحكم ضميرك وتتكلم معاه وماتجيش عليه
حسام: يابنتي هو انا هستفاد منك ولا منه حاجه وحتي لو اتجوزتي غيره انا كل الي يهمني انك تبقي مرتاحه ونضمنلك مستقبل كويس مع شخص محترم
يارا: اوك يا حسام قابله انت بس واتكلم معاه واتفاهموا
سلوي: ممكن خلاص بقي يا يارا وننهي الموضوع بابا شكله تعبان
امجد بضيق : هي دي يارا وهو ده تفكيرها وتعليمها ياخساره يابنتى
يارا: انتو ليه محسسني اني ممجنونه هو انا مش من حقي اختار الي هعيش معاه
سلوي: لا كل ده من حقك بس تفكرى بعقلك كمان مش كل حاجه تمشي بقلبك الحب جميل يابنتي بس لو كان فعلا مع الانسان الصح والي يستاهلك احنا ده منعرفش عنه غير انه زميلك
يارا: صدقوني لو عرفتوا هتحبوا وهتغيروا تفكيركو من ناحيته
حسام: حبيبتى بلاش تحكمي علي الكتاب من عنوانه لان العنوان ممكن يشدك ويعجبك اووي انما الي جوا الكتاب موضوع تافه ومالوش اى هدف
يارا: بس انا عرفاه اكتر منكو ومحبناش بعض من يوم وليله ولا بكلمه واتنين
امجد: يابنتي انتي ليه مش عاوزه تفهمي اننا خايفين عليكي وعشان بنحبك عاوزينك تكووني سعيده ومرتاحه ومعاكي راجل محترم و يحافظ عليكي من بعدنا
حسام بضيق : قصر الكلام عشان انتي الكلام معاكي مافيش فايده فيه بكره خليه يجيلي الساعه ٤ هنا خلاص انتهينا بقي.....