الحلقة الثالثة عشر
________________
وكالعاده بدايه يوم جديد علي ابطالنا استيقظت يارا ثم اتجهت للجامعه
يارا: صباح الخير يا خالد
خا لد : صباح الورد
يارا: كده برضه متسألش عني امبارح خالص
خالد: والمفروض مين الي يسأل انا امبارح كنت تعبان ومقدرتش انزل الجامعه خالص ومستني منك مسدج حتي تحسسني انك مهتمه او لاحظتى غيابي
يارا: هو انت ماجيتش الجامعه امبارح اصلا
خالد: ايه هو للدرجادي وجودي زي عدمه عندك حتى ولا مكالمه
يارا: لاطبعا مش كده بس كل الحكايه اني مانزلتش الجامعه امبارح وكنت قافله موبايلي ولما فتحته استغربت جدا انك محاولتش تكلمني
خالد: ههههههه نفس الي حصل معايا يعني كان مالك يا حبيبتي القمر اختفي ليه
يارا: مافيش كنت مدايقه شويه بس وماقدرتش انزل انت بقي كان مالك طمنى عليك
خالد: كنت سهران ولما رجعت ماعرفتش اتكلم مع امي امبارح
يارا: اوك عموما انا كلمتهم في موضوعك وحسام اخويا طالب يقابلك النهارده
خالد بإرتباك : اكيد عاوزني علشان يبعدني عنك
يارا: لا متقلقش انا قولتله يكون كويس معاك في الكلام
خالد: وصدقتيه بسهوله كده
يارا بإنفعال: أنت مالك خايف ليه وعمال تطلع في حجج ليه يا خالد
خالد: وانا هتحجج ليه ان شاءالله
يارا: يمكن مش بتحبني وخايف حسام يكشفك
خالد: ايه الكلام الي بتقوليه ده ياعبيطه انا بحبك وعارف انه ممكن يرفض وانا مش عاوز ابعد عنك
يارا: طيب خلاص متقلقش انا كلمته وبابا كلمه
خالد: اوك هروحله فين
يارا: الفيلا عندنا الساعه ٤
خالد: طيب ربنا يستر بقي
يارا:ياله بقي ندخل المحاضره علشان تلحق تروح لحسام
في شركه أمجد الجزار ..
حسام: صباح الخير يا داليا
داليا: صباح النور يامستر حسام
حسام: من فضلك الغي مواعيد النهارده انا مش عاوز اشوف حد
داليا: حاضر .. بس خير حضرتك تعبان ولا حاجه
حسام: اه شويه أمجد باشا معاه حد
داليا: لا
حسام: طيب روحي انتي
داليا: تحت امرك يامستر حسام
دخل حسام مكتب أمجد : صباح الخير يا بابا
امجد: تعالى يا حسام ادخل
حسام: انا لغيت مواعيدي النهارده علشان هروح بدرى واشوف الواد ده
امجد: انا قلقان علي يارا اوي ياحسام
حسام: متقلقش حضرتك وانا هخلص الموضوع ده
امجد: حاول تهدده انه ميحاولش يتعرضلها بأي شكل لما يترفض
حسام: سيبلي انا الموضوع ده متقلقش
أمجد: ابقي طمني اول ماتخلص معاه انت عارف لازم اسافر النهارده الغردقه
حسام: تروح وترجع بالسلامه يا باشا
أمجد: بالنسبه لأحمد حاول تأجل موضوعه ومش عاوزينه يعرف حاجه خالص يا حسام
حسام: انا بفكر ان حضرتك تاخده معاك بدل محمد
أمجد: ليه لاء والله عندك حق وبعدين احمد هحتاجه معايا هناك فعلا ..ضغط أمجد علي زر الهاتف المكتبي ..داليا ابعتيلي أحمد حالا
داليا: حاضر يافندم ..
وبعد دقايق استأذن احمد بالدخول..
أحمد: تحت امرك يا أمجد باشا .....
الحلقة الرابعه عشر
________________
أحمد: تحت أمرك يا أمجد باشا
أمجد: أحمد جهز نفسك هتطلع معايا سفريه الغردقة
أحمد: تحت أمرك ياباشا مفيش مشكلة
حسام: يابختك بحر وهوا واستجمام وانت عارف بقي ده الواحد نفسه يفصل شويه من الشغل
أحمد: ده شغل برضه يابني انت مش مصيف ههههههههه
أمجد: هههههههه حسام نفسه يطلع المشوار ده
حسام: ياريت بصرااحه اتمني بس الشغل هنا على اخره وانت عارف
أحمد: النهارده يا أمجد باشا صح
أمجد: ايوه جهزلي نفسك وع الساعه٤ هنسافر
أحمد: اوك ياباشا
حسام: طيب هسيبكو انا لاني ورايا شويه شغل في المكتب قبل ما اروح
أحمد: وانا كمان هستأذن اروح اجهز نفسي يادوب الحق
أمجد: متتأخرش يا احمد عن٤
أحمد: امرك يا باشا
خرجوا احمد وحسام ..
أحمد: حسام
حسام : ايه يابني في أيه
احمد: مالك فيك ايه
حسام: لامافيش حاجه مالي
أحمد: وايه حكايه الغردقه دي مش المفروض ان محمد الي كان طالع ليه امجد باشا غير رأيه فجأه
حسام: كل ال قاله امجد باشا انه هيحتاجك انت معاه
أحمد: طيب مش مهم المهم عرف بالموضوع ده
حسام: منا قايلك انه عارف وقال بعد الصفقه ما تتم
أحمد: طيب مش يمكن مدايق مني وناويلي السفريه دي
حسام: احمد يا ابني هو أمجد باشا باين عليه الزعل
أحمد: لا
حسام: طيب وانت بقالك كام سنه شغال معاه هنا ؟
أحمد: اكتر من ٣ سنين
حسام: طيب هو لما بيزعل بيضحك ويهزر كده
أحمد: لا
حسام: مبروك يا أبو حميد جاوبت كل الأسئله وربحت معانا المليون هههههههههه
أحمد: ضحك احمد متفاجئا يا أخي انا مش بهزر الله دانت سئيل
حسام: ماهو طلع العيب فيك انت الله
أحمد بضحك: تصدق أه
حسام: هههههههههههههه
أحمد: انا هخلع انا يادوب الحق اجهز قبل الساعه ٤
حسام: اوك وانا كمان هروح لان عندي مشوار علي الساعه٤ كده
أحمد: طيب ابقي اسأل عليا ابوك شكله هيخلص مني هناك هههههههههه
حسام: يبقي ريحنا هههههههههههه
أحمد:هههههههه ماشي يابطل ياله سلام
دخل حسام مكتبه ثم جلس علي كرسيه وأمسك هاتفه وقرر يتكلم مع والدته
سلوي: ألو ياحسام
حسام: أيه يا حبيبتي عامله ايه
سلوي: الحمدلله يا حبيبي
حسام: بقولك يا امي لازم تكوني في البيت النهارده ع الميعاد علشان نخلص الموضوع ده وركزي معايا لما أشاورلك تسيبيني معاه شوي تمام
سلوي بقلق : حاضر يا حبيبي
حسام: طيب تحبي أعدي عليكي
سلوي: لاياحبيبي انا خلاص خلصت وشوي وهمشي معايا عربيتي بس خد بالك من نفسك انت ها
حسام: حاضر يا حبيبتي
سلوي: نفسي أفرح بيك اوي ياحسام يا حبيبي
حسام: هههههههههههه أدعيلي انتي بس يا أمي
سلوي: يابختها الي تفوز بيك يا حبيبي
حسام: ربنا مايحرمنى منك ياامى طيب انا هستأذنك اقفل اكمل شويه حاجات واروح علي طول
سلوي: ماشي يا حبيبي مع السلامه
ومن الناحيه الأخرى انهت يارا محاضراتها ..
يارا: انا همشي بقي متنساش معادك مع حسام النهارده ها
خالد: اوك يا حبيبتي هروح اجهز سلام
مضي الوقت بدون احداث تستحق الذكر وسط القلق والسكينه التى حلت على كل منهم الي ان جاءالوقت المحدد ودق جرس الباب ليعلن قدوم الضيف المنتظر
سناء: ايوه جايه اهو
فتحت سناء الباب
خالد: استاذ حسام موجود
سناء: اقوله مين
خالد: قوليلو خالد محمد هو عارف ومنتظرنى
سناء: اتفضل حضرتك في الصالون وانا هبلغه حالا
خالد: شكرا وبداء خالد ينظر لكل ماحوله محدثا نفسه كل ده عز يا امجد يسلام بقي لو يبقي عندي نص الهلومه دي يقطع تفكيره حسام : يا أهلا يا أهلا ازيك اتمنى يكون عاجبك ذوقنا .......
الحلقه الخامسة عشر
__________________
حسام: اهلا اهلا اتمنى يكون زوقنا عجبك اتفضل اقعد ياخالد واقف ليه
خالد: اكيد جميل جدا طبعا اشكرك..
حسام: خير اتكلم
خالد: يارا قالتلي انك عاوز تقابلني النهارده
حسام: يارا كانت حكيالي عن الموضوع
خالد: يبقي وفرت عليا كتير
حسام: لاااا يابطل انا حابب اسمع منك كأني معرفش حاجه خالص
دخلت سلوي ويارا ..
حسام: سلوي هانم والده يارا
خالد: تشرفنا ياهانم بحضرتك
سلوي: اهلا وسهلا
يارا: خالد انا كلمت....قاطعها حسام مسرعا
حسام: ياريت يا يارا متتكلميش سيبيه هو يتكلم وياخد راحته
يارا: .............
خالد:أنا جاي طالب ايد يارا
حسام: تمام انت لسه في ٣ صح
خالد: ااه محنا مع بعض في الجامعه
سلوي: وانت مش شايف ياخالد ان طلبك ده غريب شويه وبالذات في الوقت ده انك لسه طالب
خالد: والله ياطنط انا بحبها ومش عاوزها تروح مني وحابين نعمل خطوبه دلوقتي والفرح بعد مانخلص ان شاءلله ..
نظر حسام لوالدته ففهمته واستأذنت بالانصراف واخدت يارا علي الغرفه
حسام: حلو اوي الكلام الي قولته ده طيب يابطل بما اننا لواحدينا بقي وانت طلبت ايد اختي معاك فلوس صح
خالد: في الحقيقه مش صح للاسف مش معايا انت عارف انى طالب لسه
حسام بإستغراب : اومال جاي تخطب ليه !
خالد: يعني ممكن اجيب حاجه علي قدي كده دلوقتي يعني دبله ومن غير فرح
حسام: خالد اهلك عارفين انك جاي تخطب النهارده او عندهم فكره بكلامك ده
خالد: بصراحه لسه ماقولتش لوالدتي بس اكيد مش هتمانع طبعا
حسام: تمام .. تعرف اني ارتحتلك لابجد
خالد بإبتسامه تملاء شفتيه : يبقي ربنا يديم المعروف
حسام: وعلشان كده انا هعمل معاك واجب حلو وانا واثق انك هتبقي مبسوط
اعتدل خالد فى جلسته منتظرا بلهفه ماسيقوله حسام: خير
تحرك حسام من مكانه مستدير وجهه عن خالد ونظر ف اللا شيئ وقال بخبث : هديلك مبلغ تجيب بيه الشبكه وتعمل فرح يليق ببنتنا ويبقي قدام الناس وقدام يارا انت الى عملت عشانها ها قلت ايه
خالد بفرحه بدت على وجهه وظهرت فى كلامه : كده بدون اى مقابل
حسام: وانا هعوز مقابل ايه غير سعاده اختي وانك تحافظ عليها
خالد بفرحه : صح واحنا اهل والي عندي عندك ولا ايه
حسام: هههههههههه صح وده شيك ب ١٠.٠٠٠جنيه
خالد يمازحه : والله كنت قلقان منك ياجدع
يقاطعهم صوت هاتف حسام الذي اشار اليه بيده ليصمت و..
حسام: أمجد باشا
أمجد: عملت ايه يا حسام مع الولد ده
حسام: خلاص اطمن شويه وهرجع اكلمك
أمجد: اوك سلام ياحسام
حسام: ها يابطل كنا بنقول ايه
خالد: كنا بنقول هتديني شيك للفرح ولوازمه ومن غير ما حد يعرف وخصوصا يارا
حسام بإبتسامه : امسك الشيك ده واطلع بره
خالد بدهشه : نعم
حسام: برررررره زى ماسمعت
خالد: ممكن اعرف ايه الي حصل طيب ما احنا كنا كويسين
حسام: الشيك الي معاك ده مقابل انك متتعرضش ل يارا اختي نهائي مفهوم لا بحلو ولا بوحش او حتي تخليها تلمحك تاني
خالد: حسام اس....
حسام: انا بحذرك ياخالد انك تتعرضلها واتفضل اطلع بره حالا
خالد: اوك
حسام: مع السلامه ..صعد حسام لغرفه يارا وجدها تبكي في حضن والدتها
سلوي: خلاص بقي يا يارا بلاش شغل العيال ده
يارا: سمعتي يا مامي انا غلطانه اني خليته يجي يقابل حسام .. حسام أهانه وبيزله بالفلوس
حسام بحنيه: حسام الي مش عاجبك ده خايف عليكي اوي وعاوز مصلحتك افهمي انا مش عدوك انا اخوكي
يارا: هي مصلحتي انك تعمل معايا كده ياحسام ومع الانسان الي بحبه وبيحبني ده بدل ماتقف جنبنا وتساعدنا
حسام: خاالد مبيحبكيش افهمي بقي ده واحد طمعان يبقي عنده فلوس واسم وطمعان فيكي ده تافه يا يارا تااافه وبيضحك عليكي ده ماصدق يوافق على العرض حتى محاولش انه يعارض عشان يوضحلى انى اسأت الظن فيه
يارا بغضب: انا متأكده ان خالد مش كده بس انت الي عاوز تشوفه كده وعاوز تمشيه بحجه الطمع انت الي بقيت كل حاجه عندك الفلوس وبس ياحسام
سلوي: يارا اخوكي مش كذاب انا وانتي سمعنا كل حاجه انتي الي خلاص حبك للولد التافه ده عماكي وخلاكي تتكلمي مع اخوكي كده خلاص الموضوع انتهي لحد كده كفايه بقي وفوقي لنفسك ولتصرفاتك ..