رواية بينهما الفصل العاشر 10 بقلم ال زهراء
اتلفت علي وهي مصدومة قربت منها شديد بس خجلت و بعدتني منها وقالت لي يا همام في حاجة مهمة لازم تعرفها عني، قولت ليها شنو؟؟!، قالت لي احتمال بعد تسمعها تغير رأيك وتطلقني بس بقولها ليك كانت عايزة تتكلم بس سكتت، قولت ليها نرجس اتكلمي، قالت لي بحس مبحوح لمن جيت اسكن عن خالي!!، ولد خالي...، وسككتت وبقت تبكي ،ضميتها علي وقولت ليها تابعي انا عايز اسمع، قالت لي ود خالي بقى يتحرش بي وانا للأسف ما كان عندي زول عشان اكلمو وفي يوم من الايام البيت كان فاضي جراني للمخزن و...، ما قدرت تكمل والعبرة خنقتها! ،قولت ليها بغضب اتكلمي عمل ليك شنو؟؟؟، قالت لي اغتصبني!!!! عقلي بقى قدر الصندوق!!!، كيف الكلام دة!!، ما كنت قادر استوعب قولت ليها عمرك كان كم قالت لي 16 قولت ليها بغضب اغتصبك وانتي طفلة كمان!!، ودوك وين ؟؟!، قالت لي اتكتمو على الجريمة جات خالتو وهي ممرضة وعملت الواجب وقالو لي ما تتكلمي والا بنجدعك وتاني سفرو ولدهم برة و....، ما قدرت تتابع وبقت ترجف وتاني قامت وانا لحقتها استفرغت شديد!، عرفت انو الموضوع مضايقها!، ما كانت قادرة تقوم من الأرض شلتها في الطريق قولت ليها ما عندك اي ذنب في الحصل ليك انتي طاهرة وطاهرتك ما حا تتغير بسبب اغتصابك انا مستحيل احملك حاجة ما بي يدك لانو حا ابقى ما مختلف عنو !، وريني بقدر اعمل شنو عشان اعوضك عن كل المريتي بيهو ختت يديها فوق رقبتي وقالت لي عايزاك انت وبس!، قولت ليها انا حا اكون ليك ختيتها في السرير وقولت ليها حاولي نومي تمام!، قالت لي خليك معاي بقيت قاعد معاها لمن نامت وتاني قولت في نفسي والله ما بكون اسمي همام لو ما جبتك السودان واتحكمت انت والمعاك.
_________________________
بلسان وُد
اتصلت بيهو لانو كنت خايفة افقد الجنين وكان لازم يعرف بس تاني غيرت رايي وقولت هو عريس جديد.
النزيف كان قبل ساعات بس قدرو يتحكمو فيهو لكن قالو انو الاستمرار في الحمل دة حا يكون خطر على حياتي ،انا قولت ليهم طالما هو في رحمي ما حا اتخلى عنو و البحصل يحصل وكلمتهم انو ما يقولو لأهلي اي حاجة ،في النهاية لو عاش طفلي انا كاني عايشة.
رجعت البيت اليوم التاني لقيت منو كم مكالمة بس ما رديت في النهاية رسل لي انا برة حا أدق الباب لو ما طلعتي لي!!!، قولت ليهو تمام طالعة، طلعت قال لي كويسه انتي؟؟!، قولت ليهو ايوا كويسه في حاجة ،قال لي الاتصال الامس لشنو ؟!!، قولت ليهو كنت عايزة الاقيك عشان تطلقني بس طلع عندي شغل فقفلت في وشك،قال لي ايوا انا قولت الا تكون حاصلة ليك حاجة ،المهم ابوك قال لي خليها تاخد وقتها في التفكير ، قولت ليهو ما عايزة اي تفكير عايزة الطلاق بس ،قال لي انا ما رافض بس الا يوافق ابوك عاينت ليهو وقولت ليهو بينا المحاكم اصبر لي كنت ماشة كدة حسيتت بلفة راس فظيعة لمن فقدت توازني عديل وكنت عايزة أقع!!!، ثبتني وقال لي عرفت انك حا تكوني مريضة ما قاعدة تتصلي بي بدون سبب، قولت ليهو لالا انا بس ما اكلت كويس وشكلو عندي انخفاض ،قال لي ما تهملي....، قاطعتو وقولت ليهو انا ما حا أصدق منك كلمة لانو كل كلامك كان كذب وكنت مجبور عليه بس عشان تقتنع بي ،لكن عمرك ما اقتنعت وشايفني ناقصة وما زي شهد لمن اتزوجتها، المهم أسي لو سمحت بطل تمثيل لانو انا بشمئز بقيت من تصرفاتك، مسك يدي بغضب وقال لي بقول ليك علاقتك بيك كانت حقيقة مية المية بس والله يا وُد ما عايز اخذل شهد تاني انا زمان انسحبت عشان أهلها بس اسي مسحييل اخذلها ،فكيت يدو وقولت ليهو طيب هنئيا ليك بيها ما تجيني تاني وبديك مهلة تفكر اسبوع واحد طلقتني طلقتني ما طلقتني بينا المحاكم والمرة دي ما بخلي زول يدخل في حياتي ،بقى يعاين لي مسافة وقال لي طيب زي ما حابة.
_____________________________________
بلسان نرجس
قعدنا قريب التلات ايام هناك، وتاني ودعنا خالتو وجينا بالعربية! ،في الطريق همام قال لي قررت انو تسكني معانا عشان انا اطمن عليك!، قولت ليهو وفاق حا تكون رضيانة، قال لي ما عايز تكلمي وفاق عن تطور علاقتنا الفترة دي ،عاينت ليهو وقولت ليهو تمام، قولت في نفسي صاح هو بقى بحبني بس اكيد كمان بحب وفاق واحتمال أضعاف حبو لي حا اصبر اشوف الاخر شنو!.
لمن وصلنا البيت قولت ليهو حا ارتاح واشوف الضروري شنو واشيلو قال لي طيب انا المدة دي حا اطلع، قولت ليهو طيب! قدمتو للباب ضماني وقال لي اقفلي الباب عليك كويس ولو طالعة مكان اتصلي بي وما تخليني اقلق عليك، قولت ليهو طيب.
اتصلت بوُد وقولت ليها جيت طوالي جاتني وبقت تتونس معاي! ،قالت لي اها الحصل شنو؟!، خجلت وقولت ليها يا وُد هو أدى علاقتنا فرصة ما احرجني ،قالت لي متأكدة انو حا تكون معاه مبسوطة الإخوان ديل ما معروفين انا مظفر كان طاير بي السماء وفجاءة رماني للارض! ،قالت لي مظفر غلط غلط كبييير بس هو شكلو عايز يمتلك شهد عشان كدة اتخذ الخطوة دي بس للاسف ما معروف اذا تصرفاتها حا تعجبو!، احتمال ما يلاقي فيها الحاجة العايزاها وقت كانو بحبو بعض واحتمال هي لمن تعيش معاه ما تبقى فيهو الشخصية الدايراها،الزواج مسؤولية كبيرة وعيوب الشريك بتظهر واضحة فيه ،الزول لمن يكون مرتبط قبل الزواج بحاول يظهر افضل ما عندو فعشان كدة النجاح الحقيقي في العلاقة ما بتفاخر انو تمت 5 سنين ولا 6 سنين النجاح الحقيقي هو بعد الزواج وامكانيتهم على تقبل عيوب بعض والاستمرارية فيهو ،قولت ليها حا تتقبل طعبو هو زول كويس ومتفهم، قولت ليها خلاص انتي يا وُد اقفلي الصفحة دي بعد دا لكن ما من حقو يعرف عن الولد، قالت لي ايوا من حقو! بس بعد فترة يا نرجس، قولت ليها تمام.
________________________
بلسان همام
جيييت البيت ولقيت وفاق قاعدة مما شافتني جات علي ضربتني كف وقالت لي شهر وانا مقلقة عليك وانت اتصال واحد ما بترفعو لي، قولت ليها انا كنت في فترة ما بتحمل كلام منك، اكيد انتي كنتي معصبة طول الفترة الفاتت فقولت لو رديت الأمور حا تزيد سوء ،قالت لي همام انااا ما حا اسامحك، قولت ليها مفروض انا البقول ليك الكلام دة قايلاني ما عارف انك الكتبتي الرسالة وانك المسحتي رسالة نرجس من تلفوني وكتبتي ليها رساله جديدة، بقت تتمتم ضميتها علي وقولت ليها عارف الغيرة هي الخلتك تعملي حاجات زي دي بس ما صاح منك برضو يا وفاق!، ما كنتي تشوهي صورة البت في عيني اتخيلي لو انا صدقت الكان حا يحصل شنو ليها! ما كانت عاشت طول عمرها هناك وحيدة، وفاق ما تخلي حبي ليك يكون مصدرك عشان تاذي الناس ،دي ما من عوايدك، انتي زولة عاقلة عشان كدة ما ترتكبي اغلاط زي دي تاني ،قالت لي اسفة بس انا كنت قايلاها حا تاخدك مني ،قولت ليها وفاق انتي الأولى في قلبي وماف زول بحتل محلك! ،قالت لي طلق نرجس بعد كدة ليها قريب السنة القراية انا بتكفل بيها ،قولت ليها ما بقدر!، قالت لي ليه، قولت ليها كنت عايز اخفي عليك الحاجة دي أكبر فترة ممكنة بس ما عايز اغشك انا اتقبلت نرجس كزوجة لي!!، بعدت مني وادتني كف، قالت لي بغضب عرفتك حا تخوني معاها ،قولت ليها دي ما خيانة نرجس مرتي بالقانون يا وفاق!، قالت لي لااا بس عملت ليك شنو عشان انت توافق!!؟!؟! وريني كتبتك هناك، قولت ليها لاهي بقت مهمة عندي! ،قالت لي وانا ،قولت ليها انتي دايما مهمة وحتى انا سامحتك على أكبر غلطة ارتكبتها ولو كان عمل العملة دي زول تاني صدقيني البعلمو فيه ما حا يعجبو بس دي انتي، لكن زي ما قولت ليك ما تتكرييها بقت تبكي وتقول اكيد عرفت انها مغتصبة انت رضيان الحاجة دي ،قولت ليها اي وبعدين انتي اخترتها لي عشان كدة صاح! انا متذكر انو يوم العرس قولتي لي ما حا تفتح خشمها يبقى انتي كنتي ماسكاها من اليد البتوجع فيها ودي غلطة كبير منك لانها هي ما عندها ذنب وكانت ضحية وبرضو ما حا احاسبك لانو زي ما قولت ليك بحبك!!!!، قال لي وهي بتصرخ وتكورك وقالت لي اصلا ما بتحاسبني على حاجة انا شايفاها صاح يا همام واعرف انك ما بتحبي لو بتحبني ما كنت قربت لواحدة تانيه غيري انا ما بستحمل واحدة تشاركني فيييك لو ما كنت لي براي طلقني! شالت حاجاتها ومشت عصرت قلبي وما تابعتها لو بتحبني لازم تتقبل التغير الحصل في حياتي!!!.
انا طول عمري ما عاينت لبت غير وفاق بس نرجس بروحها الطيبة خلتني احبها.
امي جات وقالت لي اها يا ولدي عايز تجيب نرجس متين ،طبعاً انا كذبت عليها!!، وقولت ليها مشت تزور خالها ،احتمال الفترة الأولى ما صدقت بس تاني اقتنعت قولت ليها من امس جبتها وقررت انو تجي تسكن هنا، إبتسمت وقالت لي بعد كدة جيبها ما بخاف عليها ربت على كتفي وقالت لانك حا تهتم بيها ،ما فهمت قصدها هي من الاول ما كان دايرة تجيبها عشان خايفة عليها من المشاكل ولا شنو!
مشيت لمظفر في بيتو علاقتنا اتحسنت نوعاً ما بقيت قاعد ومرهق شديد ،قال لي مالك خلقتك كدة مطرود ولا شنوو؟؟! قولت ليهو حياة انك تكون راجل مرتين صعبة، ضحك وقال لي اختار واحدة؟ ؟،قولت ليهو ما قادر اختار بت حياتها كلو انا وبت تانية هي حياتي تفتكر بقدر اختار بينهن ،قال لي يبقى انت كذبت على نرجس في حكايه حبك ليها صاح ،قولت ليهو ما عارف احتمال بحبها واحتمال شايف انو ما عندها غيري فاتقبلتها عاين لي وقال لي الحاجة دي صعبة!!، بس بتاذي نرجس لانك الما بحبك ما بقدر يستمر معاك، قولت ليهو الحب ما اساس اي علاقة، في مرة ما بتقدر تخليها حتى لو ما بتحبها وهي المرة البتقدر تترك أثر في حياتك، نرجس صلحت علاقتي باخواتي علمتني اسال من اجتيجاتهن واديهن من غير ما يطلبن علمتني انو ما اعتمد عليك انت لانو انت براك وانا براي بقيت بسمع لأمي وبقيت بشوف عيوب مرتي!! الكنت ما قاعد اشوفهن،عاين لي وقال لي ما كنت مفكر انو هي السبب في ال وصلت ليهو اسي، قولت ليهو اي هي، تاني قولت ليهو وين شهد، قالت لي طلعت تشوف صاحبتها ،قولت ليهو انت حياتك معاها مرتاحة، عاين لي وقال لي اي، قولت ليهو طيب حا تطلق وُد ؟؟! قال لي اي لأنها عايزة الطلاق، قولت ليهو ولو ما كانت عايزة، قال لي لو ما عايزة انا ما عندي اي مشكلة في فتح بيتين، قولت ليهو بتقدر توازن بينهم ،قال لي صاح بميل لو..، ما تما جملتو وقال بميل شهد اقصد اكتر بس وُد بحترمها وقفت معاي وقفت رجال في ايامي الصعبة ومستحيل انسى ليها الحاجة دي، قولت ليهو اها شهد زيها عاين لي وسكت وما جاوب.
______________________________________
بلسان مظفر
بعد يوميين قررت امشي اطلق وُد اتصلت بيها عشان اكلمها ردت بحس تعبان وقالت لي الحقني يا مظفر!!!، قلبي دق بسرعة وطوالي مشيت البيت لقيتها قاعدة منتظراني برة وشكلها قاعدة تتوجع جيت عليها وقولت ليها مالك؟؟!، قالت لي بطني كلها بتوجعني يا مظفر انا حامل!!!، وما تسالني سوال سوال تاني لو سمحت لانو ما بجاوب، كنت مصدوم شديد وفي نفس الوقت خايف عليها وعلى الجنين كان في بالي الف سوال ليها بس قولت ما وقتو شلتها وركبتها العربية لمن وصلنا اغمى عليها الدكاترة اسعفوها وقالو ماف حاجة بتخوف المغص عادي في حالة زي دي، قولت ليهم ممكن توضح لي؟ ،واحد من الدكاترة شرح لي الوضع وقال لي حتى لو استمر الحمل الخطر على الأم بكون كبير ،قولت ليهو الحل شنو ؟!، قال لي ننزلو، قولت ليهو تمام انا موافق ، دكتور تاني قال لي انو هي جات قبل كدة وكلموها بحالتها ورفضت تنزلو ،قولت ليهم انا راجلها وموافق ما تشتغلو بيها ،انا بتحمل كل المسؤوليه، خدروها ونزلو ليها الجنين لمن صحصح قالت لي اها وضعو كيف ؟؟!، مسكت يدها وقولت ليها عارفة انو في خطر على حياتك عشان كدة انا اخترت انو ينزل ونزلوهو ليك كلو حاجة بتهون بس لو فقدناك... ما خلتني أتم كلامي ونفضت يدي بعيد وقامت وبقت تصرخ فيني وقالت لي بغضبب كذاااااب بتكرهو عشان هو منييي فقولت اتخلص منو ..........
____________________
*مُتعب بشدة، والأَسوأ أني لا اعرف مكانًا لأرمي فيه هذا التعب...!!