رواية ام النساك عاشق في ارض العابدين الفصل الحادي عشر 11 والثاني عشر 12 بقلم حياة محمد
فى سوق النساك وقف شيوخ النساك وكبرائها ينتظرون مكرم وولده مازن حتى يقدمون لهم الارض التي ستكون بيت ودكان لهم .
معظم الرجال كانوا سعداء ومستبشرين بالخير من مكرم وولده طبعا فقد قدم للبعض هدايا خاصه بعد رحيل أم النساك فلن ينسى بعضهم تلك الحبه الزرقاء الساحرة والتى جعلت ليلهم أمتع وأحلى.
حضر مكرم وألقى السلام فرد عليه الجميع
فقال بصوت منخفض وقد رسم التقوى والورع: معلش إتأخرت عليكم أصلى لقيت عنقود عنب في الأرض وكنت بدور على صاحبه..
فنظر الكل له بدهشه وزادت دهشتهم عندما أخرج من جيبه عنقود صغير به خمس حبات عنب.
وسأل الواقفين: حد يعرف بتاع مين ده ؟
فدهش الواقفين من أمانته الشديدة والتى طمأنتهم لأنه تاجر أمين يخشى الله.
أم النساك: يا هذا لقد وافق النساك على إعطائك هذه الأرض حتى تبنى دارك ودكانك فخذها لك وإبدأ تجارتك بأمر الله وبركاته وأعلم أن بينى وبينك حد الله لاتتعداه أنت ولا نتعداه نحن فإن تعديته فسأقتص منك.
مكرم: حقك ومفيش حد يغلطك حقك طبعا.
ثم تركتهم ورحلت.ليقترب منه عبد الرحمن ويقول: أم النساك الوحيدة التي عارضت وجودكم هنا لكنى وبعدما سألت عن عنقود العنب صدقتها وأيدتها.
مكرم بقلق: ليه بس أنا عملت ايه ؟
فيقترب منه عبد الرحمن ويقول بصوت منخفض: علمنى أبى كشف خفايا النفوس وقال لى من بالغ في إظهار التقوى والايمان كان يخفى نفاقا كبيرا في قلبه فمن يسأل عن عنقود العنب قد يكون سارق الحقل بأكمله.لذا أحذرك فأنا لا أتهاون في حد من حدود الله.
ليتركهم ويرحل فيقول مازن: هنعمل ايه يا بابا ؟
مكرم: إحنا لازم نخلص من عبد الرحمن قبل أم النساك.
&&&&&&&&&&&&&&&&&&&&&&&&&
مر شهر تغيرت الأحوال وأصبح الحال غير الحال فقد بنى مكرم بيته ودكانه بأيدى شباب النساك وبعدها بعدة أيام دخلت سيارة كبيرة مملوءة بعلب وكراتين وإمتلأ الدكان بأكياس ملونه حمراء وصفراء وخضراء وألعاب للاطفال الصغار سيارات تسير وحدها وحيوانات محشوه تغنى وعرائس لصغيرات النساك تفتح عيونها وتغلقها وتتحدث بل وتسير.فجن جنون الصغار فكل منهم يريد هذه الالعاب التى يروها لاول مره والكل يريد أن يتذوق مافى الأكياس الملونه الكل يريد صغير كان أم كبير فما يعرضه أشياء أول مرة يروها ويقبل أى شئ فعمله ذهبيه واحدة تأخذ مقابلها خمسة أكياس من رقائق البطاطس أو خمسة أكياس مقرمشات أما الدمى فالواحدة بقطعتين.
أما علب الجبن واللانشون أو الأطعمة الجاهزة فمقبول أى شىء فى مقابلها فقد يأخذ خمسة كيلوات من اللبن الطازج أو إثنان كيلو من الجبن القريش مقابل علبه جبن واحده نصف كيلو.وجنون الشراء إنتشر بين النساء فقد يجمع مكرم في اليوم الواحد مائه لتر من الحليب وثلاثين كيلو من الجبن مقابل هذه المعلبات وإن لم تجد الحليب فقدم ما تمتلكه لن يرفض أبدا التمر أو الشعير أو الزيتون أو حتى فاكهة أو حتى مشغولات يدويه أو منسوجات حريريه ولامانع أكيد أن تقدم ماعز صغير أو من ماشية فأرض النساك مليئه بالخير ولن يضرهم إن قدموا بعض منها .قدم ماتملك وخذ المقابل معلبات صناعيه مغلفة ربما يكون طعمها جيد لكن القيمه الغذائيه صفر.
والغريب في الأمر أن مكرم في هذا الشهر إشتري ثلاجه ضخمة لتتسع لهذا القدر الكبير مما يقدمه النساك في المقابل وكل يوم آخر النهار تخرج الثلاجه الضخمة مملوءة بالحليب والجبن والبيض والسمك والدجاج والتمر والشعير ليبيعها أتباعه للتجار وبأقل من عشر ثمن هذه المنتجات تمتلئ الثلاجة بالمنتجات ليأخذوها لأرض النساك .
أما في المساء فتغير ليل النساك بعدما كنت ترى نور القمر الفضى ينشر خيوطه على البيوت فيعطى الليل سحر وجاذبية وتسمع من البيوت صوت همهمات العابدين يقرأون القرآن ويسبحون بحمد ربهم أو يتسامرون في مجلس عبدالله أو مجلس عبد الرحمن يتدارسون سير عظماء الاسلام وتدبير جمال إبداع الله في آياته في الشرح والتفسير..لكن الأن الحال تغير فبعد صلاة المغرب يدير التجار ألة معدنية كبيرة تصدر صوت مزعج بعدها بيضاء بيت التجار بأنوار عاليه وقويه فتجد شباب النساك يتجهون لبيت التاجر ليجلسوا يتسامرون ويشربون من مشروبات التاجر الغريبة والتى لايستغنون عنها أبدا فإن فكر أحدهم ألا يذهب للتاجر في يوم أصابه صداع وألم شديد يكاد يفتك بعظامهم.الى جانب أنهم أحبوا ما يقدمه لهم التجار من غرائب على الحائط العجيب (( التلفزيون))فترى بشر يسيرون ويتحدثون وكائنات عجيبة وغريبة لم يسمعوا بها وحكايات غريبة لدنيا أغرب كل هذا بمجرد لمس زر صغير من ألة صغيرة سوداء.لذاك لا تستعجب تأخر بعض من شباب النساك عن صلاة الفجر.
$$$$$$$$$$$######$#$$$####$$
كانت جالسه تسبح الله في مكانها المفضل بجوار البحيره فشعرت به يقترب منها.
حتى جلس بجوارها فقالت: لما أنت هنا يا غريب ؟.
فقدم لها كوب وجلس بجوارها وقال: وحشتيني يا أم النساك .
فنظرت للكوب وقالت: ماهذا.
طارق: كابتشينو كنت هموت على كوباية واحدة أول ما جيت بس دلوقتي فيه كتير.دوقى وقولى رأيك.
فشربت منه القليل.ثم قالت: طعمه حلو مع القليل من المرارة لكنه جيد.
طارق ،؛ دى قهوه بالحليب .أكتر حاجتين كنت هموت عليهم الكابتشينو والسجاير .
أم النساك : ووجدتهم .
طارق: أيوه بس لقيتنى مش ملهوف أوى على السجاير ودى أحسن حاجه.
تحتسى أم النساك القليل من الكابتشينو ثم تقول: مشتاق لبلدك يا غريب .
طارق: بصراحه أيوه.
أم النساك: تستطيع العودة
طارق: هو ينفع مش قولتى أرض النساك من يدخلها لا يخرج منها.
أم النساك :الماضي ماضي وكل شيء يتغير حتى حال النساك تغير. يدخلها ويخرج منها الكثير تستطيع أن ترحل مع أحدهم .
طارق: عارف بس مش عاوز أمشى
أم النساك: ألم تشتاق لحياتك السابقة ألم تقل أنك......أنك......أنك ماذا ؟
فيضحك طارق ويقول ،: رجل أعمال.
أم النساك: نعم رجل أعمال.
طارق ،: فعلا كنت رجل أعمال فاشل فتحت الشركه بس منظر أتمنظر ببه على البنات بس في الحقيقة كنت دايما بخسر وأخد من بابا فلوس وأقضيها صياعه وسرمحه.بس هنا الوضع مختلف لأنى ولأول مرة أعرف يعنى إيه أكل من عرق جبينى ويعنى إيه الرزق الحلال..يمكن كلمات ماكنتش اعرف معناها إلا هنا
بس مش هو ده السبب إللي مخلينى عايز أقعد هنا فيه سبب تانى
فنظرت له وقالت: وماهو
طارق ،: عشانك عشان بحبك ومش عايز أبعد عنك أم النساك أنا بحبك بجد يمكن في الأول كنت برسم عليكى كان في بالى إنى لو وقعتك في حبي إنى هعيش ملك أمر والكل يطعنى.
أم النساك: أعلم
فيلتفت لها ويقول: بجد كنتى عارفة إزاى كنت بحسب إنكم ماتفهموش الحاجات دى.
أم النساك: ياغريب القلب يدرك الصادق من الكاذب وأنت كنت كاذب.
فينظر لها ويقول ،: طب دلوقتي حاسه بإيه.
فتخفض رأسها في حياء فطرى
فيقول بحنان: تتجوزيني يا أم النساك أنا عارف حكايتك>وبقولك ما تحرميش نفسك من حقك الطبيعي إنك تكونى زوجه وأم مع واحد بيحبك بجد.
$$$$$$$$$$$$$$$$$___$$____$_$
فى هذا اليوم وبعد صلاة العصر توقفت السيارة التى يقودها مازن إبن مكرم ليفتح الباب الجانبى فتخرج منه فتاه قصيره قليلا ترتدى فستان قصير عارى وتضع أطنان من المكياج على وجهها ورائحة عطرها يفوح ومن الباب الجانبى خرجت الأخرى ترتدى بدى ضيق جدا كاشف لمنطقة البطن وبنطلون جينز ضيق جدا يكاد يلتصق بجسدها سمراء تضع طبقات من المكياج وعطر قوى مثير. فقابلهم أدم بن مكرم وقد برأت معظم جروحه وقال بترحيب: زحلقه ودوت كوم عندنا إيه النور ده كله تعالوا تعالوا أصلها كانت ناشفه أوى
فتضحك ميمى زحلقه ضحكه صاخبه وتقول بمياعه: منور بيك ياعسل .
فيأتى مكرم بسرعة ويدفع بهما للداخل بسرعة ويقول بجديه: خشوا بسرعة قبل مايشوفكوا حد إيه اللبس إللى إنتوا لبسينه مش قلتلك يامازن يلبسوا حشمه
فترد سعاد: حشمة إيه أكتر من كدة
مكرم : خشى الله يخرب بيتكوا هتفصحونا .
وبعدما أجلسهم.
ميمى : إيه المكان الضايع ده ياباشا هو إحنا هنعرف نشتغل هنا.
مكرم بجديه: شوفى ياميمى إنتى وسعاد المصلحة المره دى كبيرة أوى وهتتنغنغوا أوى بس تنفذوا اللى عايزوا منكم .
ميمى : أأمر يابوص.
مكرم: إنتى عليكى نسوان البلد دى عايزك تخشى كل ببت وتعليميهم الدلع فهمانى .
فتضحك بقوه وتقول من عنيا.شهر واحد وكل النسوان هتلبس بدله الرقص.
فيسحبها أدم ويقول : طب تعالى فرجينى فتضحك بصخب وتدخل معه.
سعاد: طيب وأنا.
مكرم : إنتى ياسعاد عليكى مهمة جامدة ماتقدرش عليه غيرك.
سعاد بإهتمام.وإيه هيا
مكرم : مهمتك تبقى عبد الرحمن
&&&&&&&&&&&&&&&مكرم : إنتى ياسعاد عليكى مهمة جامدة ماتقدرش عليها غيرك.
سعاد بإهتمام.وإيه هيا
مكرم : مهمتك تبقى عبد الرحمن
سعاد: مين عبد الرحمن
مكرم: ده يبقى شوكه في زورنا لو كسرتى عينه ساعتها محدش هيقدر علينا.
فى نفس اللحظة سمعوا طرق شديد على الباب ودخل سرب مكون من سبعة رجال أشداء إنتفضت سعاد من منظرهم يتقدمهم عبد الكريم.
عبد الكريم: يا تاجر علمنا أن ببيتكم نسوه فمن هن ؟
فضحكت سعاد بمياعه وقالت: نسوه على اخر الزمن بقيت نسوه
فرفع عبد الكريم رأسه ثم أخفضها وقال بسرعه:؛ إحتجبى يا إمرأة .
فيخرج أدم عاري الصدر وبجواره ميمى (( بقميص النوم))
فيخفض الرجال رؤسهم ويصرخ عبد الكريم: احتشمى يا امرأه.يا هذا من هاتان السيدتان وما تفعلن عندك.
مكرم بصوت مهزوز: دول يبقوا يبقوا مراتات ولادى دى مرات مراد والتانيه إللي مع أدم تبقى مراته ولسه جايين النهارده.
على: يا مكرم أأمر محارمك بالإحتشام أمام الأغراب.
مكرم: طبعا بس إنتوا إللي دخلتوا فجأة ملحقوش يلبسوا بس دول إيه أخر حشمه وأدب.
ليرحل الرجال بينما تقول ميمى: ياخراشى إيه الرجاله دى بقى الرجاله هنا طول وعرض وبالحلاوه دى.
آدم: ما تحترمى نفسك هو احنا مش ماليين عينك.
سعاد بلهفة: طب عبد الرحمن واحد من الرجاله دى
مازن: لأ ده تلاقيه إما في مجلس النساك أو في غيطه فوق النخل بيقطع البلح.
سعاد: أموت في طرزان إللي على الشجر طب هاقابله إمتى.
أدم: متحمسه أوى هنشوف هتقدرى عليه وإلا لأ
سعاد: فشر ده أنا دوت كوم والأجر على الله.
مازن طب تعالى ورينى.
مكرم: لا مش وقته إنت لازم تجهز عشان تودى العربيه مصر وتجيب لنا بضاعة.وكمان تجيب خمسه من رجالتنا عشان يشوفوا الشغل بالليل أنا تعبت ومش برتاح.
مازن معترض: ما أنا كمان تعبت أنا لسه جاى عايزنى أسافر تانى ليه إحنا المفروض نعرف تلاته أربعة منهم الطريق عشان نبدل سوا.
مكرم: يا غبى عايز تعرفهم الطريق عشان يجوا يقاسمونا في لقمتنا إنت إتهبلت..الطريق لأرض النساك لازم ميعرفوش غيرك وغيرى لأن لو أى حد عرفه هتلاقيهم جايين يقعدوا منها يهربوا من الحكومه ومنها يهبشوا معانا.وزى ما فطمتك قبل ما تخش على الصحراوى تديهم علب العصير إياها ولما تتأكد إنهم راحوا في النوم تدخل من سكة النساك خليك واعى لازم إللي جايين يكونوا تحت عنينا.
أدم: إنت خايف منهم يابابا دول رجالتنا.
مكرم: يعنى جايبهم من الجامع بيصلوا.ماهم حراميه ولاد(.........).
مازن: بس أنا برضوا تعبان وعايز أرتاح ومش هقدر على السفر كل يوم ده مشوار يهد الحيل.عايزين السفر يبقى يومين في الاسبوع.
أدم: طب والدهب إللي معانا ولسه ماصرفناهوش هنعمل بيه إيه.
ميمى وسعاد في صوت واحد: دهب دهب إيه؟
فيجز مكرم على أسنانه ويقول بغضب : لسانك قطع لسانك.مش تاخد بالك من الكلام.
ليقول لمازن مغيرا للكلام: خلاص إنت إرتاح النهارده وأنا إللي هروح وهجيب الرجاله على ما أشوف هنعمل ايه ؟
مازن: أهو هو ده الكلام الصح فيسحب ميمى ويدخل غرفته.
&&&&&&&&&&&&&&&&&&&&&&&
بعد يومين تخرج ميمى ومعها حقيبتها ترتدى عباءة حمراء مفتوحه بها نقوش وزخارف براقة.
مكرم: على فين النهارده.
ميمى: عند مرات الشيخ مسعود وهخليها تلم جارتها وحبايبها.
مكرم حلو وخلى لسانك حلو واتساهلى معاهم.
أدم: وماتنسيش عايز حبة صور حلوه ماشى.
ميمى: من عينيا هصورلك صور نار.
وبعدها خرجت سعاد: أدم تعال معايا ورينى فين ألاقي عبد الرحمن.
أدم: ماشي تعالى معايا
&&&&&&&&&&&&&&&&&&&
فى منزل الشيخ مسعود.
ميمى: شوفوا إحنا كلنا ستات زى بعض أنا معايا ليكوا شوية حاجات حلوه عشان نبسط رجالتنا وعشان مايبصش كده ولا كده لازم نزغلل عينيهم بصوا وشوفوا معايا وإتفرجوا معايا.
سيده: ماهذا:؟
ميمى دى علب مكياج مستوردة.
- ما أفعل بها.
ميمى: دى تخلى الوحشه بدر منور استنوا أوريكم لتقول في نفسها (( أنا بوريهم إيه دى كل واحده احلى من التانيه)) .
فتجلس وتأخذ واحده منهم وتضع لها مكياج والنساء يشاهدن في دهشه فالمرأة تحولت وتغير شكلها وأصبحت فعلا أجمل لتغار كل النساء وكل واحده تريد أن تكون هى الاجمل ليركبهم جنون الشراء حتى ولو دفعت مائة عمله ذهبيه مقابل علبه مكياج واحده.
ميمى: عشان جمالكم يزغلل لازم البرفان إللي يدوخ وريحتوا تجيب أخر الشارع وأنا عاندى برفانات مستوردة تهبل.مين عايز ؟..............
$$$$$$$$$$$$$$$$$$$$$$$$
أدم: ده غيط النخل بتاع عبد الرحمن بعد شويه هييجى.
سعاد:. إنت هتمشى وتسيبنى.
أدم: مش عايزه يشوفني بيقعد يدينى حكم ومواعظ.
يرجع أدم بينما تخلع سعاد عبايتها فتظهر ملابسها المكشوفة وتفتح حقيبتها وتخرج المرآه حتى تصلح مكياجها.ثم تمشى بين النخلات حتى وجدت رجل يقطع الحشائش من الأرض فإقتربت منه ورمت نفسها عليه وقالت وهى تمثل الخوف: إلحقنى إلحقنى أنا خايفه أوى.
فقزع الرجل وقال: بسم الله من أنت يا إمرأة إن كنت من أهل الإسلام فسلام الله عليكى وإن كنت من غيرهم ف
سعاد: ما تخافش أنا إنسيه زيك أنا ضيفه هنا وتهت ومش عارفه أروح ولما لاقيتك جيت أتحامى فيك مش إنتوا أهل مروءة وشهامه برضوا؟
الرجل: بلى صدقتى يا امرأة ولكن احتشمى .
سعاد في سرها(( يادى الخيبه كل إللي يشوفنى يقولى إحتشمى)).
فجلست على الأرض وانكشفت ساقيها فبدأت تدلكها بإغراء وتقول: رجلى بتوجعنى .
فاستغفر الرجل بصوت عالي وأدار وجهه لتضحك سعاد ضحكه عاليه جدا وتقترب من الرجل الذى بدا عليه الاضطراب بشده وتقول ؛طيب مش هتسندنى عشان توصلنى..
$$$$$$$$$$$$$$$$$$
بعد يومين.
الرجل: ما بك يا إمرأة كلما دخلت الحقل أجدك
فتضحك سعاد بإغراء بينما يستغفر الرجل وتقترب منه وتقول بدلال شديد: خلاص مادمت مش عايزنى أنا همشى وأسيبك وقامت تمشى برقه ودلال وعيون الرجل تتابعها وكلما إبتعدت تلتفت له فيسير وراءها مثل المسحور.لتذهب عند البحيره ثم تنزل للماء فيجري الرجل مسرعا ليسحبها من الماء فترتمى على صدره وتنظر في عيونه.لكنه لم يتركها بل ظل متمسكا بها فمالت هى عليه و.......
$$$$$$$#$$$$$$$$$$$$$
عادت سعاد البيت فقال مازن: إيه نقول مبروك.
سعاد: قول.
أدم: طب صباحيه مباركه.
سعاد: مباركة إيه ده أنا سيباه عمال يعيط ويلطم زى النسوان. ده أنا نفسي ما عيطش أده بعد أول طلعه.
فيضحك أدم ويقول: هيا أول مرة بس بعدها بيتعودوا بس بصراحه نفسي أشوف عبد الرحمن وهو عينه مكسوره.تعال يا بابا مش تبارك لسعاد.
مكرم: على إيه.
سعاد بغرور: عشان قدرت على عبد الرحمن تلاقيه لحد دلوقتي عمال يعيط زى الحريم
مكرم: مين إللي بيعيط ده أنا سايبه في مجلس النساك زى الأسد.
سعاد: لا مستحيل ده كان عمال يلطم ويقول أنا محصن أنا محصن.
مكرم: محصن يعنى متجوز وعبد الرحمن مش متجوز شوفى كنتى بتلعبى مع مين اليومين إللي فاتو.
&&&&&&&&&&&&&&&&٥٥٥
فى مجلس النساك دخل رجل يصرخ وينادى الغوث الغوث اغيثونا
عبدالله: ما الأمر يا رجل.
الرجل: هاجمت الذئاب على المرعى.
فإنتفض الكل وقال كيف يا رجل
الرجل: هاجمت مرعانا الذئاب وقتلت الكثير من خرافنا.
أم النساك: وأين الرعاه كيف يتركون المرعى بغير حراسه.
الرجل: غفل الراعى ونام ولما أفاق كانت الذئاب تقتل الخراف.فلم يقدر عليها وحده ولما نادى على بقية الرعاه كانت الذئاب تفترس القطيع.
عبد الرحمن: كم قتلت.
الرجل: أكثر من مائة راس والغريب أنها قتلتهم ورحلت.
لتنظر أم النساك في رعب وتقول: يارب سلم يا رب سلم قالوا عندما هاجم الذئب الخراف (( مات عمر بن عبدالعزيز)) والأن هاجمتنا الذئاب فما الذي مات فينا
يا رب سلم.
(( يصعد الشاب سطح المسجد ويقف وقفه مهزوزة ليرفع صوته بالأذان فقال: الله أكبر الله أكبر
أشهد أن لا إله إلا الله......أشهد أن محمدا رسول الله
...... حى على الفلاح.
الله اكبر الله اكبر لا اله الا الله.
فإنتفض عبد الرحمن وقام مسرعا فكيف لغافل يرفع الأذان بينما لحقه أيوب وعبد الله.بينما تنظر أم النساك ناحيه بيت مكرم وتقول والله لا أعلم أتأتينا الذئاب من الصحراء.أم من بيت التجار.
$$$$$$$$$$$$$$$$$$$$$$$
بينما مكرم في دكانه مع إبنه مازن وجدا أم النساك قادمه عليهم تحمل معها سله مصنوعة من البوص.
مكرم: يادى النور يادى الهنا أم النساك عندى أخيرا جيتى تشترى من عندى ده أنا فاتح من يجى شهرين وماجيتيش تاخدى حاجه خالص.
أم النساك: لم أت لأشترى منك ولا لأبيعك.
مكرم: طب جايه ليه.فوضعت السله أمامه.
فقال: إيه دى.؟
أم النساك: ذهب أقدم لك ألف قطعه من الذهب.
فلمعت عينا مكرم بشده وقال: عايزه بيهم إيه ؟
أم النساك: خذهم وخذ أولادك وأترك أرضنا.
فأشار ولده بالموافقه والإيجاب . لكن مكرم قال: ودول أعمل بيهم ايه دول ما يعملوش حاجه.
أم النساك: ألا يكفيك ألف قطعه.أتذكر الغريب قال القطعه الواحده بحوالي خمسة وعشرين ألف وأنا اقدم لك ألف قطعه أى خمسه وعشرين ألف الألف أو كما يقول الغريب خمسه وعشرين مليون.ألا يكفيك هذا المبلغ.
مكرم: مايعملوش حاجه وبعدين إنتى عارفه أنا بيجيلى كام في اليوم الواحد..
أم النساك: بصراحه ماذا تريد يا رجل ؟
مكرم: يمكن كان يكفينى المبلغ ده الأول بس دلوقتى لأ لأنى أقدر أجمع أده مية مره في شهر واحد.
أم النساك: لكنى لا أريدكم في أرضنا فخذ أبناؤك ورجالك وارحل.
مكرم : شوفي يا أم النساك مشى مش همشى من هنا ولو إنتى مش عايزانا فغيرك عايزنا.وخدى فلوسك معاكى وياريت تحطى لسانك جوه بقك وتسكتى بمزاجك بدل ما أسكتك غصب عنك..
أم النساك: تهددنى يا مكرم.
مكرم: إفهميها زى ما تفهميها بس إللى يقف ليا في مصلحتى يبقى عليا وعلى أعدائى..
أم النساك: ماذا ستفعل.
مكرم بشر: إنتوا شويه غلابه في حالكوا ومش أدى أنا أقدر في ساعة واحدة ألم رجالتى كلهم ييجوا بالس*لاح يسيطروا على البلد كلها وساعتها إنتى والنساك بتوعك هتكونوا خدامين تحت رجلى
أم النساك: لن يقبل النساك بهذه المهزله.
مكرم: أعلى ما في خيلك إركبيه.
$$$$$$$$$$#####$$$$$$$$
إدعمونى بليك ونجمه مع تعليق وإكتبوا توقعاتكم للأحداث القادمه وما سيحدث في أرض النساك
وهل ستبقى على حالها