رواية احلام ودموع الفصل التاسع عشر 19 بقلم ماريه عبدالله مسعود
أنا فِكرةٌ مُتعبة من أفكار الدرس
أنا تلكَ النقطة في آخِر الجملة والسطر،
التي لا يَلتفِت إليها أحَد
لكنّها تُنهي المَعنى وتُعلن الصمت...
أنا الهامِش الذي ضاقَ بالحروف
والسؤال الذي عَبَرَ الصفّ دون أن يَجرؤ أحدٌ على رَفع يدَه...
أنا التعب الذي لا يُشرَح،
والفَهم الذي جاءَ مُتأخّرًا بعد أن أُنهِيَ المِنهج وأُغلِقَ الدفتر...
أجلِس في الزاوية بين «كان يجِب» و«ليتَني»،
وأتظاهر أنّني أفهَم..
كي لا أُرهِق الشرح أكثَر
ولا أُثقِل على قلبي بسؤالٍ جديد
سحر بنت المايقوما
فتحت عيوني على صوت في قزاز العربية التفت كنت شايفه طشاش طشاش كان علي بضرب في القزاز ومعاو طارق وياسين عاينت فيهم وغمض عيوني وتاني ماحسيت بي أي حاجة فتحت وحسيت بي الم في راسي مسكت راسي لقيت شاشة ملفوفة عاينت حولي لقيت نفسي في سرير وفي غرفة سمعت صوت علي بقول لي انتي كويسة التفت عليو كان واقف جنب السرير حركة راسي و قلت ليو تمام طارق قال لي حمد لله على السلامة رديت ليو
علي قال لي والله انتي نهاي مانصيحه انا ماقلت ليك ماتطلعي من الفندق لما نسافر ليه مابتسمعي الكلام وكان بكورك طارق جا عليو وقال ليو علي براحة عليهاا
ياسين وقف جنبهم وهم يتناقشو ويهدو في علي انا اعاين فيهم قمت ضحكت التفتو علي مخلوعين علي من شافني اضحك ضحك
قلت ليهم خلو النقاش دا واحكو لي الحصل شنو وانتو كيف عرفتو مكاني
علي جا جر كرسي وقعد قال لي كنت نايم مع رياض في المستشفى صحيت الصباح التفت على السرير الفيو رياض ولقيتو فاضي طلعت فتشت ليو مالقيتو
في النهاية طلعت من المستشفى قلت بكون طلع وبكون حسه بي تحسن
واتحركت على الفندق لما وصلت قريب من الفندق شايفك واقفة جنب الباب وبعدين وقفت عربية طلع خالد وسحبك والعربية اتحركت جريت على العربية ومالحقتها وقفت وقفت لي تكسي وبعد تعب حتى فهمتو يلحق عربية خالد واتحرك كنت وراكم لما وصلنا إشارة المرور سايق وقف وانتو اتحركتو قبل الإشارة ونحنا اتحركنا بعد الاشاره
اتصلت لي طارق وياسين كنت بتكلم معهم و فقدت عربية خالد بعد تعب حتى عرفت المكان وكلمت طارق وياسين لما وصلت البحر شايف عربية خالد وشايف خالد جاري على عربتو ركب وفات ونسيبه جرت على عربية كانت بعيد من البحر وركبت وفاتت
وفي عربية نازلة البحر ورياض قاعد في الأرض جريت عليو قلت ليو وين سحر كان قاعد ويبكي ويعاين في العربية كوركت فيو مسكتو وضربتو حتى اشر على العربية وعرفت انو انتي جوه جريت علي العربية الكانت وقعت في البحر وجو طارق وياسين
طارق شاف ليو عصاية في الأرض رفعة ونط في البحر ونحنا اتحركنا معاو لما ضربنا القزاز انتي صحيتي وبعدها غمضتي عيونك كسرنا القزاز وسحبناك واتحركنا المستشفى
قال لي دا كلو حصل عشان مابتسمعي الكلام قلت ليو شكر مع ابتسامة ماقصرتو لو ما انتو كان اكون انا اسه ميته حاولت اغير الكلام علي كل كلامو عتاب محسسني طفلة ههه قال لي مامحتاجه تشكرينا والحمد لله انو انتي بخير ودا البكفي
اتذكرت نسيبه والعملتو فيني والقالتو لي بخصوص نورس
لو عرفت انو انا لسه عايشة ما بتخليني واكيد بتحاول تاني تقتلني عشان ما افضحه
قلت لي ياسين عايزه اطلب منك حاجة قال لي اها اطلبي قلت ليو عايزاك تعمل فيديو قال لي فيديو قلت ليو نسيبه بتجي في اي لحظة انا عايزاك تكون قريب عايزه اسجل كلامها صوره وصوت قال لي تمام
غمضت عيون وختيت يدي في راسي
علي قال لي نحنا طالعين وانتي ارتاحي وطلعو
وفعلأ زي ما اتوقعت نسيبه جات داخلة وقفت جنبي وقالت لي افتكرت انو انا اتخلصت منك وهي بتتكلم
ياسين دخل واتسحب براحة ووقف ورا الباب ورفع التلفون قلت ليه انتي قلت لي شنو في العربية ضحكت قالت لي شكلك نسيتي تمام انا اسة بقول ليك عشان حتموتي ومعاك السر
انا قتلت نورس انا ضربتها وحركت العربية وشلت المفتاح وطلعت من العربية العملتو ليك انتي انا عملتو ليه بس انتي قدرتي تطلعي لكن المره دي ما اظن تقدري تعيشي و طلعت سكين ورفعت فيني جا ياسين سريع وضربه وقعت
دخلو علي وطارق حاولو يمسكوها جرت وطلعت
ياسين قال لي يعني هي الحاولت تقتلك قلت ليو اي قال لي دي ما بشر قلت ليو فعلآ والمهم صورتها فيديو مد لي التلفون شلت منو والحمد لله كان مصوره صوره وصوت وهي بتعترف بي انو قتلت نورس وحاولت تقتلني وانا احضر في الفيديو دخلت نفين علي من شافه عصب و كورك فيها وطرده قلت ليو علي خليها انا عايزه اتكلم معها
ممكن تتطلعو علي قال لي لا مستحيل اخليك تاني مع واحد فيهم قلت ليو مابحصل لي حاجه ممكن تقيف جنب الباب قال لي لا قلت ليو تمام ياعلي خليك
نفين جات وقفت جنبي و قالت لي انتي عارفة نورس لما طلعوها من البحر وطلعت التقرير كان مكتوب انو اتعرضت لي ضرب في راس وانو في زول حركة العربيه وشال المفتاح ولما العربية دخلت البحر وطلعوها الموية دخلت في العربية ومسحت كل البصمات يعني نورس ماماتت منتحره ماهي القتلت نفسها في زول قتله وكانت بتبكي وكملت كلامها و انا كنت فاكره رياض القتل نورس عشان رفضت تتزوجو بس لما حصل ليك كده قلت مستحيل رياض يعمل كده معاك لانو هو بحبك وانتي اظن بتحبي ومافي سببب يخلي يقتلك
قلت ليه فعلا ما كان رياض قالت لي منو القتل نورس كانت بترحف من البكى مديت ليها تلفون ياسين
شافت الفيديو وقعدت تكورك نسيبه نسيبه مستحيل هاي كانت متل اخت نورس قبل ما تكون رفيقته ليش ليش عملت في بنتي هيك قلت ليه نسيبه كانت بتحب خالد وحاولت تتقرب من نورس عشان خالد
نفين كانت بتبكي بطريقة تقطع القلب قالت لي نورس الوحيده الطلعت بيها من الدنيا بعد رحلة علاج مشان احمل وجبتها بعد عملت عملية طفل الانابيب قلت ليه ربنا يرحمة ويصبرك
و انا بحول ليك الفيديو وانتي سلمي لي الشرطة عشان تاخدي حقها شلت منها تلفونها وحولت ليها الفيديو
حضنتني وقالت لي اعفي لي انا اذيتك وانتي ماكان عندك ذنب وماتستاهلي يحصل معاك كده وطلعت
علي قال لي معقول في ناس لي الدرجة دي قلت ليو واكعب من كده قال لي الله ينتقم منهم قلت ليو امين قال لي ارتاحي انا طالع اجيب اكل واتحرك
غمضت عيوني وانا اتخيل في كل الحصل
بعد يومين طلعنا من المستشفى وصلت الفندق قلت لي ناس علي ماعايزين ترجعو علي قال لي المنتج قال لي عايز يصور لي فيديو كليب وانا عايز اصورو هنا في تركيا خليكي كم يوم اصور الكليب ونرجع مع بعض قلت ليو تمام وموفق انشاء الله
وانا حابة احضر اول كليب بتصورو وابتسمت قال لي عايزك معاي في الكليب نططت عيوني قلت ليو انا ضحك قال لي اي قلت ليو الكليب عن شنو قال عن واحد بحب ليو وحده بتقرا معاو في الجامعة كان بحبها وهي ماعارفه ضحكت قلت ليو قصة حب من طرف وحزينة رفع عيونو عاين فيني مسافة وابتسم وقال لي اي قصة حب من طرف واحد وحزينة
مارديت عليو واصلا ماعندي حاجه اقولها انا مابحبو ومااظن يجي يوم احبو وحتى لما عرض علي الزواج مارديت عليو انا بشوفو زي اخوي الصغيره وعمري ما شفتو غير كده
دخلت الغرفة ونمت في السرير كمية التعب الكانت فيني تعب نفسي على تعب جسدي
وكلو كان في الشركة والشغل الفيها وفي النهاي ماكسبت اي حاجه وما سببت لي الا الوجع والخذلان والكسره قلت الحمد لله على اي شي كنت افقد حياتي كلو بتعوض غمض عيوني ونمت وصحيت الصباح اسبوع وانا يا في الغرفة يامع ناس علي
الليلة تصوير الفيديو كليب طلعت معهم الاستديو العايزين يصورو فيو والفيديو كليب كان انو انا اكون طالبة في الجامعة وعلي طالب وانو انا اكون ماعارفة انو هو معجب بي كان بكون قريب مني في اي مكان بمشي ليو وهو وبراقبني في القاعة والمكتبة والكفتريا ومعاو اصحابو وكانو بشغلوها ليو وهو ماحصل جا اتكلم معاي
والاعجاب كبر اتحول لي حب وهوس
وانا كنت معاي كم وحده وكنا بنقعد ونتونس ونضحك وهو بكون واقف قريب مننا وبراقب فيني
هو كان شاطر شديد والامتحانات قربت انا شلت المرجع ومشيت عليو وهو كان قاعد مع شلة اولاد وبنات وكان بتونس معهم انا جايت عليهم واحد من اصحبو همس ليو وهو عاين فيني وكان مصدوم انو انا واقف قريب منو سلمت عليهم ومديت يدي اسلم عليو وهو كان بعاين فيني مسك يدي مسافة انا سحبت يدي خت يدو في راسو صوت الأغنية وصوتو وكمية الاحساس الفي الأغنية مديت ليو المرجع مد يدو وكان متوتر شال المرجع واتحرك معاي اصحابو كانو بشاغلو فيو قعدنا في مقاعد وقعد يشرح لي وكان ماقادر يعاين في عيوني طبعآ علي بغني بي حساس رهيب يخليك تعيش معاو في الأغنية انا كنت كل مره
بوقف التصوير كنت متوتره وكم مره بغلط وناس طارق يضحكو فيني
بعد شرح لي اتحرك ووقف في نص جامعة وكان بمثل انو مبسوط وسعيد وبغني بحساس ولما اتخرجنا من الجامعة هو ماقدر يعترف لي ونهايةالفيديو بغني بطريقة حزينة تخليك تبكي معاو
اسبوع ونحنا نصور في الفيديو والليلة اخر يوم خلصنا وعلي قال لي عازمك عشاء قبل ما نسافر قلت ليو تمام رجعت الغرفة عشان اجهز لبست لي فستان وطلعت من الغرفة لقيت خالد جنب باب الغرفة من شفتو انصدمت كنت عايزه ارجع الغرفة قال لي انا قتلتها قتلتها واخدت حق نورس
التفت عليو وانا مصدومة قلت ليو قت تتت تتت لت منووو وانت بتتكلم عن شنو قال لي قتلت نسيبه بعد انتي سلمتي الفيديو لي نفين ونفين سلمتو لي الشرطة عرفت انو نسيبه هي القتلت نورس كانت عايزه تهرب السودان من الشرطة وقبل تسافر انا لحقتها وقتلتها
قلت ليو انت مجنون كيف يعني قتلهتا كان في شرطة وفي قانون قال لي قلبي ما برتاح هي قتلت روحي عايزاني انتظر القانون
و ابوها عندو مكانه واكيد بقدر يطلعه من السجن
وقبل اسلم نفسي جيت اتكلم معاك اخر مره ومابقول ليك سامحيني لانو اصلا ما مهم ولا حيفرق بشي اذا سامحتيني ولا لا لو عرفتك في ظروف غير دي كان ممكن احبيتك لانو انتي طيبة وقلبك ابيض وشديد واي زول بعرفك مستحيل ما يحبك
اسه جيت عشان ارجع ليك اورق الشركة ومد لي الورق قال لي انا اتنازلت ليك عن اسهمي واسهم نسيبه لانو كانو اسهمه بي اسمي وانتي كده بتكوني صاحبة الشركة بالنسبه لي أسهم رياض ونفين انتي حره عايزه ترجعيهم ليهم ولا لا
عايز يتحرك كده ظهر علي وجا مندفع عليو وضربو في وشو خالد مسك وشو واندفع على علي وضربو علي قال ليو وهو بكورك اوع المحك جنب سحر ولا المح ضلك واقف جنبها واندفع عليو وقعدو يضاربو حاولت افكهم من بعض ماقدرت جريت لي طارق وياسين وقلت ليهم
جو جارين كنت متوقعة حيحجزوهم بس طارق وياسين قعدو يضربو في خالد
وخالد وقع في الأرض وعلي كان بضرب فيو بي رجلو خالد جسمو كلو دم صرخت خلاص وجريت عليو قتلتو قتلتو عايز تلطخو يدينكم بي مجرم زيو
علي بعد رجلو منو وسحبني
كان بكورك وقال لي يلا نمشي قال لي اتحركي يا سحر يلاااا قلت ليو اظن مات علي قتلتو وانا كنت ببكي وبرجف قال لي واحد وسخ ويستاهل اكتر من كده اطمني لسه عايش طارق وياسين بقومو بي الباقي
مسكني من يدي وقال لي يلا اتحركت معاو وانا عيوني على خالد آل أقع في الأرض رفعت الورق وانا برجف وقلت لازم ارجعو لي رياض انا الشركة دي تاني ماعايزها غير الوجع والالم ماشفته منها اي حاجه
وصلنا مطعم وعلي كان طبيعي كنت بعاين لي كمية البرود الفيو وانا اعاين ضحك وقال لي ماخلاص ياخي
خلينا نستمتع بي ااخر يوم لينا في تركيا عاينت في الورق وسرحت في كلام خالد القتل نسيبه وفي رياض الماعارفه عنو حاجه من يوم البحر وأوراق الشركة العندي صحيت من سرحتي بصوت علي قال لي سحر عشان انسي خلينا نعيش الليلة دي
انا طالب منك الليلة دي ليلة من حياتك خليها عشاني وركزي معاي و ممممكن تركزي معاي وقلع مني الورق قال لي دا ماوقتو وطلب الاكل وقعدنا ناكل حاولت ماافكر في اي حاجة علي كان بيأكل وبتكلم وبحكي لي حاجات مضحكة لما كانو في الشارع والحاجات البعملوها كنت مركزه معاو خلصنا وقال لي يلا
الليلة ليلتنا يلا نلف عايز الف معاك تركيا كلها قبل مانرجع
طلعنا الشارع ولفينا علي كان بغني في الشارع وكنت بصور فيو وقفنا جنب بنات علي مد ليهم التلفون وقال ليهم ممكن تصورونا علي كان فاتح فيديو وجا وقف جنبي وغنى لي وانا كنت بتبسم مسك يدي وقعد يرقص ماخلينا مكان مامشينا ليو واخر حاجه دخلنا مكان اكسسوارات اشتر لي سلسة على شكل طاوووس كان رهيب وقال لي دي هدية مني ليك عشان تتذكري الليلة دي فتحت العلبة ورفعت السلسل لبستو مسك التلفون وصورني وانا ابتسم وماسكة طرف السلسل
رجعنا الفندق سألت طارق من خالد وعملتو فيو شنو قال لي بلغنا الشرطة وجات ساقتو رجعت الغرفة استحميت وصليت رفعت تلفوني واتصلت في تلفون رياض جاني مغلق نمت في السرير وحاولت كم مره وبرضو معلق غمض عيوني وتاني ماحسيت بي حاجه صحيت الصباح لبست عباية وطرحه وطلعت فتشت عليو واخر حاجه اتحركت على البحر في نفس المكان الكانو فيو لما كانو يتشاكل هو و خالد لقيتو عربتو مشيت عليه لقيتو قاعد في الأرض ومتكي على العربية كان شايل ليو حجاره ويرمي فيها في البحر قعدت جنبو التفت علي قلت ليو رياض قال لي عارف انو انا جبااان وجبان شديد كان ممكن انقذ نورس بس انا ماقدرت وحتى انتي لو ما جو علي وطارق وياسين ماكنت انقذتك انا ضعيف وجبان وشديد
قلت ليو انا ماجايه اتكلم في دا لانو اسسه هو من الماضي وانا عايزه انسا اي حاجه حصلت هنا جايه اقول ليك انو القتل نورس كانت نسيبه ما انت و نسيبه قتله خالد وخالد في السجن الانتقام مابولد الانتقام والنتيجة بتكون اروح واروح ماعندها اي ذنب
نورس خسرت حياتها عشان حبت خالد ونسيبه كمان خسرت حياتها وخالد خسر حياتو عشان الانتقام ونفين خسرت بتها عاين نتيجة الانتقام كانت شنو كلها اروح
مديت ليو الورق وقلت ليو دي اوراق الشركة خالد اتنازل عنها
قال لي انا ماعايزه انا متنازل عن نصيبي ليك وياريت تسامحيني انا اسفه لانو سببت ليك الوجع والالم وقف ومد يدو وقال لي ممكن تسامحيني مديت يدي قلت ليو مسامحاك اتحرك على العربية قلت ليو رياض انا ماعايزه الشركة ما التفت علي دور العربية وفات وقفت اعاين فيو وامسح في دموعي انا حبيتك يارياض حبيتك وما قدرت اتحكم في قلبي حبيتك لما شفتك في الشركة كنت قوي ومغرور وذكي ولي اسه انا بحبك
مسحت دموعي واتحركت مشيت لي نفين في دار الازياء لقيت قصي سالتو من نفين قال لي موجوده جوه دخلت عليه من شافتني جات وسلمت علي مديت ليه ورق الشركة وحكيت ليه قالت لي اها عرفت انو نسيبه قتله خالد ونسيبه أهلها دفنوها
وبالنسبه لي الشركة انا بدي اعطيك نصيب تعويض على العملتو فيك قلت ليها انا ماعايزه الشركة قالت لي هاد نصيبك كلهم حاولو ينتقمو فيك على حاجه انتي ماعندك ذنب فيها والشركة هاي تعويض عشان العملو فيك
رجعت لي الورق وقالت لي انتي مبدعة ومصمه موهبة وإنشاء الله اسمع بي اسمك هون بتركيا وتكوني من أعظم المصممات في العالم يلا هاي شركتك وهاي حلمك بدي اسمع عنك كل خير و حضنتني وقالت لي سامحيني على اي شي عملتو فيك
قصي كان ببكي وقال لينا قطعتولي قلبي ضحكنا عليو ودعتهم وطلعت
[ذنبهم عظيم قتلو فينا حب الحياة].....يتبع