رواية جحيم اهلي الفصل السادس 6 بقلم زينب نور
...وكال بعد متصعدين فوك بنت الكح...بعياط ونزع حزامه....
ومثل العاده بدى ينهش بلحمي بحزامه...وكمت اصرخ وهوه يعيط ويكول بنت الكوا.. شلون تصعدين عالسطح ...وتحجين ويا ولد
ولج والله لاغسل عاري واذبج عالقبله...
واجوي اخواني ديوخرو...وهوه قوي ميوخر بس يضرب واني ابجي واصرخ حتى ماكدر اتنفس من كد مصرخت...
وجان يكول لاخواني ولكم عرضكم هاي صاعده عالسطح سمعتها دتحجي ويا ولد...ومن اجيت انهزم الولد..
اخواني انجنو...جابو صوندات وكامو يضربوني وحسام حاول يدافعلي...
كمت انزف من راسي...واجتني ضربه قويه خشمي انكسر...لان همه 5 يضربون بيه وكمت انزف انترست دم... ووجهي انفخ هواي..
وكلهم يعيطون واحد يكول...كح... والثاني يكول..ولج عارر مثل اختج...والثالث يكول...والله لنذبحج نذبحج..وبابا...يكول ولج احط طلقه براسج اذا متكولين منو الولد الجنتي تحاجي...بصراخ
واخويه الرابع...احمد...ضربني على القفص الصدري حيييل برجله...وكف تنفسي كمت اشهك وصوتي انكطع حتى اتمنى من اشهك اكدر اتنفس...بس ماكدر
وحسام تخبل كال ماااتتتتتت البنيه
ولكم عوفوهاا....واني صافنه عل حايط وجهي صار احمر وشفايفي صارت زرك على بنفسجي...
احس صار عندي انتفاخ بصدري...وكمت اسوي حركه بيدي يعني مخنوكه...ساعدوني...
وهمه ميصدكون عبالهم دامثل...وبابا ضربنه حييل بالحزام مالته صار جلدي كله مشهوه واني اريد اصرخ من الوجع بس ماكدر....ويكول اذا ما اموتها واغسل عاري....ويعيط...
ونفسي انكطع...اجه حسام اتخبل...دفع بابا حيل وكال موتوهااااا ويصرخ...وكعد فوكايه خله ايده على صدري وكام يدوس حيل حتى اتنفس...وسوه هاي الحركه 3 مرات تقريبا وكدرت اتنفس..وكمت ابجي واشهك....
وكام بابا ضربه راشدي وكال ولك شلون تدفعنييييييييييي بصراخ واجه ديضربه بس حسام انهزم...كام يخاف منه...
واني صرخت والدمعه بعيني بصوت مبحوح..حسااااام لتعوفنيي..
وهوه دمعت عينه وطفر بعيد...
وبابا كال بعياط لاخواني..ولكم اكتلوهااااا غسلو عاركمممم....
وهجمو عليه لما طلعو دمي....اوووف شكد اتأذيت من ماتت ماما ونور بس مو بكد هاذا الاذى...لا وياريت لو صدوك حاجيه ويا ولد بس اني جنت اشكي لبزونتي....
وهمه 4 فوكايه واني بالكاع مثل الطفل البريئ يبجي ويتوسل....
وبالاخير ضربوني ضربه قويه على راسي بابا لزمه وطكه بالكاع...عيوني عمت...كمت ماشوف وصرخت صرخه قويييه كولش...واجوي الجيران...على صراخي...
اكو واحد من الجيران اتصل عل شرطه بس الشرطه تكول احنه مندخل بهيج شغلات عائليه....يكتل بنته لان حجت ويا ولد او يغسل عاره احنه معلينه هاي سوالف عشاير....
والجيران اتخبلو...وكالو طفله عوفوها خطيه...حرام عليكم الله ميقبلها...
بابا كال بنتي واريد اربيها وانته شعليكم...
الجيران كالو حسبي الله ونعم الوكيل على كل ضالم...كالو ذبوها بالشارع احنه ناخذها نعتني بيها...
كال لا والله اله اكتلها واغسل عاري بنت الكح...تحجي ويا ولد ام الولد...
شمس : واني لازمني من شعري ووجهي منتفخ وعيوني صايره زركه...وشفايفي منتفخه حيل...ووجهي منترس دم...وملابس كولها دم جنت لابسه تراك بنفسجي...
وبابا سوه مثل اختي طلعني بالشارع ويم الزباله...وطلع سلاحه والناس تصرخ لا لااا اجه واحد كاله لا يابه هاي طفله حرام عليك انته شفته الولد؟؟؟؟
كال لا مشفته بس سمعتها تحجي ويا وتكوله..
حياتي اليوم عيد ميلادي بس امي ونور ميتين منو يسويلي عيد ميلاد وتبجيله وتشكيله الكح...
والولد سمع صوتي وانهزم النغل...
شمس : واني صرخت كدام الناس ومجنت لابسه عبايه بس تراك وشعري طالع...كلت جنت داحجي وياا بزونتيييييييي بعياط وصوت مبحوح...
بابا كال جذابه ولج اليوم والله لاغسل عاري...وجان لازمني من شعري..واني عميه خسرت نضري وماشوف...بس سمعت صوت سلاحه كال...
راح اغسل عاااررييي...وسحب سلاحه...عرفت نفسي راح اموت...وكلت لا اله الا الله واشهد محمد رسول الله بكلبي...
والناس كامت تصرخ وتكول لا تكتله حرام عليك هاي طفله بريئه...وبابا حط المسدس براسي واجه واحد سبع ابن جيرانه وكف كدامه وكال خالنصعد عالسطح...
ونشوف اذا اكو بزونه لتكتلها واذا ماكو اكتلها...
اولشي مقبل...بس اخواني كالو وقنعو...وصعد هوه واخواني وابن جيرانه اسمه(مرتضى) وصعدو عالسطح واني وياهم وشاف بزونه جبيره خالته جوه التانكي(مال ماي)
وكال مرتضى...هاااا مو هاي بزونه ويمكن داتحجي من صدك ويا البزونه...بابا ضل ساكت... واني كلت بشهكه...مو كتلكم جنت داحجي وياها واشكيلها لان هاي صارلها صديقتي سنوات..
واجتي يمي كامت تمسح برجلي...وتسوي ميووو...بابا عافني ونزل جوه...واخواني اتندمو لان ضربوني..بابا حسيته انصدم وصار بي شي..
بابا صاحلهم ونزلو جوه...وبقيت ويا مرتضى عالسطح...كتله شكرا لو ما انته جان اني هسه ميته ضلم...وابجي واشهك واكول خسرت نضري ماشوف وراسي وخشمي كوله دم..وصاير عوج..لان
مكسور..ورجلي مكسوره وايدي..
وكلي تعاي اخذج عالدكتور...كتله عفيه راح اموت اخذني...وابجي نزلني جوه لزم ايدي ونزلت وياه لان ماشوف واتلمس بل اشياء...وكال عمو راح اخذها للدكتور...
بابا خابر حسام..واجه اخذني مرتضى وحسام عل دكتور...
طبيت الدكتور جفل بخلقتي والدكاتره انصدمو...مرتضى وحسام...كالولهم حالتي...طبيت بالعنايه المركزه...كال هاي تحتاج عمليه...حتى تكدر ترجع نضرها..
كالو شكد كال 6 اوراق...
راح حسام جابها واجه (للعلم احنه حالتنه زينه)
وبلشو بالعمليه تقريبا 5 ساعات وكعدت من البنج واشوف..طلع من شكد مضاربيني على راسي نازله من قشرة دماغي ماده بيضه على البوبوء مال
عيوني..ومغطيته...وماشوف بس سولي العمليه وكمت اشوف..رحت باوعت على شكلي بالمرايه..
وصرخت...اجوي مرتضى وحسام...انقهرو عليه...واني كمت ابجي...لان وجهي مشوه...وجسمي مشوه...كمت
ابجي..(اني شمس داكتبلكم روايتي وعيوني دمعت لان ذكريات حيل مؤلمه)
وكام راسي يوجعني...واباوع بالمرايه وضليت اصرخ..(تخيل انته القارئ تخيل وجهك..منفوخ وازرك طالعه الاورده بي وحلكك منفوخ حيل وعيونك منفوخات وزرك....وخشمك اعوج لان مكسور...)
الله لايشوف احد الي شفته...واني دخت من شكلي انصدمت...وبقيت تقريبا شهر
داتعالج...وطلعت ونفس شكلي بس وجهي صار طبيعي ممنفوخ وحلكي هم طبيعي وعيوني طبيعيات بس خشمي اعوج...وينزف دم..
ووجهي مخرمش وبي اثار ضرب...
دخلت للبيت واني بالعربانه مال معوقين..لكيت بابا ميباوعلي ولا اخواني بس حسام...اخويه...
سوالي اكل...اكلت ورحت دأنام بغرفتي بقيت ابجي واشهك...اوووف شكد تعذبت...وحتى منمت وعيوني كامت تحركني...وحاولت انام...ونمت...كعدت بال 5 العصر..
بس تفاجأت وانصدمت كولش😱....يتبع