رواية بينهما الفصل التاسع عشر 19 بقلم ال زهراء
دخلت جوة وحضرت العقد وفرحت لمن العقد اكتمل وأخيرا وُد بقت مرتي!!!، مشيت عشان اشوفها لقيتها بتبكي جيت لعندها وضميتها بعدتني وكتبت ما كنت قايلة انك ممكن تستعجل للدرجة دي انا ما رضيانة والزواج دة باطل،قولت ليها انتي وافقتي على العقد فماف داعي ناخر اي حاجة ،قالت لي دي نرجس الاتصلت بيك هي اقنعتني في لحظة ضعف بس ما قايله انو بالسرعة دي انا ما عايزة اتزوج وعايزة بس اخلو بنفسي العقد دة باطل ما رضيانة انا ما رضيانة ،قومت وبقيت ماشي ووجاي تاني قعدت وقولت ليها انا حا اديك كل الوقت عشان تتقبلي الزواج بس اسي الأولوية لانك تبقي كويسة، كتبت لي الزواج دة باطل!!!، ونحن كدة جاء ابوها وامها وحتى رماز بقت تبكي ليهم وقالت العقد دا باطل انا ما موافقة!!!!، مسكت يدها بالقوة وقولت ليها انا لعبة الزواج دة حصل وانتي حا توافقي، امها بعدتني منها وقالت لي خليها براحتها، عمو مبارك قال لي ما قولت ليك استعجلت هي في حالة صعبة!!!، قولت ليهو انا بديها وقتها الدايراهوو،سكتت وبقت تبكي وانا طلعت برة تاني جيت بعد ساعتين لقيت عمو قال لي البت دي مصرة على رايهاا وانا كلمت الشيخ وقال انو العقد باطل الا هي توافق ويحصل عقد جديد،انا هنا اتمالك نفسي بالقوة وقررت انو اهدى فقولت طيب ماف مشكلة نعمل واحد جديد والمرة دي يكون برضاها!!!، قال لي طيب بس خليها لمن هي تقول ليك، قولت ليهو جداً
في اليوم التاني وانا بقيت حابسها وقولت في نفسي ماف اي حل غير اصبر هي مارة بفترة صعبة!!!، فجأة جاني اتصال من خالتو قالت لي فيهو انو اخت وُد اتوفت وما لازم وُد تعرف حاجة اسي لانو هي ضعيفة وحا تضعف اكتر، قولت ليها طيب.
بقيت قاعد معاها وتاني شلت منها التلفون عشان ما تعرف!، بقت تعاين لي وتاني غمضت عيونها،طلعت برة واتصلت برماز ما ردت تاني اتصلت ردت وهي بتبكي قالت لي انا في بيت البكاء عايز حاجة ،قولت ليها تجي تقعدي مع وُد لازم اشوف ابوك، قالت لي ما بقدر خليك معاها، قولت ليها طيب.
بقيت قاعد ومنتظر للمساء لمن صحصحت حاولت ااكلها حاجة بس هي كانت عنيدة ورفضت تاكل فخليتها براحتها.
مرت كم يوم ونحن في الوضع دة! خالتو جات وبقت قاعدة معاها، وانا بقييت قاعد وللان ما عارفة بوفاة اختها ،تاني قالت انو لازم ترجع لناس الوفاة عشان لسه الناس بجوهم .
___________________________
بلسان رحمة
بقييت ما باكل ولا بشرب كنت شاردة طول الوقت ما مفروض بتي تموت مفروض وُد البتتعذب وتموت ليه ماتت بتي، ليه رجع فيها أي حاجة كنت عايزاها لوُد ليه راجلها كرهها وضربها للموت !!!!!، بقييت اصرخ وانتف في شعري وكنت عايزة اجن!!! ليه بتي تموت ليه بسسس ،طلعت برة ولقيت المرة الطول عمري بكرههها قاعدة وكانت بتخدم في الضيوف اكيد هي السبب هي الكتبت بتي!!! اي دة بسببها ما بخليها والله ما اخليها بقييت متحركة ناحيتها وتاني مسكتها وبقييت اضرب فيها قولت ليها انتي الكتلتي بتي!!! انتي الكتلتيها لشنو بتك ما ماتتت لشنو تموت حبيبتي لشنو وريني، انا عملت ليها اي حاجة بس عشان تموت لشنو ما ماتتت، ياخ ما خليت لي قرش بس عشان اذيها لشنو ماتت بتي وبتك حية ،رجعي لي بتي الكتبتها انتي ،بقت تعاين لي بصدمة هي ومبارك!! الكان ماري بالصدفة، قالت لي وهي بتصرخ انتي عملتي شنو لبتي!!!، انخلعت شديد عشان كشفت نفسي، مبارك جاء وقال لي رحمة كنتي بتقولي في شنو؟؟!، ضغطتي انخفض فجاءة وتاني ما حسيت بحاجة لمن صحيت كان ولدي جنبي، قولت ليهو قول لي اني اختك ما ماتتت وكنت بحلم يا ولدي عليك الله كان ببكي بس و انا طوالي قمت وبقييت اصرخ لمن جوني!!!، وبقو يقرو لي في قران لمن هديييت.
مبارك بعد فترة جاء وقعد وكانت معاهو هي قال لي الكلام القبل شوية القولتيهو دة شنوو، قولت ليهو ووانا بصرخ كتبت بتنا عشان كدة اتوفت!!!، حياة قامت في اللحظة دي ومسكت يدي وقالت لي دة ما بس القولتيهو احسن ليك اعترفي، قولت ليها ما عارفة حاجة ما متذكرة، مبارك قال لي اذكرك بطريقتي وريني عملتي شنو لوُد،قولت ليهو الكلام دة قولتي من قهري على بتي بس ما اذيتها، حياة جات وبقت تضرب فيني وتقول لي عليك الله وريني عملتي شنو لبتي انتي ام وخسرتي بتك وضايقة الوجع فما تخليني اضوقو وريني عملتي شنو!!!، البت بقت ما بتتحركك ولا بتتكلم،يا ياريت لو اذيتيني انا وما فكرتي تعملي ليها حاجة، بقييت ساكتة مبارك قال لييي انا بديييك ثانتين يا رحمة اتكلمتي اتكلمتي ما اتكلمتي دقيقة واحدة ما بتقعدي معاي في البيت ،ما رديييت، وطوالي قومت!!!، حياة جات وقالت لي كتبتيها موش وريني دفنتي ليها العمل وين وريني اي شيخ وريني اي حاجة ،انا بسامحك بس خلي وُد تعيش حياتها، هي بقت ما زي زمان بتي بقت بين الحيين والميتين ما شوفتها ضعفت كيف ،عليك الله حني عليها ،انا والله ما كتبت زول ولا عمري مشيت لي لزول عليك الله صدقيني ولو لمرة اني ما بتاعت شيوخ انا ام وخايفة على أولادي ونفسي واكيد ما بتبع طريق ضلاله!!!، اي نعم انا بغير منك بس والله الغيرة دي ما عشان انتي أحسن مني عشان انا ما حصلت على اهتمام مبارك زي ما هو مهتم بيك وكنت بس عايزة اكون زيك واولادي يكونوا زي أولادك عشان بس هو يعاين لينا بس عمري ما فكرت أضر واحد منكم انا صاح بجوط ولساني دة بفلت مرات بس والله الكلام البقولو ما بكون قاصدو انا بخاف من رب العالمين يا رحمة صدقني ولو مرة واحدة عليك الله ووريني دفتني العمل وين!!، ضحكت ضحك شديد وقولت ليها انا ما كتبت اي زول دي زاتها كانت ذلة لسان من حزني على بتي ولو مبارك دايرني امشي من البيت دة حا امشي وما اجي تاني.
طلعت وانا ما كنت قادرة امشي جاء مزمل وسندني وقال لي امي ماشة وين، قولت ليهو ابوك طردني قال لي طردك لشنو؟؟! حا امشي اتكلم معاه كيف يطردك؟ ؟!، قولت ليهو ما تعمل معاه مشاكل هو قايلاني ضربت بتو!!!،قال لي لشنو يا أمي تضري وُد مستحيل!!، قولت ليهو هو ما مصدقني اعمل شنو!!! بقيت ابكي واتوعدت انو اقتل ليها بتها زي ما قتلت بتي.
_________________________
بلسان شهد
الايام دي انا رجعت لنفسي وبقيت مهتمة بأمي الظهرت ليها انو الكتلة ورم خبيث وكمان منتشر!!، امي بقت ماسكة سبحتها وبتصلي بس ونادت عمتي الكتبتها واعتذرت منها بس ما عفت ليها لانو بسببها عمتي ما بس خسرت بيتها خسرت كمان أولادها وبقو يكرهوها وانا قاعدة كدة امي قالت لييي في حاجة عايزة اقولها ليك وانا ساعدت فيها! بتعرفي خالتك رحمة، قولت ليها ايي، قالت لي انا مشيت معاها وكتبنا بت اسمها وُد ودفناهو ليها في المقابر!!، وانا عايزاك تصلي للبت دي لانو كان ما وصلتي ليها حا تقعد في الحالة دي ، قولت ليها وانا مقلقة فيهو شنو ،قالت لي تكسير وعمى وكره للأهل!!! وجنون، قولت ليها دي وُد كانت زوجة مظفر!!، لازم اكلم مظفر اتصلت بمظفر ما رد تاني اتصلت بيهو لقيتو مغلق قولت حظرني رسلت ليهو رسالة انو وُد ما عيانة وانو هي مكتوبة والكاتباها مرت ابوها والعمل في مقابر.... في قبر.....، بعد فترة اتصل بي ،قال ليي يا شهد الكلام دة صاح ولا انتي عايزة تلعبي علي، قولت ليهو والله صاح يا مظفر اسرع امي قالت احتمال تجن!! ،قفلت التلفون وانا بقيييت اعاين لأمي الكانت تعبانة من شدة المرض.
______________________
بلسان مظفر
اتصلت بنرجس وكلمتها هي اتحسبن كتير وتاني قالت جيبو ووديهو طوالي الشيخ يفكوا جبتو ووديتو الشيخ قال لي انو في تاني واحد!!!، ما عرفت اعمل شنو ولا افكر في شنو طوالي اتصلت بشهد وقولت ليها تاني في واحد!!، قالت ليي دقيقة اسال ليك امي بعد مسافة اتصلت وقالت لي ما عارفة عن الموضوع دة حاجة ،بقييت مضايق وزهجان وقررت انو اشيل مسدس واقتل الاسمها رحمة دي عشان حاولت تاذى وُد.
لمن وصلت البيت لقييت عمو مبارك وخالتو حياة قولت ليهم رحمة مشت وين ؟؟!، خالتو حياة قالت لي انت جيت لشنو ما تكون زاتك معاها،قولت ليها اسي انا ما فاضي ليك بقول رحمة وين، عمو مبارك قال لي احترم نفسك وقول داير برحمة شنو ،قولت ليها رحمة دي كتبت وُد!!! وانا قدرت القى العمل بسسس تاني في واحد!!! ولازم يتلقي!!، خالتو حياة مسكت يدي وقالت لي لقيتو وين؟ ؟! حلفتك تكلمني الله يرضى عليك وريني، قولت ليها في مقابر هنا قريبة ،قالت لي بلهفة وُد حا تبقى كويسة صاح!!،قولت ليها بإذن رب العالمين حا تبقى كويسة في النهاية ماف حاجة في الدنيا دي بتحصل لينا الا بإرادة رب العالمين، عمو مبارك قال كلام مظفر صاح، انا بمشي بنفسي واعرف ودتو وين!!!.
مشيت معاهو حلفت كان تعترف عمو في النهاية طلقها وقال لي لا انتي ولا أولادك ما بتطولو مني قرش لو ما كلمتيني بالحقيقة ،قالت لي لا عليك الله ما تعاقب أولادي، قال ليها اعترفي طيب ،قالت ليي أكلتوا!! في بطنها!!! دة ما بروح ليها حا تكون كدة لمن تموت!!!!، انا هنا سحبت المسدس وقررت اقتلها وادفنها قبلها!!، عمو وقفني وقال لي أهدى دة ما حل، قولت ليهو احسن ما تتدخل!! وُد ما عملت ليها حاجة ،كانت بتحبها وبتحترمها بس هي بالمقابل كانت عايزة تقتلها ما بخليها والله ما اخليها ولو في زول فكر يقيف في طريقي الرصاصة حا تجيهو هو بدلها وانا بحذر كل الناس الهنا، كنت عايز اضرب عمو قال لي عشان وُد بس ،عاينت ليهو وقولت ليهو انا بعمل اي حاجة عشانها بسس دة طلب مستحيل لازم تموت، رحمة وقفت قدامي وقالت لي اقتلني انازاتي عايزة الحق بتي انا ما عايزة اعيش!!!، كنت عايز اضربها بس تاني قولت ليها أكبر عقاب ليك كانت خسارة بتك فحا اخليك تتحسري طول عمرك عليها كدة وما حا اقتلك بس لو في يوم فكرتي تكتبي وُد تاني والله ما اخليك!!، قالت لي بكتبها والله اضوقها الضاقتو بتي والله ما اخليها، عمي جاء واداها كف وقال ليها ماف زول قتل بتك غيرك!!!، ربنا عاقبك على كل أفعالك!!!، بقت تبكي وقعدت في الأرض.
بعد كم يوم سمعت انو صحتها اتدهورت وفقدت عقلها مرة واحدة!!!.
جييت لنرجس ولقيت معاها رماز سلمت وقعدت وقولت ليها ماف حل للسحر الماكول، اتنهدت وقالت لي عايزة رقية طويلة الأمد!، قولت ليها طيب تبدأ طوالي قالت لي علي وداها من امس، قولت ليها بحس باهت كويس المهم تستعيد عافيتها ،قالت لي اي وانت يا مظفر بعد كدة ركز مع نفسك وطور منها ولو في يوم قدرت حاول ادي نفسي فرصة تانية واتزوج احتمال...، قولت ليها انا الزواج دة طلعتوا من راسي!!،همي حاليا تبقى كويسة، اتصل بيها علي وانا كنت قاعد تاني فجأة صرخت وقالت الحمد لله يا علي طلع ما سحر ماكول، باقي نفتشو وين بس ،قفلت وقالت لي يا مظفر السحر ما طلع سحر ماكول رماز قالت مرة من المرات خالتي رسلت شوربة بس سبحان الله انا كشحتها، نرجس هنا قال الحمد لله رب العالمين ارادة ربنا نجاها عشان على نياتها، الحمدلله، قولت ليها الحمد لله بسس موش لازم نفتش السحر دة وين ،رماز قالت لي بكون في بيتنا.
مشينا بيتهم وبقينا نفتش لقينا واحد مدفون تحت الشجرةلكن ما كان لوُد كان لمبارك عشان يكره مرتو ويكره اولادو تاني بقينا نفتش دخلنا غرفتها وقلبانا الدولاب وتاني زحيناهو لقينا الورقة تحتو شلناها ومشينا عطلنا العمل،لقينا وُد يادوب جاية وكانت خايفة!!، بس برضو كانت مدعية الشجاعة ما كنت قادر أواسيها لاني فقدت الحق في الحاجة دي، طلعت برة نرجس قالت لي مفروض ما احن على حالتك بس تقول شنو مرت اخوك حنينة العقد بطل وُد ما كانت عارفة بيهو وانصدمت وقالت الا يتلغي وعلي استحمل ورضا وبرضو قاعد معاها وما اتخلى عنها دة لو انت.....، قاطعتها وقولت ليها نرجس ما تكتري كلامك انا فهمت اي حاجة ورضيان ومبسوط من انو وُد رجعت لعقلها هي من زمان اتخذت قرار انو تاخد اي قرار براها وماف زول يتحكم في قرارتها والحمد لله انو للان ماشة بيهو ،اتنهدت وقالت لي انت ليه مستفز كدة عايزاك تصرخ فيني!!، انا حاسة بالذنب، قولت ليها لشنو ؟؟!، قالت لي انا الاقتنعت وُد بالعرس دةوانا الاتصلت بعلي وقولت ليهو تعال اعقد في اي وقت بس هي شكلها جواها ما كانت دايره، قال لي انتي بتعاقبي فيني صاح بس ما عارفة انو انا اتعاقبت أكبر عقاب واتحرمت من وُد ،قالت لي مظفر انا اسفة، قولت ليها ما تتسافي انا زاتي ما قادر اسامح نفسي، همام جاءفي اللحظة دي وقال ليها نرجس بعد كدة لازم نمشي البيت قالت ليهو شوية كدة قال ليها نرجس!!! قالت ليهو تمام تمام .
____________________
بلسان وُد
مرت الشهور وانا بتعالج وفي النهاية قدرت امشي وقدرت اتكلم الحمدلله ،علي كان مصر انو ييعرسني وانا كنت رافضة الفكرة رفض نهاي و رماز وامي كل يوم ينقو فيني!!، بس انا كنت رافضة!!! ما عارفة بس انا ما كنت عايزة العرس دة من اساسو وكنت بس عايزة انتقم من مظفر! بس انا ما دمرت الا نفسي وعلي معاي!، انا ما عايزة اي واحد فيهم وعايزة بسس أحقق حلمي واقرأ من اول وجديد صيدلية!!!، فاتصلت بعلي وكلمتو انو انا ما مستعدة اني اتزوج حاليا وبس عايزة اركز مع مستقبلي ما رد وقفل الخط في وشي، فجاءة كدة جاني اتصال من نرجس قالت لي فيهو وُد موش وفاق مشت لبيت عمتها قبل كم شهر اسي جات وبطنها كبيرة وقالت حامل ............
اللهم صل وسلم على نبينا محمد وعلى آله وصحبه أجمعين 🩷
___________________________
*مؤلم جدا لما تترك شخص ع راحته بس راحته هذه توجعك انت...!