بسم الله ولا إله إلا الله وحده لا شريك له
اسماء .. بتدخل في الوقت المناسب وبتمسك ايد عادل وشريف وبترفعهم لفوق والرصاصتين بيطلعوا في الهواء
شريف .. انتي ازي تعملي كده يا اسماء اوعي من قدامي
اسماء .. لولا انا عملت كده يا شريف كان زمانك ميت وانا قولت ما حدش هيتعرض له عايز تقتله يبقى اقتلني انا الاول
فتحي .. طلع المسدس عادل الهلالي هيمشي من هنا يا شريف وإلا انا هقتلك بيدي وبعد كده نموت كلنا
عادل .. يا عمده خد بنتك وسيبني معاهم يمكن جه وقت الحساب والزناتيه نسيو جدهم الزناتي كان شغال ايه عندنا
شريف .. المهم احنا بقينا ايه يا ابن الهلالي
عادل .. بس المفروض ما تنسوش اصلكم وانا صبري نفد يا كلب والليله هتموت ويوجه المسدس ناحيته
اسماء .. بتوقف قدامه انا قولت مفيش حد هيموت النهارد امشي يا عادل عشان خاطري امشي
عادل .. بص علي اسماء وعنيه جات في عنيها ولاول مره عادل بيحس احساس غريب في قلبه وبياخد نفس وبيطلعه عشانك انتي يا اسماء مع اني معرفكيش كويس بس انتي فعلا تستاهلي اني اسيب الكلب ده يعيش كام يوم كمان
شريف .. بيتعصب
اسماء .. قبل ما يتكلم بتبصله
شريف .. بيكتم غضبه ويسكت
عادل .. اسماء لو حابه تشتغلي معايا ده شئ يشرفني
اسماء .. عمرنا ما هيكون بينا شغل ولا غيره انا اللي بعمله النهارده مش عشانك لا عشان الشرق اللي انا منه مش عايزه الناس البسيطه تدفع تمن تهوركم
عادل .. اشكر اسماء يا شريف واكيد هنتقابل تاني
وقبل ما عادل يتحرك سمع ضرب الرصاص بكثره عرف ان ابن عمه محمود جاب الرجاله وداخل الشرق وهتبقى مجزره
شريف .. ارتبك بيت الهلالي دخلوا الشرق
اسماء .. بتبص لي عادل
عادل .. ما تقلقيش مفيش حاجه هتحصل ان شاء الله ده وعد مني وبيركب العربيه ويتحرك وبيوقف قدام عربية عمه فرج
فرج .. نزل انت بخير يا ابن اخوي
عادل .. الحمد لله يا عمي وانا مش قولتلك يا محمود استناني وما تعملش حاجه
محمود .. ازي وانا برن عليك مش بترد
عادل .. الجماعه عازموني علي كباية شاي وسبت التليفون في العربيه
فرج .. طول عمرك عنيد وبتعمل اللي في دماغك يا عادل دلوقت انت بقيت كبير العيله بلاش التهور اللي عندك ده
عادل .. البركه فيك يا عمي وبعدين مفيش مكان انا ما قدرش ادخله وانت عارف
فرج .. بيقرب منه وبيبتسم وبيحضنه عارف يا ابن اخوي
عادل .. يلا بينا انتو قلبتوا الدنيا بضرب النار
محمود .. احنا عشانك نحرق الدنيا كلها يا عادل
عادل .. تسلم يا ابو عمو ربنا ما يحرمني منك
عادل .. يلا بينا ويرجع عشان يركب العربيه لكن يلمح اسماء راكبه علي فرس و بتبص عليه من بعيد ويشورلها و يركب ويمشي
اسماء .. حاسه احساس غريب من اول ما عينيها جات في عينه
شريف .. بيجي بالعربيه ويوقف جنبها وهي ركبه الفرس وسرحانه اسماء
اسماء .. اه انت جيت هنا ليه
شريف .. اول ما شوفتك اخدتي الفرس طلعت وراكي امال هسيبك
اسماء .. شكرا بعد ازنك انا هروح
شريف .. بينزل من العربيه وبيمسك لجام الفرس انا عشان خاطرك سبته يمشي وإلا كان زمانه ميت دلوقتى
اسماء .. قصدك كان زمانكم انتو الاتنين والاف من الناس اللي ملهاش ذنب ميتين هو صح جدك كان شغال عندهم
شريف .. انتي هتصدقي الهلالي ده هما كده طول عمرهم بيحقده علينا عشان احنا الوحيدين اللي قدرنا نوقف قدامهم
اسماء .. بتشد اللجام تصبح علي خير وبتمشي
شريف .. بيركب العربيه كلها ايام وتبقي مراتي يا اسماء وناخد العمديه وانتي كمان
اسماء .. دخلت الفرس الاسطبل ودخلت البيت
فتحي .. انت كبرتي علي ركوب الخيل يا اسماء
اسماء .. يا حاج انت عارف اني مهما اكبر مستحيل ابطل اركب خيل وانا اسفه علي اللي حصل والله ما كنت اعرف انه عادل الهلالي
فتحي ..عارف يا بنتي ومتاكد لو تعرفي ما كنتيش هتخليه يدخل البلد
اسماء .. بس واضح انك تعرفه كويس
فتحي .. طبعآ ده عادل ابن شبل بيه حامد محمود الهلالي
اسماء .. حاسه وكانك بتتكلم عن شبل ده كانه صديقك مش عدوك
فتحي .. في حاجه مهمه لازم تعرفيها ابو عادل ده كان من اعز اصدقائي من الابتدائي وحنا سوا حتي بعد ما كبرنا وعرفنا العداء اللي بين الشرق والغرب فضلنا اصدقاء ومسك هو كبير العيله واخوه الحاج فرج العمديه وعلاقتنا عمرها ما تقطعت وكنا ديمآ بنحاول نمنع الدم لكن الزناتيه عاملين زي العلقه اللي بتتغذه علي الدم من ايام زمان لما كان جدهم الزناتي بيشتغل في خدمة الهلالي باشا الله يرحمه وبعدها ابن الزناتي اختفاء ورجع بفلوس كتير ما حدش يعرف مصدرها واول حاجه عملها انه وقف قدام محمود الهلالي لكن كل مره كان محمود الهلالي بيكسره لدرجة اني رماح الزناتي جاب رجاله من الجبل عشان يساعدوه عشان يكسر محمود الهلالي لكن برده ما قدرش قوة الهلاليه انهم ولاد راجل واحد ما كنوش بيعرفوا الرجوع لكن في الاخر رماح بقي زي المجنون وبيقتل في الناس وهنا محمود عشان يوقف بحر الدم ده مسك رماح وقتله ومن وقتها بقيت قرية السلام شرق وغرب
اسماء .. ازي كل السنين دي وانا معرفش الكلام ده
فتحي .. كده كده احنا عايشين وسطهم وما كنتش عايزك تاخدي موقف من حد فيهم واقولك علي حاجه شريف ماوقفش وساب عادل عشانك لا ده عشان عارف ان كلهم مش قد عادل وقبل عادل ما يموت هيكون اخد نصهم معاه
اسماء .. للدرجه دي
فتحي .. واكتر عارف اني انا لسا عمده بسبب الهلاليه من سنين والزناتيه عايزين يخدوها مني لكن الهلاليه رفضه وقالوها صريحه العمديه للحاج فتحي ومن بعده لولاده
اسماء .. ده انا لخبط الدنيا
فتحي .. ليه حصل ايه
اسماء .. لما كان عادل بيوصلني فتح معايا الموضوع ده وانا لخبط جامد في الهلاليه
فتحي .. عادل راجل ابن اصول واكيد اول ما عرف انك بنتي هيعرف ان ده مش كلامك ده الاي اتولاتى لقتيه حوليكي
اسماء .. الحمد لله ان الليله عدت علي خير
فتحي .. الحمد لله بس شريف ده محرات شر ومش هيجيبها لبر وطالع لجده رماح وعايز يكسر بيت الهلالي بي اي طريقه
اسماء .. بعد اللي سمعته منك مستحيل يقدر علي بيت الهلالي
فتحي .. الخوف من الخيانه يا بنت وشريف ده معجون بالخيانه اصله واطي
شريف .. دخل البيت
شيرين .. ايه اللي حصل وايه ضرب النار اللي سمعناه
شريف .. ده عادل الهلالي ورجالته
شيرين .. وقفت ووشها اتغير عايز ايه عادل
شريف .. كان بيوصل اسماء وبدا يحكي اللي حصل
شيرين .. عشان تمسك الشرق كله وتكسر شوكة فتحي لازم تتجوز بنته الهلاليه قالوها صريحه العمديه مش هتطلع من بيت فتحي يعني بعد فتحي اسماء هي العمده
شريف .. ومين يكونوا الهلاليه دول عشان يتحكموا في الشرق وانا موجود
شيرين .. عشان نكسرهم لازم نفكر بالعقل يا شريف و افتكر نهاية جدك رماح لما فكر انه هيقدر عليهم قتلوه وعلقوه علي بوابة الشرق وعملنا اتفاق اننا في الشرق وهما في الغرب ومش لازم الاتفاق ده يخلص دلوقت لحد ما نجهز نفسنا والمهم انك تتجوز اسماء بي اي تمن فاهم
شريف .. انا بحبها يا امه وعايزها و مفيش مخلوق في الدنيا يقدر ياخدها مني
شيرين .. الصبح تروح تعتذر لي فتحي و ترضيه
شريف .. حاضر يا حاجه لاجل الورد يتسقي العليق
تصبحي علي خير
شيرين .. وانت من اهله
محمود .. مالك يا عادل من اول ما جينا من الشرق وانت ساكت هو حصل حاجه
عادل .. انت بتكلمني
محمود .. حصل ايه يا ابو عمو طمني
عادل .. حصل كل خير ورجع سرح تاني في عيون اسماء وشكلها وهي راكبه الفرس
اسماء .. دخلت تنام وطول الليل تتقلب علي السرير ومش عارفه تنام ومش قادره تنسى نظرة عين عادل كانها مضروبه في خنجر في قلبها بتحاول تهرب من الاحساس ده ومش عارفه
وتشرق شمس يوم جديد وبيدخل الغفير علي العمده فتحي
الغفير .. شريف بيه بره يا عمده وعايز يدخلك
فتحي .. خليه يدخل
شريف .. السلام عليكم
فتحي .. وعليكم السلام ورحمة الله وبركاته اتفضل اقعد
شريف .. انا جاي اعتذر لك يا عمده حقك عليا
اسماء .. بتصحى وبتسمع صوت شريف وبتقرب من الباب
فتحي .. حصل خير والمهم انه الحمد لله ما حصلش حاجه
شريف .. انا ما قدرش ازعلك يا عمده انتي في منزلة المرحوم ابويا
فتحي .. المهم تخلي بالك من اللي جاي وانت عارف معني انك تقتل عادل الهلالي يعني مفيش حاجه اسمها شرق وانهم مش هيخلوا فيكم رجاله ولا حريم
شريف .. انت بس اللي شايفهم كده كلها كام شهر وانا هنهي عهد الهلالي في القريه كلها
فتحي .. ما علينا انت حر انا حذرتك والمهم عندي الناس الي ما لهمش في المشكله دي ما حدش منهم يتاذي
شريف .. ما تقلقش احنا نفديهم برقابنا المهم في موضوع جه وقته
فتحي .. موضوع ايه
شريف .. اسماء خلصت الكليه وانا جاى اطلب ايدها منك رسمي
فتحي .. تطلب ايدها
شريف .. ايوه من سنتين جيتلك مع المرحوم ابويا وقولت لما تخلص الكليه والحمد لله خلصت وما فيش داعي للتاجيل خير البر عاجله
اسماء .. اتفاجئة بطلبه هي ما تعرفش انه اتقدملها من سنتين
فتحي .. والله الجواز قسمه
شريف .. بيقاطعه وانت عارف اني سلامة اهل الشرق في رقبتي ولازم اخد اللي انا عايزه عشان الناس تعيش في امان وانا بحب اسماء من واحنا اطفال واكيد يا عمي انت ما عندكش مانع
فتحي .. مش عارف يقول ايه وشريف بيهدده بي الناس اللي هما في رقبة العمده فتحي
اسماء .. فتحت الباب بعد ما لبسة الحجاب وطلعت الرد عندي انا يا شريف
شريف .. بيوقف وانا مستني ردك يا ست البنات