بسم الله ولا حول ولا قوه إلا بالله العلي العظيم
شريف .. وقف وانا مستني اسمع رايك
اسماء .. انا لسه مخلصه الكليه ومش بفكر في الزواج حاليا
شريف .. معايا هتحققي كل احلامك وكل حاجه ملكي هتكون تحت امرك
اسماء .. انت فاكر انك هتشتريني بفلوسك
شريف .. لا طبعا انتي فهمتيني غلط انا قصدي ان املاكي هي املاكك بما اننا هنتجوز
اسماء .. انا قولتلك مش بفكر في الزواج حاليا انا عندي احلام عايزه احققها ووقت ما احققها ممكن افكر في الزواج
شريف .. وانا تحت امرك و هساعدك تحققي كل احلامك ومش هفتح معاكي موضوع الزواج غير لما احس انك وصلتي للي انتي عايزاه
اسماء .. كده يبقى اتفقنا ومش عايزه كل ما اروح حته الاقيك قدامي قولت ايه
شريف .. زي ما تحبي و تقدري تستلمى شغلك من دلوقت وتبقي مديرة الشركه
اسماء .. لسا شويه علي الشغل في الشركه
شريف .. ليه مش كنا متفقين انك مجرد ما تتخرجي هتشتغلي معايا
اسماء .. اه بس ده قبل ما تيجي تطلب ايدي دلوقت ما ينفعش نشتغل سوا
شريف .. امال هتعملي ايه
اسماء .. لسا مش عارفه بس انا اقدر اخد قراراتي لوحدي اسيبك مع بابا بعد اذنك يا بابا
فتحي .. اتفضلي يا بنتي
شريف .. بيطلع من البيت وهو عينيه بطق شرار و بيطلع علي البيت و يدخل و بيكسر في البيت من الغضب
شيرين .. حصل ايه يا شريف اهدا مالك
شريف .. اسماء رفضتنى
شيرين .. انا قولتلك راضي ابوها واعتذار له مش تطلب ايدها يا غبي
شريف .. وايه الفرق
شيرين .. كان لازم تاخد فتره تنسي وقفتك قصاد ابوها يلا مش مشكله كده كده هتبقى معاك في الشركه ووحده وحده الحديد يلين
شريف .. بيضرب ايده في المرايا بيكسرها ما هي كمان رفضت تشتغل معايا
شيرين .. بتقرب منه و بتمسك ايده اللي اتجرحت اهدا يا حبيبي كل حاجه وليها حد وكده كده مستحيل اي حد في الشرق يتجراء ويتقدم لها الكل عارف انك عايزها يعني كده كده مش هتكون غير ليك
شريف .. اه يا امه انا هتجنن عليها
شيرين .. الصبر يا شريف كله هيجي بالصبر
شريف .. حاضر هحاول
محمود .. طلع الجنينه لقي عادل قاعد و سرحان قرب منه عادل مش معقول صاحي بدري كده
عادل .. انا ما نمتش اصلا
محمود .. انت متغير من امبارح ومش عاجبني
عادل .. ولا انا عاجب نفسي
محمود .. مالك يا ابو عمو اتكلم
عادل .. اتكلم اقول ايه انا دماغي هتنفجر من التفكير
محمود .. بتفكر في ايه
عادل .. لا ولا حاجه هطلع بالعربيه اغير جو
محمد .. هغير لبسي واجي معاك
عادل .. لا حابب ابقا لوحدي وطلع وركب الفرس بتاعه وتحرك وهو مش عارف رايح فين ولا ايه اخرت اللي في دماغه ولقي نفسه علي اول الشرق ويقول لنفسه انا ايه الي حصل لى زي ما يكون خلاص قلبي بقي هنا و بيلف عشان يرجع بيلمح اسماء بفرستها وسط الارض بتاعتهم اللي علي الحدود بين الشرق والغرب ومن غير ما يحس لقي نفسه بفرسه رايح ناحيتها
اسماء .. نزلت في مكان وسط الارض بيقعدوا فيه الناس الشغاله ياكلوا و يشربوا الشاي حاجه اسمها( خص ) والفلاحين شغالين في الارض واول ما شافت عادل وقفت
عادل .. قرب منها ونزل من علي فرسه السلام عليكم
اسماء .. وعليكم السلام ورحمة الله وبركاته انت شكلك مش هتجيبها لبر يا ابن الهلاليه
عادل .. انتي زعلتي انك شوفتيني
اسماء .. لا بس مش عايزه اللي حصل يتكرر
عادل .. ما تقلقيش انا بس جاي اشرب معاكي الشاي الي ما شربتوش امبارح ولا كنتي بتعزمي عزومة مركبيه
اسماء .. هديت لو علي الشاي اتفضل
و بيلموا حطب من الارض عشان يولعه وبعد كده بيقعده وعادل يولع الحطب واسماء تغسل البراد و تحط المياه و الشاي وعادل بياخده منها وبيحطه في النار بعد ما صفيت
اسماء .. تغسل الكبايات انا اسفه عشان الكلام الي قولتهولك امبارح واحنا في العربيه
عادل .. لا مفيش اسف ولا حاجه انا عارف انكم كلكم بتكرهونا وانتي منهم
اسماء .. لا انا مش منهم ولا هكون بابا امبارح قالي كل حاجه وعرفت انكم ما افترتوش علي حد وان الزناتيه هما سبب كل اللي بيحصل
عادل .. يبقا العمده قالك كل حاجه
اسماء .. اه بس للاسف قالي متاخر
عادل .. طب ايه
اسماء .. ايه
عادل .. ايه يا بت
اسماء .. بت ايه مش بحب الكلمه دي
عادل .. لا حقك ما انتي تعليم جامعي ازي واحد يقولك يا بت
اسماء .. ضحكت ماشي هعديها المهم انا مش فاهمه ايه اللي عايز تعرفه
عادل .. هتشتغلي معاه في شركته زي ما قولتيلي وانا بوصلك
اسماء .. هيفرق معاك يعني
عادل .. اه هيفرق اوي
اسماء .. هيفرق في ايه بقا
عادل .. فاق لنفسه اه لا قصدي العمده كان صاحب المرحوم ابويه
اسماء .. الله يرحمه
عادل .. بس فانا كنت عايز اطمن عليكي
اسماء .. لا اطمن شريف جه الصبح وطلب ايدي وكمان طلب اني اشتغل معاه في الشركه بتاعته
عادل .. طلب ايه يا اسماء ده اتجنن ولا ايه ده هيكون اخر يوم في عمره
اسماء .. بتوقف اهدا يا عادل مالك اتعصبت ليه
عادل .. اتحرج منها ومش عارف يقول ايه لا اسف انا انفعلت ازاي الحيوان ده يفكر يتجوزك
اسماء .. انا رفضت وكمان رفضت اشتغل معاه
عادل .. والله انتي بت بس بمية راجل
اسماء .. بت برده
عادل .. اه ولازم تتعودي عليها بقا
اسماء .. حاضر يا ابو عمو هتعود
عادل .. شوف البت رجعت لي اصلها
اسماء .. اكيد انا عمري ما نسيت اصلي واقعد بقا
عادل .. قعد ومسك البراد وصب الشاي اتفضلي كبايتك
اسماء .. شكرا
عادل .. شكرآ ليكي انتي دي احلا كباية شاي اشربها بحياتي
اسماء .. بس انت اللي عامل الشاي
عادل .. بس بشربه معاكي
اسماء .. ماشي يا عادل هصدق
عادل .. المهم انتي وخده كلية ايه
اسماء .. تجاره
عادل .. مش معقول دي صدفه حلو اووي
اسماء .. ليه عندك شغل ليا
عادل .. ايوه المحاسب مسافر وانا كنت بدور علي محاسب يمسك حسابات الشركات بتاعتي
اسماء .. اه والمفروض اني اصدق
عادل .. طلع التليفون ورن علي محمود وفتح الميكروفون
محمود .. ايه رجعت
عادل .. لا لسا بره كنت عايز اسالك انا طلبت ايه منك من يومين قبل ما انزل
محمود .. كنت عايز محاسب عشان المحاسب اللي ماسك حسابات الشركه مسافر
عادل .. خلاص ما تتعبش نفسك انا لقيت المحاسب
محمود .. تمام مش هتيجي عشان نفطر
عادل .. لا افطر انت وانا شويه وجاي وبيقفل السكه
اسماء .. ومين قالك اني هوافق
عادل .. برحتك بس ذنب الناس اللي شغالين في الشركات في رقبتك انتي
اسماء .. ابتسمت برده مش موافقه
عادل .. انتي خلاص اتعينتي
وحده من الفلاحين جايه وشايله مشنه فوق راسها السلام عليكم
عادل واسماء .. عليكم السلام ورحمة الله وبركاته
ام محمد .. ينفع كده يا اسماء هانم تشربوا الشاي قبل ما تفطرو طاب الشاب يقول علينا ايه بخله
اسماء .. الاول بلاش هانم دي يا ام محمد وبعدين الشاب مش غريب
ام محمد .. اتفضلوا حاجه علي قد ماقوسهم ونزلت الفطار ومشيت
اسماء .. انت حماتك بتحبك يلا عشان يبقا عيش وملح
عادل .. بيمد ايده بسم الله الرحمن الرحيم
يبدأو ياكلوا سوا وهما الاتنين بيبصه لبعض من تحت لي تحت والكسوف باين عليهم
عادل .. الحمد لله انا اول مره اكل كده
اسماء .. الف هنا
عادل .. الله يهنيكي
ام محمد .. بتيجي تاخد الفطار وبتجيب الشاي لو احتاجته اي حاجه انا موجوده
عادل .. تسلم ايدك يا ام محمد
ام محمد .. تسلم من كل شر يا ابني
الوقت بيجري بسرعه بسرعه وهما بيتكلموا وفاجئه وهما مش واخدين بالهم بيجي شريف بالعربيه من علي الطريق الرائيسي