بسم الله ولا إله إلا الله وحده لا شريك له الملك وله الحمد وهو علي كل شئ قدير
رهف .. فتحت الباب وبتدخل بتلاقي باباها و مامتها و اخوها واختها قاعدين والكل بيبص عليها
محمد ومنال وقفوا و قربوا منها وبدأوا يغنوا يختي عليها يختي عليها يختي عليها ما جت رجليها ما جات رجليها ما جات رجليها يا برنسيسه يا برنسيسه
رهف .. في ايه يا اخت ريا انتي وسكينه
منال .. عريس يا بوي
رهف .. ضحكة طخو وما تعوروش يا بوي في ايه يا بنت انتي وهو
محمد .. والله عريس
رهف .. وانا مش هتنيل اتجوز
رجاء .. كفايه هزار انت وهي تعالي جنبي يا رهف
رهف .. انا عارفه حكاية تعالي جنبي دي كويس وبتقرب من امها وبتقعد جنبها خير يا ست ماما
رجاء .. ده عريس وانتي تعرفيه وشاب جدع و اخلاقه جميله
رهف .. مين ده
رجاء .. حاتم اللي قصادنا
رهف .. مفيش حد اسمه حاتم في الشارع كله
رجاء .. حاتم ابن طنطك علياء
رهف .. بس ده مسافر من سنين تركيا
رجاء .. فعلآ واخته جات النهارده وطلبت ايدك
رهف .. انا اعرف انه فعلآ محترم ومتربي
رجاء .. الحمد لله تبقي موافقه
رهف .. لا يا ماما انا مش عايزه جوز ابوس ايدك كفايه كده
رجاء .. ادخلي غيري لبسك وصلي استخاره واللي فيه الخير يعمله ربنا واحنا عمرنا ما جبرناكي علي حاجه ومش هنعمل كده
رهف .. حاضر
منال .. فكري كويس فهماني
رهف .. مالكيش دعوه انتي
منال .. حاضر يا قمر يعني اطلع منها
رهف .. ابتسمت بالظبط كده وبتدخل اوضتها وقبل ما تعمل حاجه بترن علي خالد
خالد .. السلام عليكم
رهف .. وعليكم السلام ورحمة الله وبركاته اسف لو كنت بزعجك
خالد .. لا انا لسا راجع من الشغل وفاضي خير مالك
رهف .. في عريس
خالد .. ضحك اه وعشان كده متعصبه
رهف .. انا رافضه الفكره وما حدش سيبني في حالي
خالد .. اهلك عايزين يطمنوا عليكي يا رهف وده مش غلط
رهف .. بس انا فين من ده كله
خالد .. احنا مش اتفقنا انك في اي حاجه تصلي استخاره وتسيبي ربنا عز وجل يرتبلك حياتك
رهف .. بس انا خايفه من صدمه تانيه
خالد .. الصدمات هي اللي بتقوينا يا رهف احنا في الدنيا مش في الجنه يعني لازم نتعب و نتصدم عشان نتعلم مش بيقولوا يفوز بالذات كل مغامر ويموت بالحسرة كل جبان المغامر اللي بيحاول ويفشل ويفضل يحاول لحد ما يوصل لهدفه اما الجبان هيفضل طول عمره خايف وواقف مكانه لازم توقعي وتقومي عشان تعرفي طعم النصر
رهف .. يعني رايك اوافق
خالد .. صلي الاستخاره وتوكلي علي الله وربنا يعملك اللي فيه الخير ليكي
رهف .. حاضر يا كبير لما نشوف اخرتها
خالد .. اخرتها هخلص منك بقا و تروحي
رهف .. للدرجه دي مش طيقني
خالد .. يعني مش قوي كده
رهف .. ماشي يا عم خالد
خالد .. ايه الجميل زعل
رهف .. عمري ما هزعل منك
خالد .. تسلمي يارب
رهف .. هسيبك وروح اصلي وهبقى اكلمك تاني
خالد .. اوكيه مع السلامه
رهف .. سلام وبتغير لبسها وتصلي استخاره وبتطلع تلاقيهم لسا مجمعين والكل بيبص لها مالكم بتبصولي كده
محمد .. مستنين نسمع رايك
رهف .. لا والله طاب انا موافقه
رجاء .. بتتكلمي بجد يا رهف
رهف .. ايوه يا ماما وان شاء الله يكون خير
منال .. قامت و حضنتها ان شاء الله يا حبيبتي
رهف .. انتو فرحانين قوي كده ليه
محمد .. ضحك عشان هنخلص منك يا رهوفه
رهف .. بقا كده خلاص هغير رأي
منال .. اخرس انت لا يا قلب اختك سيبك من الاهبل ده
رهف .. ضحكت شوفت اختك بعتك
محمد .. هي كده من يومها بياعه
رجاء .. بترن علي علياء
علياء .. السلام عليكم
رجاء .. وعليكم السلام ورحمة الله وبركاته
علياء .. طمنيني يا حبيبتي الواد مجنني
رجاء .. رهف وافقت تقدروا تتفضلوا بكره نقرا الفاتحه
علياء .. الف مبروك علينا يا رجاء وأخيرا هنبقى عيله واحده
رجاء .. احنا طول عمرنا اهل يا علياء
علياء .. طبعآ يا حبيبتي ربنا يديم المحبه ان شاء الله بكره بعد صلاة المغرب هكون عندك.
رجاء .. وانا هكون في انتظارك سلام
علياء .. سلام وبترن علي حاتم
حاتم .. اول ما بيرد طمنيني يا ماما
علياء .. الف مبروك يا ابني رهف وافقت
حاتم .. الله يبارك فيكي يارب ده اسعد يوم في حياتي هبعتلك فلوس الدهب تجيبلها كل اللي هي عايزاه واللبس اللي يعجبها
علياء .. من عنيه يا حبيبي انت هتنزل امتي
حاتم .. هنزل علي كتب الكتاب وبعديها بي اسبوعين الفرح علي طول واخدها ورجع علي تركيا
علياء .. علي بركة الله
بيجي الميعاد والبيت كله مستني وفي الميعاد بالظبط بيرن جرس الباب ورهف بتفتح
علياء .. عروسة ابني القمر وبتاخدها بي الحضن
رهف .. عامله ايه يا طنط
علياء .. الحمد لله يا حبيبتي
رهف .. اتفضلي يا طنط البيت نور
رجاء .. اتفضلي يا علياء نورتينا
علياء .. البيت منور بيكم اخبارك يا استاذ علي
علي .. الحمد لله اتفضلي ارتاحي يا ام حاتم
علياء .. احنا مش غرب عن بعض عشان كده جيت لوحدي واللي انتو عايزينه انا تحت امركم
علي .. الولد ولدنا والبنت بنتك والحكايه في بيتها
علياء .. يبقى نجيب الدهب بكره وان شاء الله حاتم هينزل علي كتب الكتاب علي طول والفرح
علي .. علي الاقل يقعد يشوف رهف
علياء .. هو عارف رهف من زمان وكمان طلع بيحبها يعني كل حاجه خلصانه وكمان هو هياخدها معاه تركيا
رجاء .. ازي بنتي تبعد عني انتي ما قولتليش كده يا علياء
علياء .. هو لسا قايلي امبارح بعد ما قفلت معاكي وفي النهايه يا رجاء الواحده مننا مالهاش غير بيت جوزها ولا كلام غلط يا ابو محمد
علي .. كلامك عين العقل يا ام حاتم والمهم سعادة رهف يا رجاء
رجاء .. اللي تشوفه يا علي
علياء .. ايه مش هنسمع زغروطه ولا ايه
منال .. احلا زغروطه لووووووووووووللللللللللي
علياء .. ايوه كده خلينا نفرح ممكن بقا اقعد مع خطيبة ابني شويه
رجاء .. طبعا يا رهف خدي طنط وقعدى في اوضتك
رهف .. حاضر يا ماما اتفضلي يا طنط
علياء .. دخلت اوضتك حلوه يا رهف
رهف .. شكرا يا طنط
علياء .. بتقعد علي السرير بصي يا بنتي من دلوقتى اي حاجه تعوزيها كلميني علي طول وبكره نجيب الدهب وكمان هجبلك كل اللي نفسك فيه انا زي امك دلوقتى بس حاتم مش هيكلمك غير بعد ما تكتبوا الكتاب عشان هو متدين شويه
رهف .. زي ما يحب يا طنط
علياء .. بس صدقيني بيحبك اوي وبعد بكره هتيجي مع اهلك تشوفوا الشقه
رهف .. ان شاء الله
علياء ..هسيبك دلوقت ومعادنا بكره السلام عليكم
رهف .. وعليكم السلام ورحمة الله وبركاته
علياء .. بتطلع من الاوضه يلا معادنا بكره يا رجاء
رجاء .. ما لسا بدري يا علياء
علياء .. بدري من عمرك يا حبيبتي بكره هجيب عربيه عشان نروح سوا يلا السلام عليكم
الكل .. وعليكم السلام ورحمة الله وبركاته
رهف .. بتدخل اوضتها وبترن علي خالد
خالد .. ايه العروسه اخيرآ فضيتلي
رهف .. تصور يا خالد مش عايز يكلمني غير بعد كتب الكتاب اللي هو قبل الفرح بي اسبوع
خالد .. كبري دماغك ولا انتي عايزه تكلميه
رهف .. مش كده بس مستغربه
خالد .. في الايام دي ما تستغربيش من حاجه وشكله شخص كويس
رهف .. الكل بيقول انه كويس
خالد.. يبقى خلاص علي بركة الله
رهف .. بكره هنجيب دهب وبعد بكره هروح اشوف الشقه
خالد .. الف مليون مبروك وربنا يتمم علي خير
رهف .. الله يبارك فيك وشكرا انك في حياتي
خالد .. ما فيش شكر ولا حاجه خلي بالك من نفسك
رهف .. حاضر وانت كمان
خالد .. حاضر يلا سلام
رهف .. سلام
وتنام و بتصحي بتروح تجيب الدهب ولبس وبعد ما يخلصوا يرجعوا علي البيت و ياكلوا سوا وبعد كده علياء بتستاذن وتروح عشان تكلم ابنها وبكره هتستناهم عشان يشوفوا الشقه
رهف .. بتصحى مخنوقه
محمد .. بيخبط علي الباب الجميل صحي
رهف .. تعالى يا محمد
محمد .. يلا البسي عشان هنروح نشوف الشقه
رهف .. مش هروح
محمد .. مالك يا رهف
رهف .. حاسه اني مخنوقه ومش عايزه اروح ولا عايزه الجوازه دي اصلآ
محمد .. انتي بتهزري قومي وبطلي دلع
رجاء .. انتي لسا ما قومتيش
محمد .. بتدلع وبتقول مش عايزه الجوازه دي
رجاء .. بطلي لعب عيال الناس شيلينك من علي الارض شيل يلا البسي ومستنينك بره وبيطلعوا
رهف .. بترن علي خالد
خالد .. السلام عليكم
رهف .. وعليكم السلام ورحمة الله وبركاته الحقني
خالد .. فيه ايه
رهف .. هموت مخنوقه اوي ومش عايزه الجوازه دي تتم ومش قادره اروح الشقه
خالد .. مش هينفع انتي ادتيهم كلمه ولازم تكوني عند كلمتك وتكسري الحاجز اللي جواكي
رهف .. اعمل ايه يعني
خالد .. ما تفكريش في اي حاجه غير انك تروحي مهما كان اللي جواكي
رهف .. هحاول
خالد .. لازم تقدري يا رهف انتي قويه مش ضعيفه
رهف .. حاضر يلا سلام
خالد .. سلام
رهف اتغلبت علي الاحساس اللي جواها ولبست وراحت مع اهلها علي الشقه وبمجرد ما دخلت من الباب اغمي عليها