بسم الله ولا حول ولا قوه إلا بالله العلي العظيم
❤️❤️❤️❤️❤️❤️❤️❤️❤️❤️❤️❤️❤️❤️❤️
رجاء .. رهف حبيبتي مالك
علياء .. جريت بسرعه جابت برفان خدى يا رجاء فوقيها
رجاء .. اخدت البرفان والكل حواليها قلقان
رهف .. بدات تفوق انا عايزه امشي من هنا
علياء .. في ايه يا حبيبتي ما انتي كنتي زي الفل
رهف .. اسفه يا طنط بس انا مخنوقه وعايزه اروح
رجاء .. حاضر يا حبيبتي يلا بينا معلش يا علياء نبقى نيجي يوم تاني
علياء .. ولا يهمك يا حبيبتي المهم رهف تكون بخير
رهف .. انا بخير يا طنط ما تقلقيش
منال .. عدى انتي يا ماما و سندت رهف و روحو علي البيت ودخلت رهف اوضتها
رهف .. اسفه إذا كنت قلقتكم
منال .. ولا يهمك المهم تكوني بخير انتي حاسه بي ايه دلوقتى
رهف .. زي القرده اهو انا مش عارفه اول ما دخلت الشقه حسيت زي ما تكون روحي رايحه مني
منال .. لا اكيد فيه حاجه مش معقول يكون كل ده طبيعي
رهف .. هنرجع لكلامك اني في حد عاملي حاجه
منال .. امال انتي كنتي زي الفل ايه اللي حصل لما دخلتي الشقه
رهف .. مش عارفه يا منال يمكن مفيش نصيب وكفايه لحد كده
منال .. بس احنا ما شوفناش حاجه منهم وحشه يا حبيبتي
رهف .. بس انا مش قادره بجد
منال .. حاولي واول ما تتجوزى كل حاجه هتبقى تمام مفيش حد فينا اخد اللي بيحبه
رهف .. لا انا مش قادره افهميني
منال .. انا فهماكي يا حبيبتي يعني خلاص ده كلامك النهائي
رهف .. ايوه
منال .. خلاص هنبعتلهم الدهب وفلوس البس وهو يبقى احنا اللي جبنهولك ابسطي يا قمر بس ما تزعليش نفسك
رهف .. ربنا ما يحرمني منكم يارب
منال .. هطلع اقول لي بابا وماما
رهف .. ماشي اتفضلي
رجاء .. اول ما شافت منال طالعه من الاوضه طمنيني يا بنتي
منال .. الحمد لله هي بخير بس مش عايزه الجوازه دي وانا شايفه اننا ما نغصبش عليها
رجاء .. قعدت مكانها خلاص زي ما هي عايزه انا وابوكي عمرنا ما غصبنا عليكم في حاجه
منال .. اتفضل الدهب يا بابا
علي .. ماشي يا بنتي خد يا محمد الدهب والفلوس دول وديهم لطنط علياء
محمد .. حاضر يا بابا ونزل علي طول علي علياء وخبط علي الباب
علياء .. بتفتح الباب محمد اتفضل يا ابني
محمد .. شكرا يا طنط وانا اسف بس مفيش نصيب
علياء .. مش فاهمه
محمد .. قصدي رهف رفضت الجواز من حاتم
علياء .. تعال بس اتفضل
محمد .. ما ينفعش يا طنط
علياء .. انا زي امك يا محمد ولا هتكبر عليا
محمد .. معلش خليها مره تانيه
علياء .. طاب هرن علي حاتم معلش استنى خمس دقايق
محمد .. ماشي يا طنط
علياء .. رنت علي حاتم
حاتم .. السلام عليكم
علياء .. وعليكم السلام ورحمة الله وبركاته
حاتم .. رهف شافت الشقه
علياء .. رهف باعته الدهب وفلوس اللبس وبتقول مفيش نصيب
حاتم .. طاب استاذنيهم كده ممكن اكلمها
علياء .. حاضر خليك معايا
حاتم .. حاضر
علياء .. بتطلع لي محمد يا محمد يا ابني هو حاتم ممكن يكلمها مره وحده وبعد كده اللي هي عايزاه هنعمله
محمد .. مفيش مشكله
علياء .. خلاص انا هديه رقم باباك وعلي ما توصل البيت هيكون هو بيرن عليه
محمد .. حاضر اتفضلي الحاجه
علياء .. خليها يمكن المياه ترجع لمجريها
محمد .. زي ما تحبي يا طنط ورجع علي البيت وخبط
منال .. قامت تفتح ايه ده يا محمد الحاجه لسا معاك
محمد .. طنط قالت اني حاتم عايز يكلم رهف وانا قولت مفيش مشكله يمكن يقدر يقنعها
منال .. يارب يا خويا
علي .. ده رقم من بره بيرن
محمد .. هو حاتم يا بابا
علي .. خد ادي التليفون لي رهف
محمد .. حاضر يا بابا و خبط علي رهف
رهف .. ادخل
محمد .. حاتم علي التليفون وعايز يكلمك
رهف .. اخدت التليفون السلام عليكم
حاتم .. وعليكم السلام ورحمة الله وبركاته اخبارك ايه
رهف .. الحمد لله بخير وانت عامل ايه
حاتم .. الحمد لله بخير ايه بقا الي مزعلك مني
رهف .. مش زعلانه بس مش حابه ادخل تجربة الجواز تاني
حاتم ..انا بحبك من واحنا صغيرين يا رهف وهكون اسعد انسان في الدنيا لو كنتي زوجتي
رهف .. مش عارفه اقولك ايه
حاتم .. ما تقوليش حاجه فكري ومهم كان ردك انا موافق ولو فضلتي رافضه اعتبري الدهب واللبس هديه مني ليكي وهتكوني زي اختي اتفقنا
رهف .. اتفقنا
حاتم .. اسف لو كنت ازعجتك
رهف .. لا مفيش ازعاج ولا حاجه
حاتم .. سلام
رهف .. سلام
محمد .. ده انتي مش وش نعمه هو فيه رجاله كده في الايام دي وضحك
رهف .. اطلع بره بدل مطلع عينك وجريت وراه
محمد .. طلع يجري
علي .. فيه ايه
محمد .. خد تليفونك يا حج دي مجنونه
علي .. اتلم بدل ما تتطلع لك وانت عارف ايديها تقيله
محمد .. عارف يا بابا ما انا ياما انضربت منها
وبيعدي الوقت وهي بتفكر لحد ما بتنام واول ما تصحى بترن علي خالد وتحكي له اللي حصل
خالد .. انت مفتريه
رهف .. انت هتعمل زي محمد اخويا
خالد .. اتوكلي علي الله ولو فيه خير هيتم ولو لا ربنا يصرفها عنك
رهف .. انت شايف كده
خالد .. ايوه مفيش حد فينا يعرف الخير من الشر و هحكي لك قصه صغيره كان فيه ملك كان عنده ولد وفاجئه الولد يمرض ويموت وبيقعد حزين وبيجي الوزير يقوله لعله خير يا مولاي الملك بيتعصب في نفسه وبيسكت بتعدي سنه وبينزل الجراد علي المملكه وبياكل المحصول كله وبتتحول المملكه من اللون الاخضر للاصفر والوزير بيقوله لعله خير يا مولاي الملك برده بيتعصب وبيسكت برده لحد ما في يوه اتجرح في صباعه والطبيب قال لازم الصباع يتقطع وإلا الغرغرينا ممكن تصيب الزراع كله وفعلآ قطع صباعه وجه الوزير وقال نفس الجمله لعله خير يل مولاي وهنا الملك اتعصب وطلب من الجنود يسجنوا الوزير وبعدها باسبوع طلع رحلة صيد وعدى حدود المملكه وطلعوا عليهم اكلي لحوم البشر الحاشيه كلها هربت وسابوا الملك وحده و اكلي لحوم البشر أخذوه عشان ياكلوه ولما لقيه صباعه مقطوع رموه ومشيو ورجع المملكه وطلب يجيبو الوزير وفعلآ وقف الوزير قدامه قاله انا عارف انك وفي ليا بس ليه كل ما بتحصل حاجه كنت بتقولي لعله خير رد الوزير يا مولاي ابنك اللي مات ممكن كان طلع عاق وتمرد عليك وضيع المملكه
الملك .. طاب والجراد
الوزير .. الاعداء هاجمه كل الممالك اللي حوالينا إلا احنا عشان المملكه اصبحت بدون زرع
الملك .. طاب وصباعي
الوزير .. لولا صباعك مقطوع كان اكلي لحوم البشر اكلوك
الملك .. طاب وحبسك
الوزير .. لو انا كنت معاك ما كنتش هسيبك وانا سليم فكانوا هيكلوني انا
الملك .. معاك حق يا وزير فعلآ بيكون الشر في طياته خير والخير في طياته شر وربنا اعلم بالخير والشر فهمتي يا رهف
رهف .. معاك حق القصه جميله وانا هكمل واللي فيه الخير يعمله ربنا
خالد .. يلا سلام عشان عطلتيني
رهف .. ضحكت ماشي سلام
منال .. بتخبط
رهف .. ادخلي
منال .. الجميل فكر ولا لسا
رهف .. فكرت وهكمل الجوازه دي لما اشوف اخرتها
منال .. هقول لبابا يكلمه
رهف .. ماشي
وفعلا بيكلم حاتم وترجع المياه لمجريها وبداء يكلمها ونزل من تركيا وكتب الكتاب
حاتم .. الف مبروك يا عروسه
رهف .. الله يبارك فيك يا عريس
حاتم .. انا اسعد انسان في الدنيا
رهف .. وانا كمان
حاتم .. انا معايا شوية شغل هخلصهم وهسيبلك الشقه تعمليها زي ما انتي عايزه ودي فيزه اسحبي منها زي ما انتي عايزه
رهف .. حاضر
وفعلا انشغل حاتم وفضلت رهف لوحدها تجهز كل حاجه وتتعامل مع الصنايعيه ومش بتشوف حاتم غير اخر النهار و بدات تضايق من الحكايه دي واختفاء حاتم ومش عارفه بيعمل ايه لحد ما في يوم بتكلمه مش بيرد عليها وبتكلم امه بتقولها متعرفش عنه حاجه وهي كمان بترن عليه مش بيرد وبعد يومين بيرن واحد صاحبه علي ام حاتم وبيطمنها عليه وعلياء بترن علي رهف وبتقلها ان صاحبه كلمها وبيقول ان حاتم مشغول شويه في الشغل لكن رهف كانت حاسه ان فيه حاجه تانيه لحد ما عرفة المصيبه اللي قلبت حياتها كلها