بسم الله ولا حول ولا قوه إلا بالله العلي العظيم
سامر .. ياسمين كريم عايزك
ياسمين .. بتدخل لكريم
سامر .. بيطلع بره المستشفي
ربيع .. بيلاحظ الحزن علي وش سامر وبيطلع وراه
ياسمين .. ايوه يا حبيبي عايز ايه
كريم .. ابن عمك فين دلوقت ياسمين .. هنا في المستشفي بتسال ليه
كريم .. عشان الدم دخل بينا يا ياسمين ومش هينفع نكمل
ياسمين .. انت بتقول ايه يا كريم
كريم .. زي ما سمعتي يا ياسمين لو سمحتي امشي مش عايز اشوفك
ياسمين .. انا مش مصدقه اللي بسمعه ده
كريم .. امال كنتي فاكره اني عشانك هعدي اللي حصل
ياسمين .. علي فكره انا اللي كنت مقصوده مش انت وانت اللي رميت نفسك قدام الرصاص
كريم .. كنت غبي بس الحمد لله فوقت لنفسي
ياسمين .. دموعها بتنزل غصب عنها ما كنتش متخيله انك تطلع كده وانا اللي حبيتك وكنت فاكره اني هعيش معاك اجمل ايام حياتي في الاخر كل ده يطلع كدب انا بندم علي حبي ليك انت كنت اول شخص افتح له قلبي ويا ريتني موت قبل ما احبك
كريم .. هو المسلسل ده هيخلص امتي
ياسمين .. مسلسل خلاص اعتبره خلص يا كريم بيه وبتمسح دموعها وبتطلع
عزه .. مالك يا ياسمين
ياسمين .. ما فيش حاجه انا همشي
سميحه .. حصل ايه يا حبيبتي
ياسمين .. ما فيش يا طنط انا تعبانه وعايزه اروح
عماد .. ماشي يا حبيبتي نستاذن احنا وهبقا اجي اطمن علي كريم
علوان .. ماشي يا حاج عماد
سميحه .. بتدخل لكريم حمدالله بالسلامه يا حبيبي
كريم .. الله يسلمك يا ماما
سميحه .. في ايه يا ابني ياسمين طالعه من عندك زعلانه هو حصل ايه
كريم .. بلاش نتكلم في الموضوع ده يا ماما
سميحه .. معقول يا كريم البنت كانت هتتجنن عليك احكيلي في ايه
كريم .. قولت مش عايز اتكلم وبيقوم ومكان الجرح بيشد عليه بيصرخ اه وبينام تاني
سميحه .. خلاص يا حبيبي بس اهدا
علوان .. يدخل حمدالله بالسلامه يا كريم
كريم .. الله يسلمك يا عمي
علوان .. الكلب اللي عمل كده هيموت وفي خلال ايام
كريم .. انا لسا عايش ما موتش يا عمي وحقي انا الي هاخده بنفسي
علوان .. لكن
كريم .. بيقاطعه معلش يا عمي بس ده حقي انا وانا الي هاخده
علوان .. زي ما تحب يا ابن اخويا
ربيع .. سامر مالك طالع من المستشفي وانت وشك مقلوب كده حصل ايه
سامر .. مش عارف اقولك ايه
ربيع .. قول يا سامر ما تقلقنيش
سامر .. بس الي هقوله لك دلوقت هيفضل سر بينا
ربيع .. ماشي قول بقا
سامر .. كريم مش هيقدر يمشي تاني
ربيع .. اتصدم انت بتقول ايه
سامر .. الطلقه جت في العمود الفقري والدكتور قال مش هيقدر يحرك ايده ولا رجله
ربيع .. لا حول ولا قوه إلا بالله
سامر .. ونفسية كريم زفت هو كاتم في نفسه وساكت عشان ما حدش يحس بحاجه
ربيع .. ودي حاجه تستخبى
سامر .. اكيد كريم في دماغه حاجه
ربيع .. احنا لازم نكون جنبه دلوقت
سامر .. مش قادر اشوف كريم كده
ربيع .. لا لازم نكون جنبه وندعمه وهنبعت الاشعه لي اكبر الدكاتره وان شاء الله ما فيش حاجه مستحيله
سامر .. كلامك صح وانا هبعت الاشعه لي احمد صاحبي في امريكا يوريها لي اكبر دكاتره هناك
ربيع .. وانا هبعت الاشعه لي اكبر الدكاتره في مصر
سميحه .. محتاج حاجه اعملها لك
كريم .. سلامتك يا ماما
سميحه .. هسيبك عشان ترتاح وانا هستنا بره
كريم .. انا بخير يا ماما يا عمي وصلها البيت
علوان .. هوصلها ورجع
كريم .. انا معايا سامر يا عمي ما تقلقش
علوان .. ماشي يا ابني لو احتاجت حاجه رن عليا
كريم .. ماشي يا عمي علوان بيطلع مع سميحه
سميحه .. احنا هنسيبه فعلآ
علوان .. انتي اكتر واحده عارفه دماغ كريم وبعدين سامر وربيع معاه ودول اقرب صحاب لكريم
سميحه .. هتجنن وعرف هو قال ايه لياسمين خلاها تمشي علي طول
علوان .. يا خبر بفلوس بكره يبقا ببلاش
سميحه .. عندك حق
عماد .. بيدخل البيت خير يا ياسمين حصل ايه عشان نسيب كريم من غير ما نطمن عليه
ياسمين .. لو سمحت يا بابا مش عايزه اتكلم
عزه .. ما احنا من حقنا نعرف حصل ايه يا بنتي
ياسمين .. بعد ما اصحي ابقا احكي لكم بعدين
عزه .. ماشي يا حبيبتي
ياسمين .. بتدخل اوضتها وتبكي
سامر وربيع يدخله الاوضه علي كريم
ربيع .. حمدالله بالسلامه
كريم .. الله يسلمك يا صاحبي
سامر .. هتفضل لحد امتي مخبي وهما مسيرهم هيعرفوا اذا ما كنش النهاره يبقا بكره
كريم .. مش هيكون فيه بكره
سامر .. مش فاهم
كريم .. عايز اروح في حته بعيد عن الكل
سامر .. طب وياسمين
كريم .. خلاص ما ياسمين هطلعني من حياتها
سامر .. انت عملت ايه
كريم .. عملت اللي لازم يتعمل انا مش هستنا لما اشوف نظرة الشفقه في عيونها وهي تستاهل واحد احسن مني وربنا يوفقها في حياتها
ربيع .. انت فاكر كل حاجه هتنتهي زي ما انت عايز
كريم .. انا بحب ياسمين لدرجه ما حدش يتوقعها ومش هسمح انها تقضي حياتها تخدم شخص عاجز
سامر .. تفكيرك غلط
كريم .. غلط صح خلاص حياتي انتهت
ياسمين .. بتقول بصوت مسموع انا خلاص مش عايزه اعيش تاني الشخص الوحيد اللي حبيته طلع كداب وبتطلع من الاوضه وتدخل المطبخ وعماد وعزه يكونوا في اوضتهم وبتاخد السكينه وهي خلاص الشيطان اتملك منها