بسم الله ولا إله إلا الله وحده لا شريك له له الحمد وله الملك يحيي ويميت وهو علي كل شئ قدير
(حسبي الله ونعم الوكيل في اي حد ينسخ القصه وينسبها لنفسه)
ياسمين .. انا خلاص مش لازم اعيش بعد الانسان الوحيد اللي حبيته طلع كداب ما فيش حد بيحب حد يعمل فيه كده ويتخلى عنه بسهوله وبتمسك السكينه وبتستعد عشان تضرب نفسها وخلاص هتغرز السكينه في قلبها وفجاءه بتسمع اذان الفجر والسكينه بتوقع من ايدها وبتقول لنفسها ايه الي انا بعمله ده استغفر الله العظيم الذي لا إله إلا هو الحي القيوم و اتوب ايه سامحني يارب وقدرني اطلع من الوجع ده يارب قلبي مش قادر يستحمل معقول كريم يعمل كده فيا مستحيل اكيد فيه حاجه انا لما فاق كان كلامه معايا كويس ولما دخل الدكتور اتغير ١٨٠ درجه اكيد فيه حاجه وانا لازم اعرفها مستحيل يكون كل الي بينا كدب
عزه .. بتدخل المطبخ انتي لسا صاحيه يا ياسمين
ياسمين .. هروح انام يا ماما
عزه .. يا بنتي قوليلي مالك و طمنيني
ياسمين .. اطمني يا ست الكل انا بخير استاذنك اروح المستشفي بكره
عزه .. ما فيش مشكله يا حبيبتي كريم جوزك وحقك تطمني عليه في اي وقت
ياسمين .. شكرا يا ماما ربنا ما يحرمني منك
سامر .. انا سبتك عملت الي انت عايزه بس انت علي كده كسرت قلب ياسمين وحرام اللي انت عملته
كريم .. هتزعل شويه وتنسي يا سامر انا بحبها اووي لدرجة اني مش هستحمل تشوفني وانا كده انت عمرك ما هتفهمني ياسمين دي اول حب في حياتي واخر حب عمري ما حبيت ولا هحب غيرها مش عايزها تندم انها اتجوزتني في يوم من الايام مش عايز اشوف الوجع في عنيها وهي شايفاني كده انا بتعذب اكتر منها بكتير هي افتكرت اني كنت بكدب عليها ومش بحبها والعكس صحيح بس كان لازم اعمل كده
سامر .. انت محتاجها دلوقتى اكتر من اي وقت تاني سيبها تختار هي لكن ما تعملش فيها كده
كريم .. انا عارف انها هتختارني وهحس اني عاله عليها
ربيع .. انا قاعد ساكت من بدري بس كلام سامر صح وانت لازم تسمعنا يا كريم
كريم .. مش عايز اسمع كلام الي حصل حصل وخلي كل حاجه لي وقتها
الدكتور .. بيدخل السلام عليكم
الكل .. وعليكم السلام ورحمة الله وبركاته
الدكتور .. عامل ايه دلوقتى يا كريم
كريم .. الحمد لله يا دكتور
الدكتور .. انا عندي خبر هيفرحك
كريم .. خير يا دكتور
الدكتور .. في دكتور مصري عايش بره مصر من اشطر الدكاتره ونازل بكره مصر وانا توصلت معاه و بعت له الاشاعه و طمني وحجزت لك علي بكره
كريم .. يعني ان شاء الله في امل يا دكتور
الدكتور .. الامل في ربنا يا ابني ظبط نفسك عشان بكره بالليل تكون في القاهره
سامر .. انا هحجز تذكرتين طياره ونروح سوا
ربيع .. وانا كمان هروح معاك
كريم .. لا واحد بس كفايه ياربيع ومش عايز حد يعرف حاجه
ربيع .. زي ما تحب وربنا يشفيك يا صاحبي
الدكتور .. ده عنوان المستشفي واسم الدكتور ورقم تليفونه وعلي فكره في طياره تبع المستشفي هنا عشان مش هيقدر يقعد لازم يكون نايم لحد ما يوصل هناك
كريم .. خلاص ماشي يا دكتور والف شكرآ ليك
الدكتور .. ما فيش داعي للشكر وربنا يشفيك يارب بعد اذنك
كريم .. اتفضل يا دكتور
احمد .. بيدخل السلام عليكم
الكل .. وعليكم السلام ورحمة الله وبركاته
احمد .. حمدالله بسلامتك يا كريم
كريم .. الله يسلمك يا احمد بيه
احمد .. لو سمحت يا دكتور بنسبه لحالة نظير ايه واضعه
الدكتور .. ده جرح سطحي
احمد .. يعني اقدر اخده
الدكتور .. اسبوع بس وتقدر تاخده
احمد .. تمام يا دكتور شكرا
الدكتور .. يلا السلام عليكم
الكل .. وعليكم السلام ورحمة الله وبركاته
احمد .. طمني يا عمده ازيك دلوقت
كريم .. الحمد لله زي الفل
احمد .. تحب اخد اقولك دلوقت
كريم .. معلش خليها شويه
احمد .. زي ما تحب انا هستاذن وهبقا اجي اطمن عليك يلا اسيبكم انا
كريم .. اتفضل يا احمد بيه
سامر .. انا هروح اظبط الدنيا مع ادارة المستشفي وشوف هنتحرك امتي بكره
كريم .. ماشي وانت ياربيع روح معاه انا هحاول انام
ربيع .. خلاص لو احتاجت حاجه رن عليا
كريم .. حاضر يا ربيع
ربيع .. سلام يا ابو العمده
كريم .. سلام يا رجاله وبيكلم نفسه يارب اشفيني انا مش هقدر اعيش من غير ياسمين انا حاسس اني ميت بالحيه والي تعبني اكتر اني كسرت قلبها سامحيني يا اغلا من روحي
سعديه .. انا لازم اعمل حاجه وهرب نظير قبل ما ينقلوه السجن ما فيش قدامي غير صبحي ابن عمي اكلمه وهو هيتصرف وبتطلع التليفون وبترن عليه
صبحي .. الو
سعديه .. عامل ايه يا صبحي
صبحي .. مين معايا
سعديه .. بنت عمك معقول نسيت صوتي
صبحي .. معقول سعديه بتتصلي بعد السنين دي كلها بعد ما رفضتي تتجوزيني وتجوزتي الغريب يا سعديه يا ترى ايه الي فكرك بيا
سعديه .. الدنيا ضاقت عليا وما لقتش غيرك اكلمه بس لو عايزني اقفل ما فيش مشكله
صبحي .. لا بالعكس انتي لسا لحد دلوقت في قلبي يا بت انا متجوزتش لحد دلوقت وعمرك ما غبتي عني لحظه وحده يا سعديه
سعديه .. انت ما تجوزتكش عشان علي طول الحكومه وراك ايه هتتجوز وحده عشان تعيشها في الجبال
صبحي .. لسا لسانك زي المبرد يا بت المهم قوليلي ايه الي فكرك بيا
سعديه .. ابني الوحيد هيتحبس وانا عايزه اهربه من المستشفي قبل ما يروح السجن وقولت ما فيش غيرك هتقدر ولا كبرت علي الحاجات دي
صبحي .. اتكلمي عن نفسك انا لسا في عز شبابي
سعديه .. زي ما انت ما تغيرتش
صبحي .. ومش هتغير فاكره البيت المهجور
سعديه .. اتلم يا صبحي احنا كبرنا
صبحي .. هنعيد القديم كله يا بت عشان تعرفي ان صبحي لسا شباب
سعديه .. بطل قلة ادب وخلينا في الواد
صبحي .. ما تقلقيش ههربه
سعديه .. لو قدرت تعملها اديك الي تطلبه
صبحي .. عايزك انتي
سعديه .. خلاص يا صبحي راحت علينا
صبحي .. انتي هتفضلي بنسبالي البت الصغيره الي كانت مش بترتاح غير في حضني
سعديه .. كانت ايام حلوه بلاش تفكرني بيها
صبحي .. ده لازم تفتكريها انتي وحشاني اووي يا سعديه
سعديه ..هترجعني لايام الشقاوه
صبحي .. مش هينفع كلام التليفون ابعتيلي العنوان وهجيلك
سعديه .. ماشي وانا هستناك خد العنون ......
صبحي .. بكره بالليل هكون عندم
سعديه .. هستناك يا صبحي وبتقفل السكه وبتقوم توقف قدام المرايه اه يا صبحي فكرتني بي الذي مضي بس انا لسا حلوه وبتقلع الطرحه وبتبص علي شعرها الابيض وبتقول بكره الصبح هروح اصبغه
سامر .. بيدخل علي كريم صباح الخير
كريم .. صباح النور
سامر .. ان شاء الله هنتحرك العصر
كريم .. تمام
سامر .. مش عايزك تقلق من اي حاجه
كريم .. حبيبي تسلم يا غالي
سميحه .. صباح الخير
كريم .. صباح النور تعبتي نفسك ليه يا ماما انا بخير
سميحه .. وانا ليا غيرك يا ابني يلا انا جبت الفطار
سامر .. انا هشوف الدكتور
كريم .. خلاص ماشي
سامر .. طلع لقي الدكتور واقف صباح الفل يا دكتور
الدكتور .. صباح الخير
ياسمين .. بتدخل المستشفي وقبل ما توصل مكتب الدكتور بتشوفه واقف مع سامر وبتقرب منهم
عماد .. هي العمليه دي نسبة نجاحها قد ايه
ياسمين .. اول ما بتسمع بتوقف مكانها
الدكتور .. هي العمليه خطيره بس ان شاء الله نسبة نجاحها كبيره وان شاء الله هيرجع يمشي
عماد .. ان شاء الله يا دكتور بس المهم مش عايزين حد يعرف
الدكتور .. ما تقلقش وربنا يشفيه انا شويه وهاجي اطمن علي كريم
سامر .. ماشي يا دكتور وبيلف بيتفاجئ بياسمين واقفه ياسمين