رواية ضماد جرح الفصل العاشر 10 بقلم نوسه حمد
المكالمه الجاتني خلتني في حيره واحترت اكتر انها عاوزه مصلحتي ومصلحتي شنو انا م عارفه بس انا خايفه م عندي الشجاعه اني اطلع بس كمان لازم اطلع اشوف فهم البت شنو واتوكل علي ربنا والبجي كلو خير فتحت الواتساب ورسلت لي الزول العاوزه اشتغل معاهو ولقيت كميه من رسايل فادي من يوم فارقتو هو برسل لدرجه انو رسايلو علقت بي تلفوني وشكلو هو هناك شاف اني استلمت الرسايل وبقا يضرب علي في الاول م رديت كتب لي لو م رديتي انا ح اجيكم في بيتكم يا نوسه رجعت ليهو قال لي نوسه انتي ليه بتعملي كده عشان عارفه اني اتعلقت بيك وما عايز غيرك قلت ليهو فادي كيفك قال لي فادي م كويس شوفي الصور الرسلتها ليك بقيت افتح في الصور وشكلو عيان قلت ليهو فادي الف سلامه ليك الحاصل شنو بقا يحكي لي قال لي تعبت وبقيت م قادر افهم انتي مالك وعشان انتي م عايزه امي تعرف م قدرت اسالها عنك بس قلت لنهايه الشهر لو م ظهرتي ح اجي بيتكم واطلب يدك انا انخلعتا قلت ليهو لا يا فادي انا م عايزاك وانا بحب غيرك وخطبني قعد اضحك قال لي كذابه قلت ليهو م كذابه يا فادي اثبت ليك كيف قال لي اديني رقم خطيبك اتكلم معاهو تاني ح اصدقك سكتا م رديت عليهو قال لي نوسه شفتي طلعتي بتكذبي علي قلت ليهو م بكذب ي فادي بس م بقدر اديك رقم خطيبي لانو صعب شديد قال لي نوسه بطلي انتي مسلمه والكذب عندكم حرام صاح ليه بتكذبي قلت ليهو فادي غصبا عني واول مره في حياتي اكذب بس افهمني وحاول اعزرني قال لي انا بعزرك وبفهمك في حاله واحده قلت ليهو شنو قال لي انك تقولي كرهتيني وما عايزه تتواصلي معاك قلت ليهو فادي انا بكرهك وما عاوزه اتواصل معاك قال لي نوسه انا فهمت كده انتي م كرهتيني وما عايزاني ابعد الموضوع اكبر من كده وفي حاجات انا م قادره افهما وانتي م عايزاني افهما بس عشان اثبت ليك حبي ليك ح ابعد منك عشان انا عاوز سعادتك وما ح تلقي مني رساله تاني واعفي لي ي نوسه م قدرت اكون معاك زي م حابه قلت ليهو بالعكس بس انا قسمتي كده انحرمت من حاجات كتيره م انت بس قال لي انحرمتي من شنو ي نوسه قولي الحمد لله طالما بصحتك وبعافيتك وامك وابوك بصحه وعافيه وعايشين بتشوفي ضحكتهم وبخففو عليك الباقي كلو هين حسيت كلامو غير قلت ليهو فادي قبل م اودعك انا حسيت احساس قال لي شنو قلت ليهو انت اسلمت قال لي اي ي نوسه والحمد لله انتي كنتي سبب في دخولي الاسلام انا بشكرك وراجعي الصور ح تفهمي ودعني وقفل قفلت منو ودموعي كانت نازله وكل م اتزكر كلامو لي لمن قال لي طالما امك وابوك بصحه وعافيه وعايشين معاك دا كلو م مهم قلبي بنقطع كان نفسي اقول ليهو انت م جايب خبر م جاتني الشجاعه اقول الحقيقه لقيت التهرب حل ورغم انو م حل لانو م قنعان مني قشيت دموعي وقلت الحمد لله مشيت صليت واستخرت في موضوع اني امش للبت ولا م امشي ليها صحيت الصباح عندي عزيمه اني امشي شلت التلفون ورسلت ليها رساله قلت ليها انا ح الاقيك رجعت لي طوالي قالت لي بكره ان شاءالله لاني بعد بكره مسافره ووصفت لي محل نتلاقه وانا المكان ما بعرفو بقيت بفكر في الحا يمشي معاي منو ولا اسال منو وبالاخص هي كاتبه لي قالت لي ماف زول يعرف انك جاياني ولا اهلك والحاجه دي حيرتني بس كانت عندي قناعه انو م ح تجيني حاجه لاني اتوكلت علي ربنا في اليوم دا فهمت الشغل الراجل اداني صفحتين في الفيس بي اسمو وقال لي افتحيهم في تلفونك واعرضي الشغل البرسلو ليك وبنشط ليك بالشهر ووراني اعمل شنو كل القالو لي عملتو وهو مشهور شكلو لقيت طلباتك في نفس اليوم بقيت ارفع ليهو في الطلبيات وبوريني عمولتي كم قلت ليهو م مشكله انت شوف حساباتي في النهايه واديني ليهم قال لي ابشري م تخافي مني طالما وثقتي فيني م ح اكسر ثقتك دي وخصوصا عرفت ظرفك واتفهمتو شكرتو
اليوم كلو كنت مشغوله مع الشغل الجديد امي قالت لي التلفون دا بمرضك خليهو قلت ليها يلا دا شغلي الجديد عشان مافي الدخله والطلعه تقولي لي التلفون قالت لي لو فيهو قروش ما مشكله امسكيهو ساي كان ماسكاهو بقيت م بركز مع امي كتير عاوزه احاول علي قدر م اقدر اتجنبها وحسيت ابوي بعد عرفت حقيقتي بقا معاي حنين شديد وبفتيش بي اي طريقه يرضيني قلت ليهو ابوي انا ح ابقا كويسه لو شفتك بتصلي وماسك طريق ربنا قال لي انتي مفتكره انا كده مرتاح ابدا والله قلت ليهو طيب ي ابوي لو م مرتاح ارجع لي ربنا وانا ملزمه كل وقت اجيك انبهك واجيب ليك الابريق حدي عندك ولو م بتقدر صلي في الكرسي بس المهم تصلي ي ابوي قال لي كويس ي بتي قلت ليهو نقوم من هسي رايك شنو قال لي سمح جبت ليهو الابريق قام صلي وبقا يدعي لي انا كنت مبسوطه شديد قلت ليهو بكره الجمعه لازم تمشي الجامع انا بكوي ليك جلابيتك وامشي قال لي سمح وقلت ليهو عندي مشوار قال لي وين ان شالله قلت ليهو م بعيد عاوزه استأذنك امشي ليهو ولو م ضروري م كان استاذنتك قال لي طوالي امشي انا واثق فيك اكتر من نفسي
الصباح صحيت نظفت البيت وامي كانت مأجزه وطبعا كالعاده بعمل الاكل انا جهزت الفطور وبعد فطرنا كويت لي ابوي جلابيتو ومنتظره الاذان يأذن وامش انبهو لمن اذن دخلت لقيتهم بتتاقشو كانت عاوزه ترسلو بس قال ليها م بقدر امش جيت جبت ليهو الجلابيه وقلت ليهو الصلاه م تفوتك امي بي استهتار قالت ليهو قادر الله علي الصلاه ما ماشي لي عشان م ماشي تصلي قلت ليها يمه عليك الله خليهو وقت ربنا هداهو وعقبال م ربنا يهديك انتي سكتت م ردت علي ابوي استحما ولبس وطلع انا طوالي استحميت وصليت ومشيت الموعد ولا كلمت امي اتصلت علي البت قلت ليها انا منتظراك بقيت واقفه منتظره وظاهر علي خايفه اتصلت علي قالت لي وين انتي بقيت اوصف ليها جات بت شده م سمحه ونظيفه اختشيت اسلم عليها في يدها قالت لي انتي. نسيبه قلت ليها اي انتي منو وبتعرفيني من وين انا م بعرفك قالت لي انا بعرفك بس انتي م بتعرفيني وكدي ارح نقعد في مكان الوقفه حاره والشمس م بستحملها ليها حق البت سمحه سماحه تحير قلت ليها طيب دخلنا مطعم واول مره في حياتي اخش مكان نظيف كده قعدنا وطلبت لينا شي لا عرفتو بارد لا عرفتو قهوه المهم قلت ليها طيب انتي منو انا عايزه اعرف قالت لي طيب انتي ليه متوتره قلت ليها اعزريني م متعوده اطلع قالت لي طيب نوسه انا بت محمد قلت ليها محمد منو قالت لي محمد صاحب ابوك طوالي اتزكرت كلام ابوي انو محمد صاحب ابوي الحقيقي قلت ليها كيفك اي ابوي حكا لي عنو قالت لي انل كويسه انتي كيف قلت ليها الحمد لله قالت لي انا جيت احكي ليك كلام انا ابوي حكا لي بي قصتك الله يرحمو وما حكا لي اي زول وهو في فراش الموت انا كنت في بريطانيا اخر يوم منها ويموت قال لي كلمي نسيبه قلت ليها انتي بتعرفي ابوي وامي قالت لي انا بعرف اسماهم بس هم م بعرفهم يلا النوريك ابوك وامك غلطو مع بعض وولدتك امك وقالت تتخلص منك ابوك رفض المهم لغايه م ابوك الهسي اتبناك والشي العرفتو من ابوي ابوك وامك الحقيقين بعد ولدوك اتزوجو عديل وعايشين اجمل حياه وابوك راجل غنيان ومسؤول قلت ليها انتي بتعرفيهو طبعا انا دموعي نهاي م وقفت قالت لي انا م بعرفو بس بوريك زول بعرفو وللان ابوك بديهو قروش شهريا………..تتوقعو البعرف ابوها وامها منو يتبع