الحلقه السادسه عشر
_________________
سلوي بغضب : اخوكي مش كذاب يا يارا وانتي الي حبك للولد ده عماكي وخلاكي تتكلمي مع اخوكي كده علي كل حال الموضوع انتهي لحد كده
يارا: ماما حسام اهانه وتقوليلي الموضوع انتهي
حسام: برضه مصره اني اهانته انا قولتله هديلك الفلوس تجيب بيها الشبكه وتعمل الفرح ماصدق وفرح زى الاهبل من غير مايفكر معني كده انه طمعان في فلوسك ياعبيطه افهمي
يارا بغضب : ممكن تسيبوني لوحدي من فضلكم
وضعت سلوي يدها على كتف حسام وقالت بتفهم : يلا ياحسام هي لما تقعد مع نفسها وتفكر هتلاقينا احنا صح وعاوزين مصلحتها
اقترب حسام من يارا وهو يلمس شعرها ويقبل جبينها: أنا بحبك وعاوز مصلحتك انا ماليش غيرك
ظلت يارا طول اليوم بغرفتها منهمكه وسط دموعها الي ان هاتفها خالد
خالد: الو
يارا والدموع تملأ عيونها: خالد انا عاوزه اشوفك
خالد: اهدي بس يا حبيبتي
يارا: هشوفك بكره في النادي الساعه 9
خالد: اوك بس حاولي تهدي لحد ما اشوفك بكره
يارا: اوك سلام
خالد: سلام
عدي اليوم طويل علي يارا وفي الصباح الباكر قامت يارا من فراشها والتي لم تعرف طعم النوم قامت واغتسلت وارتدت ملابسها والتي كانت عباره عن بنطال اسود وبلوزه بينك وايضا حذاء والحقيبه من نفس اللون الأسود ووضعت القليل من حمره الوجه لتخفي ملامح التعب وتوجهت نحو باب الفيلا لكن اوقفتها سناء الخادمه
سناء صباح الخير ياست يارا
يارا: صباح النور ياسناء
سناء : احضرلك الفطار قبل ماتخرجي
يارا: لالا مستعجله وعندي محاضرات ولو حد سأل عليا قوليلهم نزلت الجامعه اوك
توجهت يارا نحو سيارتها ووضعت حقيبتها وهاتفها واستقلت سيارتها مسرعه وبعد القليل من الوقت بدأت سناء في تجهيز الطاوله بالفطور و ....
حسام: سناء هي يارا لسه ماصحيتش
سناء: لا يا سي حسام دي خرجت من شويه و بتقول عندها محاضرات النهارده بدرى ولازم تلحقها حتى مرضيتش تفطر
عقد حسام جبينه: طيب روحي انتي ياسناء
سلوي: صباح الخير ياحسام
حسام: صباح النور يا ماما
سلوي: مالك يا حبيبي
حسام: مافيش يارا نزلت بدرى وبتقول عندها محاضرات بدرى النهارده
سلوي بقلق: غريبه مع انها طول الفتره الي فاتت مكانتش بتنزل بدرى كده انا قلقانه عليها انا هكلمها اطمن عليها وبعد دقيقه
امسكت يارا هاتفها : ايوه يا ماما
سلوي: ايوه ياحبيبتي انتي كويسه يابنتي
يارا: ايوه يا مامي الحمدلله انا هقفل معاكي علشان عندي محاضره باي ياحبيبتي
سلوي: باي
حسام: هي كويسه
سلوي: اه وبتقول انها عندها محاضرات دلوقتي
حسام: طيب انا هنزل عندي شغل في المكتب ولازم اخلصه ..يااه نسيت اكلم بابا امبارح زمانه قلقان انا هنزل واكلمه من المكتب
سلوي: طيب افطر الأول ياحسام وبعد كده انزل
حسام: لالاهفطر هناك انا مستعجل جدا
تجلس يارا في النادى يارا منتظره خالد لياتى بلامبالاه وهو يقول...
خالد: صباح الخير يا يارا
يارا: صباح النور اتأخرت ليه
خالد: مكنتش هاجي بس ماحبتش اسيبك مدايقه
يارا: عارفه انك زعلان من حسام بس والله هو طيب ومكنش يقصد يدايقك
خالد: يارا اخوكي رفضني وكمان أهني بفلوسه فاكرني طمعان فيكو ولافي فلوسكو بعد ماسلمنى الشيك طردنى
يارا: بس كويس انك ماأخدتهمش كده انت كبرت في نظره ونظرى انا كمان
خالد: مين قالك اني ماأخدتهمش الشيك معايا فضل يزعق قولت اخدهم واريحه
يارا بإنفعال : ازاي ياخالد تعمل كده طبعا غلط كنت اصريت علي موقفك انت هتروح ترجعهومله ونستني لما بابا يجي وتروحله هو
خالد: نعم! انتى عوزانى اروح تانى بعد اخوكى مارفضنى وطردنى من عندكو انتى عبيطه ولاايه
يارا: عندك حل تانى!!
خالد: ااه اخوكى هو الى يجى يعتذرلى ويقولى انه موافق....
الحلقة السابعة عشر
_________________
يارا: بس يا خالد احنا الى محتاجينه مش هو
خالد: زى ما أهنى يجي ويعتذر وده الى عندى بقي انا ماشي سلام
وقفت يارا بسرعه: خالد استنى هتمشي وتسيبنى
خالد بالا مبالاه : عاوزه ايه يا يارا تانى عندك حل غير الى قولته
يارا بغضب : خالد انت بتكلمنى كده ليه .. انت ايه مبقتش بتحبنى ولاكان ليك غرض تانى
خالد بتردد: غرض ايه وبتاع ايه هو علشان بحبك يبقالى غرض تانى كده برضه يا يارا وبعدين انتى صدقتى حسام ولاايه
يارا بضيق: انا .. انا مكنش قصدى ازعلك صدقنى انا بحبك متزعلش انا بس متنرفزه بسبب الموضوع ده
نجح خالد فى رسم ملامح الحب والحنيه وهو يقول : خلاص يا حبيبتى ولايهمك مش زعلان
يارا: طيب اقعد نكمل كلامنا ونشوف هنعمل ايه
خالد: طيب وأدى قاعده ياستى علشان خاطر عيونك بس
فى شركة أمجد الجزار وبعد وصول حسام للشركة....
حسام: صباح الخير ياداليا
داليا: صباح النور يامستر حسام أخبار حضرتك ايه
حسام: الحمدلله حد سأل عليا
داليا: لايافندم بس في تليفون جه لحضرتك النهارده الصبح كانت واحده وطالبه معاد من حضرتك بتقول اسمها ساره ممدوح
حسام: ساره ممدوح !! غريبه خلاص اديلها ميعاد وخليها تجيلي
داليا: تحت امرك عن ازنك
حسام: اتفضلي
اخرج حسام هاتفه واحضر رقم والده و....
حسام: أمجد باشا صباح الخير
أمحد: صباح النور ياحسام
حسام: اخبار حضرتك ايه
أمجد: الحمدلله انا بخير طمنى اخبار الشغل ايه
حسام: تمام الحمدلله كل حاجه تحت السيطره
أمجد: عملت ايه في موضوع يارا امبارح
حسام: لالامتقلقش نهيت الموضوع ده خلاص
أمجد: طلع زى ماكنا فاكرينه مش كده
حسام: طبعا يا أمجد باشا ..للاسف طلع طمعان فيها وفى فلوسها
أمجد: الأهم من كل ده انه ميتعرضلهاش ياحسام
حسام: ممتقلقش ده الى قولتهوله وحذرته المهم انت بس ترجعلنا بالسلامه ..الواد احمد اخباره ايه
أمجد: كويس معايا اهو كل مانقابل حد ياحسام يقول وقعت عليه منين ده وبيحسدوا شركتنا عليه حقيقي ولد هايل
حسام: هههههههه طبعا مش تعليمى سلملى عليه......راجعين بكره ان شاءالله
أمجد: اه ان شاءالله
حسام: ترجع بالسلامه يا أمجد باشا مع الف سلامه
اغلق حسام الهاتف وسمع طرق باب مكتبه
اردف حسام قائلا : ادخلى يا داليا .. يتفاجئ وهو يقول ..يارا
يارا: أيوه يارا ياحسام
ابتسم حسام وهو يهم بالقيام : تعالى ياحبيبتى اتفضلي يااه اول مره تجيلي مكتبي نورتى الدنيا
يارا بإقتضاب : ولو مش حابب وجودى أمشي
حسام: لا طبعا ايه العبط ده أنا بس مستغرب واكيد حاجه مهمه الى خلتك تجيلي هنا صح
جلست يارا وهى تقول : يعنى حابه اتكلم معاك شوى بعيد عن جو البيت ممكن تكون هنا الطف
حسام: طبعا اوى اوى اتكلمى انا سامعك بس الاول تشربي ايه
يارا بأسلوب حاد : لالا انا مش عاوزه حاجه انا جايه اتكلم معاك كلمتين وهمشي
حسام : وانا تحت امرك يا حبيبتى اتكلمى
يارا: حسام انا طالبه منك تفسير للى عملته مع خالد
حسام اتضايق وقام من مكانه وهو يقول : تانى يا يارا احنا مش سبق واتكلمنا في الموضوع ده ونهيناه وعرفتى نيته
يارا: ياحسام انا متأكده ان خالد بيحبنى مش زى مانت فاكره صدقنى انا الى عرفاه مش انتو
حسام بضيق : وبعد الى حصل امبارح لسه بتقولى بيحبنى !
وهو لو بيحبك كان قبل الفلوس وكان هيقبل اهانته ماتردى وجاوبينى سكتى ليه....
يارا سكتت وبدأت تعيط
حسام بدأ ياخد نفس طويل علشان يهدا لما شاف دموعها : ياحبيبتى أنا والله عاوز مصلحتك انتى جوهره ومش عاوز اديها لأى حد كده وخلاص لازم ياخدك راجل يصونك ويحافظ عليكى ويكون عينه مليانه مش واخدك لمصلحه واول ماتخلص يرميكى افهمينى انا شاب واقدر افهم دماغ الشباب الى زى
يارا وسط بكائها: بس احنا بنحب بعض ياحسام افهم انت بقي مش كل حاجه الفلوس
حسام: يارا الى في دماغك في دماغك والموضوع انتهى خلاص بالنسبالى وده اخر كلام عندى وده رأي فيه ومش هغيره لما يرجع بابا يمكن يكون ليه رأي تانى
قامت يارا من مكانها وهى تنظر لحسام نظره حاده : حسام انت مش ولى أمرى انا ليا اب ولسه موجود انت مجرد اخ وبس ياحسام باشا وملكش انك تتدخل في مستقبلي انت فاهم
حسام بنظره صدمه وفى عدم استيعاب كلام يارا : انتى قولتى ايه يا يارا
يارا: الى سمعته ياحسام باشا.. سلااام
الحلقة الثامنة عشر
________________
بعد قليل من الوقت هدأ حسام وامسك هاتفه واتصل بوالدته و..
سلوى: الو ازيك ياحسام حبيبي
حسام بضيق بدا على صوته : ازيك يا أمى عامله ايه ياحبيبتى
سلوى بقلق : مال صوتك ياحسام انت كويس ياحبيبي
حسام: انا كويس .. بنتك كانت عندى من شوى وسمعتنى كلام سخيف زيها ومشيت
سلوى: تااااانى يا يارا استغفر الله العظيم يارب .. معلش ياحسام ياحبيبي حقك عليا انا الظاهر ان الولد ده مالى دمغها اوى ياحسام انا هروحلها البنت دى وهخليها تعتذرلك
حسام: لا يا امى انا من النهارده ماليش اي علاقه بيها خلاص
سلوى بضيق : أهدى ياحسام ياحبيبي دى برضه مهما كانت اختك الصغيره
حسام بغضب ظهر فى صوته وهو يقول : انا ماليش اخولت ومعلش يا امى هقفل دلوقتى لانى عندى شغل مهم لازم اخلصه سلام
سلوى بضيق : سلام يا حبيبي
بعد عده دقائق رن هاتف حسام ليجد المتصل أحمد
حسام: الو.. ايه يابنى واحشنى
أحمد: اهلا يا ابو النداله واحشنى ياض والله
حسام: حبيبي وانت كمان
احمد: والله كداب بقالى هنا ٣ ايام ومرفعتش التلفون وكلمتنى تسأل عامل ايه حتى ولا تشوف ابوك عمل فيا ايه هههههه
حسام: والله غصب عنى يا ابو حميد ..كان في شويه مشاكل هنا كده وكنت بخلصها وانت عارف انا لوحدى في الشركه
احمد: في مشاكل في الشغل ولا ايه !!
حسام: لالا متاخدش في بالك حاجه بسيطه المهم خلصتو هناك ولا لسه
احمد: ايوه الحمدلله كله تمام وكنا المفروض هنرجع النهارده بس حجزنا لبكره اوامر امجد باشا
حسام : ترجعو بالسلامه ..امجد باشا معاك
أحمد: لا انا كنت بجيب شويه حاجات من بره وهو هناك في الاوتيل
حسام: ماشي ياحبيبي خلى بالك من نفسك ومن امجد باشا سلام
احمد: ماشي ياكبير سلام .. اسرع احمد قبل ان يغلق الاخر الهاتف وهو يقول بقولك يا حسااااام
حسام : نعم
احمد: ايه عملتلى ايه في الموضوع بتاعى ياعم انت ناسينى ولا ايه وسألت يارا ولا لا
زفر حسام بصوت غير مسموع وهو يقول : لما ترجع بس متقلقش
احمد: اطمن يعنى خلاص
حسام: ماخلاص بقي يابنى انت عندى شغل هههههههه
احمد: ماشي يارخم سلام
أحمد محدثا نفسه الواد ده ماله في ايه صوته غريب يمكن يارا رافضه ومحرج يقولى....
وقف حسام في مكتبه يتحسس وجهه فى ضيق لتستأذن وتدخل داليا السكرتيره
داليا : مستر حسام الاستاذه ساره ممدوح بره وطالبه تقابل حضرتك
حسام بضيق : يااااه مش وقتها خالص دخليها يا داليا
داليا: تحت امرك
بعد ثوانى دخلت لمكتب حسام فتاه متوسطه الطول والجمال ترتدى چيب من خامه الچينز وچاكيت قصير وحذاء كعب عالى و..
ساره: صباح الخير ياحسام
حسام بدهشة من منظرها : صباح النور ازيك
ساره: اكيد افتكرتنى
حسام: اكيد بس ياترى انتى ايه الى فكرك بيا
ساره: طبعا تسمع عن شركة مستر يسري حامد
اومأحسام براسه وهو يقول: غنى عن التعريف برضه مافهمتش انتى هنا ليه النهارده وايه دخلك ب يسري حامد
ساره: يسري حامد ده يبقي جوزى وانا مديره اعماله وكنت جيبالك صفقه العمر
بالامبالاه اردف حسام قائلا وهو يرجع للخلف بكرسي مكتبه : تمام معاكى اوراق وتفاصيل الصفقه عشان ندرسها ونبلغك برأينا
ساره : هبعتهالك فاكس لانها مش معايا حاليا ادرسها كويس ورد عليا ok وانا واثقه انك هتوافق
حسام : اوك
ساره : ده رقمى .. هستأذن انا مش عاوزه اعطلك
حسام بالامبالاه : اوك مع السلامه ....
في ڤيلا أمجد الجزار ..وصلت سلوى وصفت سيارتها وتوجهت لداخل الفيلا و....
سلوى بغضب : سناء يا سناااء
سناء: نعم ..نعم ياهانم
سلوى: يارا رجعت ولا لسه
سناء:اه ياهانم رجعت من ساعه وكانت مدايقه ومرضيتش احضرلها الغدا
سلوى: مترغيش كتير وروحى انتى دلوقتى
سناء: حاضر ياهانم
صعدت سلوى لغرفه يارا ويبدو عليها الغضب الشديد و....
سلوى تطرق الباب : يارا ياااارا
يارا: ادخلى يا ماما
سلوى بحده : ممكن افهم ايه ال عملتيه النهارده مع اخوكى ده انتى خلاص اتجننتى يابنت ولا ايه
يارا ببرود وهى تمشط شعرها امام المرأه : انا معملتش حاجه غلط
سلوى: يعنى تروحى لاخوكى مكتبه وتغلطى فيه وتتكلمى معاه بكل وقاحه وتقولى مغلطش تبقي فعلا خلاص اتجننتى
اقتربت يارا من والدتها وهى تضمها فى دلال : مامى انتى الوحيده الى هتفهمينى وتحسي بيا انا وخالد بنحب بعض يبقي ليه تقفوا قدام حبنا دنا بنتكو الوحيده ومفروض انكم بتتمنوا سعادتى
سلوى : يابنتى افهمى ازاى بتقولى بعد كل ده بتحبيه ويحبك انتى شوفتى وسمعتى الى حصل بينه وبين اخوكى ده بيمثل عليكى دور الحب يابنتى عارفه لو كان رفض او حتى مثل قدام اخوكى انه رافض يمكن كان الموضوع اختلف حبيبتي
يارا: ماحدش ليه دعوه بينا مش عاوزين فلوس ولاعاوزين حاجه منكو خلينا نتجوز وعتميد علي نفسنا انا وهو
سلوى صفعت يارا على وجهها : أخرسي يابنت واتكلمى بادب بقي الظاهر اننا دلعناكى زياده عن اللزوم ....