الحلقة التاسعة عشر
________________
يارا والدموع تنهار من عينيها : اخرسي ..غلط ..ميصحش..عيب اتكلمى بأدب عن الاستاذ حسام طبعا ماهو الراجل الى متاح ليه كل حاجه وليه سلتطه وهو الٱمر الناهى لكن تقاطعها سلوى
سلوى بغضب : علشان لما تيجي تتكلمى عن اخوكى تتكلمى بأدب
خرجت سلوى من غرفه يارا والدموع تداعب عينيها غاضبه مما فعلته مع ابنتها الوحيده فحدثت نفسها ليه كده يا يارا انا عمرى مامديت ايدى عليكى انتى ال اضطرتينى اعمل كده ربنا يهديكى يابنتى
بعد قليل وصل حسام دون ان يتحدث لاحد ثم صعد غرفته
سناء اخذت تتمتم بصوت غير مسموع قائله : لااله الاالله مالهم كلهم والنبي البيت ده دخله شيطان ربنا يستر والنبي مناعارفه بقي احضر الغدا ولا ايه احسن حاجه اروح اسأل الهانم الكبيره وربنا يستر صعدت سناء لغرفه سلوى واستأذنت بالدخول
سلوى: ادخلى ياسناء
سناء: احضر الغدا ياهانم دلوقتي
سلوى: حسام رجع ولا لسه
سناء : رجع حالا وسألته ماردش عليا .. شيطان ياهانم ودخل البيت ده والله
سلوى: ربنا يستر ياسناء هو فعلا شيطان روحى انتى دلوقتى
رن هاتف سلوى ليعلن ان المتصل امجد
ابتسمت سلوى وحاولت اخفاء مايحدث : الو
امجد : ازيك يا حبيبتى عامله ايه
سلوى: الحمدلله يا امجد انت عامل ايه طمنى عليك حبيبي
امجد بإستغراب : مالك يا حبيبتى مال صوتك في حاجه حصلت مديقاكى ؟!
سلوى: لالا احنا بخير الحمدلله المهم هترجع امتى انت وحشتنا جدا
امجد: بكره ان شاءالله
سلوى: ترجع بالسلامه المهم تاخد بالك من نفسك
أمجد: حاضر ياحبيبتى مع السلامه
سلوى اغلقت الهاتف وتحدث نفسها " اقولك ايه بس يا امجد الحمدلله على كل حال"
يارا في غرفتها تتحدث ل خالد في الهاتف في الناحيه الاخرى كان خالد مع صحابه بيلعبوا بولة استميشن رن هاتف خالد
خالد: حبيبه قلبي ايه الاخبار ؟
يارا: ايه الدوشه الى عندك دى!!
خالد: مافيش مع صحابي قاعدين بنلعب بوله
يارا: والله ! ..طبعا مش هامك حاجه ولاحاسس بحاجه ولاعارف انا بعمل ايه عشانك دلوقتى وانت بكل بساطه بتلعب مع صحابك
خالد وهو يضغط على اسنانه : ياحبيبتى عوزانى اعمل ايه طيب انا مدايق اكتر منك وصحابي حبوا يخرجونى من المود الى انا فيه ايه حرام !!
يارا بغضب : خالد اتبسط براحتك خلاص ..سلاااام
ياسر: ايه يامعلم هى بدأت تخلع ولا ايه
خالد: مدايقه انها في مشاكل مع اهلها وانا هنا بتبسط ياعم
ياسر: مش مرتاح للموضوع ده حاسس انه مش هيتم
خالد: هو انا بلعب ولا ايه واشار باصبعه على راسه هنا في ترتيب لكل حاجه عيب عليك
ياسر: شكل دماغك ياصاحبي هتوديك في داهيه
خالد: سيبك انت وتعالى نكمل
في ڤيلا امجد الجزار ....
سلوى: سناء يا سناااء
سناء: ايوه ياهانم تحت امرك
سلوى: جهزى الغدا
صعدت سلوى لغرفه حسام وطرقت الباب فاذن لها بالدخول
سلوى: حبيبي مش هتتغدى معانا
حسام: لاياامى انا ماليش نفس اتغدى انتى محتاج ارتاح شويه
سلوى: طيب وحيات ماما تنزل تتغدى معانا
حسام: يارا عامله ايه لسه حابسه نفسها
سلوى: يارا مش عارفه مصلحتها ياحسام كل مابنقسي عليها بتزيد في عنادها
حسام: طيب روحى خليها تنزل تتغدى معانا يا امى
سلوى : حاضر يا حبيبي غير هدومك واحنا مستنيينك
اومأ حسام براسه علامه الموافقه
الحلقة العشرون
______________
التفوا حول مائده الغداء...
سلوى: مالك يا حسام مش بتاكل ليه ياحبيبي؟
حسام: مافيش يا امى ماليش نفس
يارا بضحكه خبيثة: سيبيه ياماما يمكن ضميره بيأنبه
حسام بغضب وهو يلقي الشوكه من يده : الظاهر انك لسانك طول زياده عن اللزوم وانا الى هقطعهولك
خبطت سلوى يدها على السفره وهى تقول بعصبيه : كفايه كده بقي بتعلوا صوتكم على بعض في وجودى انا تعبت بجد تعبت
يارا: مامى انتى شايفة هو ...
سلوى تقاطعها: أخرسي خاالص ..الظاهر انك اتدلعتى زياده عن اللزوم وانا هربيكى لانى معملتش ده بضمير وانتى صغيره
حسام وهو يقبل جبين امه : أنا اسف يا أمى عن أزنك ..وفي نفس الوقت ينظر ل يارا بتوعد
يارا: شايفه يا مامى ....
سلوى: يارا انتى زودتيها أوى خلاص مافيش بنت محترمة تكلم اخوها الكبير كده وعشان مين كمان
يارا بدلال : بس يا ماامى ..
سلوى: لامامى ولا زفت بقي يارا الولد ده ممنوع انك تشوفيه تانى ولايكون ليكى علاقه بيه من النهارده انتى فهماانى واظن انك سمعتينى كويس والا هبلغ بباكى بكل حاجه
يارا بإنفعال : مامى انا بحبه ومش هبعد عنه والا هموتلكو نفسي وده الى عندى
سلوى بتحدى : اعملى الى انتى عوزاه انا اخر كلام عندى قولته وانتى سمعتيه صعدت سلوى لغرفتها وظلت يارا تبكى وتوجهت لغرفتها امسكت بهاتفها وطلبت رقم خالد و.....
خالد: يارا حبيبتى وحشانى عامله اييه ياروحى
يارا والدموع تملأ عينيها : خالد انا خلاص تعبت اعمل حاجه لو فعلا بتحبنى بقي انا تعبت احارب لوحدي بجد
خالد: يارا أبوكى رجع ولا لسه
يارا: راجع بكره هتروحله صح
خالد: لاياحبيبتى انتى الى هتفاتحيه في الموضوع ده
يارا بغضب : خالد انت ليه محسسنى انه موضوعى لوحدى وانى انا بس الى بحبك انت مش عارف كم البهدلة الى انا بشوفها بسببك وحضرتك ولاانت هنا مقضيها سهر مع صحابك وخروج
خالد ببرود : يارا اهدى شوية ممكن ياحبيبتى والله بحبك ونفسي اهلك يوافقوا وبالذات الى اسمه حسام اخوكى ده
يارا بدموع عينيها : يعنى مش هتزهق وتستسلم ياخالد وهتحارب معايا
خالد: لاطبعا استسلم ازاى انا بحبك انتى عوزاهم يقولو انى كنت طمعان فيكى ولا ايه وده مش صح خالص
يارا: هما فعلا قالو كده بس مش مهم سيبك انتى من كلامهم بابا ان شاءالله هيوافق هو بيحبنى ومش هيحبنى اكون مدايقه انا واثقه
خالد شرد بتفكيره وتحدث لنفسة "ياريت يوافقوا وتكون طاقة القدر اتفتحتلى ونعيش بقي "
يارا: خالد ..خالد ..ااااالو
خالد: ها .. معاكى يا حبيبتى معلش
يارا: رحت فين عماله اكلمك وفجأه سكتت
تصنع خالد الزعل وهو يقول: لاابدا ياروحى بس خايف يحرمونى منك ويجبرونى اعيش بعيد عنك و...
يارا: متكملش انا بحبك ومقدرش استغنى عنك وهحارب الدنيا عشانك
خالد بخبث: يسلااااام يا حبيبتى هو ده الحب صحييح ولا بلاش هسيبك بقي دلوقتى عشان طالع البيت وانتى كمان عاوزك تهدى كده احنا بنحب بعض وحبنا اقوى من اى حاجه في الدنيا
يارا: طبعا ياحبيبي خد بالك من نفسك
اوك وانتى كمان سلاام
استسلمت يارا للفراش بسهوله وسعاده من كلام خالد
وفي صباح يوم جديد ومع اشراقة القرص الذهبي المنير يعلن بإشاعته الصافية عن بداية يوم جديد و......
سلوى : حسام
حسام : نعم يا امى صباح الخير حبيبتتى
سلوى: صباح النور ياحبيبي ايه نازل بدرى كده ليه ؟ مش هتفطر !
حسام : لا معلش يا امى عندى شويه حاجات اخلصها قبل ما امجد باشا يجي وانتى عرفاه وعارفه شعاره " لايؤجل عمل اليوم ال الغد " وخاصه اليومين الى فاتو الدنيا كانت ملغبطه شوى في الشركة ادعيلي بقي
سلوى: ربنا يحميك ياحبيبي ويوفقك
قبل حسام يد والدته : ربنا مايحرمنى منك حبيبي
سلوى: مش عاوزاك تاخد موقف من اختك انت عارفه انها لسه صغيره وطايشه وبتدلع عليك
تقاطعهم يارا : يارا يارا ايه خلاص مابقاش في البيت ده غير سيره يارا وبس وكمان اتجننت وطايشه.....
الحلقة الواحد والعشرون
____________________
يارا: خلاص البيت ده مبقاش ليه سيره غير يارا ولا ايه ناقص الشغالين كمان يجيبو سيرتى
حسام: انا ماشي يا امى وياله علشان انتى كمان تلحقي تروحى شغلك في ناس الكلام معاهم بيبقي خساره عن اذنك
سلوى تنظر ليارا بغضب : عندك حق ياحسام سلام ياحبيبي
يارا بغضب : اووووووف دى عيشه بقت تقصر العمر بجد
يمضى النهار دون ان يحدث شيئ يستحق ذكره الى ان دقت الساعة معلنه السادسة مساء موعد وصول طائره امجد ليجد حسام فى استقباله و....
حسام بإبتسامه : حمدلله على سلامتك ياحبيبي
أمجد: الله يسلمك ياحسام ايه الاخباركله تمام
حسام: طبعا تمام انت سايب وراك ضهر جامد ياباشا ولا ايه
أحمد: طبعا يا امجد باشا حسام راجل جد دنا اضمنه برقبتى هههههههههههه
حسام: اخدت مكانى يعنى خلاص هههههههه واحشنى ياض والله ولو انى كنت مرتاح منك ومن زنك ورخامتك الفتره دى
أحمد: شايف يا أمجد باشا لالا احنا ممكن نستغنى عنه وعن خدماته ونشوف حد مكانه
أمجد : ههههههههههههه عارفين ياولاد انا دلوقتى بس مطمن ان تعبي مش هيروح على الفاضي وان بقي ورايا ضهر صحيح اتنين يعتمد عليهم بجد واجدع من كونهم اخوات
حسام: حسك في الدنيا يا امجد باشا هو احنا لينا غيرك
احمد: فعلايا امجد باشا احنا مجرد تلاميذك
امجد: الحمدلله ان ربنى رزقنى بيكو ياولاد ربنا يخليكو ليا هفضل اقولها لأخر العمر
أحمد وحسام : ربنا يخليك لينا
أمجد: صحيح يا احمد اعمل حسابك انك هتيجي تتعشي معانا النهارده
أحمد: لامعلش ياباشا اعفينى انا النهارده هلكان جدا وعاوز ارتاح علشان اكون فايق للشغل بكره
حسام: ممكن تاخد اجازه بكره من الشغل وترتاح ده بعد اذن امجد باشا طبعا
أمجد: من غير اذن احمد ده ابنى التانى
أحمد: لالاملوش لزوم انا مش تعبان اوى كده الحمدلله
حسام: طالعلى واتعلم منى بيحب الشغل والمسؤليه تعليمى بقي
ضحك الجميع و..
بعد مرور فتره من الوقت وصل احمد لمنزله وانطلق حسام بالسياره وبعد ١٥ دقيقه من الوقت وصل حسام للبيت وترجلوا من السياره نحو الفيلا
سلوى بفرحه : حمدلله على سلامتك يا امجد
يارا: حمدلله على سلامتك ياحبيبي
امجد : الله يسلمكو وحشتونى الكام يوم دول
حسام: طيب عن ازنكو طالع ارتاح عاوز انام تصبحوا على خير
سلوى: مش هتتعشي ياحسام ياحبيبي
حسام: لا يا امى اكلت الحمدلله تصبحوا على خير
أمجد: وانت من اهله ياحبيبي
يارا محدثه نفسها "انا لازم اكلم بابا النهارده بس اجيبها ازاى بس ياربي وهو ينفع دلوقتي ولااستناه يرتاح
أمجد: يارا
يارا: نعم يا بابي
امجد: مالك شايفك سرحانه في حاجه ياحبيبتى
يارا بتردد: لالا ابدا ولاحاجه بس ...
أمجد: بس ايه مالك ياحبيبه بابا عاوزه تقولي ايه
يارا بتردد: بصراحه عوزاك في موضوع كده يا بابي بس بعد ماحضرتك ترتاح وتتعشي
أمجد: وهو كذلك هقوم اغير هدومى على ما العشا يجهز علشان جاى هلكان خاالص
سلوى: قوم ياحبيبي غير هدومك وهخلى سناء تحضر العشا حالا
نظرت سلوى ل يارا بتوعد قائله : خلااااص مش قادره تستنى لما ابوكى يرتاح وياخد نفسه ده لسه راجع من السفر اتغيرتى اوى كده ليه
يارا: منا بصراحه كده تعبت من الموضوع ده ولازم نشوفله حل و النهارده
سلوى: انا مش عارفه اخره جنانك ده هيودينا على فين ....سناء يا سناء حضري العشا بسرررعه
سناء: حاضر ياهانم
وبعد دقائق..
سلوى: ياله ياحبيبي العشا جاهز
أمجد: ماشي ياحبيبتى
جلسوا حول مائده الطعام وبدأوا تناول العشاء سويا
اردف أمجد قائلا وهو ينظر الى يارا يقول: ها بقي ياحبيبه بابي كنتى عوزانى في ايه خير ؟