بسم الله توكلت علي الله. وهو رب العرش العظيم
وهنا يسمعوا صوت سرينه البوليس تحت في الشارع فقال صدام ل دياب
الحكومة وصلت يا ابن المنحوسة
دياب
اتصرف. بسرعه
صدام
عيني بس كدة
وجري صدام خرج من الاوضة ودياب بيقول
بتجري يا جبان
وسمع صوت الظابط والعساكر وهما بيسالو عن الاوضة المحجوزه فيها زينه وفعلا راحو ناحية الاوضة وفتحوا الاوضة علشان يلاقو الاوضة فاضية استغرب الدكتور المعالج وساله الظابط وقال
هي فين يا دكتور
بص الدكتور للممرضة وقال
فين المريضة اللي كانت هنا
الممرضة
انا كنت سايبها هنا بالظبط من ساعه بعد ما اديتها العلاج
الظابط للممرضة
يعني تكون راحت فين
الممرضة
والله ما اعرف. بس هي كانت اسالتها كتير وعايزا تمشي من المستشفي باي شكل. ما عرفش لية
الظابط
ولية تبقي عايزا تمشي في حد ضايقها
الممرضة
ابدا والله هي حالتها النفسية كانت في النازل بسبب انها مش فاكرة هي مين وكانت متعصبة علشان خاطر كدة
الظابط للدكتور
ودة طبيعي يا دكتور
الدكتور
طبعا يا فندم تخيل لما تصحي من النوم تلاقي نفسك مش فاكر انت مين تاريخك كله اتمسح. اكيد مش اي حد يقدر يستحمل الحاله دي. وباين كدة ان الوضع معها قلب بهياج شديد ودة بقي ما نقدرش نتحكم في الا بعلاج طويل المدي لغاية ما المريض يقدر يستعيد ذاكرتة
الظابط للعساكر اللي معه
فتشوا المستشفي ركن ركن واقلبوا عليها الدنيا.
ومسك اللاسلكي بتاعه وقال
اشارة اشارة. علي جميع الوحدات سرعه التوجه الي شارع 32. منطقة المنيب والبحث عن فتاة فاقدة للذاكرة عندها 25 سنه.لابسة فستان فرح
الدكتور قال
عليه نقط دم اسفل الدماغ من وراء مكان اصابتها وبعض البقع علي منطقة الصدر
قال الظابط في اللاسلكي نفس اللي قاله الدكتور وكمل وقال
برجاء سرعه التحرك وابلاغي باي جديد.
وحط الظابط اللاسلكي تاني في جنبه وبص للدكتور وقال
تقدر توديني عند الشاب اللي جه معها في الحادثة
الدكتور
طبعا يا فندم اتفضل
وراح الظابط والدكتور ناحية الاوضة اللي فيها دياب اللي كان نايم مغمي عليه ووشة غرقان دم وبوقه بيجيب رغاوي بيضاء. جري عليه الدكتور بسرعه وبدأ يقيس له النبض فقال الظابط
هو ماله
الدكتور
باين عليها حاله تسمم. وواضح ان الجرح اللي في دماغه اتفتح تاني غرق وشة دم
الظابط
يعني هيعيش
الدكتور وهو بيرفع جفن العين علشان يشوف القرنية
باذن الله.
وندهه علي الممرضة وجت الممرضة ووقفت قدام منه فقال لها
تاخدي المريض دة بسرعه وتعملي له غسيل معدة.
وفعلا بسرعه اتحط دياب علي الترولي بتاع العمليات واتحركت بي الممرضة وعملت له غسيل معدة وبدأ دياب يستعيد وعيه. وقال للدكتور
ابوس ايدك ظهري وجعني اوي. اديني اقوي مخدر عندك خلي الوجع دة يخف
الدكتور
هديك اقوي مخدر عندي. اطمئن
وفعلا ادي الدكتور حقنة بنج موضعي مركز ل دياب وقال
ثواني بالظبط وهتحس انك بقيت احسن
وجه للدكتور مكالمة فرد وهنا بدأ يتعافي دياب ويحس فعلا انه بقي احسن. وخلص الدكتور المكالمة ورجع تاني ل دياب. وبص للجرح اللي الخياطة بتاعته فكت وكان مستغرب وبيقول للممرضة
غريبة الغرز اتفكت بفعل فاعل
هنا قام دياب وقف علي رجله بصعوبه وقال
انا اللي فكتها يا عسل
وضرب الدكتور ضربه فقدته الوعي ولسة الممرضة هتصرخ كان مصيرها نفس مصير الدكتور وقلع البالطو للدكتور ولبسة هو وحط علي وشة كمامة من بتاعت الكورونا. وخرج من اوضة العمليات ومشي في المستشفي وهو بيتوجع وظهرة مش قادر منه لغاية ما قدر يخرج من باب المستشفي وشاور لتاكسي وركبة واتحرك بي التاكسي ،،،،،،،،،
ومن قدام الاوضة اللي ساكن فيها صدام تقف عربية صدام وينزل منها ووهو معه زينه وكان بيقول لها وهو بيفتح الباب
خشي يا عروسة برجلك اليمين.
وبمجرد ما حطيت زينه رجليها جوة الاوضة اللي عايش فيها صدام مع نحمدة يسمع صويت نحمدة جاي من اخر الاوضة وشبشب طاير جه في وشة ونحمده بتقول
انت قادر تفكتر واحدة لما تروح تجيب واحدة تانية تفتكرها يا ناقص
صدام
يا صايعة انتي فهمتي اية.
نحمده
فهمت اية داخل عليه بواحدة شبة حلاوة المولد ولابسة فستان فرح يبقي اية. ولفة دماغها بشاش كله دم لية. انت كتبت كتابك عليها في الهلاوين
صدام
هلاوين. اية يا غبية. دي مش بتاعتي. دي بتاعت دياب
نحمده وهي بتحط ايدها في وسطها وبتقول بعوجان
ودياب مداهلك لية انت تدخل عليها بدل منه.
صدام
ما تتعدلي يا نحمده وافهمي
نحمده
افهم اية. انا نحمده الصايعة اول رقاصة ترقص علي فلاشة في مصر. انا نحمده اللي عملت ل فنزاتي اللي اغلي من حياتي. انفولو. تيجي الدنيا عليها وجوزي بيتجوزي عليه. كنت قصرت معاك في اية
وبدات تبص ل زينه من فوق لتحت وهي بتقول
فيها اية زيادة عني. صايعة زيي. وربنا ابدا. تايبة من الخطيئة زيي وربنا ابدا. خبرة مثلا. زيي وربنا ابدا. غلبت الشيطان زي ما انا غلبته وربنا ابدأ بترقص زي،،،،،،،،،،
صدام مقاطعه لها
ما تبس بقي اية قصيدة وربنا ابدا. ل نحمده فؤاد نجم.
ولف صدام ايدة حوالين وسط نحمده وقال بدلع
يا صايعة دي مرات دياب. انا برضو يبقي معايا الفار الكبير
وابص للعرسة دي
نحمده بحب
اة منك انت اهو كلامك الحلو دة هو اللي جابني. طيب اية مش هتفتكرني بقي
وضحكت ضحكتها ام صوت عالي. فقال لها صدام
بس بس في بنت بنوت واقفة معانا. لية بس تسمع الضحكة دي بعدين تفتكرها غارة.
ضحكت اوي نحمده وادلعت علي صدام وقالت
طيب اية مش عايز تتعرف عليه خالص هه
صدام
يا صايعة بطلي بقي مقاطع التيك توك الساخنة دي. وخدي سمر علي الاوضة وخليها تغير هدومها
بصت نحمده حوالين منها وقالت
اني اوضة
صدام
نسيت صحيح دي الشقة كلها اوضة خلاص هطلع انا برة
ولسة هيخرج صدام قالت نحمده
صدام
بص لها صدام وقال
نعم
نحمده قالت وهي بترقص
بيبي. كام دون كام دون
صدام
كام دون. ودين النبي ليغلو التاتش بسبب اهلك
وخرج من الاوضة واتصل علي دياب لكن موبيل دياب كان مقفول. فقال لنفسه
يا تري الحكومة عكشته ولا عرف يفلق منهم،،،،،،،،،
ومن جوة المستشفي يقف الدكتور قدام الظابط وهو بيسد الدم اللي نازل من مناخيرة بسبب ضربة دياب لي وقال الظابط
يبقي الواد اللي هرب دة وراء منه حكاية
الدكتور
اكيد والا كان هرب لية
الظابط
خلاص يا دكتور هطلب رسام من الداخلية يجي وتوصفة بالملي يمكن نقدر من وصفك نوصل له،
الدكتور
اوصفه ازاي بس ووشة وارم في مناطق كتير بسبب الحادثة
الظابط
بشكل تقريبي واحنا هندور عليه في السجلات عندنا، ،،،،،
ومن جوة الاوضة بتاعت صدام كانت نحمده غيرت ل زينه قلعتها فستان الفرح ولبستها جلبية من بتوعها وهي بتقول
معلش بقي يا سمر هي الجلبية واسعه عليكي شوية انما بمجرد ما تاكلي حلتين محشي وتنكدي علي جوزك يوميا هتتخني وتمليها.
لكن زينه كانت ساكتة وسرحانه ونحمده بتقول لها
سمر انا بكلمك
زينه
سمر هو دة اسمي
نحمده
هو انتي مش عارفة اسمك ولا اية.
زينه
طالما انتي بتقولي سمر وعم صدام بيقول سمر يبقي اكيد دة اسمي مش كدة
نحمده
بت. انتي بتبرشمي ولا بتاخدي استروكس. انتي مش عارفة اسمك اية
زينه
ما عرفش. انا كنت في المستشفي وحسيت اني مخنوقة استغليت ان ما فيش حد معايا في الاوضة خرجت من المستشفي وكنت بعيط. وساعتها، ،،،،،،،،،
ومن الشارع اللي قدام المستشفي تمشي زينه وهي منهارة من العياط وفي نفس الوقت كان صدام طالع جري من المستشفي في داخلة البوليس وركب عربية الميتين بتاعته وقال ل خشاب الصبي بتاعه
اطلع يا خشاب
خشاب بقلق
في اية يا معلم صدام
صدام
انت حمار وكمان غبي مش شايف الحكومة ازاي في كل مكان
خشاب
وانت قلقان لية من الحكومة
صدام
ايوة صح واحد سوابق زيي مسجل خطر يقلق لية.
وضرب صدام خشاب علي قفاه وقال
اطلع بدل ما اندهه للحكومة واقول لهم علي البرشام اللي في جيب امك
خشاب
وعلي اية. الطيب احسن
واتحرك خشاب بالعربية وهنا شاف صدام زينه بفستان الفرح والدم علي فستانها فقال لنفسه
اكيد دي زينه بس خرجت من المستشفي ازاي. انا مالي المهم انها بعيد عن الحكومة اخدها في طريقي واقول ل دياب انا خطفتها واخد من امه 50 الف ج.
وبص صدام ل خشاب وقال
اقف قصاد البت دي
وشاور صدام علي زينه فقال خشاب
خلاص صغرنا احنا اوي كدة علشان نجيب حريم من الشارع.
صدام بعصبية
يا بقرة حمزة. اقف قدام البت دي من غير اي كومنت والا هعمل لك بلوك من حياتي
راح خشاب بالعربية ناحية زينة ووقف قدام منها بالظبط ونزل صدام من العربية ووقف قدام زينه وقال
سمر يا بنتي
بصت له زينه باستغراب وقالت
انت تعرفني
صدام
الا اعرفك دة انتي مرات الغالي اخويا وصاحبي دياب
زينه
وما تعرفش فين دياب دة
صدام
تعالي معايا وانا اوديكي لي
وركبت زينه العربية وهنا بدات الحكومة تظهر في الشارع وشافهم صدام فقال ل خشاب
ارجع بينا علي المقابر. وفلق بعيد عن اي كمين. انت فاهم،
ونرجع تاني للاوضة ونحمده بتبص ل زينه وبتقول
حكاية غريبة. ولازم اعرف من صدام انتي اية
وقامت نحمده وفتحت الباب لقيت صدام قاعد مع دياب فدخلت تاني وقفلت الباب وقالت
يمشي دياب وبعد كدة ليا كلام تاني معاك يا صدام، ،،،
وفي نفس الوقت كان صدام بيقول ل دياب
وانت ازاي عرفت تهرب منهم
دياب
اول ما شميت ريحة الحكومة في المكان ساعه ما انت جريت كدة. كان لازم اتصرف وامشي لان اكيد الدكتور كان هايجيب الظابط ليا. بحكم اني انا اخر واحد كنت مع زينه
بس اقوم ازاي وانا ظهري بيوجعني. افتكرت ان معايا في الجيب السري بتاع البنطلون برشام من اياه. قومت رفعت حباية
صدام
يخرب بيتك دة يعمل لك تسمم مع المحلول اللي كان متعلق لك
دياب
عارف وقصد اعمل كدة. وقبل مفعول البرشامة ما يشتغل كنت فاكك الغرز اللي في دماغي علشان الجرح يفتح تاني والدم يغرق وشي
صدام
ولية عملت كدة
دياب
علشان الظابط ما يشوفش وشي يا غشيم
صدام
ما الحكومة عندها رسامين وهيعرفوا يرسموا ملامح وشك من شهادة اللي شافوك
دياب
الرسم مش هيطلع مظبوط علشان الكدمات اللي في وشي يعني جنب عيني اليمين وارم وعند عيني الشمال في خربوش وبوقي وارم هيرسموا اية واحد متشلفط. انما الظابط لو كان شافني كان هيحفر شكلي في دماغه
صدام
انت بتلعب بالنار
دياب
ما تخفش عليه انا مش سوابق زيك يا صدام يا حرامي علشان الحكومة تعرف لي طريق. قولي بقي اول ما دخلت عليك قولت لي عندك ليا خبر حلو
صدام
خبر يساوي 50.الف ج.
دياب
قول انت الخبر وانا احط له سعر
صدام وهو بيقف
طيب تعالي معايا
دياب
علي فين بس
صدام
نخش الفيلا بتاعتي
وفعلا دخلو الاوضة. وتقع عين دياب علي زينه فيقول بفرحة
زينه
وهنا تبص له زينه وتقول
زينه. انا سمعت الاسم دة قبل كدة.
وقامت زينه فقال صدام ل دياب
انت عبيط زينه مين بس انت نسيت مراتك سمر. يا دياب
وراحت زينه ناحية دياب اللي كان بيقول بارتباك
ايوة صح. سمر مراتي حبيبتي
نحمده ل صدام
هي زينه ولا سمر
صدام
اسكتي انتي دلوقتي
ووقفت زينه قدام دياب وصرخت وقالت
انت. ايوة انت.
وقربت منه اكتر وهنا،،،،،،،،،،،،،.