رواية براءه الام الخائنه الفصل الثاني 2 بقلم ياسر عوده
قبل ما نبداء بقول لاي حد ان القصه متذاعه بقناه على اليوتيوب ومش سامح لاي حد يخدها ويذعها.
بقلم ياسر عوده #القَصَّاصْ
الاول اذكر الله وصل على الحبيب المصطفى وادعوا لاخوانكم بفلسطين والسودان وكل بلاد المسلمين .
اتمنى منكم تعلقوا اقل حاجه 10 تعليقات ده غير التفاعل ده اللى بيشهر الصفحه واعتبروه ده تقدير من حضراتكم ليا وشكرا احبائي.
كنت عارف ان كلامي اللى قولته كان كفيل ان يخليهم عاوزين يولعوا في امهم، والحقيقه هو ده اللى حصل لان الثلاثه راحوا ل امهم وهناك اتعصبوا عليها وسألوها عن الشباب اللى بيرحولها، وطبعا هي انكرت زي المره اللى فاتت، بس المرادي طه واخواته كانوا واخدين القرار، وقرارهم انهم لازم يقتلوا امهم اللى كانت مصممه تفضحهم وتدمر سمعتهم.
لما اشتد الخلاف بنهم، اول واحد اتصرف كان كمال اللى حط ايده على بوق امه علشان يمنعها من الصراخ والاستغاذه باي حد، وراحت هناء جابت سكنتين من المطبخ وادت ل اخوها طه وخدت هي وحده، وابتدوا يطعنوا في امهم اكتر من طعنه، وبعد لحظات فارقت امهم الحياه وساعتها قاعدوا وهما مصدومين من اللى عملوه، بس بعد ما ابتدوا يفوقوا من الصدمه كان لازم يبتدوا يتصرفوا في الجثه، وراحت هناء اشترت شنط سوده وابتدوا هما الثلاثه يقطعوا في جثه امهم، وبعدها اتخلصوا منها ورموها عند صناديق الزباله.
تحقيقات الشرطه ماقدرتش توصل لليهم، علشان ماكنش في اي دليل يوصلهم للجناه او حتى يعرفهم مين هي صاحبه الجثه، الموضوع مش صعب على فكره، كل اللى محتجينه انهم يمسحوا كل البصمات من على الجثه، ودي كانت عاجه ساهله لانهم جابوا مجموعه مطهرات ومنظفات ورموها على على الجثه اللى جردوها من كل الهدوم، طبعا ممكن انتم تستغربوا من الموضوع دا وتسألوا مثلا معقول عيالها يعملوا فيها كده؟
اقدر اقولكم بكل ثقه انهم هن عليهم انهم يقتلوها اصلا، فاكيد بعد القتل اي حاجه هتبقى متاحه للتستر على جريمتهم، وكمان هما كانوا مقتنعين ان امهم كانت عاصيه وعملت ذنب كبير في حقهم باللى هي عملته، علشان كده كان متاح ليهم انهم يعملوا اي حاجه علشان يداروا على جريمتهم لانهم كانوا بيدافعوا عن شرافهم وبيستروا الفضيحه اللى هي عاوزه تعملهلهم.
وحتى الوش كان متشوه وطبعا علشان مافيش حد يقدر يعرف مين صاحبه الجثه، ودي كانت تاني حاجه قدروا يعملوها علشان يخلوا الشرطه مايقدروش يوصلوا لمعرفه شخصيه صاحبه الجثه، ومش بس شوهوا الوش دوول كمان شوهوا البصمات لما حطوا ايديها الاتنين في ماده كاويه لتشويه البصمات نهائيا.
وبكدا مافيش حد يقدر يتعرف على الجثه، واما الخطوه التانيه المهمه اللى ممكن الشرطه توصل بيها لصاحبه الجثه هي عن طريق محاضر التغيب اللى بيعملوها الاهالي، واللى المفروض ان عيال رجاء يروحوا لقسم الشرطه ويقدموا محضر تغيب ل امهم، بس الحقيقه هما ماقدموش محضر تغيب، وزي ما قولت قبل كده رجاء ماكنش ليها حد وعلشان كده مافيش حد اهتم يقدم محضر تغيب ل رجاء، وبعد مرور كام شهر من ظهور جثه رجاء، يأست الشرطه وقررت حفظ القضيه.
انا كنت فاكر وقتها ان كل حاجه انتهت، خلاص انا خدت تاري من رجاء، اما بالنسبه ل عيالها فدوول ولاد خالي واللى بعذهم، وطبعا مراتي هناء دي بحبها واتجوزتها عن حب، فاكيد مش هروح ابلغ عنهم خالص.
بس طبعا في سؤال مهم دلوقتي عاوزين تعرفوا اجابته، انا ليه عملت كده في رجاء مرات خالي حسين، ودلوقتي هقولكم اللى حصل بالتفصيل.
انتقامي من رجاء كان بسبب حاجه حصلت من زمان اوي، لما خالي ارتبط ب رجاء واتجوزها، كانت ساعتها امي لسه عايشه، وكان اسم امي سعاد، وكانت علقتها ب رجاء سيئه اوي، ماكنتش بتحب رجاء، ولا حتى رجاء بتحبها، بس خالي اختار رجاء وصمم عليها وقال انه بيحبها اوي، وصمم انه يتجوزها ومافيش حد كان قادر يخليه يغير قراره.
وبعد الجواز بداءت المشاكل بين امي ورجاء، كل وحده فيهم كانت شايفه التانيه شيطانه، وكانت بتتمنى تخلص من التانيه، وكان ابويا وقتها كان علقته ب امي وحشه اوي، ابويا كان شخص عصبي جدا وتصرفاته مع امي صعب اي وحده تتقبله، كان ديما بيهنها بأي شتيمه انت ممكن تتخيلها، وكمان كان مدمن كحول ودي حاجه ماكنش في حد يقدر يمنعه عنها، ولما كان بيشرب كان بيتصرف تصرفات صعبه اوي، زي انه مره من المرات جاب وحده من اللى اتعرف عليها في الشارع وصمم انه يعمل معاها علاقه في الشقه اللى امي عايشه فيها، ولما جابها امي اتخنقت معاه واتطاول عليها وقتها وضربها ضرب جامد، وفعلا نفذ اللى هو عاوزه وعمل علاقه مع الست دي وعلى سرير امي، ولما اشتكت امي ل اخوها وعرض عليها يطلقها من ابويا هي رفضت، خافت عليا وعلى اخواتي اننا نتبهدل ونعيش ايتام رغم ان ابونا عايش، وفي وسط المشاكل الكتير اللى حصلت دي ل امي ظهر شخص اسمه سامح، ومعرف شدا ظهر منين، ولما شاف امي وبالصدفه عرف المشاكل اللى هي عايشه فيها، ساعتها قرر يدخل حيتها وكان ده سبب دمارها، سامح ابتدي يرسم عيها ويبين اهتمامه، وبقى بنهم لقاءات ومكالمات ورغم ان الموضوع مااتطورش اكتر من كده، بس رجاء عرفت باللى بنهم، وساعتها شافتها فرصه كبيره علشان تنتقم من امي، وعلشان كده هي اتكلمت على امي وقالت انها على علاقه غير شرعيه باللى اسمه سامح، والكل صدقها حتى خالي صدقها، وحاولت امي تدافع عن نفسها بس ماعرفتش، وكانت النتيجه انها لما ماقدرتش تدافع عن نفسها والكل ابتدى يعايرها بانها خاينه قررت تنهي حيتها، ايوه رجاء هي السبب، هي اللى خلت امي تقرر تنتحر علشان تخلص من اللى هي فيه، عارف ان امي غلطت لما دخلت شخص زي سامح حيتها، بس كان لازم تتعاقب على قد غلطها، مش يجبروها انها تنتحر بالشكل ده، ومن ساعتها وانا مقرر اني انتقم من رجاء، ايوه هي رجاء سبب اللى حصلها، ماكنش لازم تعمل فيها اللى هي عملته، كان كفايه عليها اللى كانت بتشوفه من جوزها، وعلشان كده انا خطط لكل حاجه بدقه علشان افضح رجاء زي ما هي فضحت امي، اوعوا تفتكروا ان انا روحت وبلغت عيالها بان امهم سمعتها وحش في السكن جديد بس، لا الحقيقه انا اللى عملت كل حاجه، ورجاء كانت بريئه اصلا وماعملتش اي علاقه غير شرعيه مع فريد صاحب ابنها كمال.
عارف انكم حابين تعرفوا انا عملت كل ده ازاي، وعاوز اقولكم الموضوع سهل جدا فوق ما تتصوروا، والسبب هي التكنولوجيا الحديثه والذكاء الاصطناعي، ايوه الذكاء الاصطناعي اللى ممكن تستخدمه بكل بساطه علشان تقدر تعمل فضيحه صعب اي شخص عادي يكشفها وهعرفكم انا عملت كده ازاي.
كل اللى انا كنت محتاجه علشان اعمل فديوهات ل رجاء مع فريد صوت رجاء وصوت فريد، وطبعا صوت رجاء سهل انا اتصلت عليها مره على اساس بسأل على خالي حسين، ولما ردت عليا واتكلمت معايا انا سجلت صوتها في المكالمه، وكمان كان سهل اصورها من غير ما تنتبه واحنا موجودين، اما بالنسبه ل فريد فانا اخترته لاني قابلته مره مع كمال ابن خالي، ولما اتقابلنا فضلنا نتكم سوى ونحكي في مواضيع كتير، وبعدها خدت رقمه وكلمته في اي موضوع وسجلتله، وكمان صورته صوره سريعه من غير ما ينتبه لما قابلته مع كمال، وبكدا بقى عندي صوت فريد على التليفون.
كنت اللى محتاجه تاني صوره لغرفه نوم خالي ومراته، وعلى فكره الموضوع مش صعب، انا كان عندي الوقت الكافي اني اعمل ده، طبعا علشان انا من العيله وكمان جوز هناء كنت بقدر ادخل عندهم البيت في اي وقت، وكان ليا حريه التحرك في الشقه، بس دخولي اوضه نوم خالي كان لازم يحصل بطريقه ماتخليش حد يشك فيا، وده اللى حصل لما كنت محتاج ابقى موجود لوحدي في الشقه، وكان الموضوع محتاج تخطيط كويس، في يوم كنا رايحين انا وهناء ل شقه ابوها، وهناء كان معاها المفتاح دخلنا لما خبطنا وملقناش حد، ولما اتصلت هناء ب ابوها وسألته عن مكانه قال انه قدامه عشر دقايق علشان يوصل وانه كان في مشوار مع مراته رجاء، ساعتها كنت محتاج اتخلص من هناء، ودا اللى عملته لما اديتها مفتاح العربيه وطلبت منها تدور على المحفظه بتعتي في العربيه لاني شاكك اني نستها او ضاعت مني، وفعلا هي خرجت ووقتها دخلت اوضه خالي وصورت الاوضه صور وفديو، ولما جت هناء وقالتلي انها مالقتش المحفظه، ساعتها عملت نفسي اني لقتها في جيب الجاكت وكنت ناسي.
وبعد ما جمعت كل حاجه محتاجها انا دخلت على موقع من المواقع اللى بتقدر تصمم فديوهات بالذكاء الاصطناعي وطلبت منهم يعملولي فديوهات للاشخاص بمقابل عشر دولارات، وطبعا النتيجه كانت مذهله، بس علشان يبقى كل حاجه تبان طبيعيه انا خطيت تشويش على صوره رجاء وفريد ورفعتهم لاكتر من موقع من المواقع الاباحيه، وبكدا انا حضرت كل حاجه ورميت الطعم وكنت مستني لما الفريسه تاكل الطعم، الموضوع ماكنش سهل وكان ممكن يقعد كتير اوي، وهو خد شهور وكنت بعيد رفع الفديوهات في كل حته، كنت متأكد ان في يوم من الايم حد من ولاد خالي هيشوفه، وكان عندي استعداد انا اللى اورهلهم لو ماكنش صاحب كمال شافه ووراه لكمال علشان تكمل الخطه اللى كنت حطتها، وطبعا انتم عارفين الباقي وازاي ماتت رجاء وخدت انتقامي.
كنت فاكر ان الحكايه خلصت لغايه هنا، بس للاسف حتى لو الشرطه ماقدرتش توصل للحقيقه، في حقيقه تانيه واضحه زي الشمس، ان الحقيقه لازم تظهر باي شكل من الاشكال، وان من قتل يقتل ولو بعد حين، وعلشان كده هحكلكم اللى حصل واللى بيخليني احكي دلوقتي كل حاجه وبكل صراحه.
ماتت رجاء بس زي ما قولتلكم مامتتش الحقيقه، واول حاجه حصلت اني كنت في يوم نايم بشكل طبيعي، نايم جنب مراتي هناء، طبعا هي ماكنتش تعرف الحقيقه، بس انا حلمت حلم غريب ومالهوش تفسير، حلمت اني نايم جنب هناء وفجأه شوفتها قامت من على السرير، لما قامت بصتلي وانا نايم، وبعدها قامت من على السرير وخرجت من الاوضه، ماكنتش عارف هي رايحه على فين، ولقتها دخلت المطبخ وفتحت درج المطبخ وخدت سكينه، وبعدها رجعت تاني على اوضه النوم، وقعدت جنبي وبعدها رفعت السكينه علشان تضربني بيها، ساعتها انا صحيت وسألتها:
-انتي بتعملي ايه يا هناء؟
سألتها السؤال ده وانا خايف منها ومرعوب ومش عارف هي بتعمل كده ليه، ولقتها بتقولي:
-باخد حق امي منك.
وبعدها نزلت بالسكينه عليا، وانا فوقت وقتها من النوم، كان حلم طبعا وبصيت جنبي لقيت هناء نايمه زي ما هي، انا لما قومت كنت برتعش، مش قادر اتخيل ان هناء ممكن تعمل اللى شوفته في الكابوس، معقول هي تعمل في جوزها كده، بس ليه لا، ما انا كنت السبب في موت امها، وبعدين هي هانت عليها امها وقتلتها بكل سهوله، فاكيد هيهون عليها قتلي، هي اللى كانت حكتلي ازاي دخلت المطبخ عند امها وجابت السكاكين علشان تقتلها مع اخوتها، اكيد هناء مابقتش نفس البنت اللى حبتها زمان، اكيد هي اتغيرت والدليل انها قتلت امها.
(( ساعدني واعمل شير لصفحتي ))
يتبع...............................