الحلقة السابعة
**************
حسام: ماتتكلم يابني في أيه
أحمد بتردد: بصراحة الموضوع يخص أختك يارا
حسام بإستغراب: مالها يارا !!
أحمد: انا عاوز اتقدم لها ياحسام بس أنا والله مش علشان طمع او الكلام ده ولافلوس ولا أي حاجه انا عارف انى مش محتاج اوضحلك ده
حسام: هههههههه انت عبيط ياض سيبك من الهبل الي قولته ده انت لابتاع مصالح ولافلوس انت بتكلمني عن واحد معرفهوش هو بس الموضوع فاجئنى ومتوقعتهوش
أحمد: كل مافي الموضوع إني معجب بيها بس متردد وقلقان من رد فعلك انت وأمجد باشا
حسام: بص يا أحمد انت بالنسبالي أكتر من أخ ولو كان عندي أخ مكنش هيبقي زيك
ثانيا بقي أمجد باشا بيحبك ويمكن اكتر من كونك ابن كمان وانت عارف طبعا
أحمد بفرحه: والله ياض ياحسام ريحت قلبي نطلب الغدا بقي واللي انت عاوزه كمان
حسام: اعتبرها رشوه يعني
أحمد: هههههههههه لالا ده عربون محبه ياعم
حسام: انت عيل فقر هههههههههه
أشار أحمد للجارسون وطلبوا الغدا
في فيلا أمجد الجزار **
وصلت يارا وبكل فرحه دخلت اوضاها وقررت تكلم خالد وتفرحه
يارا: الو
خالد: حبيبة قلبي
يارا: خالد انا كلمت مامي ووافقت انا مبسوطه اووي وقالتلي انها هتكلم بابي وحسام النهارده
خالد: بجد ياحبيبتي ده أحلي خبر سمعته في حياتي وانا هكلم امي النهارده
يارا: اوك حبيبي هسيبك دلوقتي علشان لسه داخله البيت حالا
خالد: اوك حبيبتي سلام
عدت الساعات ومافيش أحداث تستحق الذكر الي أن حل المساء وجلس الجميع بعد تناول الغداء كالعاده ..
حسام: ايه رأيك في أحمد يا بابا شاب كويس بعيدا عن الشغل مش كده
أمجد: ولد هايل وممتاز أخلاقيا ربنا يبارك فيه
سلوي: أحمد أبن حلال والله يابخت الي هتكون من نصيبه
حسام ينظر ليارا: متشاركينا يايارا أيه رأيك في أحمد
يارا: والله عادي يعني ملاحظه زي مابتقولو انه ناجح وكويس عادي يعني فى زيه كتير ناجحين برضه مش مميز
حسام: أحمد جالي النهارده وطلب مني أتكلم معاك في حاجه هو مقدرش يكلم حضرتك فيها
أمجد: خير ياحسام حاجه حصلت في الشغل
حسام: لالا بعيد عن الشغل خالص دي حاجه خاصه شويه
أمجد: خير يابنى محتاج حاجه يعنى
حسام : بعد ازنك بفضل نتكلم لواحدينا الأول
أمجد: طيب تعالي ندخل المكتب
قام حسام وامجد ودخلو المكتب وطبعا يارا وسلوي كان هيقتلهم الفضول ويعرفوا
يارا بفضول: تفتكري في أيه يا مامي
سلوي: الله أعلم مانتي شوفتي عاوزين يتكلمو لوحدهم
يارا: اعتقد اتي سمعت كلمه خاصه ..ماعلينا يا مامي مكلمتيش بابي لحد دلوقتي افتحي معاه الموضوع وحياتي عندك بقي خالد منتظر الرد علشان يجى يقابله
سلوي: أنا بصراحه مش عارفه أقول لبباكي في طالب متقدم لبنتك يابنتى اعقلي الكلام
يارا: تاني يا مامي مانتي وعدتيني الصبح هترجعي في كلامك تاني
سلوي: يابنتي أفهميني
يارا بغضب: خلااص يا مامي خلاص انا مش عوزاكي تساعديني طبعا منا مش حسام بيه بتاعكم
سلوي بعصبيه: ماتبطلي كلام العيال ده بقي فكري بعقلك علي الأقل نستني يخلص كليته وبعدين نشوف
يارا: يا مامي زي ماقولتلك خطوبه لحد مانخلص يبقي فى ارتباط رسمى
سلوي: ربنا يستر وكلامك العبيط ده أوعي تقوليه قدام أبوكي أو أخوكي خلي الموضوع يعدي علي خير
يارا: حاضر ياست مامي ولواني مش عارفه انتي مكبره الموضوع كده ليه بس
سلوي؛: هو انتي مش شايفه انه كبير انتي هتجننيني يابنتي أسكتي وربنا يستر بقي علي مانشوف هنعمل أيه وهنقولهم أيه وكمان ياعالم الموضوعالى اخوكى بيكلمه فيه ده دلوقتي عادى ولاهيدايقه وبعدين نشوف موضوعك ده ....
الحلقة الثامنه
___________
امجد: خير ياحسام في أيه !!
حسام: أحمد عاوز يطلب أيد يارا من حضرتك
أمجد بدهشه : أحمد !! معقوله دي
حسام : أيوه أحمد أنسان محترم وحضرتك عارف ده واكيد عارف ان عمره ماهيكون واخدها مصلحه
أمجد: لالا طبعا مقصدش الي فهمته بس انا متوقعتش انه يطلبها بس
حسام: هو طلب مني افاتح حضرتك ولو الموضوع هيدايقك اعتبره ماحصلش
أمجد: يابني انا عارف أحمد من وانتو صغيرين مع بعض وعارف اد ايه هو انسان ميتخيرش عنك
حسام: فعلا يا بابا انا واحمد زي بعض جدا وهو عمره ماهيفكر فى ده لمصلحه
قال أمجد مازحا : بس لو كانت اختك من نصيبه فعلا ف الله يكون في عونه هههههههه
حسام: هههههههه والله عندك حق يا بابا
أمجد: انا مبدئيا ماعنديش مانع بس ممكن نتمم الصفقه دي الأول علشان نكون فاضيين للموضوع ده و لا انت ايه رأيك
حسام: انا برضه فكرت في كده عمتا هرد عليه بكره واقوله بعد مانتمم الصفقه يفاتح حضرتك
أمجد: وياريت كمان ياحسام يارا ووالدتك مايعرفوش حاجه دلوقتي
حسام:طبعا ياوالدي متقلقش انا هستأذن علشان اطلع ارتاح
ااه صحيح حضرتك فاكر ميتنج بكره ان شاءلله
أمجد: اه ياحبيبي لازم بكره إن شاء الله نتمم الصفقه دي ياحسام خلينا نخلص منها
حسام: بإذن الله انا هقوم انام واسيب حضرتك ترتاح لان بكره في شغل كتيير ويوم طويل
أمجد: تصبح علي خير ياحبيبي
اتجه حسام نحو غرفته وايضا امجد
يارا: مامي حسام طلع ينام وبباى كمان عاجبك كده ياست مامي
سلوي: هو الموضوع هيطير يابنتي ادخلي نامي والصباح رباح
يارا: يامامي بس .... تقطع كلامها سلوي تصبحي علي خير يابنتي قولتلك لسه في بكره ثم تركتها متوجهه نحو غرفتها
توجهت يارا لغرفتها يملؤها الغضب فقررت تتحدث لخالد و....
خالد: ألو
يارا بصوت غاضب : ايوه ياخالد
خالد: عامله ايه يا حبيبتي
يارا: مدايقه جدا ياخالد
خالد : ليه بس مالك !!
يارا: بابي وحسام فضلو يتكلمو في شغلهم كالعاده في المكتب وبعدها كل واحد فيهم دخل ينام ومامي معرفتش تتكلم معاهم في حاجه
خالد: يا حبيبتي متزعليش بكره ان شاءالله تكلميهم ولايهمك انا مستنيكى هتروحى منى فين
يارا: طيب انت كلمت والدتك
خالد بتردد: ها اانا كنت لسه هكلمها حالا اهو وانتي عطلتيني ينفع كده
يارا: طيب خلاص روح كلمها وهستني منك مكالمه اوك
خالد: اوك ياروحي سلام
اغلق خالد الهاتف وشرد قليل ثم بداء يتحدث لنفسه "يسلام ياواد ياخالد لو كانت البت دي فعلا من نصيبك يبقي هتعيش عيشه تانيه عيشة الملوك بقي وتتخرج وتكون صاحب املاك وشركات وفلوس وعربيات اخر موديل وبعد كده تطلقها وتتجوز الي انت عاوزها ساعتها الف لأ الف ايه مليون بنت تتمناك بجد قطع تفكيره صوت هاتفه ليجد المتصل ياسر
خالد: أيه ياض فيينك
ياسر: واحشني ياض فينك كده
خالد: انا ف البيت تعالي ننزل شوي
ياسر: خلاص نصايه واكون عندك سلام
وبعد الوقت المحدد وصل ياسر لبيت خالد واخبره بوصوله وبعد ٥دقايق نزل خالد وتبادلو السلام و....
خالد: هنروح علي فين
ياسر: والله منا عارف اديينا ماشيين
خالد: اما انا عندي ليك أخبار بقي لكن .. يقاطعه صوت هاتفه ليعلن ان المتصل يارا، لحظه واحده اخلص المكالمه دى
يارا: حبيبي عملت ايه
خالد: وحشتيني ياروحي
يارا: قولي عملت ايه
خالد: واحد صاحبي جالي عنده مشكله كده واضطريت انزل معاه اول ما اروح هشوف الموضوع ده متقلقيش اعتبريه حصل بقي
يارا: طيب متتاخرش ياخالد سلام
خالد: اوك يا بيبي سلام
ياسر: الله الله ده حب جديد شكله كده بس شكله وراه مصلحه حسه مش حب سالك يا خالوود
خالد: ههههههههه نحن في زمن المصالح يابرنس وانت عارف صاحبك ميحبش يضيع فرصه وبالذات لما تكون فرصه حلووووه وسهله ومتقدمالك على طبق من فضه
ياسر: طب احكيلي
خالد: طيب تعالي نقعد في مكان وانا ارسيك علي الموضوع .....
الحلقة التاسعة
_____________
ياسر: بجد شوقتني أعرف الموضوع أتكلم يابني انت
خالد: يابني يارا دي لا حب ولا حاجه دي زميلتنا في الجامعه بس زي ماتقول كده مصلحه بمعني اصح غنيه غني فاااحش ياض وعارف كمان طلعت بنت مين
ياسر: بنت مين
خالد: أمجد الجزار صاحب اكبر شركات في البلد
ياسر: يابن اللعيبه ودي تفتكر ابوها يوافق يجوزهالك
خالد: طول مابنته بتحبني وعوزاني ومتعلقه بيا انا مطمن
ياسر: ده لو حصل ياض هتبقي عديت يابن المحظوظه وهنقولك يابختك ساعتها
خالد: ادعيلي انت بس ومتنقش خليها تكمل
ياسر: بس ياريت يصيبنا من الحب جانب المهم انا هروح عشان انت عارف ابويا مش عاوز مشاكل معاه
خالد: انا كمان عندي جامعه بكره تصبح علي خير
ياسر: وانت من اهله سلاام
مع بدايه يوم جديد علي ابطالنا ومع إشراقه شمس جديده بخيوطها الذهبيه معلنه بدايه جديده استيقظ من في الفيلا ليبداء كل منهم يومه الجديد ومن الناحيه الأخرى كانت سناء الخادمه تعد لهم الافطار ليلتف الجميع كعادتهم حول المائده
يارا: صباح الخير
أمجد: صباح النور يا حبيبه بابا طمنيني اخبار جامعتك ايه
يارا تنظر لحسام: الحمدلله يا بابا تمام
حسام: مانت عارف يا بابا ان يارا طول عمرها شاطره ولا ايه يا يارا
يلرا: بتتريق ياسي حسام
سلوي: أخوكي بيهزر معاكي يا يارا خلااص
أمجد: خلاص خلاص يلا بينا يا حسام علشان نلحق نوصل قبل الاجتماع
يارا: بابي محتاجه اتكلم معاك النهارده لما ترجع في موضوع مهم
سلوي: لما يرجع بليل يا حبيبتي بلاش تعطليهم عندهم شغل كتير
يارا بغضب بدا على ملامحها : اوك يامامى
توجه كل من امجد وحسام ليستقل كل منهم سيارته متجهين نحو الشركه
يارا: مامي شكلك كده مش حابه انك تكلمي بابي في حاجه صح
سلوي: يارا ارحميني وارحني نفسك يابنتي بباكي هيعملنا مشكله ومش هيوافق
يارا: تاني يا مامي الحوار ده
سلوي: لاتاني ولا تالت انا عندي شغل وبليل نبقي نتكلم سلام
بكل غضب قررت يارا ان تغلق هاتفها وان لاتذهب الجامعه لانها لاتريد ان ترى او تتحدث لأحد وظلت طوال اليوم مستقله بغرفتها تفكر ماذا تفعل ....
في حين ان وصل كلا من امجد وحسام الشركه
حسام ل السكرتيره: صباح الخير يا داليا
داليا: صباح النور يامستر حسام
حسام : استاذ احمد جه ولا لسه
داليا: استاذاحمد هنا من نص ساعه وسأل علي حضرتك اكتر من مره لان تليفون حضرتك كان مقفول وقالي اول ماتوصل ابلغه
حسام: طيب قوليله اني وصلت
داليا: حاضر تحت امرك يا مستر حسام
دخل حسام مكتبه وبعد دقيقه دخل احمد علي حسام
احمد: صباح الخير .. ايه يابني كنت قافل تليفونك ليه واتأخرت ليه
حسام: اقعد اقعد انا كلمت امجد باشا في موضوعك
احمد بقلق : وقال ايه
حسام: طلب اننا نكمل الصفقه الاول ونبقي نشوف الموضوع ده
احند: طيب اوك
حسام: متقلقش يعني كل خير
احمد : انا الي ممكن يقلقني ان امجد باشا يفهمني غلط او حتي يقول اني طلبت الطلب ده طمع فيه ولا حاجه
حسام: لالا متقلقش انا فهمته كل حاجه وبعدين انت عارف امجد باشا بيحبك وعارفك من زمان
احمد : طيب تمام .. المهم ادهم الهوارى معاده النهارده الساعه ٣ انا هروح اتمم اوراق الصفقه وان شاء الله تخلص النهارده علي خير ......