رواية فارس الاحلام الفصل الثاني عشر 12 بقلم ماريه عبدالله مسعود

[راقبو من تحبون جيداً قد يرحلو فجأه مثل ما فعلو من احب💔]

فكيتت توب امي من يدي  وختيتو جنبي في السرير واستغفرت وقمت  اراتب في ملابسي خلاص ماعندي سبب يخليني اقعد هنا وخاصه انا براي احسن ارجع الجزيره واتلمه على خالاتي وأهلي وانا ارتب اتذكرت ساره رفعت التلفون وقعدتت

يحليله كانت بتصبرني وبتخفف عني كتير بتسمعني وبتنصحني وبتواسيني فتحت الواتس ماكنت مرسله ولا متصله من سافرو ليهم اسبوع وشويه

 رسلت ليه ورسلت لي اخواته ولي مؤيد وعلي 

زول فيهم داخل الوتس مافي 

 اتحركت على المشرفة مشيت سألته قلت أمكن عارفه عنهم حاجه لانو علاقته معهم كويس سألته قعدت تبكي وقالت لي طبعا البوكسي المشو فيو قالو لقو جنب الابار فاضي ومافيو اي زول لا السواق ولا ساره وأهلها قلت ليه وانا برحف شنو شنو  لا حول ولاقوة الابالله العظيم ودموعي نزلو وقلت لييه  وقالو شنو ولا حصل شنو ومشو وين  وانا بسال وكلامي مامرتب وبتكلم سريع فاتو وين والحصل شنو وكيف العربيه فاضيه قالت لي والله ماعارفين اي حاجه عنهم حتى السواق  انا بعرف اخو واتصلت بيو وقال لي مشينا  هناك ومعاي كم واحد وفتشنا مامنهم اي خبر كانو الأرض دي انشقت و بلعتهم

  قعدت جنبها وبكت بكا وااي  اساره انشاء الله تكونو  تكووونو بخير قلت لييه والبوكسي كان فيو حاجتهم ولا فاضي قالت لي حاجاتهم كلها قالو مجدعه وفيو بقع دم قلت ليه واااي ماتقولي ليه عليك الله ماتقولي وصرخت لا حول ولاقوة الابالله قفلت يدي بي اضتين وقعدت ابكي بصوت واقول ا اللهم استودعتك ساره وأهلها يالله يالله احفظهم يالله استودعتك ساره وأهلها 

قمت وانا اجر في رجولي جر  وانا سرحانه ياربي يكونو تجار اعضاء ولا حراميه ولا الشرطة الموجوده في الحدود حاسه عقلي اتشل من التفكير قلبي دا كان بضرب سريع وحتى سامعه صوتو في اضني نفسي كتم والعبره خنقتني

دا كلو من الحرب خلت الناس يهجو وينزحو ويسافرو فرقتنا الحرب الله ينتقم من الجنجويد 

قمت اقول بصوت عالي  الله ينتقم من الحرب الله ينتقم من الحرب الله نتقم من الحرب وقفت في نص الجبلون وكوركت وصرخت  حرفيآ حاسه خلاص روحي عايزه تطلع قلبي عايز ينفجر من الالم جريت  شعري بي يدي التوب وقع مني  حاسه نفسي تقيله شديد وكاتمه حاسه قلبيي  عايزه يطلع من مكانو ضرباتو كانت عاليه شديد  من الوجع العبره خنقتني شديد وقعدت في الأرض اكورك واصرخ اااااخ يالله يالله الله ينتقم من الحرب الله ينتقم من الكان السبب يالله يالله

 الله ينتتتقم منكم الله ينتقم منكم ياجنحويد 

اتلمو فيني  النسوان ويقول لي استغفري يابتي استغفر الله يصبرك كلو امتحان انتي مامؤمنه وانا اصراخ رجعو لي امي ومحمد وساره  وأهلها  فقدهم فقدهم ياناس انا فقد اهلي امي ومحمد واسه ساره انا قلبي عايزه يتقطع قلبي عايز يطلع من الوجع والالم  كنت حاسه دموعي نازله دم من الألم والوجع والفقد

 وانا اكورك وقطع فيي شعري وادفر بي رجولي دا كلو عشان يخفف الوجع عني ياريت يكون كلو حلم ياريت وانا اصرخ امي تعالي عليك الله ياأمي محمد ياااامحمد عليكم الله ارجعو 

 والنسوان يهدو فيني من غير ما أشعر قمت قلت ليهم وانا اكورك ابعدو ابعدو  ااااااابعدو ختيت يدي فيي اضنين ماعايزه اسمع صوت ماااااعايزه  ماعايزه ماتتكلمو معاااي ومن غير ما اشعر جريت جريت طلعت من الجبلون وانا حاسه نفسي كاااااااتم شديد 

 سامعه صوت النسوان الحقهوها الحقوها ماتعمل في روحه حاجه وانا صرخت  ياريت لو مت معهم انا ماقادره اعيش براي مابقدر مابقدر على الوجع خلو لي الوجع ومشو 

امي محمد ساره  انتو مشييتو وخليتوني  براي كنت بصرخ زي المجنونه حاسه عقلي خلاص طار 

عايزه اجري اطلع برا مخنوقه شديد احس بي يد سحبتني التفت واحس  بي كف في وشي وصوتو صوت دكتور سمؤال وهو بكورك  حاسه بيو بعيد وصوتو كان بعيد ختيت يدي في مكان الكف وهو يقولي يالله قولي يالله صبرني قولي يازينب انتي مؤمنة البتعمليي فيو دا  ماصاح  حرام كل دا حرام يازينب ارجعي لي الله انتي مامؤمنة استغفري وقولي يارب قلت ليو وانا خاته يدي في قلبي انتو ماحاسين بي ماحسين بي ماحسين بكميت الوجع الفيني وقعدت اضرب في وشي كلهم فاتو كلهم ماتو ياناس ياعالم اهلي ماتو ماتو خلاص  وانا ارجف 

 كوركت فيو فكني فكني ياخي عليك الله فكني 

 كورك فيني  وقال ليي انتي مابراك الفقدتي كل الناس فقدت في ناس مااتو بي الدانات وناس طلعت فيهم  عربات الجنجويد المدرعات وبنات اختصبوها واطفال ورجال وأولاد وشباب  وأم فقدت أطفالها  كلهم

وأهل فقدو  خال عم جده جد اخ اخت

 الناس كلها عانت من الحرب انتي قولي الحمد لله انو امك ومحمد اندفنو في جثث مجدعه في الشوارع والكلاب بتأكل فيه  وتنهش فيها نهش  وماقادرين يدفنوها ولا عارفين حقت  منو 

في ام لافه في الشوارع عشان ولده الفقدتو ولا بنتها وماعارفه اذا عايشين ولا ميتن  وناس كتيره مفقوده 

قولي الحمد لله قولي الحمد لله قرب مني مسح لي دموعي ومسك يدي قوي 

وقال ليي قول يالله

 قولي ان لله وان اليه راجعون اللهم صبرني في مصيبتي قال بصوت حنين ودموعو نزلت قولي يازينب قولي ان لله وان اليه راجعون 

 دنقرت اراسي قلت ليو ممكن تفك يدي مكن ودموعي جاريه قال لي لا الا تستغفر رب العالمين وترجعي تتوضي وتصلي ركعتين وتشيل مصحف

 قلت ليو فكني فكنننتي فكني وقعدت اكورك سحبت يدي سريع وعايزه اجري سحبني تاني وحضني بكيت بكا وقعدت اضرب فيو 

جو كم مره مسكوني وحده جابت لي توب وختتو في راسي ودخلوني الجبلون طلعو سرير في الممر وقعدوني فيو  قعدت جنبي النبويه الدخلت معانا المخيم خت راسي في رجوله وقعدت تمسح ليي فيو وحده قعدت جنبي وقعدت تقرأ لي في قرآن

هديت شوية جا حمودي وطلع في رجولي وقعد يعاين فيني النسوان قالو لي عايني لي ولدك دا عشان ولدك انتي اتصبري وادعي ليهم كل ما تتذكريهم و قولي يارب

 قلت ليهم ونعم بالله شلت حمودي ودخلت الغرفة 

رفعت العباية والطرحة الكانو هدية من سارة حضنتهم علي وقعدت ادعي ليهم حمودي قال لي انتي كان تقولي لي حبوبة ماتمشي ياتسوقنا معها ياتقعد معنا حضنت حمودي على جات داخلة النوبية شايله ليه اكل ختت الطربيزه وقالت لي الا تأكلي معاي امك الله يرحمه الوحيده الكانت بتفقدني وتفقد اولادي لما اطلع اشتغل بلاقيه فطرتهم 

كنت بطمن لما امشي اشتغل لانو عارفه امك الله يرحمه ماكانت بتقصر منهم

 قالت لي لو مامديت يدك والله ماكل جابت لي المويه غسلت يدي وقعدت اكل معها واكل في حمودي بعد خلصنا شالت العده وجابت لي مويه بعدها طلعت جات شايله كباية شاي ولبن قالت لي شربي  لي حمودي ومدت لي حبة بندول شلتهم منها وشكرته قالت لي لو احتجت اي حاجه انا موجوده ربتت علي ضهري وطلعت شربت حمودي اللبن بلعت البندول لانو ماكنت قادره افتح عيوني من الصدع نمت جنب حمودي والنوم دا غلبني عديل مع ذكريات امي ومحمد وساره وأهلها وياربي الحصل ليهم شنو معقول يكونو حراميه ولا تجار اعضاء كنت بتخيل وبرجف

اتقلب في السرير  لما سمعت صوت اذان العشاء استغفرت وقمت لبست لي توب وشلت الابريق وطلعت على الحمام اتذكرت مؤيد وساره نزلت مني دمعه حاااره مسحته وقفت في الصف وتاني دخلت وطلعت  اتذكرت كلام مؤيد في ام ركب من وصفو وطريقة كلامو وكيف كان بتكلم عنها وانا اتوضى وأبكي مسحت دموعي بطرف التوب ودخلت اصلي صليت وقعدت في المصلاية ادعي ليهم قمت قعدت في السرير تلفوني ضرب رفعتو كان دكتور سمؤال رديت ليو قال لي منتظرك برا ممكن تطلعي جنب باب المخيم دقايق بس قلت ليو تمام وطلعت لقيتو واقف جنب قربت الموية ويمل ليو في باقة لي مره سلمت عليهم بعد ماالمره اتحركت جا وقف جنبي قال لي اها  انت كيف انشاء الله اتحسنتي واسفه عشان رفعت يدي قلت ليو عادي ولا يهمك اصلا لو ماعملت كده كنت فقدت عقلي قال لي زينب انا راجع بريطانيه من قال كده قلبي ضرب شديد  وجعني برضو حفقدو لانو وقف معاي في أصعب ايام عمري ونهاي ماقصر 

مع انو  كان مابينا اي صله ولا قرابه وقفت معاي ومع امي الله يرحمه مهما عملت مابقدر اجازي 

 قلت ليو وانا بتمتم انشاء الله درب السلامه يادكتور  وانا بتشكرك كتير عشان العملتو لينا 

قال لي عايزك انتي وحمودي تجو معاي بريطانيه من قال كده انخلعت قلت ليو كيف ك  ك يف قال لي انا عايز اتزوجتك على سنه الله ورسوله وعايز حمودي يكون ولدي واكون ليو الاب والسند قلت ليو انا مابفكر في الزواج ولا عايزه اتزوج عايزه اربي حمودي وبس ماعايزه من الدنيا اي حاجه

 قال لي مامستعجلي في الرد فكري اول 

 انا بكون ليك زي ماعايزه حتى لو ما اتقبلتيني كا زوج انا موافق اتزوجك واكون ليك الأخ والسند  عايز تكملي تعليمك وحمودي يدخل المدرسه  وانا بدعمك كا اخ وصديق وأب وسند ولو عايزه كازوج وماعندي اي مشكلة في اي حاجه انتي  بتقوليه بس ماترفضي عشان حمودي عايني لي مستقبلو وانا مستعد اسافر معاك الجزيره واطلبك من أهلك هناك واعمل العرس وبعدين نسافر لي أهلي ونعمل عرسنا ونسافر بريطانيه فكري وانا منتظر ردك تصبحي على خير 

رديت ليو  وانا مصدومه من طلبوا تتتتلااقي الخير يارب

اتحرك كم خطوه ورجع قال لي عارفه امك  من اتوفت  الله يرحمو مافات عليه غير اسبوع ومامفترض اطلب منك طلب زي دا اسه بس انا مسافر وماعندي غير كم واسبوع مفترض اسافر الليله انا اجلت السفر عشانك وعشان محمد  بتمنا ماتخزليني واتحرك فات

رجعت وانا اصلا ماخاته اي موضوع زواج في راسي انا لو ما محمد ولدي ما كنت اتصبرت ولا كنت قدرت اعيش 

واكيد ما  عايزه  ولا عايزه تاني اتزوج  

 اتحركت دخلت طلعت التوب ونمت جنب حمودي صحيت الصباح وانا مقرره الليله احجز تذكره واسافر طوالي مشيت الحمام وبعدو اتوضيت وصليت وقعدت ادعي لي امي ومحمد وساره وأهلها حمودي صحا قمت ولعت الكانون وعملت الشاي وقعدت اشرب فيو وبعد لبست عباية وطرحة وطلعت مكتب الباصات وقطعت التذكره ورجعت رتبت باقي حاجاتي وقعدت في السرير مسكت التلفون واتصلت على دكتور سمؤال بعد سلمت عليو قلت ليو انا بعتزر مابقدر أوافق وانا الليله مسافره وربنا يديك بنت الحلال ويوفقك ويسعدك في حياتك وانا مهما شكرتك مابقدر اوفيك ولا بقدر اجازي وقفتك معانا  ربنا يسعدك ويوفقك في حياتك وبتمنا ليك السعاده في حياتك ودعتو وقفلت التلفون قمت اتحركت على المشرفة سألته  عن سارع وأهلها قالت لي لا والله مافي قلت ليها سجلي لي رقمك ولو عارفه رقم من أهلها سجلي لي انا الليله مسافره قالت لي يحليلك بنفقدك والله قلت ليه ماتفقدي عزيز يارب سجلت لي رقمه ورقم اخو سيد البوكسي ورقم خالت ساره عايشه في مصر ودعت المشرفة واتحركت شلت الشنط ومسكت حمودي من يدو جو النسوان ودعوني وشالو معاي الشنط وانا طالعه شايفه دكتور سمؤال داخل المخيم سلمت عليو شال حمودي وقال لي يعني دا اخ كلام ليك قلت ليو اي قال لي انا بحترم قرارك ولسه برضو منتظر تغيري رايك  قال لي ممكن تلفونك مديتو ليو ضافني في الواتس والفيس وقال لي زينب انا منتظر تغيري رايك ومنتظر تفكيري عشانك وعشان محمد  بعرف انو اسه انتي موجوعه على امك ربنا يرحمه ومحمد ربنا يرحمو  وعقلك اسه مشتت  وماقادره تفكيري في حاجه قطعت كلامو وقلت ليو انا اتخذت  قراري انا عايزه بس اربي محمد وماعايزه افكر في حاجه تانيه غيرو هو  ومستقبلو مديت ليو يدي وقلت ليو اشوف وشك بخير يادكتور واستودعتك الله الذي لا تضيع ودائعه شلت حمودي منو واتحركت وصلت موقف الباصات وركبت

شايفه دكتور سمؤال جاي علينا وركب في الباص وقف جنب المقعد القاعده فيو وقال لي بتسافري براك ؟انزلي اوصلك بي عربية قلت لما اصل شندي عندي ود خالتي منتظرتي هناك قال لي انزلي طيب اوصلك شندي قلت ليو لا انا قطعت التذكره وركبت ماعايزه انزل تاني ومااعايزه اتعبك معاي  قال لي عنيده حمودي نزل ليو هو شالو ونزل اانا قلت ليو ماشي بيو وين قال لي عايز اشتري ليو اكل وموية قلت ليو  عندنا انا اشتريت يسلمو ولا اشتغل بي كلامي نزل بيو عاينت ليهم بي الشباك شايفه دخل ليو بقاله وبعدو جا ركب 

بوس حمودي ومد لي كيس ومد يدو قال لي توصلو بي االسلاامه لما تصلي ممكن تتصلي و تطمنيني  عليكم قلت ليو انشاء الله سحبت يدي وهو اتحرك حمودي بكا فيو حاولت اسكتو ماقدرت جا راجع وشالو وقعد في المقعد الجنبي خته في كتفو لما حمودي نام خت لي في رجولي وطلع قروش وختهم. في حمودي قال لي ديل ليو  ويلا استودعتكم الله  وتصلو بي السلامه يارب وانا منتظر تتصلي وتتطمنيني عليكم وقبل ما رد ليو اتحرك سريع ونزل بعدو البص اتحرك شايفه لسه واقف وبعاين في البص

 [واذا الشدائد أقبلت بجنودها والدهر من بعد المسرة أوجعك

إرفع يديك إلى السماء ففوقها رب إذا ناديته ما ضيعك🤍💔]....يتبع