بسم الله ولا إله إلا الله
رهف .. بتدخل تقدم الشربات وبتطلع وبتروح عند امها وام ناصر وبتقدم الشربات
ام ناصر .. بسم الله ما شاء الله قمر ١٤
رهف .. بتبتسم شكرآ يا طنط
ام ناصر .. ده ناصر علي طول في سيرتك رهف رهف بس بعد ما شوفتك بصراحه معاه حق يا بنتي ومن النهارده انتي زي بنتي
رهف .. ده شرف ليا يا طنط
ناصر .. احنا جاهزين لكل طلباتكم
علي .. احنا ملناش طلبات المهم عندنا سعادة رهف
ناصر .. انا بوعدك يا عمي اني عمري ما ازعلها
علي .. يبقى علي بركة الله وربنا يتمم بخير
ناصر .. يعني ينفع بكره نجيب الشبكه
علي .. مفيش مشكله يلا نقراء الفاتحه
والكل كان سعيد ومبسوط وكان يوم جميل عدى بسرعه عشان تاني يوم يجي ناصر يا خد رهف ومحمد عشان يجيبوا الشبكه وبعد ما جه عملوا حفله صغيره ولبسها الشبكه وكانت رهف لسا مش متقبله الموضوع بس بتحاول وبيعدي اسبوع والتاني
رهف .. بترن علي خالد
خالد .. السلام عليكم اخبار عروستنا ايه
رهف .. الحمد لله انا مش عارفه اشكرك.ازاي
خالد .. علي ايه
رهف .. انت السبب اني وافقت والحمد لله يوم بعد يوم بقرب من ناصر وانا فعلآ حاسه انه انسان محترم وبيحبني
خالد .. طاب الحمد لله ربنا يسعدك يارب
رهف .. ويسعدك يارب عملت ايه في حكاية الشغل
خالد .. الحمد لله ربنا كرمني بشغل هنا في البلد والدنيا ماشيه
رهف .. الحمد لله ده خبر جميل
خالد .. الجميل انك مهم حصل حاولي انك تنسي الماضي وتعيشي الحاضر
رهف .. بحاول والله والي ربنا عايزه هيكون مش ده كلامك
خالد .. فعلآ بس ربنا عز وجل قال اننا ناخد بالاسباب
رهف .. وانا هعمل كل اللي تقولي عليه
خالد .. خلي بالك من ناصر وان شاء الله لو الجوازه دي خير ليكي تتم علي خير ولو لا كل واحد يروح لحاله
رهف .. انا فعلا سلمت امري لله عز وجل واللي فيه الخير يعمله ربنا
خالد .. ونعم بالله وربنا يسعدك ويحفظك من كل سوء
رهف .. بجد مش عارفه اشكرك ازاي انت فعلآ ونعم الاخ
خالد .. مفيش شكر ولا حاجه كلنا اسباب خلي بالك من نفسك
رهف .. حاضر وانت كمان يلا سلام
خالد .. سلام
ناصر .. بيرن علي رهف
رهف .. السلام عليكم
ناصر .. وعليكم السلام ورحمه الله وبركاته
رهف .. اخبارك ايه يا ناصر
ناصر .. الحمد لله المهم الجميل يكون بخير
رهف .. الحمد لله بخير
ناصر .. ايه رايك بكره نتقابل نتغدا سوا
رهف .. هشوف محمد
ناصر .. ليه محمد انتي خطيبتي يعني عادي نتغداء سوا
رهف ..خلاص هشوف ورد عليك
ناصر .. خلاص ساعه ورن عليكي تكوني فكرتي
رهف .. خلاص ماشي سلام
ناصر .. سلام
رهف .. طلعت لي باباها يا بابا ناصر كلمني وعايز يعزمني علي الغده
علي .. خدي محمد وروحي
رهف .. لا ما هو بيقول اننا مخطوبين وعايز نطلع لوحدنا
علي .. وانتي ايه رايك
رهف .. الراي رايك يا بابا بس انا شايفه انه ده غلط هو خطيبي مش جوزي
علي .. كلامك صح وعشان ما يزعلش اعزميه بكره يتغدا معانا هنا
رهف .. حاضر يا بابا
رجاء .. بتيجي تقعد جنب علي بعد ما رهف مشيت ربنا يحفظك يا بنتي فعلا بنت بمية راجل
علي .. طالعه لامها ده انتي عذبتيني
رجاء .. انتو كده الرجاله ديما مستعجلين لكن لا يصح إلا الصحيح
علي .. كلامك صح وياريت الشباب تفهم ان كل حاجه في وقتها بتبقا احلا
رجاء .. ربنا يحفظ شبابنا وبناتنا يا رب العالمين
علي .. اللهم امين يارب العالمين
رهف .. بتقلب علي التليفون وفجاه التليفون رن وكان ناصر ردت عليه السلام عليكم
ناصر .. وعليكم السلام ورحمة الله وبركاته ايه فكرتي
رهف .. اه قولت لي بابا وقالي لا و عزمك بكره نتغدى سوا هنا
ناصر .. هو اي حاجه اقولها لك لازم تقوليها لي باباكي و اخوكي وامك
رهف .. اكيد يعني ليه هى دي فيها حاجه
ناصر .. اكيد فيها انا خطيبك ولازم يكون لينا خصوصيتنا
رهف .. خصوصية مين يا ناصر احنا مخطوبين مش متجوزين
ناصر .. عارف وكل الي مخطوبين بيطلعوا و يتفسحو وليهم اسرارهم اللي ما حدش يعرفها
رهف .. لا احنا بقى ما عندناش اسرار الكلام ده لما ابقى زوجتك وقتها مستحيل اطلع كلمه من بيتنا بره لكن انا دلوقت مسئوله من بابا و محمد اخويا
ناصر .. انتي عامله زي العيال الصغيره وبتقولي اي كلام وخلاص
رهف .. لا انا بقول الصح وانت حر
ناصر .. برحتك وقفل السكه في وش رهف
رهف .. ناصر الو انت بتقفل السكه في وشي و بترن عليه و بيكنسل في وشها وبتطلع لي ابوها
بابا وبيكون قاعد هو ومحمد وبتحكيله اللي حصل وانها مش عايزه تكمل في الجوازه دي
علي .. يعني ده قرارك النهائي
رهف .. ايوه يا بابا
محمد .. خلاص يا بابا وربنا يكرمها بي اللي احسن منه
رهف .. لا كفايه كده لا هو ولا غيره
محمد .. هنرجع لكلام الاطفال يلا مش مشكله لما يجي وقته نبقى نتكلم
رهف .. هو انا مش هخلص من الحكايه دي ولا ايه
محمد .. الله الله ايه القمر هيتعصب علينا
رهف .. ابتسمت هو انا اقدر بس عشان خاطري يا اجمل اخ اقفل علي السيره دي
محمد .. من عينيه يا برنسيسه انا عندي كام رهف هي رهف واحده
رهف.. دخلت تجري علي الاوضه وهي فرحانه و كلمت خالد
خالد .. ايه السرعه دي
رهف .. مش تبارك لي
خالد .. استر يارب حصل ايه
رهف .. فيه ايه مالك
خالد .. حاسس بمصيبه جيالي
رهف .. يا لطيف يا لطيف اسمع بقا وكفايه هزار
خالد .. قولي يا اخرة صبري
رهف .. انا فركشة الخطوبه
خالد .. ليه يا هانم
رهف .. حلوه هانم دي ما علينا المهم حصل وبدات تحكي كل اللي حصل ايه رايك يا خالد انا غلطانه
خالد .. لا بالعكس معاكي حق اللي تخبي حاجه علي اهلها تبقى ما تستهلش تكون بنتهم واللي تكدب علي اهلها بكره تكدب علي جوزها وغير كده الرسول عليه الصلاه والسلام قال آيَةُ المُنَافِقِ ثَلاَثٌ: إِذَا حَدَّثَ كَذَبَ، وَإِذَا وَعَدَ أَخْلَفَ، وَإِذَا اؤْتُمِنَ خَانَ
قال رسول الله صلى الله عليه وسلم: (عليكم بالصدق فإنَّ الصِّدقَ يَهْدِي إِلَى البرِّ، وَإِنَّ البر يَهدِي إِلَى الجَنَّةِ، وإنَّ الرَّجُلَ لَيَصدُقُ حَتَّى يُكْتَبَ عِنْدَ اللهِ صِدِّيقًا، وَإِنَّ الكَذِبَ يَهْدِي إِلَى الفُجُورِ، وَإِنَّ الفُجُورَ يَهدِي إِلَى النَّارِ، وَإِنَّ الرَّجُلَ لَيَكْذِبُ حَتَّى يُكتَبَ عِنْدَ اللهِ كَذَّابًا).[١]
رهف ..صدق رسول الله صل الله عليه وسلم فعلا وعشان كده انا قرارت افشكل وبابا ومحمد موافقيني وخلاص مفيش جواز تاني
خالد .. احنا قولنا ايه سيبي كل حاجه لربنا عز وجل وربنا يعملك اللي فيه الخير ليكي
رهف .. يا خالد انا مش حابه حكايه الجواز دي وهو جات من عند ربنا
خالد .. عشان لسا نصيبك ما جاش فبلاش شغل الاطفال ده
رهف .. مش عارفه انت بتقنعني ازاي
خالد .. والله لما انا اعرف هقولك
رهف .. اسيبك بقا عشان بكره عندي شغل بدري
خالد ربنا يعينك
رجاء .. عملت ايه يا علي
علي .. كلمت ابو ناصر وقولتله مفيش نصيب وبعت محمد يودي الحاجه بتاعتهم
رجاء .. احنا ما صدقنا انها توافق
علي .. ان شاء الله ربنا يكرمها بي ابن الحلال وهي لسا صغيره
رجاء .. بس انا خايفه تنشف دماغها تاني
علي .. لا ان شاء الله مش هتنشف دماغها
رهف .. نايمه صحيت علي رنة التليفون مين الي بيرن بالوقت لقيت ناصر عملت التليفون صامت وكملت نوم
وصحيت الصبح فطرت ونزلت عشان تروح الشغل واول ما وصلت لقيت ناصر مستنيها
ناصر .. ايه الي حصل ده يا رهف انا بحبك
رهف .. يا استاذ ناصر الشبكه وبابا بعتهالك خلاص كل واحد يشوف طريقه
ناصر .. انا كنت زعلان منك وعشان كده قفلت السكه
رهف .. دي حاجه ترجعلك وبعد اذنك عشان عندي شغل
ناصر .. اديني فرصه وانا اوعدك عمري ما هزعلك
رهف .. استاذ ناصر بعد اذن حضرتك عندي شغل قالتها بعصبيه
ناصر .. ماشي يا استاذه رهف اتفضلي
طبعا صحباتها حاولوا معاها بس بدون جدوى كانت خلاص اخدت قرارها اللي ما فهوش رجعه وكانت من جواها مبسوطه انها هتفضل علي ذكرى حبيبها كانت فاكره خلاص كده وعاشت اسبوع سعيده ومبسوطه لحد ما في يوم روحت البيت ولقيت باباها ومامتها واخوها واختها الكل مجتمعين ومستنينها