بسم الله ولا حول ولا قوه إلا بالله العلي العظيم
عادل .. يا خالد بيه انا هنا ليه انا ما قتلتش حد انا جاتني رساله من العمده وعشان كده روحت
خالد .. فين الرساله دي يا عادل بيه
عادل .. اهي و بيطلع التليفون وبيجيب الرساله مش بيلاقيها
خالد .. ايه سكت يعني
عادل .. لا كل حاجه مترتبه بالظبط
خالد .. ازاي
عادل .. انا اول ما دخلت البيت حد حط حاجه علي وشي وفوقت علي صريخ الخدامه
خالد .. انا متاكد انك بريئ بس للاسف كل حاجه ضدك حتي الخدامه شهدت انك انت اللي قتلت العمده فتحي وشيخ الغفر عتريس
عادل .. لازم تشهد ما هي شافتي جنبهم والمسدس في ايدي لازم تفكر كده بس انا ما قتلتش حد ومستحيل اقتل العمده وشيخ الغفر دول في مقام اهلي والعمده في مقام ابويا الله يرحمه
خالد .. احنا محتاجين ادله مش كلام يا عادل بيه
عادل .. مش عارف اقول ايه انا كل اللي يهمني اطمن علي اسماء ومش عايز حاجه تانيه
خالد .. اسماء في المستشفي ولو فيه حاجه جديده تخصها هبلغك دلوقتى هطلع علي الطب الشرعي عشان نسلم الجثتين
عادل ..الله يرحمهم و الف شكر يا خالد بيه
شيرين .. انت بتعمل ايه هنا يا هلالي بتقتله القتيل وتمشو في جنازته
محمود .. خليكي في حالك يا شيرين انا جاي اطمن علي مرات ابن عمي
شيرين .. ابن عمك قتال القتله اللي قتل ابو المسكينه دي وعمها
محمود .. اخرسي يا عقربه انتي بلسانك اللي بينزل سم
شيرين .. ايه هتقتلني انا كمان زي ما قتلته العمده وعتريس
محمود .. ابن عمي ما قتلش حد ومسير الحقيقه تبان
شيرين .. والحد ده ما يحصل مش عايزه اشوف وشك اسماء لو شفتك ممكن يحصلها حاجه وانا مش مستغنيه عنها
محمود .. اه ما انتي زي الحربايه والفرصه جات لحد عندك وانا متاكد انك ليكي يد في اللي حصل
شيرين .. امشي من هنا يا هلالي وخلي الليله دي تعدي علي خير
محمود .. انا همشي عشان ما شوفش وشك النحس ده قدامي وبيمشي عشان يروح المركز
شيرين .. قبر يلم الوحش في داهيه
نسرين .. عمتي اسماء فاقة
شيرين .. الف سلامه عليكي يا بنتي
اسماء .. الله يسلمك يا طنط
شيرين .. ارتاحي انتي تعبانه اووي
اسماء .. لا كفايه راحه كده انا هقوم عشان ادفن ابويا وعمي ده مش وقت نوم
شيرين .. انا هعمل الازم يا بنتي وكمان اتصلت علي شريف وراجع من القاهره ومن النهارده انا امك يا بنتي ومش هسيبك لحظه ودم ابوكي مش هيروح هدر
اسماء .. دم ابويا وعمي انا اللي هاخده مش حد تاني فاهمه
شيرين .. ماشي يا بنتي
اسماء .. بتوقف وبتحاول تجمع قوتها وبتروح علي الطب الشرعي
خالد .. الباقيه بحياتك يا مدام اسماء
اسماء .. مفيش عزاء غير بعد ما ناخد طارهم ولا نسيت عادتنا وتقليدنا يا خالد بيه
خالد .. هتقتلي مين
اسماء .. اللي قتلهم
خالد .. مش وقت الكلام ده اتفضلي معايا نخلص باقيت الاجراءات عشان تستلميهم
شيرين .. انا هستناكي هنا عشان شريف علي وصول يا بنتي
اسماء .. بتتحرك مع الضابط خالد
شريف .. يوصل هو وحماده
شيرين .. حمد الله بالسلامه يا ابني
شريف .. الله يسلمك يا امي حصل ايه طمنيني علي اسماء
شيرين .. بتبكي ربنا يصبرها يا ابني دي زي المدبوحه ومش قادره تصرخ الواطي عادل لعب لعبته وكان فاكر انه هيعرف يطلع منها بس الحمد لله اتقبض عليه و هياخد جزاءه
اسماء .. جايه مع الضابط
شريف .. شدي حيلك يا اسماء وانا موجود هنستلم الجثتين امتي
خالد .. احنا خلصنا كل حاجه وتقدره تستلموهم
شيريف .. حماده هات عربيه الموته
حماده .. حاضر وبيتحرك
شيرين .. بتمسك ايد اسماء اقعدي هنا وارتاحي يا بنتي
اسماء .. بتقعد
شريف .. بيتحرك هو كمان لحد ما بيحطه الصندقين في العربيه وبيروح ناحيت اسماء يلا بينا احنا جاهزين هنصلي عليهم وندفنهم علي طول اكرام الميت دفنه
اسماء .. لا ابويا هيطلع من الدوار يلا
شريف .. زي ما تحبي
و بيتحركه كلهم وبيدخلوا الصندقين الدوار واسماء بتوقف جنبهم وجسمها بيترعش
شيرين .. با بنتي خليهم ياخدوهم ويدفنوهم
اسماء .. لو سمحتي سبيني معاهم شويه
شيرين .. بس
اسماء .. بتقطعها مش عايزه كلام لو سمحتو استنوني بره
شيرين .. حاضر يا بنتي يلا يا شريف
اسماء .. بتنزل علي ركبها وبتحضن الصندوق اه يا بوي اه ظهري انكسر بعد ما بقيش ليا حد جوزي القاتل وبويا المقتول وبتبكي والدموع بتنزل زي المطر الغزير احساس يموت اجدع راجل اه يا بوي هعمل ايه بعدك وبتفضل تبكي وهي منهاره وبتقوم وبتمسح دموعها وبتطلع بره يلا يا رجاله
وبيدخلوا الرجاله وبياخدوهم عشان يصلو عليهم ويدفنوهم
العمده فرج .. عادل بيه فين يا صول جمعه
جمعه .. في مكتب خالد بيه
فرج .. قول لخالد بيه عايز اشوف عادل
جمعه .. خالد بيه مش هنا
فرج .. طب هدخل اطمن علي عادل بيه
جمعه .. اتفضل يا عمده بس ما طولش
فرج .. فتح الباب ودخل
عادل .. وقف عمي طمني اسماء عامله ايه
فرج .. ربنا يصبرها يا ابني الضربه جامده اووي ابوها وعمها والمتهم جوزها ربنا يحفظها ويصبرها
عادل .. يارب انا مش عارف ازاي اوقع في الكمين ده
فرج .. انت شاكك في حد
عادل .. هو فيه غيرهم يا عمي اكيد الزناتيه هما اللي عملوها
فرج .. المشكله مش سيبين وراهم اي دليل بس ما تقلقش انا مش هسيبك يا ابني وقريب هتكون معانا في القصر والحقيقه هتظهر ان شاء الله
عادل .. ان شاء الله بس انا خايف علي اسماء
فرج .. انا مش هسيبها ما تقلقش اسيبك دلوقت عشان اروح الجنازه
عادل .. ماشي يا عمي
فرج .. بيوصل علي المسجد عشان يصلي عليه صلاة الجنازه ومعاه الغفر بتوعه وكبار بيت الهلالي
الغفير .. بيجري علي الدوار يا اسماء هانم
اسماء .. بتطلع فيه ايه يا عم شمندي
شمندي .. العمده فرج وصل وبيصلي علي المرحوم ابوكي وعمك وانا خايف تحصل مشكله الرجاله كلها علي اخرها
اسماء .. انا مش عايزه مشكله في جنازة ابويا وبتطلع علي المسجد اللي قريب من الدوار وشيرين بتروح معاها وبيكونوا طالعين من الجامع بجنازه
شريف .. انت بتعمل ايه هنا يا عمده
فرج .. بعمل الواجب ومن دون الرجاله انت ليه الي بتتكلم
شريف .. عشان دم العمده في رقبتي انا يا عمده وهاخد مكانه عشره
اسماء .. مش عايزه ولا كلمه في جنازة ابويا وعمي الكل سامعني يلا اتحركوا اكرام الميت دفنه
الكل بيتحرك وبيوصله للمقابر واسماء معاهم وبيدفنوهم
فرج .. بيقرب من اسماء شدي حيلك يا بنتي انتي عارفه اني المرحوم كان اخويا
اسماء .. كفايه لحد كده يا عمده وبعد اللي حصل انا معرفش غير اني دم ابويا وعمي عندكم يا هلاليه ومن اللحظه دي لو شوفت حد منكم في الشرق انا الي هقتله بي ايدي فاهم يا عمده
فرج .. ماشي يا بنتي وعشان الظرف الي انتي فيه مش هرد عليكي انا بس حبيت اعمل الواجب وربنا يرحمهم وبيتحرك وبيمشي
شريف .. يلا يا اسماء عشان نمشي وبيركبها العربيه وبيطلع علي الدوار
شيرين .. بتكون قاعده في الدوار مستنيها
شريف .. انتي ليه ما سبتنيش اقتله ونخلص
اسماء .. ما حدش هيقتل حد طار ابويا وعمي انا الي هاخده فاهم ولا لا
شريف .. مش وقت الكلام ده احنا هنستاذن دلوقت عشان ترتاحي وهبقا ارجع تاني اطمن عليكي
اسماء .. انا بخير ما تتعبش نفسك
شيرين .. ما تقوليش كده يا حبيبتي انا بكره هاجي اطمن عليكي يلا السلام عليكم
اسماء .. وعليكم السلام ورحمة الله وبركاته وبتدخل اوضة ابوها وبتبكي طول اليوم
سعديه .. بتخبط عليها
اسماء .. مش بترد
سعديه .. بتفتح الباب وبتلاقي اسماء مرميه علي الارض ومغمي عليها اسماء هانم وبتصرخ