رواية سرطان الفصل السادس 6 بقلم محمد منصور
سرطان عاش في الدكان الكبير والبيت اللي في طهر الدكان. في الارض المهجورة. باسم غدير راجل عجوز لكنه صانع عطور. وقراء كتب كتير عن تصنيع العطور. علشان يقدر يعيش وسط اهالي المملكة من غير ما حد يشك في. ولما يكسب ثقتهم يبدا انتقامه
وبعد 6 شهور بالظبط فتح الدكان وملي من احلي
و اغلي العطور. اللي كان بيحضرها بنفسه عن طريق التقطير بالبخار وامتلك مزرعه كبيرة فيها اغلب انواع الزهور اللي بيخرج منها اغلي العطور. ورغم ان ناس كتير كانو شغالين عنده في المزرعه. الا انه فضل عايش وحيد مع حصانه برق. و كلبه كابر اللي اشتراء وربا. وجه يوم وهو قاعد في الدكان بتاعه بيصنع عطر داخل فيها مواد كيمائية بيسخدمها الاطباء شم ريحة انثي جميلة جدا فتح باب الدكان علشان يشوف مين صاحبه الريحة دي وهنا شاف بنت فلاح من الفلاحين معديه من قصاد الدكان. فمشي وراء منها وكان معجب جدا بيرحتها والبنت بصت له وشافتو وهو ماشي وراء منها وكانت تعرفو فقالت
سيد غدير ماشي ورايا لية
قرب منها سرطان وقال
انتي تعرفيني
البنت دي كانت اسمها سارة اللي رديت عليه وقالت
طبعا اعرفك انا والدي شغال عندك في مزرعه الزهور بتاعتك
قرب منها ووقف قصاد منها بالظبط و شمها بتركيز شديد وقال
تحبي تكسبي 100 قطعه ذهبية.
سارة
100 قطعه ذهبيه. ازاي اكسب مبلغ زي دة
سرطان
بانك تديني فرصه استخراج العطر من جسمك
ومشي ايده علي جسمها. بعدت عنه سارة وقالت
ابعد ايدك عن جسمي
والا صرخت وعرفت الناس انك عايز تغتصبني.
سرطان خاف من الفضيحة فقال
تقدري تمشي في امان
سارة بصت له بقرف. لانها فهمته غلط. وما صدقتش انه فعلا عايز يستخرج العطور من جسمها. واول مالفت وشها علشان تمشي هجم عليها وكتم نفسها بايدة علشان ما تقدرش تصرخ
و سارة حاولت الخلاص منه لكنها ما قدرتش لغاية ما اغمي عليها وهنا سرطان بدا يبص حوالين منه واتاكد ان مافيش حد شافو. واول ما اطمئن شالها علي ذراعه ورجع بيها علي الدكان ،،،،،،،
سرطان
اقتباس و تاليف
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
ومن جوة الدكان وقصاد انبوب طويل من ازاز كانت سارة واقفة جوة الانبوب دة و بوقها متكمم والانبوب فوق اذان كبير مليان مية بتغلي والبخار اللي طالع من المية كفاية يسخن الانبوب الازاز اللي جوة منه سارة اللي بدات تعرق بشدة وبتتالم من السخونه وجلدها بيتلهب. لكن دة ما خلاش قلب سرطان يلين والعرق اللي نزل منها راح ناحية عين صغيرة في اخر الانبوب كانت مخصصة لتصريف مية العرق ونزولها في خرطوم صغير علي هئية نقط بياخدها سرطان ويخلطها ب زيت عطر. تم استخراجه من الزهور وبدا يشم التركيبة دي باعجاب شديد وقال
انا غدير ملك العطور
وأبتسم ابتسامة بتفوح منها الشر المخيف،،،،،،،
بعدها بيوم نزل سرطان المزرعه بتاعته وشاف الفلاحين ملمومين حوالين فلاح عجوز. اسمه كورلوس راح وقف قصاد منه وقال
مالك بتبكي لية
كورلوس بص له وقال
بنتي سارة كانت هنا امباراح طلبت منها ترجع ل والدتها. بالليل. لغاية ما اخلص شغلي وارجع لها ومشيت من هنا وما رجعتش علي البيت
سرطان اتصدم وكانه ما يعرفش. سارة فين وقال
غريبه ازاي يحصل كدة وفي مملكة يحكمها ملك قوي زي الملك ألفريد. بس هو الملك هيتهم بأمر فقراء زيكم
واحد من الفلاحين قال
وما يهتمش لية بأمرنا احنا من الشعب
سرطان
اتمني تكونو من الشعب مش من العبيد اللي متحرم عليهم الشكوي في زمن الملوك
وسابهم سرطان ومشي وبص واحد من الفلاحين ل كورلوس وقال
ما تسمعش للسيد غدير. وروح قصر الملك وبلغ عن اختفاء بنتك الملك ألفريد معانا مش ضدنا،،،،،،،
وراح كورلوس القصر الملكي وطلب مقابله الملك لكن الحراس منعو وقال واحد منهم
انت يا صعلوك عايز تقابل الملك ألفريد
كورلوس بحدة
ولية ما قبلوش انا واحد من الشعب وبنتي مفقودة
الحارس
هتلاقيها مع عاشق ليها
كورلوس
انا بنتي ملهاش عشيق. واعرف ازاي تتكلم عنها
الحارس
طيب امشي قبل ما اقبض عليك وارميك في السجن بتهمه اهانه حراس الملك
كورلوس
صدق السيد غدير لما قال ان احنا بالنسبه ليكم من العبيد والشكوي متحرمة للي زينا
الحارس
كلمة تاني هسجنك
كورلوس ما اتكملش ومشي لانه خاف من تهديد الحارس لي. ورجع بيته لقي سرطان قاعد مع مراته بص له وقال
سيد غدير دة شرف كبير انك تقوم بزيارتي
سرطان
جيت اطمئن عليك لاني عرفت انك روحت قصر الملك ألفريد
كورلوس
زي ما انت قولت احنا بالنسبه لهم عبيد الشكوي ممنوعه في زمنهم
سرطان
اسف كورلوس لكن دي الحقيقة. لكني اقدر اخلي روح بنتك حوالين منك
كورلوس
روح بنتي. ازاي
سرطان
بالسحر
كورلوس
السحر محرم في مملكة الفردوس ولو حد عرف انك ساحر هيقطعو راسك
سرطان
ومين يقول لهم انت الاب اللي اتحرم من بنته
وبص ل ام سارة وقال
ولا الام اللي انكتب عليها ما تشوفش بنتها تاني
كورلوس
السحر محرم واحنا مش عايزين الملك يغضب علينا
قام سرطان وقف وقال
زي ما تحب. لكن الحرمان هيخليك تيجي لغاية عندي وتتمني احضار روح بنتك
ومشي سرطان وقفل الباب وراء منه وطلع ريحة العطر المخلوط بقطرات عرق ساره وفضي نقطتين من العطر تحت الباب ومشي ووقف وراء شجرة قصاد البيت يشوف نجاح خطتته لما سمع صوت الام بتقول
ريحة بنتنا سارة
كورلوس
شكلها رجعت
وفتحو الباب وسرطان بص للهفتهم ابتسم و استخبئ وراء الشجرة كويس وسمعت صوت الام تاني
دي ريحة بنتي انا متاكدة
كورلوس
ولما ريحتها هنا اومال هي فين
الام
شكلنا بيتهئ لنا يا كورلوس
كورلوس
احنا الاثنين في نفس الوقت
الام
اومال بس اللي حصل دة معني اية
كورلوس اتنهد وقال
حاجة تحير،،،،،،،
في نفس الوقت دة كان توماس طبيب المملكة بيستعد لجواز بنته الوحيدة حوريا. اللي كانت فرحانه جدا و بتنزل بنفسها تجيب كل اللي ناقصها وفاضل العطور وهي كانت بتحب العطور جدا لفيت المملكة كلها وسمعت عن دكان غدير وراحت له برجليها. راحت للي هيجيب عليها وطيها،،،،،،،