بسم الله ولا إله إلا الله
علي .. رهف يا بنتي فوقي وبيشيلها ويحطها علي السرير
رجاء .. بتجري تجيب برفان خد فوقها
علي .. بياخد البرفان ويرش علي ايده و بيقرب ايده منها
رهف .. بتبدأ تفوق وهي مصدومه و بتفتكر اللي حصل وتصرخ احمد يا بابا الحقو احمد
علي .. ان شاء الله مفيش حاجه تلاقي تليفونه فصل شحن
رجاء .. انا هرن علي فريال
فريال .. بتصحي علي صوت التليفون بتبص بتلاقي رقم رجاء ايه قلة الذوق دي في حد بيرن علي حد الفجر وبتسيب التليفون عشان ترجع تنام
رجاء .. فريال مش بترد هرن عليها تاني
فريال .. وبعدين بقى و بتمسك التليفون الو
رجاء .. ايوه يا فريال احمد عندك
فريال .. حاسة من صوت رجاء ان فيه حاجه لا يا رجاء احمد بره خير فيه حاجه
رجاء .. احمد كلم رهف وكان منهار وبيعيط وبيقول هيموت نفسه والخط فصل
فريال .. قامت من السرير وجسمها كله بداء يترعش انتي بتقولي ايه
رجاء .. بقولك اللي حصل حاولي تكلمي حد من اصحابه اكيد معاكي رقم حد منهم
فريال .. اه اه معايا رقم حازم صاحبه اقفلي انا هكلمه
رجاء .. ماشي
علي .. ايه يا رجاء قالتلك ايه
رجاء .. هترن علي حازم صاحبه وان شاء الله خير
رهف .. انا حاسه اني روحي بتروح مني يا بابا احمد حصلوا حاجه
علي .. تفائلي خير يا حبيبتي سكت شويه انا عرفت احمد فين
رجاء .. ازاي
علي .. لما فتحتي الميكروفون يا رجاء سمعنا صوت قطار يعني احمد علي الكوبري
رهف .. بتقوم يلا نروح نشوفه
علي .. خليكي انتي وانا هروح وهجيبه واجي ان شاء الله
رجاء .. انتي تعبانه يا حبيبتي ارتاحي وابوكي هيطمنا
علي.. يلا السلام عليكم ورحمة الله وبركاته
رجاء .. وعليكم السلام ورحمه الله وبركاته
رهف .. مسكت تليفونها و بترن علي احمد و بيديها مغلق وترجع ترن ومش عايزه تسيب التليفون
رجاء .. قاعده جنبها وحضنها ومش عارفه تقول حاجه
فريال .. معقول يكون احمد هيعمل حاجه في نفسه لا مستحيل يارب استرها وبترن علي تليفون احمد وبتلاقيه مغلق وبترن علي حازم
حازم .. بيكون راجع من صلاة الفجر و تليفونه بيرن بيطلع التليفون وبيستغرب لما بيلاقى اسم ام احمد وبيرد بسرعه السلام عليكم
فريال .. ما ردتش السلام وبصوت كله خوف احمد معاك يا حازم
حازم .. لا يا طنط خلصنا الحنه الساعه ١٢ وهو قال انه مروح
فريال .. ايوه ماهو جه وخرج تاني وكلم رهف وانا خايفه يكون عمل حاجه في نفسه
حازم .. ما تقلقيش انا هشوفه فين و كلمك سلام
علي .. بيجري ناحية الكوبري
حازم .. شافه بيجري جري وراه عم علي
علي .. بيبص وراه حازم ما شوفتش احمد
حازم .. لا ولسا طنط فريال مكلمانى انت رايح فين
علي .. وهو بيكلم رهف سمعت صوت القطار فاكيد علي الكوبري
حازم .. يلا بينا نشوفه
علي .. بعد ما خلاص وصل الكوبري ايه الزحمه اللي هناك
حازم .. جري في ايه يا رجاله
واحد من الناس .. فيه شاب رمى نفسه من علي الكوبري وده تليفونه
علي .. مسك التليفون وفتحه وهو ساكت وحازم كمان عرف التليفون وبمجرد ما فتح التليفون فاق علي علي رنة التليفون ايه دي رهف يا حازم
احمد هو الي رمى نفسه في المياه
حازم .. ده مش بيعرف يعوم يا عمي
علي .. نزل علي ركبه يعني احمد كده راح
حازم .. نزل علي ركبه هو كمان وهو هيتجنن لا مستحيل مش معقول
مفيش دقايق والناس كانت اتصلت بالنجده و جات فرقة الانقاذ ونزلوا يمسحو المياه والشمس طلعت وهما بيدورا عليه وتليفون احمد مش مبطل رن من رهف وفريال وعلي مش قادر يرد عليهم ولا قادر يقفل التليفون وفي النهايه قرار يرد بعد ما الامل انقطع انهم يلاقوا احمد عايش
علي .. الو
رهف .. احمد
علي .. انا علي يا رهف
رهف .. احمد فين يا بابا
علي .. بيبكي ومش عارف يقول ايه
رهف .. بابا ساكت ليه قولي احمد فين
علي .. احمد نط في المياه ومش لاقينه وده قضاء ربنا وقدره
رهف .. لا إله إلا الله استغفر الله العظيم اللهم لا اعتراض اللهم لا اعتراض بس ليه احمد يعمل كده في نفسه وفيا سامحني يارب اللهم اني استغفرك واتوب إليك
رجاء .. انا لله وانا إليه راجعون وبتحضنها جامد
رهف .. بدات تستغفر ومش بتحاول تفكر في اي حاجه
حازم .. اهداء يا عم علي وما تفقدش الامل
علي .. انت عارف ان احمد مش بيعرف يعوم
حازم .. سكت وهو من جواه بيتقطع لحد ما رن تليفون احمد والمره دي كانت فريال
علي .. خد رد عليها يا حازم
حازم .. لا انا هكلم عادل خال احمد وهو يروح يقولها و بيرن علي عادل إلي اول ما بيسمع الخبر بينزل جري علي اخته عشان يكون جنبها و ياخدها ويروحوا عشان يتابعوا فرقة الانقاذ وبيخبط علي البيت
فريال .. بتجري وبتفتح الباب مين عادل هو حصل حاجه
عادل .. كل شئ مكتوب يا فريال
فريال .. قصدك ايه يا عادل
عادل .. احمد نط في المياه من علي الكوبري وفرقة الانقاذ بدور عليه
فريال .. انت بتقول ايه وبتقع علي الارض
عادل .. بينزل علي ركبه ويحضنها وحدي الله يا فريال ويلا لازم نروح عشان نتابع فرقة الانقاذ
فريال .. انا السبب انا اللي قتلته
عادل .. لكل اجل كتاب يا فريال وكلها اسباب يلا بينا استني حازم بيرن الو يا حازم في جديد
حازم .. ايوه يا عمي لقيوا الجثه ورايحين علي المستشفي
عادل .. احنا جاين علي هناك
فريال .. لا مستحيل ابني عايش لا مستحيل يكون مات هو بس زعلآن مني وانا مش هزعله تاني وهعمل كل الي هو عايزه انا مش هزعله يا عادل
عادل .. وحدي الله وتعالي نروح المستشفي
فريال .. بتقوم وهي بتقدم خطوه وبتاخر التانيه وهي بتقول في نفسها لا مستحيل احمد لسا عايش
رجاء .. ابوكي اتصل وبيقول لقيوا الجثه واخدوها علي المستشفي
رهف .. الجثه احمد بقي جثه ليه ده كله وليه يعمل كده يارب صبرني
رجاء .. ربنا كبير يا حبيبتي انتي بس وحدي الله وما تخليش الشيطان يلعب بيكي
رهف .. لا حول ولا قوه إلا بالله انا عايزه اشوفه يا ماما
رجاء .. بلاش يا حبيبتي
رهف .. عشان خاطري يا ماما عايزه اشوفه لي اخر مره
رجاء .. حاضر يا حبيبتي يلا بينا
حازم .. طنط فريال وصلت
علي .. ربنا يصبرها ويصبرنا يا ابني
فريال .. هو فين
حازم .. هنا يا طنط
عادل .. بيقرب من الضابط لو سمحت دي امه ممكن تشوفه
الضابط .. اه طبعا انا كنت لسا هبعتلها عشان تيجي تشوفه قبل التشريح اتفضلى
فريال .. داخله وجسمها كله بيترعش
عادل .. ماسك ايدها وسندها
فريال .. بتقرب من الجثه وبترفع الغطاء عن وشه وبتحط ايدها علي بقها وبتصرخ يارتني انا الي مكانك يا احمد
عادل .. وحدي الله يا فريال
فريال .. لا إله إلا الله
رجاء .. بتوصل المستشفي
علي .. بيشوفهم بيجري عليهم ايه الي جابك يا رهف انتي تعبانه
رهف .. عايزه اشوفه يا بابا لي اخر مره
فريال .. طالعه شافت رهف وصرخة وهي بتقرب منها اه يارهف احمد راح يا رهف وبتحضنها
رهف .. مش قادره تتكلم
رجاء .. ده عمره يا فريال وحدي الله
فريال .. لا إله إلا الله
رجاء .. تعالي ارتاحي هنا
رهف .. بتقرب من الاوضه بعد ما ابوها استاذن الضابط
رجاء .. بتدخل معاها
رهف .. بترفع الغطاء عن وشه وايدها بترتعش واول ما بتشوفه بتتجمد مكانها ومش بتنطق ولا كلمه
رجاء .. واقفه ومستغربه من موقف رهف كانت متوقعه رهف هتبكي وتصرخ
رهف .. الصدمه خلتها كانها مش موجوده ولا حاسه بي اي حاجه
رجاء .. رهف مالك يا بنتي
رهف .. لفت وشها وطلعت وبدات تستوعب اللي بيحصل وانفجرت في البكاء
رجاء .. حضنتها وبتحاول تهديها
عادل .. حضن اخته وبيحاول يهديها
فريال .. بتصرخ وتبكي
الدكتور .. يا جماعه وحدوا الله احنا في مستشفي
الكل .. لا إله إلا الله
وبعد حوالي ساعتين استلمو الجثه وطلعو علي المقابر ودفنوه وكل واحد روح علي بيته وبيعدي شهر ورهف مش بتطلع من اوضتها وعلي ورجاء مش عارفين يعملوا ايه معاها لحد صاحبتها انجي ما قرارت انها تاخذها تشتغل معاها في المصنع اللي بتشتغل فيه وبعد محاولات عديده وافقت رهف علي الشغل وفعلا الشغل طلعها من اللي هي فيه و بالتدريج بدات ترجع لحياتها وفي يوم الباب خبط ولما رجاء فتحت انصدمت كانت فريال هي الي علي الباب