رجاء .. اتفضلي يا فريال وانا هنده لك رهف
فريال .. شكرآ ليكي وبتدخل وبتقعد في الصالون
رجاء .. بتخبط علي رهف وبندخل
رهف .. نعم يا ماما عايزه حاجه
رجاء .. فريال
رهف .. مالها طنط فريال
رجاء .. بره وعايزة تشوفك
رهف .. حاضر وطلعت من اوضتها وراحت علي الصالون
فريال .. اول ما شافتها اخدتها بالحضن كانها بتحضن ابنها احمد
رهف .. نورتي البيت يا طنط اتفضلي ارتاحى
فريال .. اسفه اني جيت لك من غير ميعاد
رهف .. ايه اللي بتقوليه يا طنط ده بيتك وتيجي في اي وقت
رجاء .. هعمل كبايتين عصير واجي
فريال .. انا السبب في كل اللي حصل ومش عارف اعتذر لك ازاي
رهف .. خلاص يا طنط مفيش داعي للكلام ده وكانت بتحبس دموعها
فريال .. معاكي حق يا حبيبتي من دلوقتى انتي بنتي و اسمحيلي اجي اطمن عليكي
رهف .. اكيد طبعا وانا كمان كل كام يوم هاجي اطمن عليكي
فريال .. فعلا كلام احمد عنك كله صح انتي ملاك مش انسانه
رهف .. انا انسانه عاديه خالص واحنا في بينا عيش وملح وحضرتك لو احتاجتي حاجه في اي وقت ياريت ترني عليا
رجاء .. اتفضلي العصير يا فريال
فريال .. تسلم ايدك يا رجاء وبصت لي رهف وانتي كمان لو احتاجتي حاجه كلميني
رهف .. حاضر يا طنط
فريال .. شربت العصير استاذن انا
رجاء .. لسا بدري مستعجله ليه يا فريال
فريال .. بدري من عمرك يا حبيبتي السلام عليكم
الكل .. وعليكم السلام ورحمة الله وبركاته
رجاء .. رايحه فين يا رهف
رهف .. هدخل اوضتي
رجاء .. انتي كويسه
رهف .. ابتسمت ابتسامه مصطنعه اكيد يا ماما ودخلت اوضتها واتفتحت في العياط ومش قادره تمسك نفسها
وتعدي سنه والتانيه وكل ما يجي عريس لي رهف ترفضه هي حاسه انها لو اتجوزت تبقى بتخون احمد اللي فضل الموت علي انه يتجوز غيرها واهلها تعبوا معاها وكل يوم نفس الكلام و مفيش اي تقدم رهف خلاص قفلت فكرة الجواز خالص واهلها بداءو يستسلموا لكن بيحاولوا لحد ما في يوم وهي بتقلب علي النت لقت شاب ثلاثيني منزل بوست بيدور علي شغل وطبعا هي كانت ماسكة مشرفه في المصنع وكانت عارفه انهم محتاجين شباب للشغل فكلمته عشان يجي يتقدم للشغل
رهف .. دخلت خاص السلام عليكم
خالد .. وعليكم السلام ورحمه الله وبركاته
رهف .. انا بكلم حضرتك بخصوص المنشور اللي حضرتك عايز فيه شغل في شغل في المصنع اللي انا شغاله فيه
خالد .. شكرا لحضرتك وانا مش عارف اشكرك ازاي
رهف .. مفيش شكر ولا حاجه هو حضرتك من فين
خالد .. من قنا
رهف .. بس كده هيكون بعيد اووي عليك المصنع في القاهره
خالد .. عادى من يومنا واحنا في الغربه وعشان ابني اعمل اي حاجه
رهف .. بسم الله ما شاء الله ربنا يخلهولك هو حضرتك عندك كام سنه
خالد .. ٣٧ سنه
رهف .. سكتت شويه اسفه يا استاذ خالد الشغل اللي عندنا تكون تحت ٣٥
خالد .. ولا يهمك كفايه انك اهتميتي وربنا يحفظلك اولادك
رهف .. انا مش متزوجه
خالد ..ضحك خلاص ربنا يكرمك بي ابن الحلال
رهف .. لا خلاص الحكايا دي انا شلتها من حياتي
خالد .. ليه وانتي عندك كام سنه
رهف .. ٢٢ سنه وحصل معايا حكايه ومن وقتها اخدت علي نفسي عهد اني مش هتجوز
خالد .. حرام اللي انتي بتقوليه ده انتي لسا صغيره وبتقولي كده مهما حصل صوابعك مش زي بعض
رهف .. مش عارفه انا ارتحتلك ليه وهقولك كل اللي حصل وكمان عشان في عريس مشرف معايا في المصنع متقدم وزي العاده بابا وماما واخويا مش مبطلين زن عليا و بدات تحكي كل حاجه
خالد .. فعلا قصتك صعبه بس برده ده مش مبرر انك تفضلي من غير جواز
رهف .. انت كلامك زي اهلي
خالد .. طول ما كلنا كلامنا واحد يبقى انتي اللي غلط صح ولا لا
رهف .. صح بس
خالد .. بيقاطعها مفيش بس تحبي نتكلم بالعقل ولا هتاخدي الموضوع عند وخلاص
رهف .. بالعقل
خالد .. ومش هتزعلي من كلامي
رهف .. لا مش هزعل
خالد .. خطيبك ده الله يرحمه لو شخصيته قويه و ايمانه بربنا كبير كان هيتجوزك حتي لو الدنيا كلها رافضه هو اختار الهروب بالموت وانتي دلوقتى بتعملي زيه وانتي شكلك متدينه وعارفه اللي بيموت نفسه جزاءه عند ربنا ايه فوقي لنفسك وادي نفسك فرصه
رهف .. بس انا بحبه ومش هقدر احب غيره
خالد .. مين فينا اخد اللي بيحبها قليل اووي والباقي بيتجوز ومع العشره والمعامله الحسنه بتكون هي كل حياته
رهف .. والله مش قادره اعمل كده
خالد .. عشان ماشيه وراء نفسك والنفس اماره بالسوء
رهف .. طاب اعمل ايه
خالد .. صلي استخاره ووافقي ولو فيه خير الجوازه هتم ولو لا هتيجي بعيد عنك ويروح لحاله وكده تبقي رضيتي اهلك
رهف .. مش عارفه انتي اقنعتني ازاي
خالد .. انا لا اعرفك ولا تعرفيني وانتي زي بنتي او اختي ولو احتاجتي اي حاجه انا موجود
رهف .. الف شكر ليك وانا هحاول في المصنع عشان حكاية السن
خالد .. لا ما تحاوليش انا متاكد ان ربنا عز وجل هيكرمني قريب بشغلانه كويسه
رهف .. ربنا يكرمك يارب
خالد .. يلا بعد اذنك سلام
رهف .. سلام
باب الاوضه بيخبط
رهف .. ادخلي يا ماما
محمد .. بيفتح الباب انا يا رهف
رهف .. اتفاجئت انت جيت من السفر اخيرا بعد ثلاث سنين وقامت و حضنته
محمد .. وحشاني يا لمضه
رهف .. انت وحشني اووي ازاي ما تقوليش انك جاي
محمد .. حبيت اعملهالك مفاجئه
رهف .. اجمل مفاجئه في الدنيا وحشني اووي
محمد .. وانتي كمان
رجاء .. اهو جالك اللي هيقدر عليكي يا مطلعه عيني
رهف .. وانا عملت ايه
محمد .. تعالي نقعد في الصالون بابا هناك
و قعدو كلهم في الصالون وبعد ما خلصوا كلام عن محمد والسفر وسلامات
علي .. انا ما بقتش قادر عليكي اخوكي جه منك ليه
رهف .. في ايه بس يا بابا
علي .. ناصر زميلك اللي متقدملك شاب كويس ليه رفضاه
رهف .. انا موافقه
علي .. بتقولي ايه
رهف .. بقول موافقه واللي ربنا عايزه هيكون
رجاء .. ونعم بالله بس ازاي موافقه
رهف .. ايه عايزيني ارفض حاضر زي ما تحبوا
رجاء .. لا بس انتي كنتي رافضه
رهف .. فعلآ بس خلاص انتو معاكم حق وانا موافقه
محمد .. اخيرا يا مفتريه لو افتكر كده كنت نزلت من زمان
رهف .. ماشي يا محمد بيه ٣ سنين يا مفتري ايه كرهتنا
محمد .. وانا ليا غيركم بس الظروف كده
رهف .. ناوي تخطب امتي
محمد .. افرح فيكي الاول وبعد كده افكر اخطب
رهف .. سامعه يا ماما ابنك عايز يفرح فيا
رجاء .. ما هو يفرح فيكي وانتي افرحي فيه وانا افرح بيكم
محمد و رهف بيترموا بحضنها ورجاء بتحضنهم جامد
رجاء .. علي رن على ناصر قبل بنتك ما ترجع في كلامها
علي .. معاكي حق يا رجاء وطلع التليفون ورن علي ناصر
ناصر .. اول ما شاف اسم ابو رهف علي التليفون رد بسرعه السلام عليكم
علي .. وعليكم السلام ورحمة الله وبركاته عامل ايه يا ابني
ناصر .. الحمد لله يا عمي انا مصدقتش نفسي لما شوفتك بترن
علي .. انا حبيت اقولك ان رهف موافقه وتقدر تيجي في اي وقت تحبه
ناصر .. بكره بعد العصر يا عمي مناسب ليك
علي .. اه مناسب هكون في انتظارك
ناصر .. الف شكر يا عمي بجد انا اسعد انسان في العالم كله
علي .. ربنا يسعدك كمان وكمان يا بني يلا سلام
ناصر .. سلام
رجاء .. مبروك يا حبيبتي
رهف .. مش لما الجوازه تتم
رجاء .. والله انا خايفه منك
رهف .. ليه بقا يا ماما هو انا هاكله بس ما حدش يعرف فين نصيبه
محمد .. معاكي حق يا رهف النصيب يعلمه ربنا عز وجل يلا اسيبكم انا عشان هموت ونام
علي .. اتفضل يا حبيبي
رهف .. وانا كمان هدخل انام عشان الشغل
رجاء .. لا بكره خدي اجازه عشان نجهز شوية حاجات سوه
رهف .. حاضر يا ماما تصبحي علي خير
الكل .. وانتي من اهله
رجاء .. الف حمد وشكر ليك يارب وربنا يتممها علي خير
علي .. ان شاء الله يا حبيبتي انا مبسوط ان رهف اخيرا اقتنعت
رجاء .. انا هتجنن ازاي وهي كانت رافضه الفكره خالص
علي .. كل شئ وله اوان يا رجاء وربنا يكتبلها اللي فيه الخير ليها
رجاء .. امين يارب العالمين فكرتني بالذي مضي انت كنت اخر واحد كنت اتصور اني اتجوزه
علي .. ايوه والله كنا زي ناقر ونقير مش عارف ازاي ده حصل
رجاء .. انت كنت هتموت عليا وانا ولا كنت واخده بالي
علي .. والله بإمارة ما كنتي بتقوليلي انك مش هتقدري تعيشي من غيري
رجاء .. انت لسا فاكر يا راجل
علي .. عمري ما نسيت حاجه قولتهالي انتي حب عمري يا رجاء وقام قعد جنبها وباسها من راسها وحضنها
وبيمر الوقت وبيجي ميعاد العريس والباب بيخبط ومحمد بيفتح
محمد .. اتفضل يا استاذ ناصر
ناصر .. شكرا يا استاذ محمد اعرفك ماما وبابا
محمد .. اتفضلو انتو نورتو البيت
ابو ناصر.. منور بيكم يا ابني
رجاء ..سلمت علي ام ناصر و خدتها معاها جوه عشان الرجاله يقعدو براحتهم
ام ناصر .. العروسه فين
رجاء .. في المطبخ هتقدم الشربات للرجاله وتيجي
رهف .. بتدخل بالشربات