كاس المر
لعشاق الدرما والانتقام
الدنيا جت عليها وبقت من بنت عمدة. لمجرد خدامه في فيلا. وبقت بين يوم وليلة راجعه من الموت تنتقم من اللي حصل فيها. خدامه وحرامي. في احداث قصتنا. كاس المر
من تاليفي
محمد منصور. * منص*
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
احنا دلوقتي جوة دوار كبير للعمدة صلاح الشرقاوي. ابن محافظة الشرقية. وكانت بنت صلاح الشرقاوي زينة احلي بنات البلد صاحبة ال 25 سنة واقفة في المطبخ بتحضر اكل بايديها. رغم ان المطبخ مليان. ببنات قاريب زينه و بالخدم. الا انا كانت واقفة بتحضر الاكل بنفسها وهي فرحانه. والمطبخ كان كل اللي في بيضحكوا وفي كلام كتير ما بينهم وبصوت عالي. فدخل المطبخ ابوها صلاح الشرقاوي وبص لها وقال
يا زينه عمال انادي عليكي وانتي ولا انتي هنا
بصت له زينه وهي بتقلب في الحلة اللي قدام منها.
ما انت شايف المرستان اللي قدامك. اسمعك ازاي انا بقي. وسط الهيصة دي
بص صلاح لكل الموجودين في المطبخ وقال
ما تنكتمي يا بت منك ليها. عايز اكلم بنتي جتكوا الهم تموتو. في الرغي
سكتو كلهم والمطبخ رجع له الهدوء من تاني فقالت زينة
كنت فين من بدري اخيرا سكتوا. نعم بقي يا سي بابا عايز اية
صلاح وهو بيخبط ايدة في دماغه. وبيقول
اخ. والله نسيت.
ضحكوا كلهم وقالت بنت خاله زينه. وتدعي غزل
كنت سكتنا لية بقي. لما انت ناسي عايز تقول. اية انت كدة يا عم صلاح هتخلينا نرجع نحكي من الاول
رفع صلاح العكاز الخشب بتاعته لفوق وقال بهزار
وعهد الله اللي هسمع حسها تاني لكون نازل بالعصايا علي دماغها. انتم سامعين ولا. لا.
ضحكوا كلهم ضحكات مكتومة وقالت زينه
عايز تضرب معازيم الفرح بتاعي
نزل صلاح العكاز بتاعه وقال
لا. ما يصحش دول برضو عندنا. يخلص الفرح وبعدها،،،،،،
غزل قالت بهزار مقاطعه ل صلاح
بعدها انت مش هتشوفنا هنا تاني. هنيجي لمين انتي ناسي ان محمود هيتجوز زينه وياخدها ويسافر بيها السعودية.
صلاح بصوت حزين
انسي ازاي بس. مع اني فرحان لفرحتها لكن زعلان علي فرقها. بس اعمل اية محمود دماغه ناشفة. ماهو شغال معايا والحال ماشي زي الفل. لازم يعني يحرمني من الغالية. دة هي اللي فاضل لي من الدنيا
وهربت دمعه من عيون صلاح وهنا راحت له زينه وقالت
تاني يا با. هتعيط تاني
صلاح
صعبان عليه فراقك
زينه وهي بتمسح دموع عيون صلاح
دول هما سنتين وهنرجع البلد تاني واعيش معاك هنا غصب عن محمود نفسه
صلاح ابتسم وقال
سنتين هيعدوا عليه وكانهم 20 سنه
غزل
ما انا عملت لك صفحة علي الفيس وكل يوم زينه هتبقي تكلمك فيديو. دة لو فضيت. ومحمود سابها تكلم راجل غيره. اصله بيغير عليها اوي اوي
وبصت غزل ل زينه من تحت ل تحت. فضربتها زينه ضربه هزار وقالت
لمي لسانك اللي عايز قطعو. وروحي جهزي اللحمة المفرومة علشان صواني. المكرونة البشاميل
غزل بتريقة
حاضر يا شيف شربيني
ومشيت غزل وهما بيضحكوا وصلاح بيقول
بنت لسانها عايز قطعوا
زينه وهي بتضحك
سيبك بقي منها وروح انت ارتاح. يومك طويل النهاردة
صلاح
ارتاح ازاي بس والجزار جه برة والذبايح بتتدبح ولازم ابقي واقف علي ايديهم. انتي بقي اللي كفاية عليكي وقفة في المطبخ لغاية كدة وروحي اجهزي لحنتك
زينه
انا وعد محمود انه ياكل النهاردة من ايدي
صلاح
يا بنتي انتي عروسة. ازاي بس تبهدلي نفسك في وقفة المطبخ
زينه
دة وعد في رقبتي اول لقمة ناكلها سوي بعد كتب كتابنا هتكون من ايدي
صلاح
دماغك نشفة لكن انتي حرة. اما اخرج انا اشوف الجزار. عمل اية. ولما افتكر كنت عايزك في اية هبقي ابعت لك ،،،،
ومن علي محطة القطر يقعد محمود وكان بيبص في ساعته بزهق شديد. لغاية ما وصل القطر اللي جاي من القاهرة وهنا بدأ يبص محمود للقطر باهتمام شديد ويرن الموبيل بتاعه فيرد بسرعه قائلا
انت فين
صوت بيقول
انت اللي فين
محمود
انا علي محطة القطر اهو. فين انت
صوت بيقول
شوفتك خلاص
وهنا يظهر شاب وسيم جدا وانيق ولابس هدوم علي احدث موضة وطويل ويدعي دياب راح ناحية محمود وبص له وقال
عامل اية يا غزال
محمود بضيق
كل دة يا دياب. انت عارف انا قاعد من امتي
ضحك دياب ضحكة غريبة وقال
مالك يا عمنا هو اللي كنت سايق. القطر بتاع بلادكم خربان
محمود
ما قولت لك تعالي في عربية مخصوص
دياب
كدة احسن. اشوفك وسط الزحمة احسن ما شوفك لوحدينا
محمود
صدام التربي شكر لي فيك وقال انك هتخلص العملية دي من غير اي شوشرة
دياب
انا دياب يا عمنا. لو صدام ما عرفش يوصل لك مين هو دياب فانا بقي هوصل لك
محمود
هنشوف
دياب وهو بيولع سيجارة
انا شوفت قبل كدة انت اللي هتشوف
محمود
طيب تعالي معايا اوديك الشقة اللي هتقعد فيها
دياب
قول العنوان وهات المفتاح وانا هوصل
محمود
طيب لية ما اوديك انا اسهل
دياب
الغشومية وحشة. وانا ما حبش اتعامل مع الغشيم. يحبسنا.
محمود
لية بس الغلط
دياب
هو انت مش باعتني علشان اريحك من المدام. واخليها تسافر للاخرة.
محمود
ايوة
دياب
يبقي ازاي بقي نخلي اهل البلد يشوفونا مع بعض انت كدة. بتقول للناس انك وراء اللي هيحصل لمراتك
محمود
ما طبيعي الناس هتشوفنا سوي علي اساس انك سواق الشركة السعودية اللي مسافر اشتغل فيها وجاي توصلني المطار
دياب
وسواق الشركة جاي قبليها بيوم لية. الكلام ما حبهوش يكتر انت عايز تتعور من حوار موت مراتك. ولا تحب تطلع سليم
محمود
عايز اطلع سليم. دة انا بعت جبتك من القاهرة علشان تكون غريب عن البلد ورجلي ما تجيش في الحكاية. واورث في بنت صلاح كل اللي حيلته. وكمان اجيب حق ابويا اللي صلاح دخلو السجن ظلم واحسرة علي بنته لما يشوفها وهي مقتوله.
دياب
غريبة حكايتك.
محمود
لية بتقول كدة
دياب
اصل صدام التربي يعرف ابوك ويعرف صلاح الشرقاوي من زمان. واللي اعرفه ان ابوك فعلا سرق. 100 الف جنية. من خزنة البوسطي من 15 سنة. وصلاح شهد عليه وقال الحق. يبقي فين الظلم بقي
محمود. بحدة
ابويا كان صاحب صلاح الروح بالروح. كان قال اي شهادة غير اللي دخلت ابويا السجن. ماحبكش يقول اللي يودي ابويا في داهية. وخصوصا ان ابويا قال وقتها انه كان معه وقت ما حصلت السرقة
دياب
ما الراجل اهو نسي ان ابوك كان حرامي وشغلك مع في التجارة. وكمان هبجوزك بنته. بعمل اية تاني
محمود
واضح ان صدام رغي معاك كتير. بس ياريت يكون قال لك ان ابويا مات في السجن بسبب اللي عمله في صلاح ومهما صلاح كان كويس معايا عمري ما هانسي ابويا اللي راح بسببه.
ضحك دياب وقال
الندب ما يجبش الا ندب. وانا مش مصلح اجتماعي انا حرامي وسفاح. وجاي اعمل سبوبة واروح. ايدك علي مفتاح الشقة يا عمنا. وعايز بكرة قبل فرحك بساعه. اشوف في الحساب بتاعي الفلوس اللي اتفقنا عليها
حط محمود ايدة في جيبة وطلع مفتاح وادي عنوان الشقة ل دياب اتحرك دياب وهو بيقول
اشوفك بكرة بعد الزفة.،،،،،،،،،
وبعد العصر ومن جوة الجامع يتم كتب كتاب محمود علي زينه وتتنهي مراسم كتب الكتاب وتنتطلق الزغاريد في الجامع وبرة الجامع. الفرحة كانت كبيرة جدا وروح محمود مع صلاح ودخلو البيت وكانت زينه بتحضر الاكل بنفسها فبص لها محمود وقال
بنفسك يا عروسة
زينه
ومن غيرك بس احضر له لقمته. دة انت من النهاردة دنيتي كلها
مسك محمود ايد زينه وباسها وهو بيقول
قلبي وعهد الله. انتي ما تعرفيش انا فرحان ازاي انك اخيرا بقيتي مراتي
زينه
ربنا يقدرني واسعدك
محمود
وانا ربنا يقدرني واكون ليكي الزوج اللي تتمني. قولي بقي تحبي نقضي شهر العسل فين شرم ولا الساحل
زينه
احنا مش هنسافر السعودية ولا اية
محمود
هنسافر طبعا بس في الاول نقضي اسبوع ولا اتنين في شرم او الساحل
زينه
لا. نعمل عمره احسن
محمود
عمره
زينه
وفي احلي من اننا نبتدي حياتنا مع بعض في اطهر بلد علي كوكب الارض
محمود
خلاص يا ستي ماشي كلامك
وباس ايدها تاني. وبص له وابتسم. والغلبانه ما تعرفش انه محمود ديب ناوي يخلص منها في ليلة دخلتها، ،،،،.،،،،،
وتعدي الحنة بكل الفرحة اللي فيها ونيجي للفرح والكل مبسوط ووسط اصحابها وقرايبها ترقص زينه ومحمود وسط اصحابه وقرايبة يرقصو. وهنا يظهر في الفرح دياب ويتمشي في الفرح ببطي شديد داخل الفرح داخلة ملك الموت اللي رايح للي جه ميعادة. وهنا عيونه تقع علي زينه يضحك بمنتهي الشر ويقول لنفسه
فرحانه ما تعرفيش ان نهايتك هتكون كمان ساعه.
لكن ضحكة زينه خلت راس دياب تلف ولا كانه سكران وضحك هو كمان وكانها بتضحك له ورجع وقال لنفسه
والله خسارة فيكي الموت. بس مدفوع فيكي مبلغ حلو
ورجع وخرج من الفرح وركب العربية اللي هتزف محمود وزينه وطلع سيجارة حشيش وبدأ يشربها ومع السيجارة خد برشامه وفضل قاعد جوة العربية مستني نهاية الفرح وخروج العروسين وفعلا انتهي الفرح وخرجوا ووقف صلاح قدام بنته وهو بيعيط وبياخدها في حضنه وبيقول
هتوحشيني يا زينه.
زينه وحالها ما يفرقش عن حاله ابوها
وانت كمان هتوحشني يا با.
واترميت في حضنه وعياطهم بدأ يزيد بص للمشهد اللي بيحصل دة دياب وقال بزهق لنفسه
اية بقي هي دي الحلقة الاخيرة ولا اية.
وراح دايس علي كلكس العربية بصو له كل الموجودين لانه داس بشكل مستفز فقال صلاح ل محمود
هو مال صاحبك بيدوس علي الكلكس كدة لية
بص محمود ل دياب بغضب ورجع بص ل صلاح وقال بارتباك
دة مش صاحبي يا عم صلاح. دة سواق بعته صاحب الشركة اللي هشتغل فيها بالسعودية. وهو مستعجل علشان بس ميعاد الطيارة.
صلاح
طيب قول له خلاص
محمود ل دياب
خلاص.
اتوقف دياب عن الدوس علي الكلكس وسلم صلاح علي محمود وقال
مش هوصيك. زينه امانه في رقبتك. انا مش عارف هو انت لازم تسافر السعودية ما انت شغال معايا والحال ماشي
محمود
عايز احقق حلمي في مجال الاستثمار. انا برضو ما كنتش بتعلم واخد شهادة علشان اعد مواشي واحسب كام شيكارة علف دخلت المزرعه
صلاح
هقول اية. ربنا يكتب لك النجاح في طريقك الجديد.
محمود
يارب يا عمي. يلا اشوف وشكم علي خير
وراحو وركبوا العربية وسط الزغاريط والفرحة اللي ملهاش اخر. واتحرك دياب بالعربية، ،،،،،،،،
وفي طريق المطار وبالتحديد علي الطريق الصحراوي ينحرف دياب يالعربية ويدخل في الصحراء وسط استغراب من زينه اللي قالت ل محمود
هو صاحبك رايح فين
دياب
مشوار صغير كدة لغاية الاخرة
استغربت زينه من كلام دياب وبصت لمحمود وقالت
محمود هو بيقول اية
محمود
زينه لازم تعرفي ان اللي هيحصل دة. انتي مالكيش ذنب في. بس دة ثمن اللي عملو ابوكي ولازم تدفعي
زينه وهي مصدومة
معني اية الكلام دة. انت جايبني هنا علشان تقتلني
محمود
لازم اخلي صلاح بتحسر عليكي زي ما اتحسرت علي ابويا
عيطت زينه بحرقة وقالت
انت مش محمود اللي حبيته. انت حيوان
وبدات تصرخ وتقول باعلي صوتها
الحقوني عايزين يقتلوني
دياب وهو بيبص ل محمود
اكتم نفسها هتفضحنا
وفعلا حط محمود ايدة علي بوق زينه اللي كانت بتحاول تنزل من العربية باي شكل.
وفي نفس الوقت في الصحراء كان في تجار مخدرات بيسلموا بعض شحنة مخدرات والاثنين المعلمين بيبصوا لبعض بحذر شديد وبيقول واحد منهم
لو الفلوس طلعت ناقصة جنية انا هعرف ازاي اجيبك
وهنا يشوفوا العربية اللي فيها دياب بتقرب عليهم ودياب ما خدش بالو من التجار دول لانه كان مشغول مع اللي بيحصل بين زينه ومحمود فقال واحد من تجار المخدرات
غدرت بيا تاني وجايب عربية فيها رجاله تخلص علينا. لكن لا. انت اللي هتموت يا خاين
وطلعوا التجار السلاح علي بعض وبدواء يضربوا نار علي بعض وهنا انتبه دياب بعد ما كان قرب من تجار المخدرات فداس فرامل ولف العربية بمنتهي السرعه وانطلق الرصاص علي عربية دياب. والازاز اللي وراء وقع وجت رصاصه في راس محمود صرخت زينه لما شافت الدم علي وشها وهدومها ونزلت استخبت في ارضية العربية ودياب بيهرب من ضرب النار وهو بيتاميل بالعربية. لدرجة ان الباب اتفتح بعد ما دماغ محمود لمست المقبض اللي بيفتح الباب ووقع محمود جثة هامدة وعربية تجار المخدرات داست علي جسمه. ودياب فضل يهرب لغاية ما وصل للطريق السريع وهنا يحصل بينه وبين عربية نص نقل اصطدام عنيف. وكانت حادثة مخيفة وبدات العربية تتقلب علي الاسفلت وسط صرخات زينه ودياب. الي ان توقفت العربية علي ظهرها ومعها انتهت صرخات الاثنين، ،،،،،،،،،،،،