الباب ضرب وامي فتحتو كان الولد الدعامي ومعاو واحد شايل اسلحة في يدينهم
شايفهم عايزين يخشو وانا جوه الغرفه اعاين بي الشباك
امي كانت بتتكلم معاهم طلعو امي قفلت الباب وجات قالت لي يلا سريع نطلع قلت ليه ليه قالو ليك شنو قالت لي قال عايز يتزوجك وانا قلت ليو موافقة وقعدت اكذب عليو حاولو يخشو البيت وقلت ليهم لي بكرا تعالو امي فاتت غيرت ملابسه وانا غيرت وطلعنا ماعارفين نمشي على وين طلعنا من الحصاحيصا وماشين مسافه روحنا دي طلعت من المشي وصلنا مدينة امي قالت لي دي رفاعة ضربنا لينا باب طلعت مره امي قالت ليه عابر سبيل خلينا ننوم الليلة دي وبكرا من الصباح بنطلع قالت ليه حبابكم ودخلنا نمنا معها وصحينا الصباح امي سألت اذا في عربات بتطلع ممن هنا لي شندي قالت ليه في عربية طالعة الليلة والسايقنها دعامة تدفعي ليهم بوصلوك ام ضون بأن من هناك تاني بتركبي لي شندي امي قالت ليها مضمونين قالت ليه اي عندي اهلي كلهم طلعو معهم وانا مابقدر راجلي مابتحرك من السرير صعب اطلع بيو ولو طلعت امشي بيو وين امي قالت ليه الله يشفيى ويحميك ويغطي عليك قالت ليه امين
قالت لي امي انا بمشي اكلم الناس المسافرين ونشوف اذا في مكان في العربية ولا لا لبست توبها وطلعت جات قالت لي امي اطلعو طوالي العربية متحركة وطلعنا كان هايس فيو كم اسره والسايق دعامي معاو تاني واحد السايق قال لي امي انتي والبنت دي تدفعو ٣٥٠ مع انو المسافة من هنا لي ام ضون بأن
كم ساعة امي قالت ليو تمام دفعت ليو ودعنا المره وركبنا والهايس اتحرك كان في واحد راكب بي فوق الهايس ورجلو في الشباك تتحرك مع الهايس بطني طمت ومشغلين اغانيهم دي ولابسين العمم شكلهم يضحك
بعد كم ساعة وصلنا ام ضون بأن كان العصر اذان نزلنا في المسيد كان دنيا وعالم
وكان في مرض الكوليرا سالنا من المواصلات قالو لينا الحافلات والباصات مكتملة وتاني الا بعد كم يوم
المصيبة الكوليرا والناس بتموت بيها اتحركنا كان في شبكة مشينا عليها اتصلنا بي محمد ومارد رجعنا قعدنا جنب الباصات شايفه في ولد بأجر السراير مشيت عليو جبت منو سرير وشايفه ست شاي مشيت عليه جبت شاي واشتريت كيك امي قالت لي اي عشان الكوليرا الاكل الهنا دا كلو بكون ملوث
شايفين الدعامة قاعدين مع ستات الشاي ويتونسو الليل دخل قمنا صلينا ونمنا كان في ناس كتيره نايمه النايمن في فرش في الأرض والنايمين في سراير وصوت الكلاب والكلاب الحايمة جنب الناس انا كنت خايفه شديد بعد تعب حتى نمت صحينا الصباح على صوت استفرغ رفعت راسي كان طفل وجنبو امو الطفل استفرغ واسهال وبعدو وقع امو كوركت جو عليها كم راجل وكم مره واحد قال ان الله وانا اليه راجعون
وزحو من الطفل اظن عندو كوليرا امي كانت تعاين وتبكي قالت اي البسي ليك كمامة
طلعت لي كمامة لابسته واديتها وحده قمت اتحركت مشيت لي ست الشاي شلت منها مويه اتوضيت وجبت لي امي شلت لي كرتونة صلينا فيها الباصات بدت تتحرك الناس قامو وبدو يركبو وانا اعاين فيهم
واحد قال لي انتي أمس سالتي من الباصات قلت ليو اي قال لي شوفي ليك لوري وشوفي ليك كم أسرة وادفعو ليو الباصات دي عايزه ليه اقل شي اسبوع عشان تجي وزي ماشايفه الكوليرا منتشره كيف
قلت ليو تمام مشيت جبت لي امي شاي وجريت السرير من مكان الباصات وقعدنا نشرب ونتفرج في الناس
النلس ديل كلهم طلعو وخلو وراهم أملاك وبيوت اهل وناس فقدوها وناس مات
في عيونهم نظرات خوف على حزن
قمت مشيت الشبكة واتصلت على محمد فتح الخط بس ماكان صوت محمد كان صوت غريب وسالتو من محمد قال لي معاك الضابط....والزول دا اتقبض عليو حرفي عايزه اموت وسالتو من السبب قال لي اسمو مطابق مع اسم دعامي مطلوب
قلت ليو كيف يعني محمد ماعندو شغلى بي الدعم ولا شغال معهم قال لي يازولة انتي عايزه توري الحكومة شغلها ماتكتري كلامك الزول دا اتقبض وماعندو اي ورق ثبوتي قلت ليو اورقو معاي قال لي جيبيهم قلت ليو انا مافي شندي وحكيت ليو قال لي لما تجي شندي وقفل الخط انا بكيت بكا
قلت في سري اقول لي امي شنو استغفرت الله ودعيت لي محمد الله يفك اسرو واتحركت على امي شايفه لوي داخل ام ضون بأن وكان فاض جريت عليو جري وفي ناس كتيره جرت عليو
اللوري وقف ونزل منو واحد قلت ليو مابتوصلنا شندي قال لي ماحصل شلت ناس بشيل بضاعة قلت ليو بندفع ليك قال لي بتدفعو لي ...٥ النفر
قلت ليو لا حول ولاقوة الابالله دا مبلغ كبير قال لي دا الكلام العندي لو النفر بدفع لي ...٥ وتشوفي ليك ٥٠ نفر
اتحركت منو وانا اتحسبن مواصلات جوه السودان بي نص مليار والله الناس جنت عديل وانا واقفه جا تاني لوري جريت عليو كان في ناس كتيره جرت عليو سالتو قال لي تمام النفر ٢٥٠ قلت ليو تمام تمام قال لي شوفي ليك ناس اتحركت وسألت المسافرين كتيرين وكلهم قالو بدفعو اظن اكتر من ٦٠ نفر جمعتهم ومشينا على سيد اللوري قال لينا اول شي تدفعو كلهم قالو موافقين لانو في الكوليرا على الجنجويد والناس دي عايزه تطلع بي اي طريقة
انا دفعت ليو وجبت امي وركبنا الباقي منهم قالو بنكك وسيد اللوري اتحرك معهم وحصلت مشكلة نزلت اشوف سيد اللوري قال واحد فيكم يسجل الناس ويسجل القروش حصلت لخبطه وماتكوروك في راسي واتحرك
جا واحد ماكان معانا قال لي انا بسجل لكن ركبو اسرتي معاكم كان نوبي ولا فلاتي مابعرف قلت ليو تمام وقال لي اسه ماعندي قروش لما نحصل شندي بدفع سيد اللوري
قال ليو تمام وشال الورقه والقلم وسجل الناس وجمع القروش وركبنا الولد السجل اهلو ماركبو قال بجو بعد شوية هم قاعدين مع أهلهم لي انتظرنا ساعتين عديل والناس دي اتزهجت واتململت وبعد ساعتين جو وكانو ٥انفار ونحنا ٦٠ واللوري دا مافي مكان تخت فيو رجلك انا قاعده ومعصوره جنب امي وقاعدين في الأرض وفوق في الحديد شباب قاعد ورجولو في راسي والعفش كتير شديد اطفال ونسوان ورجال معصورين شديد الأطفال يبكو والنسوان تكورك والشباب قاعد فوق في الحديد الفي اللوري حرفيأ موت موت ياتموت من الجنجويد ياتموت في الموصلات
الولد واهلو عندهم عفش كتير شديد سيد اللوري ربطو بي اطراف اللوري بي برا وركبو اول شي أربعة بنات ومعهم امهم والاربعة ركبو يعفصو في الناس والأم تكورك وحده عفصتني وانا صرخت قلت ليه مابتشوفي قالت لي تشوفي العمة قلت ليه انتي ماشوفتي اشوفو انا حيوانه دي
امها قامت فيني ونبز وكواراك وبنت تقعد محل عايزه بي قروشنا وحقنا وانا كنت زهجان قمت فيها
والناس تهدي فيها وفيني وسيد اللوري يكورك
امي قرصتني وقالت لي اسكتي عليك الله خلينا نطلع ماشايفه الكوليرا والجنجويد ديل ولا شنو ونهرتني
سكت منهم انا قبل ما اركب شلت معاي ليمون ومويه واكياس عشان بطني بتقلب من حركة العربات البنات قعدو وحده قعدت في رجلي عديل وامي قالت لي اصبري ماتتكلمي
وانا وزهجانه فوق لي شاب رجولو في راسي والبنت قاعده في رجلي والشمس في راسنا والأم ديك لسه تنبز وحلفت كانت تسكت والناس يهدو فيه وبناته يحمرو لي
سيد اللوري قال لينا خلونا نتحرك عشان نلحق الطوف الطوف دا العربات كلها تتحرك مع بعض وبكون في عربات دعم سريع بتمشي قبل الطوف وبعد الطوف لانو في نهب وسرقه في الشارع طبعآ الدعامة ديل بشيلو من سوقين العربات قروش عشان يحموهم من الشارع سيد اللوري قال لينا جيبيهم قلت ليو انا مافي شندي وحكيت ليو قال لي لما تجي شندي وقفل الخط انا بكيت بكا قلت اقول لي امي شنو استغفرت ودعيت لي محمد الله يفك اسرو واتحركت على امي شايفه لوي داخل ام ضون بأن وكان فاض جريت عليو جري وفي ناس كتيره جرت عليو اللوري وقف ونزل منو واحد قلت ليو مابتوصلنا شندي قال لي ماحصل شلت ناس بشيل بضاعة قلت ليو بندفع ليك قال لي بتدفعي ٤٠٠٠ النفر قلت ليو لا حول ولاقوة الابالله دا كلو لي المبلغ كبير قال لي دا الكلام العندي لو النفر بدفع لي ...٥ وتلاقي ليك ٥٠ نفر ارح اتحركت منو وانا اتحسبن مواصلات جوه السودان بي نص مليار والله الناس جنت عديل وانا واقفه جا تاني لوري جريت عليو كان في ناس كتيره جرت عليو سالتو قال لي تمام النفر ٢٥٠ قلت ليو تمام تمام قال لي شوفي ليك ناس اتحركت وسألت مشاء الله المسافرين كتيرين وكلهم قالو بدفعو اظن اكتر من ٦٠ نفر جمعتهم ومشينا على سيد اللوري قال لينا اول حاجه تتدفعو لي انا وامي دفعنا والباقي الدفع كاش دفع والاتحرك مع سيد اللوري ودفع بننك حصلة مشكلة وسيد اللوري اتلخبط في الحساب سيد اللوري قال يجي واحد يسجل الناس ديل ويجمع القروش وقف واحد ماكان معنا قال ليو انا بسجل بس تركبونا معاكم معاي اسرتي سيد اللوري قال ليو تمام ومسك ورق وقلم وسجل وجمع القروش وقال لي سيد اللوري اسه ماعندي قروش منتظر لي قروش لما تصل بدفع ليك سيد اللوري قال ليو تمام الناس ركبت الولد السجل الناس اسرتو ماركبت قال لي سيد اللوري اسرتي بجو اسه وانتظرنا ساعه حتى جوه مره ومعها خمسه بنات واللوري دا مافي مكان تخت فيو رجلك انا قاعده ومعصوره جنب امي وقاعدين في الأرض وفوق في الحديد شباب قاعد ورجولو في راسنا والعفش كتير شديد اطفال ونسوان ورجال معصورين شديد الأطفال يبكو الولد واهلو عندهم عفش كتير شديد سيد اللوري ربطو بي اطراف اللوري بي برا وركبو اول شي خمسة بنات ومعهم امهم والاربعة ركبو يعفصو في الناس والأم تكورك وحده عفصتني وانا صرخت قلت ليه مابشوفي قالت لي تشوفي العمة قلت ليه انتي ماشوفتي اشوفو انا حيوانه دي امها قامت فيني ونبز وكوراك وبنت تقعد محل عايزه بي قروشنا وحقنا والناس تهدي فيها امي قرصتني وقالت لي اسكتي
تي سكت منهم انا قبل ما اركب شلت معاي ليمون ومويه واكياس عشان بطتي بتقلب من حركة العربات البنات قعدو وحده قعدت في رجلي عديل وامي قالت لي اصبري ماتتكلمي سكت ساي وزهجانه فوق لي شاب رجولو في راسي والبنت قاعده في رجلي والشمس في راسنا والأم ديك لسه تنبز وحلفت كانت تسكت والناس يهدو فيه وبناته يحمرو لي اللوري سيد اللوري قال لينا خلونا نتحرك عشان نلحق الطوف الطوف دا العربات كلها تتحرك مع بعض وبكون في عربات دعم قبل الطوف وبعد الطوف لانو في نهب وسرقه في الشارع طبعآ الدعامة ديل بشيلو من سوقين العربات قروش عشان يحموهم من الشارع سيد اللوري قال لينا لما يتحرك اللوري المكان بتتوسع و بجيكم هوا بارد وبعدين الفقرا قسمو النبقه صلو على النبي وخلونا نتحرك الناس سكتت وسيد اللوري ركب ومعاو تاني واحد قبل نتحرك جا دعامي وقال لينا اي نفر يدفع ٥٠ لي سيد اللوري دفعتو ليو كم سيد اللوري همس لي واحد وقال ليو قول ليهم قولو ٥٠ قال لينا قلنا لي الدعامي دفعنا ليو ٥٠ الدعامي قال لي سيد اللوري اتحرك واتحركنا الشارع كان غبار وتراب وشمس اتكتحنا كتيح واللوري دا يطلع فوق وينزل شارع كلو حفر انا ماسكه في امي وفي حديد اللوري والفوق لي دا كل شوية يضرني في راسي
بطني طمت مسكت لي ليمونه مانفعت طلعت كيس واستفرغت ماوقفت نهاي وحده من بنات المره النبزتني اظن بحصل ليه زي
وقامت كوركت لي امها كانت قاعده في رجولي انا مديت ليه أكياس وليمون والشارع كلو نستفرغ وفي كم طفل استفرغو من الضهر لي المغرب حتى وصلنا استراحة انا حرفيا روحي طلعت اللوري وقف في استراحة
ونزلنا انا راسي لافي مماقادره اقيف المره
النبزتني جات اعتزرت وقالت لي شكرأ ليك عشان اديتي بنتي الاكياس والليمون وانتي عارفه الناس مضغوطة من الحرب اعفي لي قلت ليه عافيه ليك وامي كمان اتكلمت معها اتحركنا على الاستراحه كانت رواكيب من القش فيها محلات اكل وشاي كل راكوبة فيها زول عندو طبيزه كبيره وعليه اكل ومرصوص سراير وبرميل مويه المكان ظابط شديد فيو كهرباء لي جوه في قريه لانو ظاهره انوار كتيره
وفي ورواكيب فيها سراير لي الاجار في مره ومعها بنتها وولدها بنتها في عمري ولده اكبر اتعرفنا عليهم واتحركنا على واحد من الرواكيب البتبيع الاكل انا والبنت اتحركنا الحمام كان في حمامات بلديه
وبعدها اتوضينا وصلينا امي اتحركت مع المره الحمام وبعدها اكلنا واتحركنا نشوف لينا سراير ننوم فيهم جات وحده قالت لي لو عندك عباية اديني ليه انا شفتها راكبه معانا في اللوري قلت ليه عندي طلعت ليه عبايه وطرحة قالت لي اديني قروش اشتري لي اكل امي قالت لي اديه اديتها واتحركت فاتت المره قالت لينا دي جات لي سيد اللوري وقالت ليو ركبني ماعندي قروش وسألته قالت ليه هربت من اهلي ماشه شندي ولا بورسودان اشتغل واظن رأسه ماكويس
كانت صغيره عمرها بكون في نهاية العشرينات
حسبي الله ونعم الوكيل في الحرب الزعزعت الناس
امي قالت لي لو في مكان شبكة قريبه ارح النشوف اخوك انا العبره خحنقتني قلت ليه تلفوني مافيو كهرباء كذبت عليه ودموعي نزلت مسحتها سريع قلت في سري يالله احمي محمد اخوي يالله استودعتك اخوي جا واحد الراكوبه النايمين فيه دي زي نظام الكافي هو زح ليو كراسي بي جنبه وخت ليو سراير لي نسوان امي قالت ليو اشحن لينا التلفون دا شالو منها انا نهاي ما نمت افكر في محمد اخوي الصباح اصبح قمت اتسوكت واتوضيت وصليت اتحركت جبت لي شاي وزلابية وقعدنا نشرب سيد اللوري قال لينا ارح عشان العربات دي اتحركت واتحركنا ركبنا في اسره ماجات نفس أسرة الاتشاكلت معاي مابعرف فاتو وين سيد اللوري اتزهج زهج وجو بعد ساعة عديل سيد اللوري اتشاكل مع الولد والولد قام فيو اضاربو لما ادخلو الرجال وحجزوهم سيد اللوري قال نهاي مايركبو معاي الرجال حنسو تحانيس وفي النهاي ركبو واللوري اتحرك الشارع كان عباره عن غبااااار. وشمس و٤ساعات ونحنا في شارع عباره عن حجار وحفر
اللوري يقوم ويقع انا الفي بطني كلو طلع واظن مصارين طلعت انا شفت الموت
عربات الدعامة رجعت واحد قال مابقدرو يواصلوا اكتر من كده لانو نحنا قربنا من شندي كنا كل شوية ندخل قريه ونلاقي الناس البتبيع فول وتسالي اسكريم سندويتشات بارد موية بارده كانت رحلة عديل بعد كم ساعة دخلنا شندي ونحنا ي قال لينا ارح عشان العربات دي اتحركت واتحركبنا ركبنا في اسره ماجات نفس أسرة الاتشاكلت معاي مابعرف فاتو وين سيد اللوري اتزهج زهج وجو بعد ساعة عديل سيد اللوري اتشاكل مع الولد والولد قام فيو اضاربو عديل لما ادخلو الرجال وحجزوهم سيد اللوري قال نهاي مايركبو معاي الرجال حنسو تحانيس وفي النهاي ركبو واللوري اتحرك الشارع كان عباره عن غبااااار. وشمس و٤ساعات ونحنا في شارع عباره عن حجاره وحفر اللوري يقوم ويقع وانا ماوقفت من الاستفراغ اظن مصارين طلعت حرفيآ شفت الموت عربات الدعم رجعت في راجل قال مابقدرو يمشو اكتر من كده لانو قربنا لي شندي
بعد كم ساعة دخلنا شندي ونحنا داخلينا وقفنا في مخيم تبع الجيش نحنا ومعنا الحافلات والباصات وقالو في تفتيش
جو كم ضابط شايلين اسلحة وقالو لينا انزلو ونزلو العفش المعاكم
نزلنا وقالو لينا اقيفو صف وقفنا انا كنت لافة الطرحة في وشي جا واحد فتش الحاجات وبعدها شال مننا الأوراق عاين فيني وانا عاينت فيو وماكنت بقصد عادي يعني ماختيت فيها حاجه جا وقف جنبي وقال لي جاي تلفونك مديتو ليو فتحو وفتشو رجع عاين فيني مسافه ورجع لي تلفوني واتحرك وانا قمت اعاين بي عيوني في المخيمات وفي الضباط وفي الناس يعني مصدومة من البحصل واظن الضابط كان مراقبتي جا واحد قال لي جاي تلفونك مديتو ليو فتشو وقال لي افتحي الواتس فتحتو مد لي التلفون ووقف جنب الضابط الفتشني
سيد اللوري جا بعد ما فتشو وقال لينا يلا اركبو ونحنا متحركين عشان نركب التفت على الضابط ولقيتو واقف ويعاين فيني ركبت والمعاي ركبو اللوري عايز يتحرك جا الضابط وقال لي انزلي وتعالي معاي امي قالت ليو تجي لي قال ليه نحنا بنتكلم معها ما معاك اتحركي سريع وانزلي قلت ليو وانا بتمتم دي امي خليها تجي معاي قال لي تمام انزلو ونزلنا وقال لي سيد اللوري انتظر واتحركنا معاو دخلنا خيمة لقينا فيها كم ضابط واحد قاعد في كرسي وفي كم شوال دقيق وفي اسلحة القاعد في السرير قال لي فكي الطرحة من وشك فكيتها قال لي جاي اوراقك الثبوتيه مديتهم ليو شافهم شال التلفون وقعد يفتش فيو وانا هنا اتذكرت انو انا كنت بنبز في الجيش والدعم مع بنات اهلي في الواتس عندي صور منزلها عن الجيش والدعم وكلامنا الفتره الاخيره كلو عن الجيش والدعم بعد تعب حتى اتفكيت منهم وقبل اطلع قال لي أمسحي اي حاجه لانو الكلام دا بعمل ليك مشاكل
واتحركنا ركبنا
دخلنا شندي ونزلنا في العبور وخلينا الأسرة ديك تتشاكل مع السواق بعد مادفعو نص المبلغ وقالو ماعندهم وصلنا العبور وماعرفين نمشي على وين شايفين خيمة كبيره بي مشمعات وعليه ناس جنب العبور دخلنا فيها وسلمنا وقعدنا كانو كم اسره في منهم في الأرض ومنهم في سراير في المطبخ وفي البغسل في العيان راقد وفي كم راكوبة مفصلات
قعدنا في سرير ماعارفينو حق منو رفعت تلفوني لقيت الشبكة اشتغلت اتصلت في تلفون محمد اخوي بعد كم مكالمة حتى رد لي الضابط وقلت ليو انا في شندي اجي وين عشان اسلمك اورق محمد قال لي محمد رحلو السجون الفي دنقلا من قال كده بكيت بكا وكوركت كوراك امي لما اتهجمت وقالت لي المات منو قلت ليه محمد محمد وامي قامت تصرخ محمد محمد كيف مات قلت ليه أمي كدي استغفري الله محمد اتقبض عليو امي صرخت النسوان الفي الخيمة كلهم جو علينا
بعدها قمت رجعت ليو تاني قلت ليو نعمل شنو نحنا قال لي تعالي لي في قسم...... قفلت منو اتحركنا على حمام كان في العبور
وتدخل بي القروش دخلنا استحمينا كنا عباره عن تراب متحرك وطلعنا ختينا حاجاتنا مع وحده في المخيم ومشينا القسم قال لينا التفاصيل وقال لينا الا تتحركو على دنقلا رجعنا المخيم الليل دخل قلت لي امي الا بكرا الصباح نتحرك نمنا في المخيم قمت اجيب لي امي حاجه تاكلها كان في سوق قريب من العبور لفيت الطرحة في وشي قلت لي وحده ارح معاي كانت من البنت القاعدات في المخيم وطلعنا لما جيت راجعه وقفني واحد وقال لي تعالي انا شايله الأكل في يدي اتحركت عليو قال لي انت قاعده وين ومن وين وطلع لي بطاقة قال لي استخبارات من قال كده قلبي دا ضرب شديد وقعدت ارجف كلمتو وقال لي تعالي معاي قلت ليو ااا جي وين قال لي ارح اتحركي قال لي جاي تلفونك مديتو ليو فتشو وقال لي جاي اوراقك الثبوتيه قلت ليو في الخيمة اتحرك معاي ودخل قال لينا انتو كيف تقعدو هنا في مخيم في شندي
هناوالمكان دا ممنوع تقعدو فيو واتصل على واحد وجا وبعد شوية جات عربية مليان بي الجيش وقالو لينا تتحركو لي المخيم ماتقعدو هنا ونحنا طلعنا على المخيم
المخيم كان في الخلا ونحنا طالعين قبضو ليهم على مره ومعها بنتها ماعرفين لقو عندهم شنو رفعهم في عربية الشرط ونحنا اتحركنا على المخيم كان خيم كتيره شديد وعليها ناس ورواكيب وصلنا امي لمحت ليه وحده بتعرفه من اهل ابوي ومشت عليه سلمنا عليها وقالت لينا تعالو معاي اتحركنا معها على خيمة وكان كلها اهل ابوي سلمنا وقعدنا معهم ونمنا صحينا الصباح طبعأ المخيم مافي حمام الا الخلا وموية مالحه شديد بجيبوها ناس المنظمات الوضع صعب شديد الصباح اتحركنا ركبنا بص واتحركنا على عطبرة كل شوية نقيف في ارتكاز وانا عشان الاشعارات حقت بنكك وقفوني كم مره وفي طابطة قالت لي أمسحي الاشعارات دي لانو بفتكرو انو انتي شغاله مع الدعم مسحتهم وقالت الا المحادثات والصور كلهم مسحتهم قالت لي وحده شوفيها تشبه فلانه كيف قالت ليه اي شبه مبالغ فيو اتونست معهم وطلعت منهم بعد مافتشوني وفتشو المعاي
انا تلفوني محمد اشترى لي مستعمل وفي تطبيق برجع الحاجات المحذوفة وانا كنت مابعرف اخر ارتكاز وانت داخل عطبره نزلوني وفتشوني لقيت كمية من الضباط الكانو مامحترمين في الكلام والحركات واحد شال تلفوني ونزل التطبيق ورجع الحاجات المحذوفة كانت صوره وحاجه ماكويس اظن التلفون كان حق ولد الضابط سألني من الحاجات الفي التلفون قلت ليو انو مشتريه مستعمل قال لي انصحك تلفونك دا تقفلي وماتمدي لي ضابط ولا لي اي زول في حاجات ماكويس وصره فيني ومد لي التلفون شلت التلفون واتحركت دخلنا عطبره نمنا هناك بتذكره نمنا جنب جامع كبير انا وامي نمنا في الأرض في فرشة كان برد خيالي وانا نايمه حسيت بي زول جنبي قمت مخلوعة لقيت لي واحد لافي الفرشه فيو ومن شافني ادردق بي فرشتو سريع اظن فاكرني نايمة طولي جريت اتكرفست جنب امي ولي الصباح مانمت وانا ارجف الصباح اتحركنا
دنقلا وصلنا ونزلنا طوالي مشينا القسم وتكلمنا مع الضابط بعد شاف الاورق الثبوتيه قال لينا ممكن يطلع معاكم بس يجي لينا كل نهاية شهر وطلع محمد جرينا عليو جري بكينا معاو وطلعنا اتحركنا محمد قال لينا ننوم في دنقلا وبكرا نتحرك وادي حلفا انتو بهربكم مصر وانا بشوف لي شغل في وادي حلفا عندي صاحبي شغال هناك وانا اصلا كنت ماشي عليو بس كنت منتظركم طلعنا اول مره احس نفسي خفيفه كده محمد شاف لينا فندق نمنا فيو اول مره اكل واول مره انوم مرتاحة الله ينتقم من الحرب والله ينتقم من السبب صحينا الصباح واتحركنا على وادي حلفا وصلنا محمد قال لينا تنزلو في المخيم لما اشوف طريقة التهريب كيف ماعندي قروش لي الفندق ولا الايجار اتحركنا على المخيم ودخلنا من دخلنا دخلت معانا نوبيه عندها ٤اطفال محمد مد الورق لي واحد واقف جنب باب المخيم
والمخيمو كان عباره عن حوش كبير وفيو باب وفيو جبلون كبير فيو كم اسره وفي خيم كتيره وفيو حمامات ومويه وكهرباء يعني كويس
الولد قال لي محمد تجيب اوراق من المحليه محمد اتحرك المره قالت لي محمد ممكن تجيب لي معاك الورقه مابقدر امشي
محمد قال ليه تمام واتحرك نحنا دخلنا على الجبلون كان فيو كم اسره القاعدين في الأرض القاعدين في سراير صوت الونسه والضحك صوت الأطفال البتبكي صوت الاهل الببكو
الجبلون كان منظم شديد وكان جديد قعدنا لينا في سرير انا كنت عايزه الحمام طلعت على الحمام لقيت بنت في عمري سلمت عليه واتونست معها دخلت الحمام وانتظرتني اتحركت معها قالت لي قاعده في الجبلون مع أهلها اتعرفت عليهم ظريفين شديد جابت لي فرشه وفرشته لينا وقعدنا انا وامي نعاين في الناس والناس تعاين فينا ٥٥ اسره اي اسره من بلد واي اسره من جنس كلنا في مخيم واحد في جبلون واحد جمعتنا الظروف نوبي شكري فلاتي زغاوي جعلي .....الخ هل بنكون اهل وسند بعض ولا بكون في عنصريه زي مابحصل. وحاصل في السودان الأحداث الجايه مشوقة شديد درامات على اكشن على بكا ضحك وعلى فرح وعلى حزن ....يتبع