بسم الله ولا حول ولا قوه إلا بالله
احمد ..يووه يا ماما انا هسيبلك البيت كله وامشي انا قولتها كلمه غير رهف مستحيل اتجوز وبيطلع من البيت وبيرن علي حازم صاحبه
حازم .. السلام عليكم
احمد .. وعليكم السلام ورحمة الله وبركاته فينك يا حازم
حازم .. في البيت كنت لسا هنام
احمد .. معلش قابلني بره انا مخنوق وعايز اتكلم معاك
حازم .. حاضر يا صاحبي ما تيجي علي البيت ونقعد هنا
احمد .. عايز اقعد في الهواء مش طايق اقعد في مكان مقفول
حازم .. زي ما تحب خمس دقايق وهكون على الكوبري مستنيك
احمد.. تمام مسافة السكه وكون عندك وبيقفل وهو حاسس ان دماغه هتنفجر من التفكير لحد ما بيوصل الكوبري ويلاقي حازم مستنيه
حازم .. خير يا صاحبي
احمد .. تعالى نتمشي وسط الزراعه
حازم .. يلا بينا والجو النهارده حلو تعالي نقعد في الخص بتاعنا
احمد .. يلا بينا و تمشو ناحية الخص بتاع حازم
(و الخص عباره عن مكان محاط من الثلاث جهات بالبوص و الدره وده بيكون في اراضي الفلاحين اللي زيه انا كده )
حازم .. طمني بقا مالك انا اول مره اشوفك كده
احمد .. نفس موضوع بنت خالتي الي ماما كل شويه تفتحه معايا
حازم .. طاب وايه اللي معصبك كده ما طنط فريال كل يوم بتتكلم في الموضوع ده ايه الجدبد
احمد .. لا المره دي مصممه وعايزني اسيب رهف واتجوز بنت خالتي
حازم .. عادي يا احمد شويه وهتفهم انك بتجب رهف ومش هتاخد غيرها
احمد .. ما ظنش يا حازم دي مصممه وانا مش قادر ازعلها وفي نفس الوقت مستحيل اتخلى عن رهف دي كل حاجه بالنسبه لى
حازم .. انت مكبر الموضوع هي امك وفي النهايه اكيد هتفرح لفرحك ورهف انسانه محترمه وشخصيتها قويه وانا متاكد انها هتعرف تكسب حب طنط فريال
احمد .. مش عارف ليه حاسس ان ده مستحيل يحصل
حازم .. صدقني يا صاحبي انت مكبر الموضوع اغلبية الامهات بتبقى عايزه تاخد بنت اختها او اخوها لابنها وفي النهايه كله بيد ربنا عز وجل ولو تحب انا اروح وكلملك طنط
احمد .. لا مش للدرجه دي انا هقعد معاها وان شاء الله اقنعها
حازم .. ان شاء الله يا صاحبي ويلا عشان تروح زمانها قلقانه عليك
احمد .. لا مش هستحمل كلام بالوقت انا هنام هنا وانت روح
حازم .. خلاص وانا كمان هنام هنا كده كده الجو جميل
احمد .. ماشي يا صاحبي
و بينامو و يصحو الصبح والجو من حواليهم جميل زقزقة العصافير ومنظر الخضره حواليهم
احمد .. صباح الخير يا حازم
حازم .. صباح الورد يا صاحبي
احمد .. هقوم اروح انا
حازم .. لا تروح ايه لينا كتير ما ما فطرناش سواء انا هروح اجيب عيش وطعميه وفول وانت هات بصل وجرجير من الارض لحد ما اجي
احمد .. حاضر يا صاحبي
حازم ..راح علي القريه يجيب الطلبات
احمد .. طلع من الخص وكان البصل والجرجير جنب الخص علي طول وسمع تليفونه بيرن طلع التليفون لقي رهف علي طول رد صباح الورد يا اجمل انسانه في الكون
رهف .. صباح السعاده والهنا يا عمري انا
احمد .. الجميل صاحي بدري
رهف .. مش عارفه من اول ما قفلنا وانا حاسه اني عايزه اكلمك وما صدقت الصبح يجي عشان اكلمك بس ايه صوت الهواء اللي عندك و العصافير ديه
احمد .. انا مع حازم في الارض
رهف .. خير فيه حاجه
احمد .. لا بس قولنا نفطر سوا
رهف .. الف هنا يا حبيبي مطرح ما يسري يمري
احمد .. تسلمي يا قلبي وانتي كمان افطري ونتكلم
رهف .. يعني انت تمام
احمد .. واحسن منك كمان يا لمضه
رهف .. انا مش بحب كلمة لمضه دي
احمد .. طول ما انا اللي بقولها يبقى لازم تحبيها
رهف .. حاضر يا عمري انت هحبها عشان منك يا قلب اللمضه
احمد .. يلا سلام عشان حازم زمانه جاي وانا لسه عايز اجيب البصل والجرجير
رهف .. ماشي يا حبيبي يلا سلام
احمد .. سلام وبيحط التليفون بجيبه وهو بياخد نفس و بيقول سامحيني يا رهف مش هقدر اقولك حاجه واكسر قلبك وانا هعمل المستحيل ومش هكون غير ليكي وجاب البصل والجرجير وراح عند طرومبه المياه عشان يغسله ورجع الخص كان حازم جاب الاكل وحط الصينيه وحط الاكل عليها و اكلو هما الاتنين
حازم .. الحمد لله الواحد ليه كتير ما اكلش كده
احمد .. انت بتقول فيها انا حاسس ان دي اول مره اكل بنفس كده
حازم .. يبقا خلاص ياعم كل يوم نفطر سوا
احمد .. اتفقنا بس بكره هفطر مع رهف
حازم .. بيضحك لا كده انا هغير منها
احمد .. ضحك مش كفايه امي بتغير هتبقو كلكم علي البت
حازم .. يونس كان محتاجنا نوقف معاه النهارده الحنه
احمد .. معاك حق ده انا نسيت امبارح في العفش قالي لازم تكونوا من الصبح عندي عشان تجهيزات الحنه والفراشه
حازم .. طاب هنروح ولا ايه
احمد .. طاب اروح اغير لبسي
حازم .. كده كده احنا هنوقف معاه مش رايحين نقعد ولبسك حلو يلا بينا علي هناك
احمد .. ولا كلام غير كلامك يا صاحبي يلا بينا
وفضل احمد طول اليوم عند يونس صاحبه لحد الساعه ١٢ بالليل وروح علي البيت وفتح الباب ودخل
فريال .. حمدالله بالسلامه يا باشا كويس ان افتكرت اني انا امك وسيبني من امبارح لوحدي طيب يمكن اموت او يحصلي حاجه
احمد .. بعد الشر عليكي يا ماما ما تقوليش كده وبيمسك ايدها عشان يبوسها
فريال .. تقوم و بتشد ايديها منه انت مش ابني من دلوقتى لحد ما ترجع عن اللي في دماغك
احمد .. تاني يا ماما هو الموضوع ده مش هيخلص
فريال .. مش هيخلص غير لما تقلع الدبله اللي في ايدك وترميها في وشها
احمد .. ده مش هيحصل ابدا
فريال .. هي البت المفعوصه دي عملالك سحر ولا ايه اكيد عامله حاجه عشان تقويك وتقدر تقول لامك لا امك اللي بعد المرحوم ابوك دفنة شبابها عشانك يكون هو ده جزائها
احمد .. انتي ليه حاطه رهف في دماغك هي حاجه وانتي حاجه
فريال .. لا يا احمد انا قولتلك يا انا يا هي وما عنديش كلام تاني
احمد .. يا حبيبتي اسمعي مفيش اي وجه مقارنه بينكم انتي امي اللي مستحيل اقدر ازعلها وهي حبيبتي اللي قلبي اختارها
فريال .. انا مش عايزه كلام انشاء لو بتحب امك سيبها
احمد .. هفضل لحد امتي اقولك مش هقدار اسيبها
فريال .. ليه ماسكه عليك زله
احمد .. لا عشان بحبها
فريال .. حب ايه يا ابن امبارح انت انا امك وانا اللي عارفه مصلحتك و شايفه بنت خالتك هي اللي هتسعدك
احمد .. وانا سعادتي مع رهف
فريال .. اطلع بره البيت ومش عايزه اشوف وشك تاني ومن النهارده لا انت ابني ولا اعرفك وبقولها لك تاني قلبي غضبان عليك
احمد .. ماما
فريال ..تقاطعه قولتلك انا مش امك ومتبريا منك ليوم الدين عايز رضايا يبقى تسيب رهف وتاخد بنت خالتك غير كده لا فاهم
احمد .. لا انا اسيب البيت احسن وطلع وهو منهار وماشي في الشوارع مش عارف رايح فين لحد ما لقي نفسه علي الكوبري وفضل يبص للمياه وهو بيقول لنفسه خلاص انا مش قادر اعيش و مفيش حل غير الموت عشان الكل يرتاح انا هريحك يا ماما مش هتجوز رهف ومش هكون موجود عشان اتجوز بنت خالتي وطلع التليفون ورن علي رهف كان الفجر قرب ياذن
رهف .. صحيت علي صوت التليفون بترد وهي نايمه السلام عليكم
احمد .. وعليكم السلام اسف صحيتك
رهف .. ايه اسف دي مفيش اسف بينا كده كده كنت هصحى اصلي الفجر مال صوتك يا احمد فيه حاجه
احمد .. بيبكي انا بكلمك عشان اقولك اني بحبك اووي لحد اخر يوم في عمري بحبك
رهف .. بدات تفوق من النوم و تتعدل مالك يا احمد انت بتبكي ليه
احمد .. سامحيني يا رهف كان نفسي نكمل سواء بس مفيش نصيب
رهف .. انصدمت من كلامه مش فاهمه يا احمد يعني ايه مفيش نصيب وليه بتعيط تعالى ونتكلم هنا انت فين وايه صوت العربيات اللي جنبك ده
احمد .. خلاص ما بقاش في حاجه نتكلم فيها انا لازم اموت عشان امي ترتاح
رهف .. صرخت احمد موت ايه ابوس ايدك اهدا وتعالى
علي .. ايه ده رهف بتصرخ
رجاء .. قامت جريت عليها و لقيتها ماسكه التليفون و بتبكي وتحاول تقنع احمد انو يهدأ ويجي في ايه يا رهف
رهف .. احمد يا ماما عايز يموت نفسه وانا مش عارفه اعمل ايه
رجاء .. اهدي يا رهف و هاتي التليفون
رهف .. ادتها التليفون وهي منهاره
علي .. بيحضن رهف و بيهديها ما تقلقيش ان شاء الله مش هيحصل حاجه
رجاء .. بتفتح الميكروفون يا احمد يا بني صلي علي النبي وهدا وتعالي عايزينك
احمد .. خلاص مفيش وقت انا بحبك يا رهف وتليفون وقع منه والخط فصل ونط من فوق الكوبري في نهر النيل وهو عارف انه مش بيعرف يعوم وعارف ان دي نهايته
رهف .. الو الو احمد رد عليا يا احمد
رجاء .. اهدي الخط فصل وبترن عليه بيديها الخط مقفول
رهف .. احمممممممد و بتفقد وعيها