بسم الله ولا إله إلا الله
رهف فتاه عندها ٢٠ سنه عاشت تعليم متوسط عايشه مع اسرتها في بيت يملئه الدفئ الاسري والحب الاب علي والام رجاء والاخ محمد والاخت منال وبعد زواج منال اصبح الدور علي رهف جميلة الروح والشكل وتقدم احمد لخطبتها وفعلا تمت الخطوبه ورهف كاى بنت مفيش عندها اي فكره عن الحب اللي اكتشفته لأول مره مع احمد خطيبها كانت رهف في قمة السعاده اول مره تعرف الحب اول مره تجرب الاشتياق اول مره تلاقي حد مهتم بيها وبكل تفاصيل يومها كانت تشعر كانها اميره مدلله وكانت كل ايامها فرح و احمد كان بيحاول يرضيها باي طريقه كان يحبها كثيرآ ومش عايز من الدنيا غيرها هي وبس ولكن الاثنين كانوا سعداء ولكن لا يعلمون ماذا خبئت لهم الايام
احمد .. يجلس في غرفته ويمسك التليفون وبيرن علي رهف
رهف .. اول ما سمعت التليفون بيرن جريت عليه واول ما شافت اسم احمد قلبها دق بسرعه وفتحت عليه
السلام عليكم احمد .. وعليكم السلام ورحمه الله وبركاته عامله ايه يا رهف
رهف .. الحمد لله بخير انت عامل ايه
احمد .. اكيد بخير طول ما حبيبة قلبي بخير
رهف .. ايه من الصبح ما رنتش عليا و تليفونك كان مقفول
احمد .. كنت بساعد صاحبي النهارده بينقلوا عفش العروسه عقبالنا والتليفون فصل شحن واول ما وصلت البيت حطيته علي الشاحن واخدة دش ورنيت عليكي انتي بقا عملتي ايه
رهف .. عقبالنا يارب امتي بقا اكون زوجتك يا حبيبي
احمد .. كلها سنه ونكون سوا المهم ما تهربيش من السؤال عملتي ايه النهارده
رهف .. ولا حاجه يا حبيبي انا من الصبح ماسكه التليفون وبرن عليك و بيديني مقفول وكنت قلقانه عليك ولسا من شويه ماما قالتلي اغسل المواعين وسبت التليفون ورحت اغسل المواعين ولقيتك بترن
احمد .. مش قولنا بلاش القلق ده
رهف .. مش بي ايدي يا احمد انت بقيت بنسبالي كل حياتي
احمد .. وانتي كمان كل حاجه في حياتي بس لازم الحياه تستمر ومش كل ما هتلاقي تليفوني مقفول تعملي كده عايزك جامدة كده يا رهف
رهف .. طاب بالله عليك ازاي رهف وازي جامدة اصلي انا فيا حاجات كتير من اسمي
احمد .. في دي معاكي حق انتي اجمل وارق رهف في الدنيا كلها انا اوقات كتير بحس انك كتير عليا
رهف .. ما تقولش كده ده انت اللي نعمه من ربنا عز وجل عليا انا قبلك ما كنتش بصدق اني فيه حاجه اسمها حب انت جيت غيرت كل حياتي يا احمد
احمد .. والله ولا انا لما كنت بشوف فيلم رومانسي كنت بضحك وبقول ده تمثيل مفيش حاجه اسمها حب بس من اول ما شوفتك وعينك جات في عيني ومن وقتها وكل حياتي اتغيرت وبقيتي انتي حب حياتي
رجاء .. بتعدي قدام اوضة رهف وبتسمعها بتكلم احمد بتكمل مشي لحد ما توصل الصالون ربنا يسعدك يا بنتي وتمملك علي خير
علي .. مين اللي بتدعيلها
رجاء .. هتكون مين رهف
علي .. حاسك زي ما تكوني قلقانه من حاجه
رجاء .. بصراحه مش مرتاحه لي ام احمد الواد كويس وهي كمان لكن حاسه انها مش موافقه علي الجواز
علي .. مش هتفرق المهم احمد موافق بنتك هتعيش مع احمد مش امه
رجاء .. خايفه ام احمد تنكد علي رهف
علي .. تفائلي خير يا رجاء وان شاء الله رهف تكون سعيده في حياتها و طلعى التخاريف دي من حياتك
رجاء .. ياريت فعلا تكون تخاريف ويكون احساسي غلط يا علي
علي .. ان شاء الله وبعدين بنتك شاطره في كل حاجه واكيد حتي لو احساسك صحيح هي هتعرف تكسب قلب ام احمد
رجاء .. في دي معاك حق دي زي ما تكون ساحره كل اللي يعرفها يحبها
علي .. طالعه قمر لمها وروحها حلوه زيك
رجاء .. اتلم يا راجل ما خلاص راحت عليا
علي .. مين قال كده يا حب عمري وام عيالي ده انتي كل ما تكبري بتحلوي اكتر هو ممكن اكون انا اللي كبرت رجاء .. انت كل حاجه فيك زي ما هي هو بس الشكل اتغير شويه والشعر الابيض زادك جمال يا علي انا عيوني عمرها ما شافت غيرك انت جوزي واخويا وابويا وابني انت الحياه بنسبالي
علي .. مسك ايدها وباسها وحضنها ربنا ما يحرمني منك يا رجاء
رجاء .. ولا منك يا حبيبي
احمد .. اسيبك دلوقتى ماما بتنده عليا هروح اشوفها
رهف .. ماشي يا حبيبي سلملي عليها
احمد .. من عيوني وانتي سلمي علي طنط وعمي وخلي بالك من نفسك
رهف .. حاضر وانت كمان خلي بالك من نفسك
احمد .. لا إله إلا الله
رهف .. محمد رسول الله
احمد .. قام عشان يشوف امه عايزه ايه
فريال .. اخيرا جيت ايه مش بتتعب من التليفون اللي علي طول شغال ده
احمد .. في ايه يا ماما اول ما انتي ندهتي قفلت وجيت علي طول
فريال .. انا اموت وعرف ايه اللي عاجبك في المعصعصه دي
احمد .. انتي اللي شيفاها كده عشان مش عايزها
فريال .. انا عايزه مصلحتك يا احمد بنت خالتك طول وعرض وملكة جمال انت بس وافق وانا هجوزك في شهر وما لكش دعوه بي اي مصاريف
احمد .. انا مش هنجوز غير رهف وقولتلك الكلام ده مليون مره لكن واضح انك مش هتغيري رايك بس برحتك انا هكون نفسي بنفسي ومش هحتاج منك حاجه وان شاء الله سنه وهتجوز رهف
فريال .. هي عملتلك ايه يا احمد و خلتك توقف قدامي و تكلمني كده ولا خلاص راحت عليا وزي ما بيقولوا ربى يا خايبه للغايبه
احمد .. بالعكس رهف بتحبك وعلي طول بتسال عليكي
فريال .. انا عمري ما هوافق عليها مهما حصل عايز تريح قلب امك يبقا تاخد بنت خالتك غير كده لا
احمد .. هو مين اللي هيتجوز انا ولا انتي بقولك بحبها يا ماما
فريال .. مفيش حاجه اسمها حب يا حبيبي الحب بيجي بعد الجواز وخالتك بتحبك وبتعتبرك زي ابنها وبنت خالتك كمان عايزك يبفا ليه تروح للغريب
احمد .. الجواز قسمه ونصيب يا ماما و مفيش حد بياخد غير نصيبه
فريال .. نصيبك قدامك انت اللي باصص بعيد انا عايزه اعرف ايه عيب بنت خالتك ده نص شباب العيله هيموتوا وياخدوها انت اللي غشيم ومش عارف مصلحتك
احمد .. مهما تقولي او تعملي انا مش هتجوز غير رهف وبعد اذنك هدخل انام وبيسيبها وبيدخل اوضته
فريال .. بتقوم وبتدخل وراه انا لسه ما خلصتش كلامي يا احمد بيه عشان تسيبني وتدخل
احمد .. لو سمحتي يا ماما الموضوع بنسبالي مقفول ومش عايز اتكلم فيه تاني
فريال .. بقا كده طاب انا مش موافقه علي البت دي ومش هتتجوز غير بنت خالتك
احمد .. وانا مش هتجوز غير رهف
فريال .. لو ده حصل تبقا لا انت ابني ولا اعرفك وقلبي غضبان عليك ليوم الدين