رواية جارتي اللي فوق الفصل الاول 1 بقلم دنيا جمال

"الحقني ، الحقني أبوس إيدك دا اتجنن هيموتني أنا وعياله "

تالت يوم ليا في الشقة الجديدة ويا ريتني ما سكنت هنا 

الجيران اللي فوق بجد مزعجين كل يوم صريخ وخناق وشتايم ، فكرة أنك تحاول تنام ساعتين بليل دي تقريبا مستحيلة 

مساء الخير أنا طارق ٣٣ سنة مهندس 

 مُطلق من فترة قريبة ، خلافات عادية بيني وبينها أدخلوا الأهل والصُحاب وبدل ما يهدوا النفوس ولعوها أكتر ، تم الطلاق بعد سنة واحدة جواز ، كويس أننا ما لحقناش نجيب أطفال

 بعد ما طلقت نادية كنت مخنوق جداا مش عايزة في الشقة اللي جمعتنا سوى وهي مش فيها ، بعت الشقة بعد ما خدت كل عفشها وقررت أبعد سافرت محافظة تانية بعيدة وبعد تدوير طويل لقيت الشقة 

شقة في الدور الخامس في عمارة من ٦ أدوار ، شقة صغيرة أوضة وصالة وحمام ومطبخ بتطل على الشارع الرئيسي قدامهم جنينة صغيرة فيها شجر عالي بيجيب هوا جميل وقت المغرب كنت واقف في البلكونة بليل لما حسيت أن نقط ماية بتقع على راسي ما كنتش بتمطر لاء

رفعت راسي لفوق لقيت جارتنا بتنشر الهدوم بمايتها 

رفعت راسي ناحيتها وزعقت بعد ما هدومي اتهبدلت من المايه :

_ مش تحاسبي يا ست أنتي وبعدين في حد بينشر الهدوم بمايتها كدة ، دا أنا اللي راجل ومهندس عارف أن الهدوم لازم تتعصر الأول 

وما استنش اسمع منها رد دخلت على جوا غيرت هدومي واترميت على السرير ، مسكت الموبايل بقلب فيه بتفرج على صورنا أنا ونادية ، حقيقي كنا أسعد زوجين 

أنا مش قادر أصدق أن خلافتنا البسيطة وصلت للطلاق بسبب أهلها وأهلي 

في عز اندماجي وأنا بتفرج على الصور بدأت الخناقة اليومية بين أستاذ صلاح ومراته مدام عرفت أساميهم من خناقتهم كل ليلة 

هو يقولها خلي ليلتك تعدي يا نهلة ، وهي تقوله مش هخليها تعدي يا صلاح 

الخناقة النهاردة مشتعلة أوي صلاح بيطرد نهلة الساعة ٢ بليل إزاي راجل يطرد مراته الساعة ٢ بليل 

قررت أتدخل زي أي مهندس وراجل مصري وخرجت من شقتي وطلعت الدور اللي فوق ، خبطت على الباب مرة والتانية والتالتة لحد ما اتفتح ولقيت الست اللي اسمها نهلة بتجري ناحيتي وبتصرخ 

 _الحقني ، الحقني أبوس إيدك دا اتجنن هيموتني أنا وعياله ، خد الواد الصغير الحمام ومعاه سكينة عايز يد..بحه 

                  الفصل الثاني من هنا 

لقراءة باقي الفصول اضغط هنا