رواية الضحية الفصل العاشر10بقلم رويدا راشد
"ماحر فراقه"
قيس: يما يما أنس طول نحس فيه وانا قتله روح 1وربي مايبي غير تكسير رأس...
وهما يتكلموا صوت تخبيط ع الباب...
خديجة: اكيد بوك للي يدور من مربوعة لمربوعة باش يلعب الكارطة للي نهايته بتجئ بسببها..
قيس:تعوذي من الشيطان وخلي الليلة تفوت ع خير مش ناقصين .
ناض قيس فتح الباب ...لاقى ولد شارعهم أمجد ..
خيرك شن فيك علاش ملابسك دم .
أمجد: أنس أنس ....صارله حادث وهو تعبان في العناية.
قيس: الخبر كان صدمة بالنسبة ليا وانا نفكر شن بنقول لامي لين سمعت العياط عرفتها سمعت كل شئ ،سبحان الله نزل عليا صبر غريب ماكنتش متوقع اني بنصبر.
خديجة: بنمشي معاكم ولدي وين انا نبي نشوفه توا.
أمجد يبكي وامي تسأل فيه .
قيس:عرفت انه انس مات من دموع امجد طلعنا وصلنا المستشفى .
خديجة: انس ياولدي انس رد عليا.
دكتورة: كانك تسألي ع حالة الحادث الدوام لله.
أمجد: طاحت عمتي خديجة وبدت تعيط ومن كثر العياط لين اغمى عليها بينا ...
رانيا: كنت مقعمزة انا وجنان نهدرزو لين خبط باب الدار.
محسن: نوضي ألبسي عبايتك بنطلعوا .
رانيا:وين بنمشوا في الوقت المتأخر اهو.
محسن: لحوش خالتك خديجة...
جنان: صاير عندهم شئ.
محسن: لالا غير هيا ألبسي واطلعي بالك .
رانيا: لبست عبايتي وانا يدي ع قلبي نفكر شن للي صاير ....وصلنا قدام الحوش زحمة وصوت عياط....تفكرت موت امي نزلت نجري قبل ماتوقف السيارة وصلت لقيت قيس يبكي هو وبوه خالتي كميلة وحاضنة خالتي خديجة مافهمت شئ قعدت ندور من الوجه المفقود مابين الحاضرين كان أنس.
خديجة: انس مات مات يارانبا وليدي طالع وهو يضحك ويبصر ماكنتش نحسابه معاش بيرجع.
رانيا: نبكي ونقولها ادعيله ،ادعيله برحمة ياخالتي انس الباهي.
" احيانا الانسان يندم ع كل كلمة موجعة قالها لحد لانه الدنيا واليها ربي في لحظة تسمع فلان مات تقول ياريتني ماقتله ولا درت ،ديما عامل حبيبك ع انه مفارقك"
جنان: نتصل بي رانيا ماتردش سكرت منها وانجبرت نكلم محسن ...الو شن فيه انشغلت ع رانيا.
محسن: ردي بالك ع روحك وامك انا مش مروح أنس صارله حادث ومات.
جنان: ياناري الله يرحمه وربي يصبرهم ،سكرت الخط انفتح الباب .
فهيمة: شن فيه شن قلك.
جنان: انس ولد عمتي خديجة توفى .
فهيمة: هاذي الساعة المباركة رروروري احسن الفال للعقرب رانيا وبعدين عمتك اسمها غزالة انسيهم .
جنان: اطلعي برا انت شن جنسك متشمتة في الموت بعقلك .
فهيمة: ايه ياما داروا فيا .
جنان: لا والله، انت للي ياما درتي فيهم ولا نفكرك خنتي خوهم مع راجل اختهم وبنتهم طلعت مش بنتهم راك دمرتي حياتي اطلعي برا انا نكرهك نكرهك.
طلعت فهيمة ولا معبرة بنتها وللي تفكر فيه كان شئ ثاني...
فهيمة: الو انت وين تقدر اتجئ.
.....: مسافة الطريق بس ونكون عندك محسن وين.
فهيمة: بايت برا الحوش تعالى بلا كثر كلام.
.....: تمام
جنان: رقدت وانا نبكي ياريتها رانيا رفعتني معاها كيف بنفوت الليلة ...نحس فيها انسانة غريبة عليا ماعنديش بيها علاقة ومايربطني بيها شئ.
فهيمة:تجهز في روحها باش تشوف حبيبها ولو الليل تطلع فيه الشمس يما ناس تتعرا....تعطرت وقعمزت تستنى فيه...
خالد: ولدي مات يامحسن انس راح .
محسن:اذكر الله ياراجل هذا حكم ربي وساعته وقفت .
مفتاح: راجل كميلة نعرفك انسان تصلي في كل فرض في الجامع يعني تعرف انه هذا اختبار من الله لصبرك .
خالد: مانقدرش راهو ولدي كبدي راهو...
محسن: ادعيله ربي يتبثه عند السؤال .
قيس: مقعمز يبكي .
رانيا: البقية في حياتنا ياقيس.
قيس: بنصبر روحي ولا بنصبر امي ولابوي.
رانيا: الله غالب لو الحزن يرد احبابنا راني رديت امي.
في الساعة3 ليلا وصل .....لحوش محسن.
فهيمة: 😒خيرك طولت ولا ماعندكش نية تشوفني.
.....: مش مرتاح نحس بتصير حاجة.
فهيمة: نحسابه قلبك قوي انا طلعت بيبي ولا كبرت .
.....:شن فيه حاجة مهمة .
فهيمة: حبيبي ونبي نشوفك ...وبعدين محسن هذا انا قلقت منه .
.....:والمطلوب شن مثلا نقتله باش ترتاحي .
فهيمة: لالا....تتزوجني.
.....:🤣🤣🤣 لالا، بجديات راك هبلتي ماتزوجتك قبل بناخدك توا.
فيهمة: انت عارف انه.......ليك .
.....: انت لعنة حق كيف ماقال محسن اعقلي راك كيبرة.
فهيمة: اسمع انا سايرتك هلبا يادير مانبي يانقلب الطاولة ع الكل ماعندي مانخسر وتوا اقلب وجهك روح .
.....: فهيمة شوية بس نتفاهموا.
فهيمة: انت الباهية عمرها ماتنفع معاك معاش نبي نشوفك لين تقرر....
روح وهيا خشت للحوش وسكرت الباب وهيا كيف بتخش لدارها طق الباب....رجعت فهيمة توقعت انه هوا....
فتحت الباب ......😱بالنص معاك في اللعبة ياملاعبيه