رواية الضحية الفصل الحادي عشر11بقلم رويدا راشد
"طار الحمام وصفقي ياوزة"
فهيمة: مش مصدقة روحها مصدومة ورقيها انكشفوا.
محمد: بضحكة مليانة خبث "كش ملك" .
فهيمة: شن قصدك انت.
محمد: توا لما نتصل بخالي ونقوله لقيت واحد في حوشك مع حرمك المصون شوفي شن بتكون ردة فعله.
فهيمة: شن تبي انت مني .
محمد: شن بنكون نبي من وحدة 😒 خليني ساكت وخلاص الحوش للي تخططيله قداش ليك تبي تاخديه انا نبي فيه حصة .
فهيمة: تعيش حمار وتموت حمار عيلة الغباء وراثة عندكم راهو.....الحوش انا بنسجله بإسم جنان ،وجنان شن بتكون مرتك.
محمد: رغم اني مش طايقها بنتك اهيا ،لانه اكيد نفس طينة امها ولكن ع خاطر الحوش عادي نتحملها..
فهيمة: اسكت نقص صوتك انت علاش تعيط روح روح، ليشوفك حد.
محمد: مش خايفة حبيب القلب يشوفوه لكن انا خايفة...لكن الوجه مش غريب عليا..
فهيمة: روح بالك ولو نعرف انه في حد سمع ولا عرف ربع حرف انسى الحوش بح....سكرت الباب وانا قلبي في رجليا الكارثة هذا كيف بنتصرف معاه بيقعد يهدد فيا هكي معقولة.
لفيتها يمين ويسار مافيش غير انه نتصل ب....ونقوله يتصرف .
رانيا: تمت الجنازة وقعد مكان انس فاضي في الحوش وفي قلوبنا ....الفقد صاعب مافيش اصعب من انك تحن وتشتاق لشخص تعرف انك معاش بتشوفه ...ولا عاد بتسمع صوته.
روح محسن بعد الجنازة للحوش ....
فهيمة: قعدت معاهم ليوم الفرق علاش مروح كنت الحق ناوية نبعثلك شطنة ملابسك.
محسن: ياريتك درتيها وكفيتيني منك ومن وجهك.
فهيمة: اطمن انا موجودة ع خاطر جنان وبس واما انت ميت عندي.
محسن: خشي خير مايصير كلام ثاني وجنان مجرد ماتتزوج لمي وسخك واقلبي وجهك.
فهيمة: مش قبل ماتسجل الحوش بإسمها ،الالو ناوي تقولهم انك قاتل عايدة.
محسن: سكري فمك توا يسمعك حد قعد يشوف يمين ويسار ويتأكد انه مافيش حد وهو يطمن في نفسه سمع صوت حاجة طاحت خش يجري مالاقى حد.
فهيمة: القطوس طيحت الطاسة وانت ترعش.
خالد: هو مات الله يغفرله ويرحمه وحزنك مش رح يرده.
كميلة: حق سلم اختي كولي حاجة ليك ثلاثة ايام هكي.
رانيا: ع خاطري ياخالتي بالله عليك.
قيس: تغنوا راهو ليا ساعة نترجا فيها.
خديجة: شافت لبنت اختها بعد شهرين عرسك انت وقيس.
رانيا: من الصدمة تشوف وخلاص.
قيس: يما خيرك خوي كيف مات عرس شن.
خديجة: وهيا خانقتها العبرة تبي نستنى لين تاخدك الموت حتى انت لالا .
كميلة: فنصت فيهم خلاص غير كولي وللي تبيه يصير .
خديجة: تبكي انا مانبيش نخسرهم الاثنين.
خالد: لا إله إلا الله.
محمد: اسمعي يما نبي نوصل في اقرب وقت.
غزالة: هاذي الساعة المباركة سلم وليدي ياحنا.
محمد: فكيني من الدراما بري اليوم لي خالي وتفاهمي معاه.
صفاء: شن جد ،عليك قبل يومين كنت تقول مازال ..
سالم: تحشمي ع وجهك شن دخلك فيه انت .
صفاء: انا نسأل بس مستغربة .
محمد: سكري فمك الكلام مش معاك ياغراب الشوم .
غزالة: خلاص توا نتصل بي فهيمة ونقولها انه بنجوها.
صفاء : خلي نمشوا باش نحرق دم العقرب للي اسمها رانيا.
كميلة: انا خايفة ع اختي يامنتصر نحس فيها مش خديجة بكل.
منتصر: اليوم نكلم سالم ومحسن ايجو لمربوعة خالد ونهدرزوا.
كميلة: تمام.
واتصل منتصر بي محسن وسالم وفعلا تلاقو في حوش خالد.
محسن: كيف حالك ياخالد شن وضعك توا.
خالد: ماشية الحمدلله ياربي.
منتصر: خلي انا نفتح الموضوع طول.
سالم: شن فيه.
منتصر: اسمع يامحسن خديجة مدايرة العار ولا تاكل ولاتشرب ولا تتكلم واليوم هذا وين تكلمت وقالت تبي قيس يتزوج بعد شهرين شن رايك في الكلام اهو.
محسن: البنت بنتكم وللي بتقولوه ماشي.
سالم: والله مدامه الموال هكي حتى محمد شاد فينا اليوم باش نحددوا موعد العرس .
خالد: ديروه مرة وحدة وريح روحك من المصاريف يامحسن.
محسن:ماعندي ماندير عائلي للي مات هذا ولدنا لادربوكة ولا زغروته رانا دافنين راجل..
منتصر: بارك الله فيك يامحسن .
سالم: والله حتى انا نفس الشئ الحق من باله في الضحك وغيره قلبه محروق.
روح سالم للحوش ....
صفاء: اخيرا بنديروا عرس وجو وهياجة قداش ليا نستنى فيه.
سالم: محمد محمد تعالى ياولد.
محمد: نعم يابوي.
سالم: تفاهمنا اليوم انا ومحسن العرس بعد شهرين للي ناقص الحوش كله مني .
غزالة: ياسلم بوه ،لكن علاش بعد شهرين.
سالم: عرس جنان ورانيا مع بعض.
صفاء: شن حتى ولد خالاته ميت لاصقة فينا ...
ثاني يوم الصبح...
محسن: جنان هاتي جواز السفر متعك في ورق نبي نتمه انا وياك.
جنان: تمام ،شوية بس.
رانيا: خيرك تحت عيونك ارهاق هذا منظر عروسة بالله عليك.
جنان: تعبانه يارانيا ،تصدقي مش فرحانة بكل انا.
رانيا: ماتقوليش هكي سلم اختي .
طلعت جنان مع محسن.......