رواية هل لنا لقاء الفصل العاشر10بقلم احمد محمود
صل علي النبي ..💙
ـ تسلم يا احمد ربنا يبارك فيك
ـ ع ايه مفيش شكر ع واجب
ـ احم هنام ، وانت كمان نام هااا
ـ شويه وهنام لان حالياً مش جايلي نوم
ـ ماشي متسهرش بردو كتير ، يلا تصبح ع خير
ـ وانتي من اهله ، سلام
ـ سلام
مكنتش فاهم دماغها خالص ، بتسهر معايا ، اغلب الوقت بتقضي معايا ، بتحكيلي مشاكلها وحكاويها غريبه ثقت فيا من خلال كام شهر بس ؟! ، بس هي بنت محترمه وطيبه وحنينه كمان ، متستغربوش اني بقول كده عليها بردو الشهور دي كفيله أنها تعرفني اللي قدامي ، بنت صغيرها ، حاولت تعيش قصه حب بس فشلت ، لان اللي اختارته مكنش قد وعوده ، مكنش قد التزامه معاها ، شاب زي ده باين جدا أنه بيتسلي ، برغم من محاولات امها وانا أنها تبعد ، لكن وقفت قصادنا ، وهنا نحط مقوله الحب اعمي ، لكن الحقيقه الحب مش اعمي ، هو انت بس بتكون مغمي عينك ، بتشوف ساعتها لكنه بيبقي اختارها قلبك ، الحب لو كان بايد البشر مكنش حد وصل للي وصلوا ده ، وده يندرج ضمن ، أن لازم عشان اخش قصه حب لازم اكون ع استعداد تام للعلاقه بشريك حياه كويس ، ولازم نتقبل أخطاء بعض ، بس لو الأخطاء دي وصلت لكرامتنا نقول stop ، مينفعش اصلا الحب يجي ناحيه الكرامه ونقول عادي الحب مفهوش كرامه ، بالعكس الحب ف كرامه وعزه نفس ، عشان تقدروا انتوا الاتنين تكملوا باقي الطريق ، وغير كمان التقدير والاحترام المتبادل بينهما ، عشان كده الحب جميل مع ناس بيشبهوا طبعك وأسلوبك وشخصيتك ، وشبهك
معرفش عدا قد ايه من الوقت وانا بقلب ف الفون وبفكر ف حياه حد ميخصنيش ، لكن اللي اعرفه اني فعلا بشوفها صديقه ، زي ما هي شايفاني ليها صديق ، اصل مش هعرف افتح قلبي لحد لغير لما نكون انا وهي ف بيت واحد يمكن نصل لدرجه حب اللي هو التعلق ، لكن الحب الكافي لسه محدش هيوصلوا معايا لان قلبي هيفضل زي مهو لحد ما تيجي بنت الحلال اللي تستاهله ، لازم اكون نضيف ، متجيش هي تاخد بواقي ناس قبلها ، لا هي تيجي وتشوف القلب ده وتنغشش فيه براحتها
ـــــــــــــــــــــــــــــــــــــــــــــــــــــــــــــــــــــــــــــــــــ
ـ صباح الخير
ـ صباح النور
ـ عامل ايه ؟!
ـ الحمدلله بخير ، وانتي ؟!
ـ الحمدلله ، انا جايلي عريس انهارده الرؤيه ، ومتوتره جدا
ـ بجد الف مبروك
ـ الله يبارك فيك
ـ ايه تعرفيه بقي وكده ، ولا جاي صالونات
ـ لا جاي صالونات
ـ سألته عليه وطلع كويس
ـ لسه منعرفش ، بس هو جاي انهارده
ـ ربنا يكتبلك اللي ف الخير يارب
ـ امين يارب عقبالك
ـ امين يارب
ـ انا هقوم اجهز واجي اقولك اللي حصل
ـ خلاص ماشي
ــــــــــــــــــــــــــــــــــــــــــــــــــــــــــــــــــــــــ
( ف بيت منه ف اسكندريه )
ام الشاب ـ هي فين العروسه عايزين نشوفها
والده منه ـ حالا جايه ، يامنه
ام الشاب ـ بسم الله ماشاء الله ، جميله
منه باحراج وكسوف - تسلمي ياطنط
ابو منه ـ طيب هنسيب العرسان مع بعض شويه
منه كانت متوتره زياده عن اللزوم ف كانت باصه ف الأرض ، عكس سيد اللي كان باصص عليها ، ومنبهر بجمالها
ـ انا اسمي سيد
ـ اهلا وسهلا بيك
ـ اتفضلي لو عندك اسئله
ـ احم ، عندك كام سنه
ـ خليني اعرفك ع نفسي بسرعه مدام مكسوفه كده ، انا اسمي يستي سيد عندي 25 سنه خريج كليه تجاره جامعه القاهره ، بشتغل ف مصنع ملابس والحمدلله مرتاح ف جدا
ـ اهلا وسهلا بيك ، انا اسمي منه ع ما اظن عارف ، انا ف ثانوي تجاري ، وعندي 18 سنه
ـ العمر كله ليكي يارب
ـ تسلم
ـ طيب نقول مبروك ؟!
ـ ان شاء الله هيوصلك ردي مع بابا
ـ تمام ماشي عن اذنك
ـ اتفضل
مشيوا وانا دخلت بسرعه عشان الحق ابعت لاحمد ينقذني احمد المنقذ الوحيد ليا اللي بجري عليه ، غيرت هدومي ، ودخلت اغسل وشي ، وجيت عشان ابعت لاحمد مسدج لقيت مسدج مكنتش متوقعها خالص ، الرقم مش متسجل بس اعرفه وحافظه جدا
ـ عامله ايه يا منه ؟!